قٲضؠ16
1اوٕ پتہٕ گوو سمسونؔ غزہ۔ اتہِ وُچھِنؠ اکھ پاژھِنؠ، تہٕ کٔڈٕن راتھ تٔسؠ سٟتؠ۔2غزہ کٮ۪ن لوٗکن لٔجؠ خبر سمسونؔ چُھ یور آمُت۔ تِمو تروو تتھ جایہِ گیرٕ یتہِ سمسونؔ اوس۔ تہٕ رودؠ رٲتؠ راتس زاگ ہٮ۪تھ۔ تِم ٲسؠ شہرکِس پھاٹکس پٔتؠ کِنؠ۔ تاکہِ یقین روزٮ۪کھ زِ سُہ ہیٚکہِ نہٕ ژٔلَتھ۔ تِمو ووٚن، "گاش پھۅلنس تام پرارو ادٕ مارٕوون سُہ أسؠ۔"3وۅنؠ گوو سمسونؔ رود نہٕ أتی سٲرسےٕ راتس۔ نیصف رٲژ ووٚتھ سُہ تھوٚد۔ سُہ گوو شہرکِس پھاٹکس تام، تٔمؠ رٔٹؠ پھاٹہٕ کٕکؠ زٕ تھمب تہٕ أنِن زمینہِ منٛزٕ موٗلے کٔڈِتھ پیٚٹھِم سار ہٮ۪تھ۔ تٔمؠ لوٚد یہ سورےٕ نکھس تہٕ کھولُن کینٛہہ میٖل ہیٚور حبرون شہرکِس بُتھِ سیٚود بالس۔4امہِ پتہٕ کینٛہہ کالا سپدِتھ گوو أمِس دلیلؔ ناوچہِ زنانہِ سٟتؠ عشق۔ سۅ ٲس روزان فلستینی علاقہٕ کِس سورقؔ وادی منٛز۔5پانٛژھ فلستینی سردار گۓ أمِس نِش تہٕ ووٚن ہَس، "پنٕنؠ ژھل ورتاو تہٕ سمسونسؔ نِش ان کٔڈِتھ تسُنٛدِ ییٚتہِ طاقتُک راز۔ یِتہِ ان معلون کٔرِتھ زِ تس کیا ہیٚکہِ زیر کٔرِتھ یا تل رٔٹِتھ تہٕ کِتھہٕ ہیٚکہ وون گٔنٛڈِتھ۔ یوٚدوے ژٕ یہِ کٔرِتھ ہیٚککھ، اسہِ منٛزٕ دِیی ہر کانٛہہ ژےٚ کاہ شتھ رۅپہٕ سِکہٕ۔ 6اوے گییہِ دلیلہؔ سمسونسؔ نِش تہٕ ووٚننس، "بلایہِ گےَ مےٚ ونتہٕ ژٕ کِتھہٕ کِنؠ چھُکھ یوٗت طاقتہٕ وول۔ بیٚیہِ ونتم ژےٚ کِتھہٕ پٲٹھؠ ہیٚکی کانٛہہ تل رٔٹِتھ تہٕ رزِ گٔنٛڈِتھ؟7سمسوننؔ ووٚنُس، "یوٚدوے مےٚ کانٛہہ ستو نیو ہارنجہِ رزو سٟتؠ یِم وُنہِ لاوے آسن گنٛڈِ، بہٕ سپدٕ تیوٗتاہ لیٚوژ یوٗتاہ باقےٕ انسان چھِ۔8تہٕ ییٚلہِ پتہٕ دلیلہؔ فلستینی سردارن یہِ ووٚن، تِمو دِژٕ ستتھ نوِ لاوِ ہارنجہٕ تارٕ دلیلہؔ۔9پتہٕ تھٲوؠ دلیلہِ مکانہٕ کِس أکِس کمرس منٛز تِم ژھٮ۪پہِ۔ تٔمؠ گونٛڈ سمسونؔ ہارنجہٕ تارو سٟتؠ تہٕ کوٚرُن آلو، "سمسونؔ! فلستینی چھی ژےٚ یور رٹنہِ آمٕتؠ۔ مگر سمسوننؔ ژچہِ یِمہٕ ہارنجہٕ تارٕ یوٗتاہ آرام سان زنتہٕ یِمہٕ نارس ژھوٚکھ دِنہِ آمُت۔ اوے ہیٚکؠ نہٕ فلستینی زٲنتھےٕ زِ سُہ کوٕ کِنؠ اوس یوٗت طاقتور۔10اوٕ پتہٕ ووٚن دلیلہِؔ سمسونسؔ، "ژےٚ تٲرٕتھ مےٚ تہٕ ووٚنتھم اپُز۔ ؤنؠ ون مےٚ پوٚز زِ ژےٚ کِتھہٕ پٲٹھؠ ہیٚکی کانٛہہ دٔرؠ پٲٹھؠ گنٛڈِتھ؟11سمسوننؔ ووٚنُس، "یوٚدوے کانٛہہ مےٚ نَوِ رزِ سٟتؠ گنٛڈِ، یِمنہٕ وُنہ زانہٛہ آسنکھ استعمال کرِمژٕ، بہٕ سپدٕ باقین لوٗکن ہیٚوےٕ لیٚوژ۔"12تمہِ ووٚن بیٚیہِ سورےٕ فلستینی سردارن، تہٕ تِم آے تہٕ رودؠ ژھٮ۪پہِ پرٲنؠ پٲٹھؠ أکِس کمرس منٛز۔ تہٕ بیٚیہِ، ییٚلہِ سمسونؔ شونٛگِتھ اوس تٔمہِ تُجہ یِمہٕ نوِ رزٕ تہٕ گونٛڈُن یِمو سٟتؠ تہٕ دِژن کریکہٕ، "سمسونؔ! فلستینی چھی آمٕتؠ ژےٚ رٹنہِ!" مگر سمسوننؔ لوٚم یِمن رزن آرام سان زنتہٕ یِم پنہٕ داوٕ آسہٕ۔13پتہٕ ووٚنُس دلیلہِؔ، "ژےٚ کۅرتھ مےٚ سٟتؠ ژھل تہٕ ووٚنتھم بیٚیہِ اپُز۔ وۅنؠ ونتم پزی ژےٚ کوٕ ہیٚکی کانٛہہ دٔرؠ پٲٹھؠ گنٛڈِتھ!" سمسوننؔ ووٚنُس، "یوٚدوے ژٕ میانہِ کلٕکؠ ستتھ وانٛکہٕ وونُکھ تتھ پنس سٟتؠ یُس توٚہؠ وورؠ وان ونان چُھو، تہٕ پتہٕ گنٛڈکھ تِم أکِس کِلِس یمہِ سٟتؠ پن چیٚرٕ گژھِ، پتہٕ بنہٕ بہٕ تیوٗتاہ لیٚوژ یوٗتاہ اکھ انسان چُھ۔"
اوے انہِ دلیلہِ ستتھ وانٛکہٕ امسنٛدِ مسچہِ تہٕ وونن تِم،14تہٕ بناوٮ۪ن تِم درِ کِلہِ سٟتؠ تہٕ دژٕن کرٮ۪کھ، "سمسونؔ! فلستینی آے ژےٚ رٹنہِ۔ "سمسونؔ گوو ہُشار تہٕ لُمُن پنہٕ وانٛکن تہٕ انٮ۪ن کِلہِ سان کٔڈِتھ تہٕ وو وُرؠ وان کہ کپرٕ سان۔15پتہٕ ووٚن دلیلہِ أمِس، "ژٕ کتھ چھُکھ ونان زِ ژےٚ چھُے میون عشق ییٚلہِ نہٕ ژٕ مےٚ پانس متعلق پوٚزے ونان چھُکھ۔ ژےٚ دِتھتھ مےٚ تریٚیہِ پھرِ دھونکھہٕ تہٕ وُنتہِ ووٚنتھم نہٕ ژٕ کوٕ چھُکھ یوٗتاہ طاقتور۔16دوٚہہ پتہٕ دوٚہہ لٲگؠ أمؠ نٔوؠ نٔوؠ ژھل ازماوٕنؠ یہِ راز زاننہٕ باپتھ۔ تٔمؠ سونچ زِ امسنٛدِ یوٗتاہ پتہٕ لگنہٕ سٟتؠ مرِ سُہ وۅنؠ۔17تہٕ چھیکرس ووٚننس پوٚز۔ تٔمؠ ووٚنُس، "بہٕ چُھس زیٚنہٕ گر آمُت خدایہِ سنٛدِ باپتھ مخصوص کرنہٕ۔ اوے کِنؠ چُھنہٕ میون مس زہنٛؠ کاسنہٕ آمُت۔ یوٚدوے میون مس کاسنہٕ ییہِ، میون طاقت راو سورےٕ۔ تہٕ بہٕ سپدٕ تیوٚتاہ لیٚوژ یوٗتاہ کانٛہہ انسان ٲسِتھ ہیٚکہِ۔18دلیلہِ توٚگ زانُن زِ أزکہِ لٹہِ ووٚن تٔمؠ تمِس پوٚز۔ اوے أنؠ أمؠ سٲری فلستینی سردار ناد دِتھ یہِ ؤنِتھ، "ؤلیٚو اکہِ لٹہِ بیٚیہِ تکیازِ سمسوننؔ ووٚن مےٚ چھیکرس پننہِ طاقتُک راز۔ اوے آے فلستینی سردار تہ دِتُکھ دلیلہِؔ پننہٕ وعدٕ مطٲبق پونٛسہٕ۔19تٔمہِ وول بیٚیہِ سمسونؔ نٮ۪نٛدرِ پننہِ کۅچھہِ منٛز تسُنٛد کلہٕ رٔٹِتھ۔ پتہٕ دیُت تٔمہِ اکِس فلستینی نفرس آلو سمسونسؔ مس کاسنہٕ باپتھ۔ ییٚلہِ تٔمؠ یہِ کوٚر سمسونؔ سپُد واریاہ لیٚوژ۔ تس اوسنہٕ کہینؠ زُو زٮ۪تہٕ۔20تہٕ امہِ گوٚنٛڈ تٔمہِ سُہ، تہِ دِژن کریکھ، "سمسونؔ! فلستینی آے ژےٚ رٹنہِ۔ سُہ گوو ہُشار تہٕ سونٛچُن۔ بہٕ کرٕ تی یہِ مےٚ گۅڈٕ کوٚر۔ بہٕ دٕنکھ یِمہٕ رزٕ پننہِ شریرٕ پٮ۪ٹھٕ تہٕ گژھٕ آزاد۔ مگر تس اوسنہٕ خیالےٕ زِ یہُوواہنؔ چُھ سُہ منسوومُت۔21اوے روٚٹ سُہ فلستینی نفرو تہٕ کجہِ ہس أچھ کوٗرِتھ۔ پتہٕ نیوکھ غزہ۔ تتہِ لوٚدُکھ بٲنٛدؠ وان تہٕ گونٛڈُکھ سرتلہِ ہانکلو سٟتؠ تہٕ لوگُکھ دانہٕ وان پھل پِشنس أکِس بجہِ گریٚٹہِ پٮ۪ٹھ۔22مگر أمِس لوٚگ بیٚیہِ مس یِنہِ گۅڈنکہِ پھرِ کاسنہٕ یِنہٕ پتہٕ۔23کینٛہہ رٮ۪تھ گٔژھِتھ بنوو فلستینی سردارو اکھ بوٚڈ مٲلہٕ۔ اتھ مٲلس دوران کٔر یِم پننِس خدایس دجونسؔ قربٲنی پیش۔ تِمو کٔرؠ تسٕنٛدؠ تعریف یہِ ؤنِتھ، "سٲنؠ خداین بنٲوؠ أسؠ پنُن دشمن سمسونؔ تلفس تل اننس لایق۔24ییٚلہِ باقےٕ لوٗکو سمسونؔ وُچھ، تِمو تہِ کٔرؠ پننِس خدایس دجونسؔ تعریف یہِ ؤنِتھ،"سٲنؠ خداین دیُت سانٮ۪ن اتھن منٛز سون دشمن۔سٲنؠ خداین کوٚر اسہِ مدد سُہ اکھ نفر رٹنس منٛز یمؠ سٲنِس ملکس ساروے کھوٚتہٕ ژوٚر نقصان واتنوو۔"25وق ہوور واتنس تام ٲسؠ یِم سٲری لوٗکھ چٮ۪تھ مست پیمٕتؠ۔ تِمو دِژٕ کریکہٕ، "سمسونؔ أنؠ وون بٲنٛدؠ وانہٕ نٮ۪بر! سُہ أنؠ وُون یور اسہِ خوش کرنہٕ باپتھ۔"
اوے اوٚن یِمو سمسونؔ بٲنٛدؠ وانہٕ نٮ۪بر کٔڈِتھ تہٕ کوٚرُکھ مندرس سیٚہ منٛزس اِستادٕ۔ تِمو کوٚر سُہ تِمن دوٚن تھمبن درمیان اِستادٕ یِم پشس رٔٹِتھ ٲسؠ۔26سمسوننؔ ووٚن تمِس نوکرس یُس تس اتھہٕ رٔٹِتھ پکناوان اوس۔ میٲنؠ اتھہٕ تھاو یِمن دوٚن تھمبن کُن۔ بہٕ چُھس یژھان یِمن کُن روزِتھ آرام ہیٚو کرُن۔27امہِ وِز اوس مندر مردو تہٕ زنانو سٟتؠ ژٮ۪لِتھ۔ سٲری فلستینی سردار تہِ ٲسؠ أتی۔ تہٕ پشس پٮ۪ٹھ الہٕ پلہٕ ترےٚ ساس نفر سمسونسؔ وُچھان تہٕ ریٚژھِ تُلان۔28سمسوننؔ کوٚر یہُوواہسؔ التجا تہٕ ووننس ہے خداوند یہُوواہؔ، مےٚ متعلق سونچ تہٕ بیٚیہِ۔ مےٚ دِتہٕ بس یمہِ لٹہِ بیٚیہِ طاقت تاکہِ بہٕ ہٮ۪مہٕ یِمن فلستینی لوٗکن مےٚ أچھ کوٗرِتھ کڈنُک انتقام۔29پتہٕ تھٲوؠ سمسوننؔ پنٕنؠ اتھہٕ منٛزمیٚن دوٚن تھمبن کُن۔ پنُن دچھُن اتھہٕ أکِس تھمبس کُن تہٕ کھووُر دویمِس تھمبس کُن۔30پتہٕ لٲیِن خدایس کریکھ، "مار میٚتہِ یِمن فلستینین سٟتؠ۔ تمؠ اوٚن یورٕ بلہ سان پنُن دکہٕ، تھمب آو وُکراونہٕ تہٕ مندر آو وسِتھ فلستینی سردارن پٮ۪ٹھ تہٕ باقےٕ لوٗکن پٮ۪ٹھ تہِ تہٕ مودؠ سٲری۔ یتھٕ پٲٹھؠ مٲرۍ سمسوننؔ مران تمہٕ ژرؠ لوٗکھ ییتیاہ تٔمؠ سٲرسےٕ وٲنٛسہِ مٲرؠ مٕتؠ ٲسؠ۔ 31پتہٕ گۓ تمسنٛدؠ بٲے تہٕ ٲشناو صُرعہ پٮ۪ٹھٕ غزہ امسنٛز لاش اننہِ۔ تِمو واتنٲو یہِ گرٕ تہٕ وُڈرٲوٕکھ صُرعہؔ تہٕ اِستال جایہِ درمیان تتھ جایہِ یتہِ نس سمسونؔ سُنٛد مول منوحہؔ تہِ وُڈراونہٕ آمُت اوس۔ وۅنؠ اوس سمسوننؔ اسرائیل ین وُین ؤرین سرداری کٔرمٕژ۔
اوے انہِ دلیلہِ ستتھ وانٛکہٕ امسنٛدِ مسچہِ تہٕ وونن تِم،14تہٕ بناوٮ۪ن تِم درِ کِلہِ سٟتؠ تہٕ دژٕن کرٮ۪کھ، "سمسونؔ! فلستینی آے ژےٚ رٹنہِ۔ "سمسونؔ گوو ہُشار تہٕ لُمُن پنہٕ وانٛکن تہٕ انٮ۪ن کِلہِ سان کٔڈِتھ تہٕ وو وُرؠ وان کہ کپرٕ سان۔15پتہٕ ووٚن دلیلہِ أمِس، "ژٕ کتھ چھُکھ ونان زِ ژےٚ چھُے میون عشق ییٚلہِ نہٕ ژٕ مےٚ پانس متعلق پوٚزے ونان چھُکھ۔ ژےٚ دِتھتھ مےٚ تریٚیہِ پھرِ دھونکھہٕ تہٕ وُنتہِ ووٚنتھم نہٕ ژٕ کوٕ چھُکھ یوٗتاہ طاقتور۔16دوٚہہ پتہٕ دوٚہہ لٲگؠ أمؠ نٔوؠ نٔوؠ ژھل ازماوٕنؠ یہِ راز زاننہٕ باپتھ۔ تٔمؠ سونچ زِ امسنٛدِ یوٗتاہ پتہٕ لگنہٕ سٟتؠ مرِ سُہ وۅنؠ۔17تہٕ چھیکرس ووٚننس پوٚز۔ تٔمؠ ووٚنُس، "بہٕ چُھس زیٚنہٕ گر آمُت خدایہِ سنٛدِ باپتھ مخصوص کرنہٕ۔ اوے کِنؠ چُھنہٕ میون مس زہنٛؠ کاسنہٕ آمُت۔ یوٚدوے میون مس کاسنہٕ ییہِ، میون طاقت راو سورےٕ۔ تہٕ بہٕ سپدٕ تیوٚتاہ لیٚوژ یوٗتاہ کانٛہہ انسان ٲسِتھ ہیٚکہِ۔18دلیلہِ توٚگ زانُن زِ أزکہِ لٹہِ ووٚن تٔمؠ تمِس پوٚز۔ اوے أنؠ أمؠ سٲری فلستینی سردار ناد دِتھ یہِ ؤنِتھ، "ؤلیٚو اکہِ لٹہِ بیٚیہِ تکیازِ سمسوننؔ ووٚن مےٚ چھیکرس پننہِ طاقتُک راز۔ اوے آے فلستینی سردار تہ دِتُکھ دلیلہِؔ پننہٕ وعدٕ مطٲبق پونٛسہٕ۔19تٔمہِ وول بیٚیہِ سمسونؔ نٮ۪نٛدرِ پننہِ کۅچھہِ منٛز تسُنٛد کلہٕ رٔٹِتھ۔ پتہٕ دیُت تٔمہِ اکِس فلستینی نفرس آلو سمسونسؔ مس کاسنہٕ باپتھ۔ ییٚلہِ تٔمؠ یہِ کوٚر سمسونؔ سپُد واریاہ لیٚوژ۔ تس اوسنہٕ کہینؠ زُو زٮ۪تہٕ۔20تہٕ امہِ گوٚنٛڈ تٔمہِ سُہ، تہِ دِژن کریکھ، "سمسونؔ! فلستینی آے ژےٚ رٹنہِ۔ سُہ گوو ہُشار تہٕ سونٛچُن۔ بہٕ کرٕ تی یہِ مےٚ گۅڈٕ کوٚر۔ بہٕ دٕنکھ یِمہٕ رزٕ پننہِ شریرٕ پٮ۪ٹھٕ تہٕ گژھٕ آزاد۔ مگر تس اوسنہٕ خیالےٕ زِ یہُوواہنؔ چُھ سُہ منسوومُت۔21اوے روٚٹ سُہ فلستینی نفرو تہٕ کجہِ ہس أچھ کوٗرِتھ۔ پتہٕ نیوکھ غزہ۔ تتہِ لوٚدُکھ بٲنٛدؠ وان تہٕ گونٛڈُکھ سرتلہِ ہانکلو سٟتؠ تہٕ لوگُکھ دانہٕ وان پھل پِشنس أکِس بجہِ گریٚٹہِ پٮ۪ٹھ۔22مگر أمِس لوٚگ بیٚیہِ مس یِنہِ گۅڈنکہِ پھرِ کاسنہٕ یِنہٕ پتہٕ۔23کینٛہہ رٮ۪تھ گٔژھِتھ بنوو فلستینی سردارو اکھ بوٚڈ مٲلہٕ۔ اتھ مٲلس دوران کٔر یِم پننِس خدایس دجونسؔ قربٲنی پیش۔ تِمو کٔرؠ تسٕنٛدؠ تعریف یہِ ؤنِتھ، "سٲنؠ خداین بنٲوؠ أسؠ پنُن دشمن سمسونؔ تلفس تل اننس لایق۔24ییٚلہِ باقےٕ لوٗکو سمسونؔ وُچھ، تِمو تہِ کٔرؠ پننِس خدایس دجونسؔ تعریف یہِ ؤنِتھ،"سٲنؠ خداین دیُت سانٮ۪ن اتھن منٛز سون دشمن۔سٲنؠ خداین کوٚر اسہِ مدد سُہ اکھ نفر رٹنس منٛز یمؠ سٲنِس ملکس ساروے کھوٚتہٕ ژوٚر نقصان واتنوو۔"25وق ہوور واتنس تام ٲسؠ یِم سٲری لوٗکھ چٮ۪تھ مست پیمٕتؠ۔ تِمو دِژٕ کریکہٕ، "سمسونؔ أنؠ وون بٲنٛدؠ وانہٕ نٮ۪بر! سُہ أنؠ وُون یور اسہِ خوش کرنہٕ باپتھ۔"
اوے اوٚن یِمو سمسونؔ بٲنٛدؠ وانہٕ نٮ۪بر کٔڈِتھ تہٕ کوٚرُکھ مندرس سیٚہ منٛزس اِستادٕ۔ تِمو کوٚر سُہ تِمن دوٚن تھمبن درمیان اِستادٕ یِم پشس رٔٹِتھ ٲسؠ۔26سمسوننؔ ووٚن تمِس نوکرس یُس تس اتھہٕ رٔٹِتھ پکناوان اوس۔ میٲنؠ اتھہٕ تھاو یِمن دوٚن تھمبن کُن۔ بہٕ چُھس یژھان یِمن کُن روزِتھ آرام ہیٚو کرُن۔27امہِ وِز اوس مندر مردو تہٕ زنانو سٟتؠ ژٮ۪لِتھ۔ سٲری فلستینی سردار تہِ ٲسؠ أتی۔ تہٕ پشس پٮ۪ٹھ الہٕ پلہٕ ترےٚ ساس نفر سمسونسؔ وُچھان تہٕ ریٚژھِ تُلان۔28سمسوننؔ کوٚر یہُوواہسؔ التجا تہٕ ووننس ہے خداوند یہُوواہؔ، مےٚ متعلق سونچ تہٕ بیٚیہِ۔ مےٚ دِتہٕ بس یمہِ لٹہِ بیٚیہِ طاقت تاکہِ بہٕ ہٮ۪مہٕ یِمن فلستینی لوٗکن مےٚ أچھ کوٗرِتھ کڈنُک انتقام۔29پتہٕ تھٲوؠ سمسوننؔ پنٕنؠ اتھہٕ منٛزمیٚن دوٚن تھمبن کُن۔ پنُن دچھُن اتھہٕ أکِس تھمبس کُن تہٕ کھووُر دویمِس تھمبس کُن۔30پتہٕ لٲیِن خدایس کریکھ، "مار میٚتہِ یِمن فلستینین سٟتؠ۔ تمؠ اوٚن یورٕ بلہ سان پنُن دکہٕ، تھمب آو وُکراونہٕ تہٕ مندر آو وسِتھ فلستینی سردارن پٮ۪ٹھ تہٕ باقےٕ لوٗکن پٮ۪ٹھ تہِ تہٕ مودؠ سٲری۔ یتھٕ پٲٹھؠ مٲرۍ سمسوننؔ مران تمہٕ ژرؠ لوٗکھ ییتیاہ تٔمؠ سٲرسےٕ وٲنٛسہِ مٲرؠ مٕتؠ ٲسؠ۔ 31پتہٕ گۓ تمسنٛدؠ بٲے تہٕ ٲشناو صُرعہ پٮ۪ٹھٕ غزہ امسنٛز لاش اننہِ۔ تِمو واتنٲو یہِ گرٕ تہٕ وُڈرٲوٕکھ صُرعہؔ تہٕ اِستال جایہِ درمیان تتھ جایہِ یتہِ نس سمسونؔ سُنٛد مول منوحہؔ تہِ وُڈراونہٕ آمُت اوس۔ وۅنؠ اوس سمسوننؔ اسرائیل ین وُین ؤرین سرداری کٔرمٕژ۔
Bridge Connectivity Solutions Pvt. Ltd.