1 John1
1Pơp krĕh mau băh luôr lak, hư̆n jêng pơp jêh hi tŏng, jêng pơp jêh hi so ta măt hi tơm, hư̆n jêng pơp hi dlăng triêng, jêh iên ti hi jêh bi, ĕh rêng trôh ta Pơp Ngơi brêh —2ngăn ya, pơp brêh jêh nôh ƀlang jêh iên jêh hi so ru, jai hi lăm nư̆k jêh iên têh sơm ta ŏh mi pơp brêh hui hai, hư̆n jêng pơp krĕh gŭk băk Bap jêh iên jêh nai lăm ƀlang ta hi —3pơp hi jêh so jêh iên tŏng, hư̆n hi têh sơm ta ŏh mi, no di ŏh mi ăt mau ya pơp tăm tlăč băk băl hi. Ngăn ya, pơp tăm tlăč băl băn ta Bap jêh iên ta Kuôn Yang di, hư̆n jêng Yang Tŏng Tlĕh Yê-su.4Hi čih lĕ mơt pơp ho no di pơp čhô̆ brơn băl băn dơi nư̆m nơn.5Ho jêng pơp tơ ti lăh jêh hi tŏng băh Khua Yang jêh iên jai têh sơm ta ŏh mi, klăh iêu: Yang Trôk jêng pơp ang jêh iên mŏng Khua Yang so mau ju mta pơp ngo măng ôh.6Ndă di băl băn ngơi nư̆k băl băn mau pơp tăm tlăč ju băk Khua Yang, ƀê̆ dăh sak mŏng pơp ngo măng, hư̆n băl băn ngơi huôk jêh iên so mhŏ hui pơp ngĭn ngăn.7Ƀê̆ dăh ndă di băl băn djhuang sak mŏng pơp ang klăh di Khua Yang tơm gŭk mŏng pơp ang, hư̆n băl băn mau pơp tăm tlăč ju băk, jêh iên mham Yang Yê-su, Kuôn Yang di, rao ƀrăh băl băn băh grăp pơp tih.8Ndă di băl băn ngơi băn so mau tih nơn, hư̆n băl băn čŏng mblơm băn tơm jêh iên pơp ngĭn ngăn so ĕh gŭk mŏng băl băn.9Ndă băl băn têh sơm pơp tih băn, Khua Yang jêng sĭt suôr jêh iên geh tŏng, no di ndrŏh pơp tih băl băn jêh iên rao ƀrăh băl băn băh grăp mta pơp tih.10Ndă băl băn ngơi băl băn ñăm tuôm mhŏ tih, hư̆n băl băn čhal Khua Yang jêng nêh ngơi huôk, jêh iên Pơp Ngơi Yang so ĕh gŭk mŏng băl băn.
FAR EAST BROADCASTING COMPANY