BaRoma13
1Wose nhu ngaabe pasi kwesimba lebutungamili gupehhugwi kukwe, ngobe akuna butungamili kuhhe kwegunobva kuNdzimu; kakale igogo guyapo gwakahagwa ndiNdzimu.2Ndizo ke, kene yani unomilana nebutungamili, unomilana netjakahagwa ndiNdzimu, kakale ibabo banomilana nago banowhotongewa.3Ngobe batungamili abatohlisa kubakalulama, banohlisa kuna banothama zwakayipa. Ngono awusingahake hla butungamili thama tjakalulama, gowhokulumbidza,4ngobe ntungamili un'hingi weNdzimu unohingila kuti kukululamile. Koga hapa uthama tjakayipa, ihla; ngobe simba lelanga lebutungamili lohinga; ngobe gun'hingi weNdzimu, unolanga batjinyi.5Ndizo umwe newumwe wakafanila ba pasi kwenlayo, kusi ngentha yekuti angalangiwa koga, koga nangentha yehana.6Ndizo nentha yayikoku lipani luketo; ngobe batungamili bahingi beNdzimu, banohinga n'hingo wabo lubaka gose.7Lipani kose kwakafanila lipiwa, lipani luketo kubaketisi, ibani nemazwibhato kuna ibabo bamubugalo gweyetigwa mazwibhato, lemekedzani ibabo bamubugalo gwelemekedzewa.8Musibe nenlandu kuwumwe nhu, kuhhe kwekuti makafanila ba neludo umwe kuwumwe; ngobe iye unoda umwe wahhadzisa nlayo.9Milayo inoti, “Usite bupombgwe; Usibulaye; Usiswade ; Usitjibe,” nekene wupi umwe nlayo, yakahanganyiwa mudama yeli, “Ida mbakidzani uwo nezila yawunozwida ndiyo.”10Ludo agutota tjakayipa kumbakidzani; ndizo ke, da whuhhadzisa nlayo.11Mukuthameni ikoku, muziba kuti kwatjibe gupi lubaka, kwatjibe lubaka gwekuti mumuke muwhope, ngobe tjidziwa kwatjibe pedlo naswi ngwenu kupinda titanga galamoyo;12busiku gweepela, tjedza tjabepedlo, atitjisiyani ke mihingo yemuhhalima, timbale zwiyambalo zwengwa zwetjedza;13ayitjileni nezila yakatambunuka, sebanhu banotjila masikati; kusina hanhisa mibili kose nelaladza, kusina bupombgwe nesazwibhata, kusina kakabadzana kose nefupa.14Mbalani He Yesu Khirisitu, musibvumile mbili ukayeta njemulo dzawo.
The Word for the World International