Ruth2
1nuεmiy ykan γer-s ensiyb seg eryaz-es, δemuγni seg elεciyreθ n ebiymalek ellesm-es buwεez.2ten raεuwθ temuwabiθ y nuεmiy: «edj-iyδ exeDme y ujiymi elayme tisbal δeffer elli yreqb-iyδ s tiT n erreHmeθ.» tenn-es: «berre e yelli.»3texDem taδef g ujiymi tebδe et-layem δeffer iHeSSaδen. beSSudfe ykan ejiymi-diyn δegli n buwεez,4max i yeδwel seg biytleHm, yen y iHeSSaδen: «rebbi y εin-kum.» erren fell-es: «e ybarex δiy-x rebbi.»5yen buwεez y weryaz elli ykellefθ s iHeSSaδen: «δ wiyn tefruwxθe?»6yer fell-es: «θahen ettefruwxθ temuwabiθ, teδwel d nuεmiy seg elqeεεeθ n muwab.7tuseδ ten, <edj-miyδ elayme tisbal δeffer iHeSSaδen.> w netteθ dahen seg talji el ture w el-terθaH kan qiqqi.»8elweqθ-es yen buwεez y raεuwθ: «esl e yelli, eθemerq-ec eθlaymeδ seg ejiymi xlaf tedjeδ ejimiye, eqqiym ettxeddamin-iw dahen.9meni emerqen δ emejren berre δeffer-ensen w neč enniyγ y ixeddamin-iw bac m-etqelqen-c. max e θeffuwδeδ berre esw seg tiqlal elli εebben-tent.»10tesjeδ s uδm-es y elqeεεeθ tenn-es: «imette treqqebδ-iyδ s tiT n erreHmeθ? w neč etteberraniθ!»11yer fell-es buwεez: «sliyγ s elli θegi-t elkul e tewessarθ-em beεεeδ ejafi n weryaz-em, w max i θedj-iδ daddem d yemmem d elqeεεeθ-em elli θemmarweδ δiy-s teseδ-eδ y midden en-tessina-c qebl.12rebbi erreb n israYiyl em-ixelleS g elli θegi-t. εlexaTer tuseδ-eδ bac e θeεgleδ seddu-wes.»13tenn-es: «yelitni eθeqqiymeδ diyme raDi felle, ya siydiy, εlexaTer treyHeδ uwl-iw s edwi-x, reγm elli meni-c seg tixeddemin-ex.»14max i yiweD elweqθ n weče yenne-yes buwεez: «est awi eγrum tneqεet g uwδi n uzemmuwr.» teqqiym tme n iHeSSaδen yuwc-es buwεez iyrδen emmeHrqen θeč el δ eθecbeε teHrez elli yeqqiym γer-s.15tekker δ θlayem yen buwεez y ixeddamin-es: «edjem-teθ eθlayem Hette seg lukδas w et-teεrxem-c,16ekkesm-es seg tisbal n lukδas tedjem-teθ eθlayem w et-gelbem-c.»17tlayem raεuwθ g ujiymi-diyn el tisemsiyn, teddi elli tlayem-t yeg εuddi tisniyθ ettimzin.18tqam timzin-diyn teδwel y temuwreθ tesxen y tewessarθ-es nuεmiy elli tlayem-t, tenzeγ tuwc-es eče elli yefDel-es beεεeδ i θeče g ujiymi.19tencet-teθ tewessarθ-es nuεmiy: «meni i θlayemeδ asse? w meni i θexδmeδ? rebbi e ybarex g elli yerHem-em.» tenn-es f elli texδem γer-s, tenn-es: «ellesm-es buwεez.»20tenn-es nuεmiy: «e ybarex δiy-s rebbi elli erreHmeθ-es etteggez f ihelli edderen d elli jafen.» usiyn tenna-yes xlaf: «eryaze δ ensiyb-enne, seg midden-enne.»21ten raεuwθ: «yenne-y-iyδ zade, <eθbeε iHeSSaδen el δ ekemlen seg emjar-iw elkul.>»22ten nuεmiy y tesliyθ-es raεuwθ: «eθefγeδ d tixeddamin-es e yelli, xiyr elli m-iqelleq elγir-es g ujiymi xlaf.»23teqqiym raεuwθ d tixeddamin n buwεez et-layem g tisbal el δ eθuqe θemiyre n timzin d iyrδen. teεmer ettewessarθ-es.
Chutney Media Agency Limited