1 Manguüa1
1Mang David kowh dow ning hu mih nowm khowk chekhai. Aia kowh kow dow khup pe uan ahuma chepaw ia den dowi bowt.2Naiawng rakowi aia kowh maru iukuüa tek pe mang David mih, “Mangkri ow, naming nakhet en kownkow kachakuüa hown taphua taiua dowi tak mih malauüa anging krawi cham en lowk ia kown chaw. En kowh kow naia denla kownkow aia mih en ria kowi pacham tawi mawk lah,” pabüah khai.3Nahanow amatni dow Israel pren paprenma kowi malauüa klangiungma mih krawi cham büah lowk ia khai. Akung kowi amatni dow Sunem marow kowi kowh malauüa Abisag kowi khi büah khai, now mang tut-e Abisag kowi uang pawla büah khai.4Nami malauüa dow lainowmma klangiung khai. Aia dow mang tut-e tawi uowi hanow mang kowi mingkhetah khai. Tawkchedow mang mih nami malauüa kowi phuaah iuaah dowi chekhai.5Nami khin khe mang David kowh masi Hagit pami kowh chapa Adonija dow chang bawri se tek mih, “Ang towbowt chowm mang kown,” pakhai. Naiawng tekta hanow aia dow kawrnga kari hai kawrnga kowi kowh chowm mih siphaiuüa ün krawi kram sangrum khai. Nami klen kowi aia dow aia pur kowi narik mang kown mih maru paw pawah 50 ia khai.6Adonija kowi dow tawng lup kowi paw David hangah dowi chekhai. Aia kowi dow, “Tawngplawng kowchow nami lup en tuk chang khai?” pami katpaw a-pa tek pe dowi. Aia paw Absalawm iawng dow apowm klangiungma, now aia dow Absalawm kung kowi kowh dia mih chekhai.7Adonija mih aia nachowm mang kown mih lawnguan kowi natawi khowngah kownkow Zerui kowh chapa Joab hai uamow Abiathar iüah hown kowtalawp khai, now kowiüah paw Adonija kowi natawi khowngah kown mih nauta khai.8Nachenganchepaw uamow Zadawk, Jehoiada kowh chapa Benaia, risi Nathan, Simei, Rei hai mang David kowh tasen kiakma miuüa dow Adonija hown tawi tabawng dowi chekhai.9Adonija dow En-Rogel tuikuam re-e kowh Zohelet huamang ria kowi ruapur ün, chiala ün hai chia chah akauma mih ün hown chang phuchua pawi khai. Nami pawi kowi aia dow aia kowh tainau-uüa maten kowi hai Juda krungchak hownia maru iukuüa kowi hawla khai.10Tawkchedow aia mih risi Nathan, Benaia, David kowh tasen akiakma miuüa kowi hai anaumow Sawlawmawn kowi hawla dowi chekhai.11Nakhowk khe Sawlawmawn kowh u Betseba kowi risi Nathan tek pe mih, “Mang David tawi tuk dowi matchang Hagit kowh chapa Adonija amatia low hown amatia chowm mang mih en tawi ta dowi bow?12Sünta, en hai en chapa Sawlawmawn tawng iawng chow asak naplai kown mih lawnguan kowi kawmat ang pe en prengia kown.13Kawmat en mih mang David tut-e kowkowiah now maiawng kowtek pe diah, ‘Ang kowh mangkri, en kung kowi en chapa Sawlawmawn nachowng mang ngengche kown mih hai en kowh mang chowm rah kowi nachowm kown mih en kowh narma ang tut-e en takham khowk nadowi bow? Naiawng now tawng rakowi chow Adonija taih dow chowng mang?’ pape diah.14Naiawng mangkri hown en taklang mih khin khe ang paw nakowi uangah now tawi tangila en kown taih,” pakhai.15Nahanow Betseba dow mang hown kowtakrum kownkow mang kim kowi kowkowi khai. (Nami khin khe mang dow alawngtangma khowk chekhai, now aia kowi mingkhetah mih dow Sunem marow hownia kowh Abisag chekhai).16Betseba dow tabawkah krawm se mang kowi chupah khai.
Nakhowk khe mang lüntaah mih, “Tawng chow en nau?” pakhai.17Now Betseba tek pe mih, “Aw ang kowh mangkri, en kung kowi en kowh chapa Sawlawmawn chowtaih nata chowm mang ngengche kown, now aia chowtaih en kowh mang chowm rah kowi nata chowm kown pami CHAKRAMANG en kowh Thurai ming hown takham se en tek ang khowk chekhai.18Nachenganchepaw kawmat dow Adonija mih pawta mangra khai bowt, now nami lawnguan kowi tawngpaw en tawi tuk dowi chekhai.19Aia dow chiala ün, chia iia akauma mih ün hai ruapur ün ahuma ngenah now chang phuchua pawi khai. Nami pawi kowi aia dow mang chapa maten kowi, uamow Abiathar kowi hai siphai aluchow mih Joab kowi hawla khai. Tawkche en kowh nar Sawlawmawn kowi dow aia hawla dowi chekhai.20Aw ang kowh mangkri, en kung kowi mia chow nata chowm mang kown mih en naphuangla kownkow Israeluüa maten chawng en khai.21Naiawng nadowi now en kowng kung kowi ang hai ang kowh chapa Sawlawmawn kowi maru nata tang angching aprek hanow nape angching ripra kown chekhai,” pakhai.22Now mang hown Betseba taklang mih chur kown chowbowt khe risi Nathan mih nami re-e uang tawi ting khai.23Nakhowk khe mang kowi maru iukuüa uang tek pe mih, “Risi Nathan uang ting khowk,” pakhai. Now risi Nathan mih tabawkah krawm se mang kowi uang chupah khai.24Nami kung kowi aia tek pe mang mih, “Aw ang kowh mangkri, en kung kowi Adonija nachowng mang kown mih hai en kowh mang chowm rah kowi aia natachowm kown mih en phuangta khai bowt bow?25Aia dow ani mih En-Rogel tuikuam re-e chiala ün, chia iia akauma mih ün, ruapur ün hown chang phuchua pawi khai. Nami pawi kowi aia dow mang chapauüa maten kowi, siphai aluchowuüa kowi hai uamow Abiathar kowi hawla khai. Amatni dow kawmat taiua cha taiua kham büah thüm chekhai. Now tek büah mih, ‘Mang Adonija mih chowngdawng sakklangma pauowi lah,’ pabüah khai.26Nachenganchepaw aia dow en kowh nar ang, uamow Zadawk, Jehoiada chapa Benaia hai en kowh nar Sawlawmawn kowi hawla dowi chekhai.27Tekla anging dowi matchang Adonija kowi en pe chowmah mang mih aching bow?” pakhai.28Nakhowk khe mang David tek pe Nathan mih, “Betseba kowi kowhaw madiah,” pakhai. Nahanow Betseba dow uang plan kup hanow mang pur kowi uang iowng khai.29Nakhowk khe mang tek pe mih, “Phih maten hownia kowh lawng ang reng mih masing CHAKRAMANG ming hown ang takham khowk.30CHAKRAMANG Israeluüa kowh Thurai ming hown ang kham en iawng ani mih ang nachang en ngengche kown. En kowh chapa Sawlawmawn mih ang kung kowi nachowng mang kown, now aia dow ang kowh mang chowm rah kowi nachowm kown,” pakhai.31Nakhowk khe Betseba mih tabawkah krawm se chupah now mang kowi tek pe mih, “Ang kowh mangkri David mih chowngdawng sakklangma pauowi lah,” pakhai.32Nakhowk khe mang David tek mih, “Uamow Zadawk, risi Nathan hai Jehoiada kowh chapa Benaia kowi ang re-e uang hawla diah,” pakhai. Nahanow amatni dow mang re-e kowkowi khai.33Amatni kowi mang tek pe mih, “Ang kowh kangchawng miuüa kowi pawla now ang chapa Sawlawmawn kowi Gihawn tuikuam kowi kowpawla büa diah. Sawlawmawn kowi mih ang kowh kawrngaramchük luk kowi pe chowmah büa diah.34Gihawn tuikuam kowi mih uamow Zadawk hai risi Nathan iüah Israel pren mang vüi Sawlawmawn kowi pacham nümnapah lah. Nami kung kowi dow tumla baw büah hanow atün atünma enni natek kown mih, ‘Mang Sawlawmawn mih chowngdawng sakklangma pauowi lah,’ pabüa diah.35Nami kung kowi dow Sawlawmawn kung kowi tawi mang iualua se enni nauang plan kown. Sawlawmawn dow uang ting hanow ang kowh mang chowm rah kowi nauang chowm kown, now aia dow ang takcha kowi nachowm mang bowt kown. Aia kowi dow Israeluüa hai Judauüa luk kowi ang pe chowmah mang mih chowbowt,” pakhai.36Nakhowk khe Jehoiada chapa Benaia tek pe mang mih, “Amen. CHAKRAMANG anging kowh mangkri kowh Thurai mih naiawng pacham chang lah.37CHAKRAMANG dow ang kowh mangkri David tut-e kowh tawi uowi reng iawng Sawlawmawn tut-e paw pacham tawi uowi reng lah. Aia dow ang kowh mangkri David lak-e Sawlawmawn kowi kri kraingma mih mang pacham thawpah lah!” pakhai.38Nami kung kowi dow uamow Zadawk, risi Nathan, Jehoiada kowh chapa Benaia, David kowh kangchawng miuüa mih Sawlawmawn kowi mang David kowh kawrngaramchük luk kowi pe chowmah now Gihawn tuikuam kowi kowpawla büah khai.39Now uamow Zadawk mih taklowp taklangra te kowi kowh chimsaima mih towklak kowi towah mih kanrawn sau nang hown uang pawla now Sawlawmawn kowi nümnapah khai bowt. Nami kung kowi dow maru sangrum mih tum baw khai bowt, now maru kawm srui atünma tek mih, “Mang Sawlawmawn mih chowngdawng sakklangma pauowi lah,” pabüah khai.40Nami kung kowi dow maru maten mih tumla prui se hai apiaw apama plai se plai se Sawlawmawn kung uang tawi plan khai. Amatni piaw mih tün dow krawng khowm padow tahowng nurlur khai.41Naiawng phaw mih klow dow Adonija hai aia hawla pawi chak miuüa maten tawi ta khai bowt. Nakhowk khe amatni dow ki cha ki kham iawlaw khowk chekhai. Tata baw tün hanow Joab tek mih, “Marow kowi matawng klow chowbowt chow?” pakhai.42Joab kowh lai chur dowi how tak khe uamow Abiathar kowh chapa Jonathan dow nami re-e uang khai. Now Jonathan kowi Adonija tek pe mih, “Uang, uang. En dow maru iung chekhai. En uang pawla satang iung tangtang,” pakhai.43Nakhowk khe Jonathan klangah mih, “Mapaw nadowi. A-i kowh mang David mih Sawlawmawn kowi peta mangra tüng khowk.44Mangkri mih mang Sawlawmawn hown uamow Zadawk, risi Nathan, Jehoiada kowh chapa Benaia, Keretuüa hai Peletuüa kowi tawi chin pe khai. Amatni dow Sawlawmawn kowi mih mang kowh kawrngaramchük luk kowi pe chowmah khai.45Now uamow Zadawk hai risi Nathan iüah mih aia kowi nathawpah mang kownkow Gihawn tuikuam kowi nümnapah khai. Nami hownia maru kawmuüa mih piawla pala se uang plan bowk khowk. Marow kowi kowh aklow akui enni ta mih dow nami klow chowbowt.46Nami klen kowi Sawlawmawn mih mang kowh chowm rah kowi paw chowm tüng khowk chekhai.47Now mang kowh maru iukuüa mih a-i kowh mangkri David kowi uang tek pe awmrawm lai se tek mih, ‘En kowh Thurai mih en kowh lak-e Sawlawmawn kowi pacham peah ming iung nang iung lah, now en lak-e aia mih kri kraingma mih mang pacham phaw lah,’ pakhai. Nakhowk khe mang mih aia kowh phangbek luk kowi tabawk krawm se Thurai kowi tek pe mih,48‘CHAKRAMANG Israeluüa kowh Thurai dow akiow pauowi lah. Tawngplawng kowchow panow ani dow ang kowh mang chowm rah kowi chowm tataing mih kowi en pe khi ang khai bowt,’ pakhai,” pape khai.49Nami laiklow tata hanow Adonija hawla pawi chak miuüa dow lainowmma kram khai. Naiawng rakowi amatni dow rü now chowlowkkow kim prakowi powt bowk khai.50Nachenganchepaw Sawlawmawn kowi kram kowh Adonija dow taklowp taklangra te lak kowi kowh phuchuara nang kowi kowtadowk chenchen khai.51Nakhowk khe Sawlawmawn kowi maru lowk ia uang tek pe mih, “Adonija dow kram en kowh phuchuara nang kowi tadowk chenchen khai. Now aia tek mih, ‘Nakowngta ang dowi kownkow mang Sawlawmawn mih ani ang tut-e pacham kham sawi lah,’ pakhai,” pape khai.52Nami laiklow tata hanow Sawlawmawn tek pe mih, “Aia che maru iung pami nowng tatüng khai hanow aia kowh samiang aiangchow khowm padow nadowh kown nadowi; tawkche aia tut-e che angak uowi mih khi hanow aia nakowng ngengche kown,” pakhai.53Nami laiklow ki tekta hanow mang Sawlawmawn mih Adonija tut-e kowchin maru-uüa khai, now naiawngün maru-uüa mih phuchuara hownia Adonija kowi uang pawla khai. Adonija dow uang ting hanow tabawk krawm se mang Sawlawmawn kowi chupah khai. Now Sawlawmawn tek pe mih, “En matia kim kowi kowmang diah,” pakhai.
Nakhowk khe mang lüntaah mih, “Tawng chow en nau?” pakhai.17Now Betseba tek pe mih, “Aw ang kowh mangkri, en kung kowi en kowh chapa Sawlawmawn chowtaih nata chowm mang ngengche kown, now aia chowtaih en kowh mang chowm rah kowi nata chowm kown pami CHAKRAMANG en kowh Thurai ming hown takham se en tek ang khowk chekhai.18Nachenganchepaw kawmat dow Adonija mih pawta mangra khai bowt, now nami lawnguan kowi tawngpaw en tawi tuk dowi chekhai.19Aia dow chiala ün, chia iia akauma mih ün hai ruapur ün ahuma ngenah now chang phuchua pawi khai. Nami pawi kowi aia dow mang chapa maten kowi, uamow Abiathar kowi hai siphai aluchow mih Joab kowi hawla khai. Tawkche en kowh nar Sawlawmawn kowi dow aia hawla dowi chekhai.20Aw ang kowh mangkri, en kung kowi mia chow nata chowm mang kown mih en naphuangla kownkow Israeluüa maten chawng en khai.21Naiawng nadowi now en kowng kung kowi ang hai ang kowh chapa Sawlawmawn kowi maru nata tang angching aprek hanow nape angching ripra kown chekhai,” pakhai.22Now mang hown Betseba taklang mih chur kown chowbowt khe risi Nathan mih nami re-e uang tawi ting khai.23Nakhowk khe mang kowi maru iukuüa uang tek pe mih, “Risi Nathan uang ting khowk,” pakhai. Now risi Nathan mih tabawkah krawm se mang kowi uang chupah khai.24Nami kung kowi aia tek pe mang mih, “Aw ang kowh mangkri, en kung kowi Adonija nachowng mang kown mih hai en kowh mang chowm rah kowi aia natachowm kown mih en phuangta khai bowt bow?25Aia dow ani mih En-Rogel tuikuam re-e chiala ün, chia iia akauma mih ün, ruapur ün hown chang phuchua pawi khai. Nami pawi kowi aia dow mang chapauüa maten kowi, siphai aluchowuüa kowi hai uamow Abiathar kowi hawla khai. Amatni dow kawmat taiua cha taiua kham büah thüm chekhai. Now tek büah mih, ‘Mang Adonija mih chowngdawng sakklangma pauowi lah,’ pabüah khai.26Nachenganchepaw aia dow en kowh nar ang, uamow Zadawk, Jehoiada chapa Benaia hai en kowh nar Sawlawmawn kowi hawla dowi chekhai.27Tekla anging dowi matchang Adonija kowi en pe chowmah mang mih aching bow?” pakhai.28Nakhowk khe mang David tek pe Nathan mih, “Betseba kowi kowhaw madiah,” pakhai. Nahanow Betseba dow uang plan kup hanow mang pur kowi uang iowng khai.29Nakhowk khe mang tek pe mih, “Phih maten hownia kowh lawng ang reng mih masing CHAKRAMANG ming hown ang takham khowk.30CHAKRAMANG Israeluüa kowh Thurai ming hown ang kham en iawng ani mih ang nachang en ngengche kown. En kowh chapa Sawlawmawn mih ang kung kowi nachowng mang kown, now aia dow ang kowh mang chowm rah kowi nachowm kown,” pakhai.31Nakhowk khe Betseba mih tabawkah krawm se chupah now mang kowi tek pe mih, “Ang kowh mangkri David mih chowngdawng sakklangma pauowi lah,” pakhai.32Nakhowk khe mang David tek mih, “Uamow Zadawk, risi Nathan hai Jehoiada kowh chapa Benaia kowi ang re-e uang hawla diah,” pakhai. Nahanow amatni dow mang re-e kowkowi khai.33Amatni kowi mang tek pe mih, “Ang kowh kangchawng miuüa kowi pawla now ang chapa Sawlawmawn kowi Gihawn tuikuam kowi kowpawla büa diah. Sawlawmawn kowi mih ang kowh kawrngaramchük luk kowi pe chowmah büa diah.34Gihawn tuikuam kowi mih uamow Zadawk hai risi Nathan iüah Israel pren mang vüi Sawlawmawn kowi pacham nümnapah lah. Nami kung kowi dow tumla baw büah hanow atün atünma enni natek kown mih, ‘Mang Sawlawmawn mih chowngdawng sakklangma pauowi lah,’ pabüa diah.35Nami kung kowi dow Sawlawmawn kung kowi tawi mang iualua se enni nauang plan kown. Sawlawmawn dow uang ting hanow ang kowh mang chowm rah kowi nauang chowm kown, now aia dow ang takcha kowi nachowm mang bowt kown. Aia kowi dow Israeluüa hai Judauüa luk kowi ang pe chowmah mang mih chowbowt,” pakhai.36Nakhowk khe Jehoiada chapa Benaia tek pe mang mih, “Amen. CHAKRAMANG anging kowh mangkri kowh Thurai mih naiawng pacham chang lah.37CHAKRAMANG dow ang kowh mangkri David tut-e kowh tawi uowi reng iawng Sawlawmawn tut-e paw pacham tawi uowi reng lah. Aia dow ang kowh mangkri David lak-e Sawlawmawn kowi kri kraingma mih mang pacham thawpah lah!” pakhai.38Nami kung kowi dow uamow Zadawk, risi Nathan, Jehoiada kowh chapa Benaia, David kowh kangchawng miuüa mih Sawlawmawn kowi mang David kowh kawrngaramchük luk kowi pe chowmah now Gihawn tuikuam kowi kowpawla büah khai.39Now uamow Zadawk mih taklowp taklangra te kowi kowh chimsaima mih towklak kowi towah mih kanrawn sau nang hown uang pawla now Sawlawmawn kowi nümnapah khai bowt. Nami kung kowi dow maru sangrum mih tum baw khai bowt, now maru kawm srui atünma tek mih, “Mang Sawlawmawn mih chowngdawng sakklangma pauowi lah,” pabüah khai.40Nami kung kowi dow maru maten mih tumla prui se hai apiaw apama plai se plai se Sawlawmawn kung uang tawi plan khai. Amatni piaw mih tün dow krawng khowm padow tahowng nurlur khai.41Naiawng phaw mih klow dow Adonija hai aia hawla pawi chak miuüa maten tawi ta khai bowt. Nakhowk khe amatni dow ki cha ki kham iawlaw khowk chekhai. Tata baw tün hanow Joab tek mih, “Marow kowi matawng klow chowbowt chow?” pakhai.42Joab kowh lai chur dowi how tak khe uamow Abiathar kowh chapa Jonathan dow nami re-e uang khai. Now Jonathan kowi Adonija tek pe mih, “Uang, uang. En dow maru iung chekhai. En uang pawla satang iung tangtang,” pakhai.43Nakhowk khe Jonathan klangah mih, “Mapaw nadowi. A-i kowh mang David mih Sawlawmawn kowi peta mangra tüng khowk.44Mangkri mih mang Sawlawmawn hown uamow Zadawk, risi Nathan, Jehoiada kowh chapa Benaia, Keretuüa hai Peletuüa kowi tawi chin pe khai. Amatni dow Sawlawmawn kowi mih mang kowh kawrngaramchük luk kowi pe chowmah khai.45Now uamow Zadawk hai risi Nathan iüah mih aia kowi nathawpah mang kownkow Gihawn tuikuam kowi nümnapah khai. Nami hownia maru kawmuüa mih piawla pala se uang plan bowk khowk. Marow kowi kowh aklow akui enni ta mih dow nami klow chowbowt.46Nami klen kowi Sawlawmawn mih mang kowh chowm rah kowi paw chowm tüng khowk chekhai.47Now mang kowh maru iukuüa mih a-i kowh mangkri David kowi uang tek pe awmrawm lai se tek mih, ‘En kowh Thurai mih en kowh lak-e Sawlawmawn kowi pacham peah ming iung nang iung lah, now en lak-e aia mih kri kraingma mih mang pacham phaw lah,’ pakhai. Nakhowk khe mang mih aia kowh phangbek luk kowi tabawk krawm se Thurai kowi tek pe mih,48‘CHAKRAMANG Israeluüa kowh Thurai dow akiow pauowi lah. Tawngplawng kowchow panow ani dow ang kowh mang chowm rah kowi chowm tataing mih kowi en pe khi ang khai bowt,’ pakhai,” pape khai.49Nami laiklow tata hanow Adonija hawla pawi chak miuüa dow lainowmma kram khai. Naiawng rakowi amatni dow rü now chowlowkkow kim prakowi powt bowk khai.50Nachenganchepaw Sawlawmawn kowi kram kowh Adonija dow taklowp taklangra te lak kowi kowh phuchuara nang kowi kowtadowk chenchen khai.51Nakhowk khe Sawlawmawn kowi maru lowk ia uang tek pe mih, “Adonija dow kram en kowh phuchuara nang kowi tadowk chenchen khai. Now aia tek mih, ‘Nakowngta ang dowi kownkow mang Sawlawmawn mih ani ang tut-e pacham kham sawi lah,’ pakhai,” pape khai.52Nami laiklow tata hanow Sawlawmawn tek pe mih, “Aia che maru iung pami nowng tatüng khai hanow aia kowh samiang aiangchow khowm padow nadowh kown nadowi; tawkche aia tut-e che angak uowi mih khi hanow aia nakowng ngengche kown,” pakhai.53Nami laiklow ki tekta hanow mang Sawlawmawn mih Adonija tut-e kowchin maru-uüa khai, now naiawngün maru-uüa mih phuchuara hownia Adonija kowi uang pawla khai. Adonija dow uang ting hanow tabawk krawm se mang Sawlawmawn kowi chupah khai. Now Sawlawmawn tek pe mih, “En matia kim kowi kowmang diah,” pakhai.
The Seed Company