BaRoma14
1Wamutjilani nhu usakasima mukugalamoyo, musi kakabadzane naye nekwekumbula kukwe.2Umwe nhu unogalamoyo kuti angadla tjimwe netjimwe, koga nhu unyolonyolo mukugalamoyo unodla milibo koga.3Iwhoyo unodla asilingile pasi usingadle, nayiwhoyo usingadle asibone nlandu unodla; ngobe Ndzimu wawuwamutjila.4Uyani iwe kuti ungabona nlandu nlanda wewumwe? Ndimbeli kwaBatezi babe koga kwaangama kene kwaangawa. Unowhoma; ngobe Batezi banamasimba ekuti ame.5Umwe unokudza hhuba lin'ompela kupinda amwe mahhuba, koga kuwumwe ose mahhuba akalizana. Umwe newumwe ngaagutshikane munkumbulo uwe.6Iwhoyo unokudza hhuba lin'ompela, unoyetila He. Nayiwhoyo unodla, unodlila He, ngobe eboka Ndzimu; nayiwhoyo usingadle, unoba esingadlile He, kakale eboka Ndzimu.7Akuna pakati kwedu unozwitjilila, kakale akuna unozwifila.8Hapa titjila, totjilila He; kakale hapa tifa, tofila He, ndizo kene totjila kene tofa, tibanhu baHe.9Ngentha yayikoku Khirisitu wakafa akabampenyu kakale, kuyetila kuti abe He webakafa nebapenyu.10Notongelani hama iyo? Kene, ngentha yeni ulingila pasi hama iyo? Ngobe toseni towhoma mbeli kwetjigalo tjetonga tjeNdzimu.11Ngobe kwaka kwagwa kuti,“Malebeswa ose hapa nditjila, kujalo He,tjose tjibvi tjowhopfigamila imi,kakale lulimi gose gowholumbidza Ndzimu.”12Ndizo ke, umwe newumwe unowhozwihandulila kuNdzimu.13Ndizo ke, ayiletjeni gala titongana, koga ibani netjisungo tjekuti musitongosa tjimwe muzila tjingakunha kene tjingadzinganyidza gamu ledu.14Ndoziba, kakale ndinalebeswa muna He Yesu, kuti akuna tjina hambgwa nekwatjo; koga tjina hambgwa kuna iwhoyo unokumbula kuti tjina hambgwa.15Hapa gamu lilo likubadziwa netjawunodla, awutjatjila muludo. Usipaladze gamu lilo lakafigwa ndiKhirisitu ngetjawunodla.16Usiyete kuti tjakanaka tjitjo tjilebgwe zwakayipa.17Ngobe bumambo gweNdzimu agutedla nen'wa, koga indulamo nekunyalala nehanha muMeya Yakayengemala.18Iwhoyo unohingila Khirisitu nayeyi zila unowamutjilika kuNdzimu, kakale uno bvumikala kubanhu.19Atiyemuleni zwinhu zwinohhisa kunyalala nezwinhu zwinotitjidza pakubakana kwedu.20Musipaladze n'hingo weNdzimu nentha yezodliwa. Zose zodliwa zwibuyanana; koga akuzotambunuka kuti nhu ayete kuti bamwe bakunhiwe ngentha yetjaanodla.21Kwakatambunuka kuti usidle nyama kene usin'we wayini, kene kuti usithame kene ini tjinoyeta kuti gamu lilo likunhiwe.22Galamoyo kwawunako ngakube pakati kuko neNdzimu. Unakuhanha iye usingazwibone nlandu muna tjaanothama etjibona tjakatambunuka.23Koga iye unozeyeza, unowan'wa nlandu hapa edla, ngobe unoba esina kugalamoyo; tjimwe netjimwe tjisingabve mukugalamoyo ijinyo.
The Word for the World International