Zumbunulo6
1Ndizoke ndakabona Mwizana payaka hhula tjimwe tjezwizwino zwilikutondeka, ndakakowha tjimwe tjezwipuka zwina zwinotjila tjiti, “Ihha!” newhi linonga titima kwevula.2Ndakalinga abona mbizi njena, waka akayitanha waka akabhata wuta, wakakowamutjidziwa tjiyala, wakabhuda ekunda, eyenda enokunda.3Wakati ahhula tjizwino tjebubili, ndikawha tjipuka tjinotjila tjebubili tjiti “ihha!”4Kukabhuda imwe mbizi ilihabahaba kwazo, whoya waka akayitanha wakapiwa masimba kuti aduse kunyalala muhango yose, neyeta kuti banhu babulayane, wakapiwa bhangatjeke gulugulu.5Mwizana payakahhula tjizwino tjebutatu ndakawha tjipuka tjebutatu tjinotjila tjiti, “Ihha!” Ndikabona mbizi nhema mbeli kwangu, waka akayitanha waka akabhata tjiyelo muluboko gugwe.6Ndakawha kunga whi lipakati kwezwipuka zwina zwinotjila liti, “tjiyelo tjezwidlo tjowhotengwa nedinari , zwiyelo zwitatu zwebhali zowhotengwa nedinari, mafuta newayini musikupaladze!”7Mwizana yakati ihhula tjizwino tjobuna, awha whi letjipuka tjinotjila tjobuna liti “Ihha!”8Ndakabona mbizi yembala wakapanguka, na iwhoya waka akayitanha, zina lile waka eyi Lufu, Hhadesi yaka iwuntobela ilipedlo, zwikapiwa masimba pehhugwi kwelubabi gun'ompela gwembabi dzilina dzehango yose, kuti zwibulaye nebhangatjeke, nehhala, kakale nebugwele, nezwibanda zwemuhango.9Mwizana yakati yahhula tjizwino tjebuhanu ndakabona pasi kwetjibeso, meya dzayibabo bakabulayigwa dama leNdzimu nebusupi gwabaka bakabhatisisa.10Baka bedanilila newhi gulugulu beti, “Imwi He munamasimba, imwi, makayengemala, imwi wemalebeswa, kowhodzina kukaba lini musingatonge kakale musingabgwilizile bakatebula lopa ledu bagele muhango?”11Umwe newumwe wabo wakapiwa jila lefulefu jena bakabudziwa kuti banyaluluke kwelubakanyana, kuswikila bamwe babaka beli balanda nabo, nehama dzabo muna He, baka bewhobulawa sekwabakabulwa babulawa bose.12Ndakalinga ndikabona Mwizana ihhula tjizwino tjebutanhatu kukaba netengenyeka kwehango kukulukulu, hhuba likaba demadema sejila lesaka laka yetiwa nebukuse gwembudzi, mwedzi wose ukahanduka ukaba n'haba semalopa.13Nyenyedzi dzipehhugwi dzikawila pasi muhango, senkuyu uhahamula bana bawo bebupelo basakayibva hapa uzunguziwa nemhepo njinji,14kuhhuhhugwi kwakamila senhu epeta lukwalo, limwe nelimwe dombo netjimwe tjigwizi kwakadusiwa pabugalo gwako.15Bomambo behango, nabohe, nebatungamili bebagwi, bakafuma nebanamasimba, nebanhu bose, balanda nebakasununguka, bakabgwata mumakuwhu napakati kwehongwe dzematombo,16bakadanilila matombo nehongwe beti, “Mutiwile mutisumbike kubuso gwa iye ugele patjigalo tjobumambo, nekubuhongola gweMwizana,17ngobe hhuba gulu lebuhongola gwabo laswika, ndiyani unowhotubula ma mbeli kwalo?”
The Word for the World International