Afilipi4
1Nchimwecho abale wanga, nikukondani nikhumbila kupunda kukuonani anyiimwe muli chikondi changa ni mbhaso yanga, chimwechi ndeumo mfunika kukhala nganganga ni Ambuye anyiimwe nikukondani.2Nialilila Euodia ni Sintike, nikupembhani mgwilizane ngati abale mwa Ambuye.3Yeetu nikupembhanjho, iwe wakulupila kwatangatila wachikazi anyiyawa ainjili pamojhi niine, Kilimenti ni atumiki anjanga winanjho, anyiyawo mayina yawo yalembedwa muchikalakala cha umoyo.4Chimwemwe chanu mwa Ambuye kwambili. Nikamba muchimwemwe!5Upole wanu ujhiwike ni wandhu onjhe. Ambuye ali pafupi.6Msadachita mandha pa chindhu chalichonjhe, nambho pa kila chindhu, pa kwapembha Mnungu mwa mayamiko, ni mapembhelo yanu siya jhuwike.7Ni mtendele wa Amnungu, upitilila njelu zonjhe, zikusungeni mitima yanu, ni njelu zanu, mwa Kilisito Yesu.8Potela mpenye vindhu vazene, ni yamate, yavomeleka, yaelecheka, yakhadwa ni yaulemu.9Vindhu vonjhe mwajiyaluza kwanga kapina kuyalandila kapina kuyavela kapina kuyaona, yachiteni yameneyo. Ni Mnungu watupacha mtendele siwakhale pamojhi nianyiimwe.10Nili nichimwemwe kupunda mwa Ambuye, nchimwecho mwayambanjho kunitumikla, zene mwayamba kuniganizila, nambho simudapheze kuchita chimwecho11Sinikamba nchimwechi ndande nifuna iyayi, pakuti nilizika kwa umo siikhalile.12Nijhiwa umo ikhalila pajha ukhala opande kandhu, ni ukakhala ni kandhu, najiyaluza nikhale nacho, kapina nikhale ni njala, chikhale chambili, kapina chochepekela.13Nikhoza kuchita vindhu vonjhe mwa iye wanipacha mbhavu.14Atamchimwecho, anyiimwe mwachita bwino kugwilizana mwa mavuto yanga.15Ata anyiimwe Afilipi mujhiwa mmayambo mwo lalikila Injili pajha nimaachoka ku Makedonia palibe wandhu okhulupilila wina adanithangatila kuusu kuchocha ni kulandila ila anyiimwe mweka.16Pakuti ata kujha ku Selonike mdani pacha mtandizo mala kambili.17Osati nikhumbila ijha mbhaso, nambho nikhumbila mbhaso ichuluke kwanu.18Nalandila kila kandhu, kupitila Epafulodito nambho vachulukila, nalandila kwa Epafulodito vindhu vachoka kwanu, ndalama ni Mnungu avivomela.19Ni Mnungu wanga siakupacheni kila icho mufuna, kwa umo ali Opata mwa ufulu, wa Kilisito Yesu.20Chipano wakwezedwe Mnungu ni Atate muya ni muyaya ikhale chimwecho.21Muni lonjelele aikidwa kwa kulalikila Uthenga Wabwino wa Kilisito. Abale ali pamojhi niine akulonjelani.22Ulonjeledwa ni aikidwa kwa njhito asa anyiwajha a nyumba ya chifumu ya Kaisali.23Mwachitilidwa ubwino wa Ambuye Yesu Kilisito pamojhi ni mzimu wanu.
The Word for the World International