Faarotikaa Maxaafa109

Rakkote'n Hedheeke Manjiinxa Waaka

Faarsaaleeyyetike Sooresi'a Daawwitixxa Faaro

1Anke galatixxe muumme kaddeeteke Magenoo!Sammi hitoxxe'e.2Fuggaaleessi manni, dharaameeyyeafo'o ane'ni fulchexxe'een;dharikinna ane'n haassoneen.3Fuggoxxenni ane'ni gumme'etola boddichchanga anee lolle miine.4Eeyyenne galata eeyyannakiir anke diina kade;ani kinni insa'ne'aa soodataannen.5Eloxxixxa bado fuggoxxa,insa'nee eeyyennaxxee jibbaani'a bado hiissinaan.6Fuggichcha manjo iso'ni ke'issi;iso'o ku'laakanna middake'n uurrisi.7Songo giddo moromaa woddanna balleessa iso'ni afendo'o;soodataaxxi soodachchonna isi'a cubbote kado'o.8Bari isiki haru'moo;baallooma isikanna weli adhdhowwaal.9Oose isixxi anni belo gattowwaal;are isixxinna hiyyeette, aro'o affebaaxxxe kaddowwaal.10Oose isixxi doonsa kiyya hitaaxxe kadhatto kaddowwaal;he'nammake horonqa minenaa'ninna shorremmowwaal.11Horateechchi duuchchi liqakee'e adhdhemowwal;elo'e alfeechcho duuchchanna alagi adhdhowwaali.12Ayyinna isi'a o'woqqe'e;oose isixxa anni reyeemmaxxee'e mararaak hedhoqqe'e.13Horte isixxi muddowwaal;summi insa'neekinna insa'ne udumixxe ila'ni ba'owwaal.14Duuchchi Woddike Gootti edike isike annuwwixxa cubbo hedowwaal,isixxe amaxxa cubbonna ise'aa gattowwaal hiyyoqqe'e.15Buttate'n haranga dedhemme gantaashshaDuuchchi Woddiki Gootti cubbo insa'neexxa duuchchii wodda qaabbattowwaal.
16Iikki manjichchi eloxxa huje hajatee haranga hedeemabaan;hiyyeesa, rakkichchakanna cuqurto'eeka manna shorrisha'n shiyaaman.17Isi bada eeyya'neemmaxxe'e isinna badinemeeke kaddowwaal;isi eebba gibaammaxxeeisoonna eebbisaak manji afeemmoqqe'e.18Isi yowwichcho seematishsha oddo'ween;kunni yowwichchi wodi'iinsha isike giddike bisi giddi'aannazayitetishsha isike micci giddi'a e'yowwaal.19Abbo, yowwichcho ifi'n oddo'waammaxxe oddoononnaduuchchii wodda hidhake'n ka'laammaxxe mixe isi'a kadowwaal.20Tinni duuchchi abbo, ane diinaakeeri'alubbo anxee'e fuggoxxa haaso'aakeeri'aDuuchchi Woddik Gootti uwwaake hira kadowwaal.21Ee, Dada Duuchchike Duuchchi Woddike Goottaasumma atike'ee eloxxenni anee uudi;atixxi jaalalanna eloxxe kaddeemmaxxee anee anjir.22Ani hiyyeessakenna rakkichchake kadeennaxxeeanxi hedho giddo madoote'een.23Ani galgalixxe gaaddiddoshsha sa'aa shiqeennen,awwaanessiinshanna hargufeme'eennen.24Agabo goddo hedhatenaa'n kexxeexxa gulub anee gilgile;bisi ankinna huqqate bululo'e.25Naaphakee gaciffachchotike kadenneni;anee afaa woddanna umo ane'n le'misaan.26Ee, Duuchchi Woddike Gootta anke Magenoo anee gargaar;atixxe jaalalaxxee'e anee anjir.27Ee, Duuchchi Woddike Goottaa anga atixxi tennee aassite'eexxaatinna tennee muuxe'eetexxa egennowwaal.28Insa'ne bandaan;ati kinni eebbisatton;ane'n ke'aakiir salphataan;garbichchi atik ani kinni gammadannon.29Diini ank shooko oddo'wowwaal;salphinnekanna hana fugatowwaal.
30Afo'o ankenni Duuchchi Woddika Gootta lummisee galateeffataannen;heddo ardi giddonna isoo saadannon.31Tinni kaddeechchi isoo shiyo'a qophpheefateeke mannixxe anganaa'ni anjiro'aaisi rakkichchiinke midda'n uurraani.

The Word for the World International

https://app.library.bible/content/2b894378475c6aea