য়হুন্না20
1আইতাবারে হাপকুংসো হোহোই দাংনুওয়া মরিয়োম মগদিলিনিহা ইশুকো সিপুওয়া জুপা এওয়া তাম্যইতা হোয়ে। আকুহা তোম্যইতা দেকানুওয়া লুংটুই ওয়েংপাপুনতেওয়া তিংয়ে।2ই তিংনুওয়া আকুহা ঠুইপুমসা লাকাপুয়ে। আসা সিমোন পত্রস আসা ইশুকো জেজেংপা জোওয়া য়োংতোংহিং জাংয়ায়ে, “আবিহা য়োংকো প্রভুহিংয়া তোম্যইসো নোপামসা পুরাচামকো! আদো হাংতা পুরামসা এমি নিমে কাবিহা মেগেতো।”3আত্রংহা পত্রস আসা আকু দোসরা য়োংতোংহা তাত্রিংপা তোম্যইতা ঠুইপুয়ে।4ঠুইওয়া ঠুইওয়া কোকোইত্তা আকু দোসরা য়োংতোংহা পত্রসরোমা নাগাই তোম্যইতা দেকায়ে।5আকুহা নুউমসা নাপো তাম্যইতা কাংনুওয়া লোংগু মেংচে তিংয়ে, আদো আকুহা তাম্যইকো নাপোতা মোহোতো।6নুনুই ওয়াংপাওয়া সিমোন পত্রসহা তোম্যইকো নাপোতা চোইপা হোয়ে। আকুরে লোংগু মেংচে তিংয়ে।7আসা পোরোতা মেরোইওয়া আংদুংহা ইচো জায়গাতা টামসা এওয়া নিমি।8আত্রংহা নাগাইকো দেয়োংওয়া দোসরা য়োংতোংরে তোম্যইকো নাপোতা হোয়ে। ই তাংসা নুওয়াং তিংমসা আকুহা ইশু ঙারোয়ুং তামসা দেংয়ে।9(তাংজিকো হিগাতা জাংমি ত্যাবাপা ইশুহা সিপুওয়াসো ঙারোনেরোওয়া। আদো আবিহা ই নুওয়াংহিংয়া নেচোইপা মোকোইয়াংমি।)10আকো নোইতা আকু নিহসো য়োংতোংবিহা সাতা লাকাপুয়ে।11আকো নোইতা মরিয়োমহা তোম্যইকো বাইরেতা জামসা কাইদিংমি আসা লিতা নুমসা তাম্যইতা ন্যইনুওয়া12ইশুকো সিপুওয়া জুপা এওয়া জায়গাতাহা আকুহা হাংপাওয়া আংদুং লুওয়া নিহসো লোডিংবাকো পোইংহিং ইচোহা ইশুকো পোরো কাটুসো আসা ইচোহা কোকোই কাটুসো গাদিংওয়া তিংয়ে।13আবিহা মরিয়োমহিং উইয়ে, “নাতিহা হাংপা কাইদিংগা?”
আকুহা জাংয়ে,
“আবিহা কুং প্রভুহিংয়া পুরাচায়ো, আদো আকুহিংয়া হাংতা এমি নিমে কা মেগেতো।”14এসে জাংপুনতেনুকো নোইতাহা হুরামসা কাংনুওয়া আকুহা ইশুহিংয়া তাইকো নুনুইসো জাদিংওয়া তিংয়ো। আদো ইশুরাংগা তামসা আকুহা নাইমক্যইতো।15ইশুহা আকুহিংয়া উইয়ে, “ও মেমে, হাংপা কাইমগা? নাতিহা হাংসুহিং মোদিংগা?”
মরিয়োমহা আকুহিংয়া দুংরাইতা কাম জোওয়া মালি তাওয়া দিংঙা নোমসারাং জাংয়ে, “উটকেওয়া, নাতিহা ইশুহিংয়া ইসো পুরাচামি নিনাহা জাংপুই, নাতিহা হাংতা এমি নিংগা, কা হোমসা সিপুওয়া জুপাহিংয়া পুচারোওয়া।”16ইশুহা জাংয়ো, “ও মরিয়োম!”
ইশুকো ক্যা হিংমসা মরিয়োমহা নুনুই ল্যামসা আকুহিংয়া হিব্রু ক্যাতা “রব্বোনি!” তামসা মোউয়ে, ই জাংওয়াহা “উটকেওয়া!”17ইশুহা জাংয়ে, “কাহিংয়া মুসুঘ্যই, হাংপাতানাহা কা নেচোইপা আপাকোতা মোহোয়াংতো। এবিকোতা হোমসা কুং আপা আসা নাবিকো আপা, কুং সেংজা আসা নাবিকো সেংজাকোতা কা হোদাংয়ো তামসা জাংপি।”18আত্রংহা মরিয়োম মগদিলিহা য়োংতোংবিকোতা হোমসা প্রভুহিং তিংওয়া আসা আকো জাংওয়া নুওয়াংবিহা আবি তাংসাহিং ল্যাকায়ে।19আকু আইতাবারেকো জিরুং য়োংতোংবিহা য়হুদি মাটাবিকোসো চুসুংওয়াকো সোতা লাপুং গিমসা গাসুদিংমি। আত্রংরাং ইশুহা একবিরি আবিকো প্যাকোতা তিংয়ায়ে আসা জাংয়ে, “নাবিহিং তিমেপা জিংকো!”20আসা ইশুহা আপনিকো খুই আসা ফেমা তিংপায়ে। প্রভুহিং তিংনুওয়া আকু য়োংতোংবিহা সিওপারাং গাগ্রুসুয়ে।21ইশুহা ন্যাসারাং জাংয়ে, “নাবিহিং তিমেপা জিংকো! হেপা কাহিং কুং আপা নিংপুমে, এপারাং কা নাবিহিংনে নিংপুরোওয়া।”22আকো নোইতা আকুহা আবিকো তোইতা মুইয়ে আসা জাংয়ে, “এই, পবিত্র লাংবে য়ুচা।23হাংসুকো পাপহিং নাবি ছমা জোপি, আবিহিংয়া ছমা জিংরোওয়া, আদো হাংসুকো পাপ নাবি ছমা মোজো, নাবিরে ছমা মোমুংচারোওয়া।”24ইশু য়োংতোংবিকো প্যাকোতা ওয়াংনুওয়া বার্চো য়োংতোংবিতাহা জুমলেহা তাওয়া থোমাহা আউতা মোতোমি।25দোসরা য়োংতোংবিহা আকুহিংয়া “কাবিহা প্রভুহিং তিংয়ো” তামসা ল্যাসুয়ে।
আদো থোমাহা জাংয়ে, “হাত্রং চোইপা কা আপনিরাং আকো খুইতা কাঁটিকো হোইংব্যই মাতিং, আসা আপনিকো ক্রোইসোরাং হোইংব্যইতা মাসু আসা কুং খুইসো আকো হোরাতা মামেং, আত্রং চোইপা কা মাদেংরোওয়া!”26আকো নোইকো ইয়্যাইতাহা য়োংতোংবিহা ন্যাসারাং সাকো লাপুং গিমসা গাসুদিংমি নিমি। আত্রংহা থোমারে আবিহিংপারাং নিমি। লাপুং গিদিংনুরাং ইশুহা আবিকো প্যাকোতা ওয়াংমসা জাংয়ে, “নাবিহিংয়া তিমেপা জিংকো!”27থোমাহিং আপনিকো খুই তিংপামসা আকুহা জাংয়ে, “ইতা কাং, নাকো ক্র্যইসো কুং খুইতা সু আসা কুং ফেমাতা মেং! মাদেংমেপা মোজো, আদো দেংকো জো।”28আত্রংরাং থোমাহা “ও কুং প্রভু, কুং সেংজা!” তামসা জাংয়ে।29ইশুহা আকুহিংয়া জাংয়ে, “থোমা, নাতিহা কাহিং তিংমসা দেংমি নিও, আদো মাতিংপা দেংবিহা তাংসা আশিষিত জিংকো।”30ই হিগাতাহা মালাওয়া উইসে দোসরা সেবি আসা কামবিরে ইশুহা য়োংতোংবিকো প্যাকোতা জোয়ে।31আদো নাবিহা ইশুহা মুক্তি পিচাওয়া সেংজাকো সেকেংত্যাওয়া খ্রীষ্ট আসা সেংজাকো চেংওয়াগা তামসা দেংকো জো, তামসা লামগা। আকোতা দেংমসা নাবিহা হাত্রংরে মিসিওয়া সাদি মুচা।
আকুহা জাংয়ে,
“আবিহা কুং প্রভুহিংয়া পুরাচায়ো, আদো আকুহিংয়া হাংতা এমি নিমে কা মেগেতো।”14এসে জাংপুনতেনুকো নোইতাহা হুরামসা কাংনুওয়া আকুহা ইশুহিংয়া তাইকো নুনুইসো জাদিংওয়া তিংয়ো। আদো ইশুরাংগা তামসা আকুহা নাইমক্যইতো।15ইশুহা আকুহিংয়া উইয়ে, “ও মেমে, হাংপা কাইমগা? নাতিহা হাংসুহিং মোদিংগা?”
মরিয়োমহা আকুহিংয়া দুংরাইতা কাম জোওয়া মালি তাওয়া দিংঙা নোমসারাং জাংয়ে, “উটকেওয়া, নাতিহা ইশুহিংয়া ইসো পুরাচামি নিনাহা জাংপুই, নাতিহা হাংতা এমি নিংগা, কা হোমসা সিপুওয়া জুপাহিংয়া পুচারোওয়া।”16ইশুহা জাংয়ো, “ও মরিয়োম!”
ইশুকো ক্যা হিংমসা মরিয়োমহা নুনুই ল্যামসা আকুহিংয়া হিব্রু ক্যাতা “রব্বোনি!” তামসা মোউয়ে, ই জাংওয়াহা “উটকেওয়া!”17ইশুহা জাংয়ে, “কাহিংয়া মুসুঘ্যই, হাংপাতানাহা কা নেচোইপা আপাকোতা মোহোয়াংতো। এবিকোতা হোমসা কুং আপা আসা নাবিকো আপা, কুং সেংজা আসা নাবিকো সেংজাকোতা কা হোদাংয়ো তামসা জাংপি।”18আত্রংহা মরিয়োম মগদিলিহা য়োংতোংবিকোতা হোমসা প্রভুহিং তিংওয়া আসা আকো জাংওয়া নুওয়াংবিহা আবি তাংসাহিং ল্যাকায়ে।19আকু আইতাবারেকো জিরুং য়োংতোংবিহা য়হুদি মাটাবিকোসো চুসুংওয়াকো সোতা লাপুং গিমসা গাসুদিংমি। আত্রংরাং ইশুহা একবিরি আবিকো প্যাকোতা তিংয়ায়ে আসা জাংয়ে, “নাবিহিং তিমেপা জিংকো!”20আসা ইশুহা আপনিকো খুই আসা ফেমা তিংপায়ে। প্রভুহিং তিংনুওয়া আকু য়োংতোংবিহা সিওপারাং গাগ্রুসুয়ে।21ইশুহা ন্যাসারাং জাংয়ে, “নাবিহিং তিমেপা জিংকো! হেপা কাহিং কুং আপা নিংপুমে, এপারাং কা নাবিহিংনে নিংপুরোওয়া।”22আকো নোইতা আকুহা আবিকো তোইতা মুইয়ে আসা জাংয়ে, “এই, পবিত্র লাংবে য়ুচা।23হাংসুকো পাপহিং নাবি ছমা জোপি, আবিহিংয়া ছমা জিংরোওয়া, আদো হাংসুকো পাপ নাবি ছমা মোজো, নাবিরে ছমা মোমুংচারোওয়া।”24ইশু য়োংতোংবিকো প্যাকোতা ওয়াংনুওয়া বার্চো য়োংতোংবিতাহা জুমলেহা তাওয়া থোমাহা আউতা মোতোমি।25দোসরা য়োংতোংবিহা আকুহিংয়া “কাবিহা প্রভুহিং তিংয়ো” তামসা ল্যাসুয়ে।
আদো থোমাহা জাংয়ে, “হাত্রং চোইপা কা আপনিরাং আকো খুইতা কাঁটিকো হোইংব্যই মাতিং, আসা আপনিকো ক্রোইসোরাং হোইংব্যইতা মাসু আসা কুং খুইসো আকো হোরাতা মামেং, আত্রং চোইপা কা মাদেংরোওয়া!”26আকো নোইকো ইয়্যাইতাহা য়োংতোংবিহা ন্যাসারাং সাকো লাপুং গিমসা গাসুদিংমি নিমি। আত্রংহা থোমারে আবিহিংপারাং নিমি। লাপুং গিদিংনুরাং ইশুহা আবিকো প্যাকোতা ওয়াংমসা জাংয়ে, “নাবিহিংয়া তিমেপা জিংকো!”27থোমাহিং আপনিকো খুই তিংপামসা আকুহা জাংয়ে, “ইতা কাং, নাকো ক্র্যইসো কুং খুইতা সু আসা কুং ফেমাতা মেং! মাদেংমেপা মোজো, আদো দেংকো জো।”28আত্রংরাং থোমাহা “ও কুং প্রভু, কুং সেংজা!” তামসা জাংয়ে।29ইশুহা আকুহিংয়া জাংয়ে, “থোমা, নাতিহা কাহিং তিংমসা দেংমি নিও, আদো মাতিংপা দেংবিহা তাংসা আশিষিত জিংকো।”30ই হিগাতাহা মালাওয়া উইসে দোসরা সেবি আসা কামবিরে ইশুহা য়োংতোংবিকো প্যাকোতা জোয়ে।31আদো নাবিহা ইশুহা মুক্তি পিচাওয়া সেংজাকো সেকেংত্যাওয়া খ্রীষ্ট আসা সেংজাকো চেংওয়াগা তামসা দেংকো জো, তামসা লামগা। আকোতা দেংমসা নাবিহা হাত্রংরে মিসিওয়া সাদি মুচা।
The Seed Company