قٲضؠ15
1کٕنکھ لوننکِس وقتس دوران گو سمسونؔ پننہِ آشنہِ ہنٛدِ باپتھ اکھ کٔر ژھاوج ہٮ۪تھ تمنت۔ سُہ اوس یژھان پننہِ آشنہِ سٟتؠ لول بٲگرُن مگر پنٕنؠ ہیرٕ بابن دِتُن نہٕ پننہِ آشنہِ ہنٛزِ تنبہِ منٛز اژنَے۔2تٔمؠ ووٚن سمسونسؔ، "میون خیال اوس پزی یہِ زِ ژٕ چھُکھ تس نفرت کران۔ اوے دِژ مےٚ سۅ نیتھٕرؠ خاندرٕ دوٚہہ چٲنِس ساروے کھۅتہٕ خاص یارس، تہٕ تٔمؠ کوٚر تس سٟتؠ خاندر۔ مگر یور کُن وُچھ، تس سنٛز کٲنژھ بیٚنہِ چھےٚ تسنٛدِ کھۅتہٕ ژٔر ژٔر شکلہِ۔ تسنٛدِ بدلہٕ رٹُن سۅے۔"3سمسوننؔ ووٚنُس، "نَہ! وۅنؠ چُھ مےٚ أزکہِ لٹہِ توٚہہِ فلستینین انتقام ہٮ۪نُک حق!"4اوٕ پتہٕ گوو سمسونؔ کھہَن کُن تہٕ رچیٚن ترےٚ ہتھ پژھ لٲوؠ۔ تٔمؠ کوٚر دوٚن دوٚن روسؠ کچیٚن ہنٛدٮ۪ن لچیٚن پانہٕ وٲنؠ گنڈ تہٕ پرٮ۪تھ جورِ تھٲوٕن لٹٮ۪ن منٛز اکھ مشٲلؠ۔5امہِ پتہٕ زاجیٚن مشالہِ تہٕ تراوٮ۪ن یِمہٕ روسؠ کچہِ فلستینی ہنٛدٮ۪ن کھہَن منٛز کھُلہٕ دَو دَو کرنہِ۔ مشالیٚن ہنٛدؠ نارن زول سورےٕ فصل ژوٚک تام زمینہِ پٮ۪ٹھ وہرٲوِتُھ تہٕ گونٮ۪ن منٛز تھاونہٕ آمُت فصٰ تام۔ أمؠ نارن زٲلؠ تہنٛدؠ دچھہِ کُلؠ تہٕ زیتون کُلؠ تہِ۔6فلستینیٚو پرُژھ اکھ أکِس، "یہِ کوٚر کٔمؠ ٲخٕر؟" کٔمؠ تام ونُکھ، "یہِ کوٚر سمسوننؔ۔ تٔمؠ کوٚر تمنتچہِؔ أکِس کورِ سٟتؠ نیتھٕر مگر سمسونؔ سٕنٛدؠ ہیربابن دِژ سۅ کور خاندرس منٛز سمسونؔ سٕنٛدِس خاص یارس پر مہرازس تہٕ تٔمؠ کوٚر تٔسؠ سٟتؠ خاندر۔ اوے گۓ سٲری فلستینی تِمنت تہٕ رٔٹٕکھ یہِ کور تسُنٛد مول تہٕ زٲلِکھ زنٛدے نارس منٛز۔7سمسوننؔ بوز اتھ متعلق تہٕ ووٚنُن یِمن، "چونکہِ توٚہہِ کوٚرُو یہ، بہٕ ہٮ۪مو توٚہہِ انتقام، تیٚلہِ گژھٕ بہٕ خوش۔"8اوے کوٚر تٔمؠ فلستینین پٮ۪ٹھ زبردست حملہٕ تہٕ نِین یِمو منٛزٕ واریاہ مٲرِتھ۔ پتہٕ گوو سُہ ایتامؔ نٲوؠ جایہِ نکھہٕ أکِس پلس تل موجود گۅپھہِ منٛز ژھٮ۪پہِ روزنہِ۔9فلستینین ٲسنہٕ خبرےٕ زِ سُہ کتہِ چُھ۔ اوے گۓ تِم تتھ جایہِ یتہِ یہُوداہؔ سٕنٛدؠ زُرؠ روزان ٲسؠ تہٕ لحیؔ قصبس منٛز کٔرٕکھ جنگچ تیٲری۔10یہُوداؔ کیٚو لوٗکو پرُژھ یِمن فلسینیٚن، "توٚہؠ کیازِ چُھو یژھان اسہِ پٮ۪ٹھ حملہٕ کرُن؟"
فلستینیو ونُکھ، "أسؠ چھِ آمٕتؠ سمسونسؔ رٹنہِ۔ أسؠ چھِ تس انتقام ہیوٚن یژھان یہِ تٔمؠ اسہِ سٟتؠ کوٚر۔11اتہِ اوس اکھ نفرا زانان زِ سمسونؔ کتہِ چُھ ژوٗرِ بہِتھ۔ اوے دراے یہُوداؔ پٮ۪ٹھٕ ترےٚ ساس نفر تتھ پلہٕ گۅپھہِ منٛز سمسونسؔ رٹنہِ۔ تِمو ووٚن سمسونسؔ، "ژٕ چھُکھ نا زانان زِ فلستینی چھِ سٲنؠ حکمران؟ ژٕ چھُکھ نا زانان زِ تِم کیا کرن اسہِ سٟتؠ۔"
سمسوننؔ ونُکھ، "مےٚ کوٚر اکُے چیز تِمن خلاف زِ مےٚ ہیوٚت تِمن انتقام تٔمیُک یہِ تِمو مےٚ سٟتؠ کوٚر۔12مگر یہُوداؔ کیٚو لوٗکو ووٚنُس، "أسؠ چھی آمٕتؠ ژےٚ گنٛڈنہِ تہٕ فلستینین ہنٛدٮ۪ن اتھن منٛز دِنہِ"
سمسوننؔ ونُکھ، "رُت گوو، مگر وعدٕ کٔرِو زِ توٚہؠ مٲرِو نہٕ مےٚ پانہٕ!"13تِمو ووٚنُس اورٕ، "أسؠ گنٛدووتھ ژٕ صرف نمہ ووٚتھ فلستینین نِش۔ أسؠ مارووتھ نہٕ ژٕ کینٛہہ۔ "اوے گوٚنٛد سُہ تِمو دوٚیو نیَو رزَو سٟتؠ تہٕ کوٚڈُکھ گۅپھہِ منٛز نٮ۪بر۔14ییٚلہِ تِم لحیؔ وٲتؠ، فلستینی آیکھ بُتھِ خوشی ہنٛدؠ نعرٕ دِوان۔ مگر یہُوواہؔ سُنٛد روح ووٚتھ قوت سان سمسونسؔ پٮ۪ٹھ۔ تٔمؠ ژچہِ پننٮ۪ن نرٮ۪ن ہنٛزٕ رزٕ تیوت سہل پٲٹھؠ زنتہٕ تِم دزمژٕ ییرچہِ آسہٕ، یِمہٕ پیٚیہِ تس ہژیٚو کِنؠ ؤسؠ۔15پتہٕ وُچھ تٔمؠ أکِس خرٕ سنٛز تارِ کھنٛڈؠ پتھر۔ یہِ ٲس تازٕ، تہٕ اوٕ کِنؠ سخ دٔر۔ تٔمؠ تُج یہِ تہٕ مٲرِن الہٕ پلہٕ اکھ ساس فلستینی امہِ سٟتؠ۔16پتہٕ لیٚچھؠ سمسوننؔ یہِ نظم:"خرٕ سنٛزِ تارِ کھنٛجہِ سٟتؠبنٲوِم تِم خر لاشن ہنٛدؠ انبار۔اکہِ خرٕ سنٛدِ تارِ کھنجہِ سٟتؠمٲرؠ مےٚ اکھ ساس نفر17ییٚلہِ تٔمؠ یہِ انٛد واتنوو، تٔمؠ ژھٕنؠ یہِ تٲرؠ کھنٛڈ ترٲوِتھ، وۅنؠ گوو اتھ جایہِ پیٚو پتہٕ ناو رامت لحی یا تٲرؠ کھنجہِ بال۔ 18اوٕ پتہٕ اوس سمسونؔ واریاہ تریشہٕ ہوٚت، اوے لٲیِن یہُوواہسؔ کریکھ، "ژےٚ دِژتھ مےٚ قوت یہِ بٔڈ لڈٲے زیننٕچ۔ وۅنؠ کیا بہٕ مرا تریشہٕ تریشہٕ کران تاکہِ یِم کٲفِر ختنہٕ وراے فلستینی رٹن مےٚ؟"19اوے کوٚر خداین لحیؔ ہنٛدِ اکہِ دۅبہٕ منٛزٕ آب جٲری۔ سمسوننؔ چیٚو امہِ منٛزِ تہٕ آیس ؤلؠ ؤلؠ ہیٚکتھ۔ تٔمؠ کوٚر اتھ جایہِ ناو عین ہقورےؔ یا ناد لاین وٲلؠ سٕنٛدؠ ناگ۔ سُہ ناگ چُھ از تہِ لحی منٛز موجود۔20سمسونؔ رود اسرائیل ین پٮ۪ٹھ وُہن ؤرین سردار تہٕ قٲضی، وۅنؠ گوو اتھ وقتس دوران رودؠ فلستینی اتھ سٲرسےٕ زمینس حکمران۔
فلستینیو ونُکھ، "أسؠ چھِ آمٕتؠ سمسونسؔ رٹنہِ۔ أسؠ چھِ تس انتقام ہیوٚن یژھان یہِ تٔمؠ اسہِ سٟتؠ کوٚر۔11اتہِ اوس اکھ نفرا زانان زِ سمسونؔ کتہِ چُھ ژوٗرِ بہِتھ۔ اوے دراے یہُوداؔ پٮ۪ٹھٕ ترےٚ ساس نفر تتھ پلہٕ گۅپھہِ منٛز سمسونسؔ رٹنہِ۔ تِمو ووٚن سمسونسؔ، "ژٕ چھُکھ نا زانان زِ فلستینی چھِ سٲنؠ حکمران؟ ژٕ چھُکھ نا زانان زِ تِم کیا کرن اسہِ سٟتؠ۔"
سمسوننؔ ونُکھ، "مےٚ کوٚر اکُے چیز تِمن خلاف زِ مےٚ ہیوٚت تِمن انتقام تٔمیُک یہِ تِمو مےٚ سٟتؠ کوٚر۔12مگر یہُوداؔ کیٚو لوٗکو ووٚنُس، "أسؠ چھی آمٕتؠ ژےٚ گنٛڈنہِ تہٕ فلستینین ہنٛدٮ۪ن اتھن منٛز دِنہِ"
سمسوننؔ ونُکھ، "رُت گوو، مگر وعدٕ کٔرِو زِ توٚہؠ مٲرِو نہٕ مےٚ پانہٕ!"13تِمو ووٚنُس اورٕ، "أسؠ گنٛدووتھ ژٕ صرف نمہ ووٚتھ فلستینین نِش۔ أسؠ مارووتھ نہٕ ژٕ کینٛہہ۔ "اوے گوٚنٛد سُہ تِمو دوٚیو نیَو رزَو سٟتؠ تہٕ کوٚڈُکھ گۅپھہِ منٛز نٮ۪بر۔14ییٚلہِ تِم لحیؔ وٲتؠ، فلستینی آیکھ بُتھِ خوشی ہنٛدؠ نعرٕ دِوان۔ مگر یہُوواہؔ سُنٛد روح ووٚتھ قوت سان سمسونسؔ پٮ۪ٹھ۔ تٔمؠ ژچہِ پننٮ۪ن نرٮ۪ن ہنٛزٕ رزٕ تیوت سہل پٲٹھؠ زنتہٕ تِم دزمژٕ ییرچہِ آسہٕ، یِمہٕ پیٚیہِ تس ہژیٚو کِنؠ ؤسؠ۔15پتہٕ وُچھ تٔمؠ أکِس خرٕ سنٛز تارِ کھنٛڈؠ پتھر۔ یہِ ٲس تازٕ، تہٕ اوٕ کِنؠ سخ دٔر۔ تٔمؠ تُج یہِ تہٕ مٲرِن الہٕ پلہٕ اکھ ساس فلستینی امہِ سٟتؠ۔16پتہٕ لیٚچھؠ سمسوننؔ یہِ نظم:"خرٕ سنٛزِ تارِ کھنٛجہِ سٟتؠبنٲوِم تِم خر لاشن ہنٛدؠ انبار۔اکہِ خرٕ سنٛدِ تارِ کھنجہِ سٟتؠمٲرؠ مےٚ اکھ ساس نفر17ییٚلہِ تٔمؠ یہِ انٛد واتنوو، تٔمؠ ژھٕنؠ یہِ تٲرؠ کھنٛڈ ترٲوِتھ، وۅنؠ گوو اتھ جایہِ پیٚو پتہٕ ناو رامت لحی یا تٲرؠ کھنجہِ بال۔ 18اوٕ پتہٕ اوس سمسونؔ واریاہ تریشہٕ ہوٚت، اوے لٲیِن یہُوواہسؔ کریکھ، "ژےٚ دِژتھ مےٚ قوت یہِ بٔڈ لڈٲے زیننٕچ۔ وۅنؠ کیا بہٕ مرا تریشہٕ تریشہٕ کران تاکہِ یِم کٲفِر ختنہٕ وراے فلستینی رٹن مےٚ؟"19اوے کوٚر خداین لحیؔ ہنٛدِ اکہِ دۅبہٕ منٛزٕ آب جٲری۔ سمسوننؔ چیٚو امہِ منٛزِ تہٕ آیس ؤلؠ ؤلؠ ہیٚکتھ۔ تٔمؠ کوٚر اتھ جایہِ ناو عین ہقورےؔ یا ناد لاین وٲلؠ سٕنٛدؠ ناگ۔ سُہ ناگ چُھ از تہِ لحی منٛز موجود۔20سمسونؔ رود اسرائیل ین پٮ۪ٹھ وُہن ؤرین سردار تہٕ قٲضی، وۅنؠ گوو اتھ وقتس دوران رودؠ فلستینی اتھ سٲرسےٕ زمینس حکمران۔
Bridge Connectivity Solutions Pvt. Ltd.