Faarotikaa Maxaafa13
Gargarsa alfatee Shiqqeexxa Soodachcho
Faarsaleeyyetike akeekisanji'a Daawwitixxa faaro
1Ee Duuchchi Woddike Goottaa! Haani qico anee deettatto?Duuchchi woddi'aatee? Haani qico alba aneenaa'n sho'exxatto?2Haani qico'nite rakko ossa'ni hedhannok?Haani qico'nte qalbet hashsha barra yada'n hedhannok?Haani qco'ni naaphi anee gana'ni hedhaa?3Ee Duuchchi Woddike Gootta anke Magenoo!Ballo'o aniba'a wirri hite'e hiissichcho ani'a uwwi;oodhishsha anxanna laqqe'e hunna ani'a leb;reyotenaa'ninna anee gatisi.4Naaphi anki «Isoo'o injifante'eennen» hiyye'e ifi saadabaashsha,anxe iba'ninna gammadaashsha assittoxxe'e.5Duuchchi woddixxe atixxe jaalalla'n addate'eennen;anjira atixxe'ninna gammada'eennen.6Ee Duuchchi Woddike Goottaa, ani'a ellolla yaane assitteettexxeefaarot atee faarsannon.The Word for the World International