1 John2
1Wơ ŏh kuôn ăñ ji, ăñ čih lĕ mơt pơp ho ta pu me no di pu me so mhŏ tih. Jêh iên ndă mau nêh mhŏ tih, hư̆n băl băn mau ju nau Mtao mgang un ta Bap jêng Yang Tŏng Tlĕh Yê-su, Mtao geh tŏng.2Khua Yang jêng pơp mhŏ yang tuai tih yơng băh pơp tih băl băn, ƀê̆ dăh so mau čuôm gu pơp tih băl băn ôh, hư̆n jêng ta lĕ mơt pơp tih dôn teh ya.3Ndă băl băn ñôt gưt grăp pơp bhiên Khua Yang, mơn băh iên băl băn gư̆t mŏng băn jêh gư̆t năl Khua Yang.4Nêh tơm ngơi klăh iêu: “Ăñ gư̆t Khua Yang” ƀê̆ dăh so ñôt gưt grăp pơp bhiên Yang di, hư̆n jêng nêh ngơi huôk, jêh iên pơp ngĭn ngăn so ĕh gŭk mŏng nêh hư̆n.5Ƀê̆ dăh nêh tơm ñôt gưt pơp ngơi Khua Yang, hư̆n pơp khăp Yang Trôk di nư̆k ngăn dơi nư̆m nơn mŏng nêh hư̆n. Băl băn gư̆t ru băn gŭk mŏng Khua Yang mơn băh pơp ho:6Nêh tơm ngơi ăñ hôm gŭk mŏng Khua Yang, nư̆k nêh hư̆n ăt ăn brêh ndrơm klăh di Khua Yang jêh brêh.7Wơ ŏh mi khăp khơñ, so mau ăñ čih ta ŏh mi ƀơn pơp bhiên mhei, ƀê̆ dăh ho jêng pơp bhiên yau, pơp bhiên jêh ŏh mi mau băh mhei lak. Pơp bhiên yau hư̆n jêng pơp ngơi ŏh mi jêh tŏng.8Gao băh iên, ăñ čih ta ŏh mi ƀơn pơp bhiên mhei, jêh iên pơp bhiên hư̆n jêng ngĭn ngăn mŏng Khua Yang jêh iên mŏng ŏh mi, bơ yơng pơp ngo măng jêh nga ru, jêh iên pơp ang ngĭn ngăn jêh trang ang ru.9Nêh tơm ngơi kăn gŭk mŏng pơp ang ƀê̆ dăh hao nuih ta ŏh mi kăn hư̆n ăt hôm gŭk mŏng pơp ngo măng.10Nêh tơm khăp khơñ ta ŏh mi tơm hư̆n ăn gŭk mŏng pơp ang, jêh iên pơp păk bông so ĕh gŭk mŏng nêh hư̆n.11Ƀê̆ dăh nêh tơm hao nuih ta ŏh mi tơm jêng gŭk mŏng tŭk ngo măng jêh iên djhuang sak mŏng ngo măng, nêh hư̆n ăt so kăn gư̆t u tŭk kăn jai sak, bơ yơng pơp ngo măng jêh ĕh lăm ngo măt kăn.12Wơ băl kuôn, ăñ čih ta băl kuôn bơ yơng pơp tih băl kuôn di jêh nai ndrŏh lat mơn băh năn Khua Yang.13Wơ băl khua u rañ, ăñ čih ta pu me bơ yơng jêh pu me gư̆t Mtao mau dŏng băh mhei bôk. Wơ băl ndôl, ăñ čih ta pu me bơ yơng pu me jêh dơi ta băl djŏh ƀai.14Wơ băl kuôn sei, ăñ čih ta pu me bơ yơng pu me jêh gư̆t năl Bap. Wơ băl khua u rañ, ăñ čih ta pu me, bơ yơng pu me jêh gư̆t năl Mtao mau dŏng băh mhei bôk. Wơ băl ndôl sei, ăñ čih ta pu me bơ yơng pu me prăl ktang, pơp ngơi Yang Trôk ăt hôm ĕh gŭk mŏng pu me, jêh iên pu me jêh dơi ta băl djŏh ƀai.15Ei ru khăp dôn teh ăt klăh di lĕ mơt pơp mŏng dôn teh. Ndă nêh tơm khăp ta dôn teh hư̆n pơp khăp Bap di so ĕh gŭk mŏng nêh hư̆n.16Bơ yơng djăp mta pơp mŏng dôn teh — klăh di pơp he khơñ lŏng săk di, pơp he khơñ măt di, jêh iên pơp mưng mgao mŏng pơp brêh — so geh trôh băh Bap ƀê̆ dăh trôh băh dôn teh.17Jêh iên dôn teh jrăng nga rai ju băk ta pơp tluh ĕh di, ƀê̆ dăh nêh tơm mhŏ hui pơp khơñ Yang Trôk nêh hư̆n ăt hôm tăl trôh hui hai.18Wơ băl kuôn sei dêt, nuk ho jêng mông tôč dư̆t, jêh iên klăh di jêh pu me gư̆t ru nêh tăm dăng ta Yang Tŏng Tlĕh jai trôh, jêh iên nar o ŏk nêh tăm dăng ta Yang Tŏng Tlĕh jêh ĕh trôh, hư̆n yơh băl băn gư̆t năl nuk ho jêng mông tôč dư̆t.19Băl ĕh mau băh băl băn, ƀê̆ dăh băl ĕh so gŭk ting ju băl băn. Bơ yơng ndă ting ju băl băn, hư̆n băl ĕh ăt hôm gŭk băk băl băn, ƀê̆ dăh so geh kơt iên, no di nai so klă băl ĕh hư̆n jêng băl so gŭk ting ju băl băn ôh.20Bơ pu me mau dak ndriêng băh Mtao Ƀrăh, jêh iên pu me jêh gư̆t năl lĕ ru.21Ăñ tuôm čih ta pu me so mau yơng băh pu me so gư̆t pơp ngĭn ngăn, ƀê̆ dăh yơng băh pu me jêh gư̆t năl pơp ngĭn ngăn jêh iên bơ yơng so mau pơp jăr huôk ĕh lôh băh pơp ngĭn ngăn.22Nêh tơm jêng băl ngơi huôk ndă so geh jêng băl khan, jêh iên ngơi Yang Yê-su so geh jêng Yang Tŏng Tlĕh? Nêh hư̆n yơh jêng nêh tăm dăng ta Yang Tŏng Tlĕh, hư̆n jêng băl khan Bap wăt ta Kuôn.23Nêh tơm khan Kuôn nêh hư̆n so mau Bap. Jêh iên nêh tơm đăo ta Kuôn nêh hư̆n ăt mau Bap ya.24Ting ju pu me, ăn pơp pu me jêh tŏng băh mhei bôk wêh gŭk mŏng pu me. Ndă pơp jêh pu me tŏng băh mhei bôk ăt ĕh gŭk mŏng pu me, hư̆n pu me ăt jrăng gŭk mŏng Kuôn jêh iên mŏng Bap.25Jêh iên ho jêng pơp ƀuôn hư̆n jêng Khua Yang ƀuôn ta băl băn — hư̆n jêng pơp brêh hui hai.26Ăñ čih lĕ mơt pơp ho ta pu me yơng ta băl mblơm pu me sak suô̆ truông.27Ting ju pu me, pơp truôč dak ndriêng jêh pu me sŏk dơn băh Khua Yang ăt hôm ĕh gŭk mŏng pu me, jêh iên pu me so hôm mau pơp khơñ no di ju nau nêh tơ ti lăh pu me. Mlih hư̆t, klăh di pơp truôč dak ndriêng Khua Yang jai tơ ti pu me yơng ta grăp pơp, jêh iên hư̆n jêng ngĭn ngăn so geh jêng huôk jăr ôh, ăt klăh di jêh tơ ti pu me răn ƀăn gŭk mŏng Khua Yang.28Nar o, wơ băl kuôn, ăn gŭk kjăp mŏng Khua Yang, no di trôh mông Khua Yang nôh ƀlang, băl băn mau nuih nhăm jha jêh iên so mau pơp prêng ta măt Khua Yang mŏng mông Khua Yang trôh.29Ndă di pu me gư̆t nư̆k Khua Yang jêng geh tŏng, hư̆n pu me ăt gư̆t ya grăp nau nêh mhŏ pơp geh tŏng gơ gu dơi lai săk băh Khua Yang.
FAR EAST BROADCASTING COMPANY