Ruth4
1एकर बाद, बोअज बैतलहम शहर के द्वार के भीतरे ऊ जगह पर गेलन जहाँ लोग अपन आधिकारिक कारोबारी काम काज करऽ हलन। ऊ ऊहाँ जा के बैठ गेलन। पहिले से, ही ऊ छोड़ावे वाला रिश्तेदार जेकर बखान बोअज कईलन हलऽ, साथे अईलन। बोअज ओकरा नाम लेके बोलैलन, आउर कहलन कि “इधर आवऽ आउर बइठ जा।” तऽ ऊ आदमी ऊहाँ जा के बईठ गेलन। 2बोअज फिन शहर के दसगो इज्जतदार पुरनियन के ओकरा जमा कईलन आउर ओखनी से कहलन “कृपया ईहाँ बइठ जईतन ताकि तोहनी सभे हमर बातचीत के गवाह बन सकबऽ”। तऽ ओखनी बईठ गेलन।3तऽ बोअज अपन छोड़ावे वाला लोग से कहलन, “का तूँ जानऽ हलऽ कि ऊ खेत जे हमर रिश्तेदार एलीमेलेक जे मर गेलन? नाओमी जे अखनी हाल ही में मोआब से लौटलन हे ओकरा बेच रहलन हे?”4हम सोचली कि हमरा तोहनी के बतावे के चाही ताकि तूँ ईहाँ ई पुरनियन लोगवन के सामने जे गवाह बने ला तैयार होलन हे ओकर हक ले सकऽ। जदि तूँ ओकरा परिवार में खरीदे ला चाहऽ हऽ, तऽ अईसन करऽ। बाकि तूँ ओकरा छोड़ावे ला नऽ चाहऽ हऽ, तऽ हमरा बताबऽ, काहेकि तूँ एलीमेलेक के नजदीकी परिवार हऽ, आउर तोर बाद अगला हम ही। आदमी जबाब देलक, “हम एकरा ले लेम!”5तऽ बोअज उनका से कहलन, “जखनी तूँ नाओमी से जमीन खरीदऽ हऽ तऽ तोरा रुत से बियाह करे पड़त, मोआब से हमनी के परिवार के विधवा, ताकि ओकर बेटा हो सकत जे सम्पति के उत्तराधिकारी होत आउर उनकर मरल पति के नाम के चलते रख सकतन।”6तऽ छोड़ावे वाला कुटुम्ब कहलन, “तऽ हम ओकरा वापस नऽ खरीद सकम। जदि हम अईसन कईली, हम अपन बेटा के विरासत के बर्बाद कर देम। तूँ हमरा जगह खेत लागी आउर ऊ औरत लागी जबाबदेह हो सकलऽ हे, हम एकरा नऽ कर सकऽ ही।”7ऊ घड़ी, इस्राएल में ई रिवाज हल कि, जब दूगो आदमी आपस में कुछ भी छोड़ावे आउर अदला-बदली करे ला सहमत होवऽ हलन, तऽ एगो आदमी अपन एगो चप्पल उतार के दूसरा आदमी के दे हलन। ई रसम हलऽ जेकरा से ओखनी इस्राएल में लेन-देन के हिसाब पूरा करऽ हलन।8येहिगुने छोड़ावे वाला कुटुम्ब बोअज से कहलन, “तूँ खुद ही जमीन खरीद लऽ!” आउर ऊ अपन एगो चप्पल उतारलन आउर बोअज के देलन। 9तऽ बोअज पुरनियन लोगवन आउर दूसरा सभे लोग से जे ऊहाँ पर हलन कहलन, “आज सभे देख लेलन हे कि हम एलीमेलेक, महलोन आउर किल्योन के सभे धन दौलत नाओमी से कीन लेली हे।10हम महलोन के विधवा मोआबी औरत रुत के भी अपन मेहरारू होवेला ले रहली हे। ई, ई क्रम में हे कि ऊ बेटा के जनम दे सकत जे कि महलोन के बेटा समझल जाई। ऊ दौलत के उत्तराधिकारी होतन आउर परिवार के नाम अपने परिवारवन के बीच में आउर ईहाँ अपन बैतलहम शहर में चालू रखतन। आज तोहनी ई बतियन देख लेलऽ हे, आउर सुन लेलऽ हे, आउर कोई के भी जे उनका बारे में पूछऽ हथन बता सकलऽ हे।”11सभे पुरनियन लोगवन आउर दूसरा लोग जे नगरद्वार पर बईठल हलन, सहमत होलन आउर कहलन, “हाँ, हमनी देखली हे आउर सुनली हे। हम प्रार्थना करऽ ही कि यहोवा ई औरत के इजाजत देतन, जे तोर घर में अईतन, ऊ राहेल आउर लिआ के जईसन बनईतन, जिनखनी हमनी के पूरखन के जनम के देलन आउर इस्राएल के घराना के शुरू कईलन। हमर इच्छा हे हमरा आशा हे कि तूँ एप्राता के वंश में सम्पन्न होवऽ आउर ईहाँ बैतलहम में मशहूर हो जईबऽ।” 12हम प्रार्थना करऽ ही तोर परिवार आउर तोर पूरखा पेरेस, तामर आउर यहूदा के बेटा के परिवार के जईसन हो जईतन, “ऊ वंशवन के कारण जे यहोवा तोरा आउर ई जवान औरत के देतन।” 13तऽ बोअज रुत के अपन मेहरारू बनईलन आउर ओकरा भीर गेलन। यहोवा ओकरा गर्भवती होवे में सक्षम बनईलन, आउर ऊ एगो बेटा के जनम देलक।14उनकर जनम के बाद, बैतलहम शहर के औरतियन नाओमी से कहलन, “यहोवा के स्तुति करऽ! अखनी ऊ तोरा एगो छोड़ावे वाला कुटुम्ब देलन हे, जे तोर परिवार के रक्षा करतन। हमर इच्छा हे कि समूचे इस्राएल भर में लोग उनकर नाम जानतन।”15तोर बहू, जे तोरा से प्रेम करऽ हथन, आउर जदि तोरा सातगो बेटा भी होत तऽ ओकरा से बेहतर हे, ऊ ओकरा जनम देलन हे। “येहिगुने, ऊ तोरा फिन से जवान महसूस करईतन, आउर जब तूँ बूढ़ी हो जईबऽ, तइयो ऊ तोरा ध्यान रखतन।”16तऽ नाओमी लइका के उठईलन आउर ओकरा कस के पकड़लन आउर ओकरा ला दोसरा माय बन गेलन। 17अगल-बगल में रहे वालन औरतियन कहलक, “अईसन लगऽ हे कि नाओमी के पास एगो बेटा हे!” आउर ओखनी ओकरा ओबेद नाम देलन। बाद में, ओबेद यिशै के पिता होलन, जे दाऊद के दादा हलन।18पेरेस के वंशजवन ई तरह हे: पेरेस के बेटा हेस्रोन हल।19हेस्रोन के बेटा राम हल। राम के बेटा अम्मीनादाब हल।20अम्मीनादाब के बेटा नहशोन हल। नहशोन के बेटा सल्मोन हल।21सल्मोन के बेटा बोअज हल। बोअज के बेटा ओबेद हल।22ओबेद के बेटा यिशै हल। यिशै के बेटा दाऊद हलन।
Bridge Connectivity Solutions Pvt. Ltd.