Psalms121
1שִׁיר לַמַּעֲלוֹת אֶשָּׂא עֵינַי אֶל הֶהָרִים מֵאַיִן יָבֹא עֶזְרִי2עֶזְרִי מֵעִם יַהְוֶה עֹשֵׂה שָׁמַיִם וָאָרֶץ3אַל יִתֵּן לַמּוֹט רַגְלֶךָ אַל יָנוּם שֹׁמְרֶךָ4הִנֵּה לֹא יָנוּם וְלֹא יִישָׁן שׁוֹמֵר יִשְׂרָאֵל5יַהְוֶה שֹׁמְרֶךָ יַהְוֶה צִלְּךָ עַל יַד יְמִינֶךָ6יוֹמָם הַשֶּׁמֶשׁ לֹא יַכֶּכָּה וְיָרֵחַ בַּלָּיְלָה7יַהְוֶה יִשְׁמָרְךָ מִכָּל רָע יִשְׁמֹר אֶת נַפְשֶׁךָ8יַהְוֶה יִשְׁמָר צֵאתְךָ וּבוֹאֶךָ מֵעַתָּה וְעַד עוֹלָם {פ}
Stephen L. Brown