Faarotikaa Maxaafa12
Gargaarisa Alfatee Shiqqeexxa Soodachcho
Faarsaleeyyetike akeekisanji'a saddeettessoke meellinni faarsendaaxxa Daawwitixxa faaro
1Ee Duuchchi Woddike Goottaa! Xuurameessi manji gate'eebaan ballo'o no'oo gargaar;xuurameessi manni manji giddo gophemeen.2Duuchchiing weli'aanni wel dhara haaso'a'neen;afo'iki kubbinsa'neekinna mitte godobinnitebaan.3Ee Duuchchi Woddike Goottaa! Dharik kubbisaaka afo'uwwannahollaaka arabuwwa abid.4Insa'ne, «No'oke Afo'ika galata hendennexxe alfinannon;eenneenneshshanna haasonnannon; no'oo hoyyaaki ayyete?» hinaan.5Duuchchi Woddiki Gootti kinni«Rakkiyye miicende'een;hiyyeeyye taphatende'een;tennexxee ani insa'ne halisneeka nage'a insane'a uwwona'a ke'eennen» hiyye.6Duuchchi Woddiki Goottik hiyyichchuwwi addatemeeken;heddole giirate'ni baqisemeeke biretike sibiljishshanna luqqi hiyyekeeran.7Ee Duuchchi Woddike Goottaa! Ati no'o heqqi balo'ofuggichchake kade'eeke konne barike manninaa'ni no'oo golli.8Manniinxe oddo'ni fuggoxxa hujaaki ulfataaxxa yannafuggaalleeyye ora ora'n hollati mammarendaan.The Word for the World International