Isaíasi16
Haramudagun lílana Moabü uburugu Hudá
1Óunahatiña lábutigu fulasu mudún Selaagiñe le fulasurugubei mageirawati, darí luagun wübü Sión.2Ítara haña lílana Moabü luagu lémeri Arünón kei dunuru éibaawaguagüdütiña lídangiñe hamasa.3Hariñaga lun Sión: «Aransehabá lun baramuduniwa, bageindagua waweigiñe. Tulebei bamuñadina amidirugu kamá hamuga áriebu; ruba muna houn ha anurahabaña.4Ígiraba lun haramudagun anurahatiña Moábüna bidan, aramudabaña luéi le álugubei lagünrinchaguniña».Danme lagumuchun hibihin lidere dan, sügǘ ligíame günringuaü, danme ñǘdünhali le ebelurubei lau lere fulasurugugiñe,5lárügüdübei aban ladügawagun Dawidi arúeihani, arúeihani le derebuguti lau areini. Ábanbei aguseragüdüti le úaraguati ligía, líchugubei irichaü lun le garichabei.6Subudi wamuti lanarime lupantan Moabü, lanaagun lungua luma lanarimegu, luma burí lumalan lererun.7Ligía hayahuba lubéi sun lílana Moabü luagu hanechanin; hasandiruba igarigu lidan hadiheri hawagu lílana Kirü-aresetü.8Saüha tídibu burí beibei to Esübónboun luma Sibümá, günringua hamá lílana néchani. Chülüti meha burí tilimun chülǘ Haserü, sügǘ luéigiñe fulasu mageirawati, chülǘ yagürounmeme luéi barana.9Ligía nayahuba lubéi tuagu beibei-agei to lani Sibümá, kéigubeirügü luagu Haserü, ayahua au luagu Esübón luma Elalé, lugundun luagun le alubahóubei bídangiñe lábürüha agúarahani lánina wuribu.10Lagumuchuba ugundani luma areini áraabu; úaalime laguarahóun lau ugundani, ni eremuhani beibei-ágeirugu, machuinrúnharume giñe beibei lun lasagarun diwéin tídangiñe. Gumugua agúarahani.11Hingiguatu nanigi kei aban árüpa luagu Moabü luma luagu Kirü-aresetü.12Íbini lidin Moabü luagu burí wübü, lun layumuragun ñein darí labuchadun luagu, íbini lidin afurieida litenpulunrugu, madaribei ni kata.13Anihán burí dimurei le lariñagubei Wabureme luagu Moabü lúmagiñe binarü.14Guentó, lariñahare Wabureme:
«Ǘrüwa irumu lárigiñe le, kei labahüdüni aban nadagimeinti le awinwandubei lídangiñe lafayeiruaha, lanügüba luéirigun Moabü kei ni kata, lau sun hibe gürigia ñein; biánraürügübaña eredera, ha méretiña».
Bible Society of Honduras