Ruth1
1g elweqθ n elHkum n elquDDay eθkan telle elmejaεeθ g elqeεεeθ, yexDem eryaz seg midden n biytleHm g yehuwδa y elqeεεeθ n muwab bac e yedder diyn nette d liwac-es d idrari-s lessen.2ykan ellesm-es eliymalek, w liwac-es nuεmiy, w idrari-s meHluwn d kelyuwn. w nihnin δ ifratiyyen seg biytleHm g yehuwδa, eδfen elqeεεeθ n muwab eεemren diyn.3yjaf eliymalek, eryaz n nuεmiy, teqqiym netteθ d idrari-s lessenniyn,4elli uγiyn sent δ elwacun timuwabiyyin, icθ ellesm-es εurfe w tissent raεuwθ, eεemren diyn εuddi εecre sniyn.5usiyn jafen iryazen lessen, meHluwn d kelyuwn, teqqiym nuεmiy menγiyr idrari-s d weryaz-es.6teεzem netteθ d teslaθ-in-es f weδwal seg elqeεεeθ n muwab εlexaTer tesle diyn elli rebbi ybarex g ecceεb-es yenεem fell-esen s weče.7teffeγ s teslaθ-in-es seg wemxan elli tkan δiy-s eTTefneθ ebriδ y elqeεεeθ n yehuwδa.8ten nuεmiy y teslaθ-in-es lessent-tiyn: «enniyγ kul icθ essiy-xmeθ, eθeδwel y elHuwc n yemmes, w rebbi exen-t-yeg elxiyr emmax i θegiymeθ elxiyr diy-ye w g elli jafen,9ysehlax-meθ g wafe n erraHeθ, kul icθ g elHuwc n weryaz-es.» usiyn kubneθ, ekkerneθ e tεeyyeĎneθ.10ennent-es: «la, nexs e neδwel iyδ-em y midden-em.»11ter fell-esneθ nuεmiy: «la eθifrax-iw, imette δ θeδwelmeθ iyδ-i? endre g teδiysθ-iw idrari xlaf bac e yeδwel kul icθ essiy-xmeθ γer-s eryaz?12eδwelmeθ e yessi y midden-exmeθ εlexaTer neč ekbare egget f weγe tikkelt xlaf, w Hette iδekan et-teεlakmeθ elli neč egedde eθaγe iDe eγδe idrari,13endre δ θrejameθ el δ ekebren? δ θbeTTelmeθ eγe? la eθifrax-iw, neč ettimeθHesserθ egget fell-exmeθ, εlexaTer afus n rebbi meεεač iyδ-i.»14εeyyeĎneθ xlaf, eθkub εurfe tewessarθ-es trewweH, emme raεuwθ teqqiym iyδ-es.15tenn-es tewessarθ-es: «enzi, teluwsθ-em teδwel y midden-es d eθrebb-is, eδwel Hette δ cem iyδ-es.»16ter fell-es raεuwθ: «e yeθmelg-ec f wedjam d uferq-em. neč meni e θexDmeδ cem δ xeDme w meni e θeεmreδ δ εemre, midden-em δ midden-iw w rebbi-m δ rebbi-w.17meni e θjafeδ ejafe e mmerδme diyn. w rebbi encalleh ey-yiHaseb kan bεeδe fell-em. w exen-yetferreq kan δ ejafi.»18max i t-tezre cadde eSHiyH ugg aδwel iyδ-es tbeTTel seg edwi.19usiyn exDemneθ lessent el δ eθeδefneθ biytleHm, erneθ elbalen-sneθ elwacun n temuwreθ elkul ennen: «muc θahen δ nuεmiy?»20tenn-asen: «y-eθ-nebim-c nuεmiy neba-miyδ murre, εlexaTer rebbi leqdiyr ymermδ-iyδ leHyaθ-iw.21max i fγe s yah γeri kul cey, yemenni ture yrejε-iyδ rebbi welγri Hette cey, max i θexsem ye-θsemmameθ nuεmiy, w eddunyeθ tuca-iyδ s elqfas εlexaTer rebbi leqdiyr yekkes-iyδ kul cey?»22w sahen teδwel nuεmiy d raεuwθ temuwabiθ, tesliyθ-es elli teδwel seg elqeεεeθ n muwab, eδefneθ biytleHm g ellewwel n eθmiyre n timzin.
Chutney Media Agency Limited