Meng Lai90
Thurai maru Mosi awr lü awr leng mih.
1Aw CHAKRAMANG, en dow anging krungchak towng kowh uowi rah chekhai.2En thawp hungma mawngma dowi tak hownia,en thawp lusa dowi tak hownia,en dow chowngchowng saksakma mih Thurai chekhai.3Lusa maru kowi dow en plan pe chowngah bawn reng chekhai,en tek mih, “Aw lusa maru-uüa, bawn kowi kowplan büah iawk diah,” pakhai.4Athawng ning dow en tut-e panichow iawng taih.Nami dow paiak chow mih khin iawng nawngchow taih chekhai.5Lusa maru kowi dow alenma en pe kowngah reng khai,amatni kowh chownglawng dow mang iawng tama reng.Amatni dow rau-e kowh awr awm mih bawrchak iawng:6Nami dow rau-e khe awr awm hanow awr sa reng.Tawkche iak pra dow ngawi hanow kowng reng chekhai.7Maih iawng lün pluplup mih en kowh kunmaraura kowi lainowmma anging kram khai,en kowh kunmarau hown en piak anging reng chekhai.8Anging kowh angak maten dow en khi bowk chekhai,kukpa anging changah mih angak maten paw en khi bowk chekhai.9En kunmarau rakowi anging kowh chowng dow town khai bowt,anging kowh ning dow kawli powt mih iawng powt len mih nowm khowk.10Anging kowh chowng dow 70 ningchow towbowt,kow iung lak iung mih dow 80 ning sing mih paw nauowi kown.Tawkche anging sing uowi mowr dow akawm akrat kangowh;anging kowh ning dow lainowmma kowi len khai,now anging paw tawi tama reng chekhai.11En kowh kunmaraura kür mia chow nowng tuk?En kowh kramra uowima mih kunmaraura mia chow ia tuk?12Anging kowh chowng atownchow pami uang pe tuk anging diah;nahanow aiungma nachowm uowi kown mih chanlaira anging naka kown towbowt.13Aw CHAKRAMANG, uang plan bowt!Mün khowt tak chow en nakra kown?En kowh naruüa kowi uang saksing sanaah bowt.14En kowh achur uowi dowi mih sakraura hown rau towng uang pe anging sak-ihra reng diah;nahanow anging naia tek awmrawm meng bowt kown,now apiawma anging naia uowi kown towbowt.15En towk anging akrat mih hai anging kla phih mih dow khin krama chekhai,naiawngün ni khowt khaleng dow aiungma pe uowi anging bowt.16En kowh awdara lup tüng anging diah,anging kowh chauüa kowi en kowh kraingra tüng pe diah.17CHAKRAMANG anging kowh Thurai dow pacham saksing sana anging reng lah;anging changah mih lup maten dow aiungma pe phaw anging diah,aw CHAKRAMANG, anging kowh lup maten aiungma pe phaw anging bowt.The Seed Company