خروج31
1یہُوواہنؔ ووٚن موسیٰؔ ہس،2"بوز۔ مےٚ چُھ ژورمُت اسرائیل کہ قبیلہٕ منٛز اکھ شخص یمِس ناو چُھ بضلی ایلؔ بن اوریؔ بن حورؔ۔3بہٕ ہیٚچھناون سُہ پننہٕ روح سٕنٛدؠ دسؠ زِ کتھٕ پٲٹھؠ چُھ پریتھ کانٛہہ رُت چیز دٲنشمندی تہٕ ہوشیٲری سان بناونہٕ یوان۔4سُہ ہیٚکہ سوٚنس، چٲندِ تہٕ سرتلہِ پؠٹھ ماہرانہٕ اندازس منٛز نقشہ کھنتھ۔5سُہ ہیٚکہ لعلن ژَٹہٕ کپٹ کرِتھ تہٕ تِمن جرِ سۅن۔ سُہ ہیٚکہ ہچہِ ہنٛدؠ سامانہٕ بناویتھ بیٚیہِ کرِ پریتھ قسمچؠ کٲری گری۔6بوز! بیٚیہِ چُھ مےٚ دانؔ قبیلہٕ منٛزٕ اہلیابؔ بن اخیسمُکؔ مقرر کوٚرمُت یُس تمس سٟتؠ کٲم کرِ۔ بیٚیہِ چھِ مےٚ باقی کٲرگرن اکھ خاص قٲبلیت عطا کٔرمٕژ یُتھ تِم ہیکن تِم سٲری چیز تیار کٔرِتھ یِم بناونُکھ مےٚ ژےٚ حکم دِیتمُت چھۓ۔7تِمن چیزن منٛز چھِ: مقدس خٟمہٕ، وعدُک صندوق تمیٛک سرپوش ہٮ۪تھ؛ باقی تِم سٲری چیز یِم مقدس خٟمس انٛدرٕ کنہِ روٗزن،8میز بیٚیہِ تِم سٲری چیز یِم کاہن تتھ سٟتؠ استعمال کرن، خٲلص سۅنُک شمع دان بیٚیہِ تِم سٲری چیز یِم کاہن قربان گاہس منٛز وُدٕ زالنس دوران تمچؠ حفاظت کرنہٕ خٲطرٕ استعمال کرن،9قربان گاہس منٛز قربان بٔزنہٕ خٲطرٕ چیز یِم کاہن تتھ سٟتؠ استعمال کرن، ٹب چوٚکؠ ہٮ۪تھ؛10ہارونؔ تہٕ تمؠ سنٛدین نیٚچوٮ۪ن ہنٛدِ خٲطرٕ سُہ مقدس لباس یُس تِم کاہنن ہنٛز کٲم انجام دِنہٕ وِزِ نٲلؠ تراون؛11مٲلشہِ تیٖل تہٕ مشکہٕ دار وُدٕ مقدس جاے مشکاونہٕ خٲطرٕ۔ دستکارن چھِ یِم سٲری چیز تمی طریقہٕ بناونؠ یمہِ طریقہٕ مےٚ ژےٚ حکم دِیتمُت چُھے۔"12یہُوواہنؔ ووٚن موسیٰؔ ہس،13"اسرائیل کٮ۪ن لوٗکن ون زِ تِم کرن ہمیشہِ سبت دوٚہُن متعلق میانؠن حکمن پؠٹھ عمل یِم دوٚہہ آرامہٕ خٲطرٕ چھِ۔ یِم دوٚہہ آسن مےٚ تہٕ توٚہہِ بیٚیہِ تُہنٛدین ینہٕ والیٚن نسلن یاد پاون زِ توٚہؠ لوٗکھ چُھو میٲنؠ، مےٚ یہُوواہؔ سٕنٛدؠ۔14توٚہہِ چھے سبت دوٚہُن متعلق میٲنؠن حکمن پؠٹھ ضرور عمل کرنؠ تکیازِ توٚہہِ چھِ یِم دوٚہہ ضرور میانہٕ ناوٕ کرنؠ۔ یِم لوٗکھ اتھ بے حرمتی کرِن تِم گژھن ضرور قتل کرنہٕ یُن۔ تِم گژھن اسرائیل منٛزٕ نیٚبر کڈنہٕ ینؠ۔15پریتھ ہفتہٕ کریو توٚہؠ شیٚن دوٚہُن کٲم تہٕ سٕتمہِ دوٚہہ کریو سبت دوٚہس پؠٹھ آرام یہِ دوٚہہ چُھ مےٚ یہُوواہؔ سٕنٛدِ خٲطرٕ۔ یُس اکھا اتھ دوٚہس پؠٹھ کٲم کرِ سُہ گژھِ قتل کرنہٕ یُن۔16اسرائیل کٮ۪ن لوٗکن بیٚیہِ تِہنٛدین ینہٕ والیٚن نسلن چُھ یہِ سبتُک دوٚہہ مانُن۔ یہِ چُھ اکھ ابدی وعدہ17مےٚ تہٕ توٚہہِ اسرائیل کٮ۪ن لوٗکن درمیان۔ یہِ پایہ توٚہہِ یاد زِ مےٚ کوٚر زمیٖن تہٕ آسمان شیٚن دوٚہُن منٛز پٲدٕ تہٕ سٕتمہِ دوٚہہ کوٚر مےٚ آرام۔18ییٚلہِ یہُوواہنؔ کوہِ سیناہس پؠٹھ موسیٰؔ ہس سٟتؠ ملاقات انٛد واتنوو، أتی دِژن تسَ وعدٕچہِ کنؠن ہنٛزٕ زٕ تختہٕ یِمن پؠٹھ تمؠ پننیٚو انگجیو سٟتؠ پننٕؠ احکام کھنتھ تھٲمٕتؠ ٲسؠ۔
Bridge Connectivity Solutions Pvt. Ltd.