Psalms122
1שִׁיר הַמַּעֲלוֹת לְדָוִד שָׂמַחְתִּי בְּאֹמְרִים לִי בֵּית יַהְוֶה נֵלֵךְ2עֹמְדוֹת הָיוּ רַגְלֵינוּ בִּשְׁעָרַיִךְ יְרוּשָׁלֵם3יְרוּשָׁלֵם הַבְּנוּיָה כְּעִיר שֶׁחֻבְּרָה לָּהּ יַחְדָּו4שֶׁשָּׁם עָלוּ שְׁבָטִים שִׁבְטֵי יָהּ עֵדוּת לְיִשְׂרָאֵל לְהֹדוֹת לְשֵׁם יַהְוֶה5כִּי שָׁמָּה יָשְׁבוּ כִסְאוֹת לְמִשְׁפָּט כִּסְאוֹת לְבֵית דָּוִד6שַׁאֲלוּ שְׁלוֹם יְרוּשָׁלֵם יִשְׁלָיוּ אֹהֲבָיִךְ7יְהִי שָׁלוֹם בְּחֵילֵךְ שַׁלְוָה בְּאַרְמְנוֹתָיִךְ8לְמַעַן אַחַי וְרֵעָי אֲדַבְּרָה נָּא שָׁלוֹם בָּךְ9לְמַעַן בֵּית יַהְוֶה אֱלֹהֵינוּ אֲבַקְשָׁה טוֹב לָךְ {פ}
Stephen L. Brown