Faarotikaa Maxaafa110
Duuchchi Woddik Gootti Fi'leeka Moyanjo
Daawwitixxa Faaro
1Duuchchi Woddik Gootti anka goottaa«Atika naapha atixxe lekkake hirbi hunda sa'isano qico'nanke midda'n offo'l» hiyye.2Duuchchi Woddik Gootti atixxa hunnaameete siqqichchoTsiyoonibaa'n gadhi'a ba'lsaan;atinna naapha atiki giddo hexxee'e moottatton.3Bagedokee fuldattoxxa barraatik loliink manni feedhii ifixxenni ifi ati'a uwwaan;soodimariinke gadaammeesanaa'n woyyichchi gaachchanninni ulfaate'edargageessumma atixxika haanjine fixeesiinsha adhitatton.4«Ati Malketsedeeqike qeesummatike seerishshaduuchchii woddi'a qeeseten» hiyyeexxi Duuchchii Woddik Gootti kakate'een;isi yaada ifika jijjiirabaan.5Dada Duuchchik Gootti atike midda'n hedheen;isixxe mufexxa barranna moyanjuwwa bulleessaan.6Isi gosa gosake arda'n muraan;bogi bogike umo kade'eemakaara bulleesseexxi renshange'n rensha lebaan.7Orii qarqara hexxeexxe muummenaa'n wode'e ha'waan;tennexxee dhanca'ee me'aan.The Word for the World International