Зах6
1Мый угыч вуем нӧлталынам да ужынам: теве ныл орва. Нуно кок курык коклаште улшо шелше гыч лектыныт, курык-влакше той лийыныт.2Икымше орвашке йошкар имне-влак кычкыме лийыныт, кокымшыш – шем имне-влак,3кумшыш – ош имне-влак, а нылымшыш – виян ола имне-влак.4Мый денем кутырышо Суксо деч йодынам: «Мыйын озам, тиде мо тыгай?»5Суксо вашештен: «Тиде – пӱтынь мландын Господьшо ончылно шогышо кавасе ныл шӱлыш, нуно кызыт корныш лектыныт.6Шем имне-влакым кычкыман орва йӱдвел мландыш кая, ош имне-влакан – касвелыш, а ола имне-влакан кечывалвелыш каят».7Нине виян имне-влак лектыныт, нуно мландым ончал савырнаш вашкеныт. Тунам тудо каласен: «Кайыза, пӱтынь мландым эртыза!» Нуно тыгак ыштеныт.8Вара тудо мыйым ӱжын да каласен: «Ончо, йӱдвел мландыш кайыше-влак тушан Мыйын Шӱлышем вераҥденыт».9Мыланем Господьын шомакше лийын:10«Иосийын, Софоний эргын, пӧртышкыжӧ кай. Тушто тый Хелдайым, Товийым да Иедайым вашлият, нуно Вавилон плен гыч пӧртылыныт. Нунын деч ший ден шӧртньым нал, вуйшӱдышым ыште да кугу иерей Иисусын, Иоседек эргын, вуйышкыжо упшалте.12Каласе тудлан: Господь Саваоф тыге ойла: теве Айдеме, кӧн лӱмжӧ Иге, Тудо шке верже гыч одарген нӧлталтеш да Господьын храмжым чоҥа.13Тудо Господьын храмжым чоҥа, кугыжан чапым налын, престолышко шинчеш да кугыжаланаш тӱҥалеш. Тудын престолжо воктене иерей шинчаш тӱҥалеш, когыньышт коклаште тыныс ден келшымаш лийыт.14А вуйшӱдыш Господьын храмыштыже кодеш. Тудо Хелемын, Товийын, Иедайын да Софоний эргын пуымо пӧлекыштым шарныкташ тӱҥалеш».15Умбачын толшо-влакат Господьын храмжым чоҥаш тӱҥалыт. Тунам те пален налыда: мыйым тендан деке Господь Саваоф колтен. Господь Юмыдам чыла шотыштат колышташ тӱҥалыда гын, тиде шукталтеш.
Institute for Bible Translation, Finland