EFESO1
Zimbote
1Meno Pawuli, ntumwa yi Yesu-Klisto mu luzolo lu Nzambi.Nsonikini ku bantu bavwihulu ku Nzambi bakwe banga ku mbanza yi Efeso, baa bakwikama mu Yesu-Klisto.2Bika Nzambi Tata dyeto na Mfumu eto Yesu-Klisto kalusakumuna na kaluhaana kiyenge!
Lusakumunu lu Nzambi mu Klisto
3Masiika ku Nzambi, Tata di Mfumu eto Yesu-Klisto! Wutusakumuna mu tuhaana lusakumunu lumvimba lu kimpeve mu Klisto ku Yulu.4Tekila mbadukulu yi Nza, Nzambi wutusoola mu ba bantu bandi mu Klisto, mwanki tuba balongo na balembolo ba na kibila ha ntadisi andi. Mu luzolo lwandi,5Nzambi wukisiila, tuka ntama, ti tuba baala bandi mu Yesu-Klisto. Mu bumbote bwandi, wutya ti bubela bobo.6Ni hahoho, tukembileeno Nzambi mu dyambu di bunene bu bumbote bwandi bu katusiila mu Mwana andi wu katomini tya.7Mu yandi, tutambula nkudulu mu menga mandi matengolo, mpe ndemvokolo yi masumu meto bonso budi kimvwama ki bumbote bwandi.8Nzambi wutuhaana kyo mu kitezo kivudila mu ndwenga zimvimba na mu madyela mamvimba.9Yandi wutuzabikisa mansweki ma luzolo lwandi, bonso bukakubikila mabanza mandi mambote mu Klisto.10Mabanza bemomo, maalungisa Nzambi ku nsukunu yi ntangu ni: mu kutikisa ha kimosi bimvimba bi ku Yulu na bi ha butoto, ku nsye lutumu lu Mfumu yimosi, ni Klisto.11Mu yandi, tutambudi kikunku kyeto ki difwa, mu dyambu ti wutusoola tuka ntama bonso budi mabanza mayondowo kwe hidikanga bimvimba bonso buu nzengolo yi luzolo lwandi.12Yeto tuba bantete mu sa kivuvu kyeto mu Klisto, bika tukembila nkembo andi.13Yeno mpe, bulumana yuwa mambu mandi ma kikedika, Musamu Wumbote wuluheeni mpulusu. Mu Klisto lusidi kiminu, mpe lutambudi kidimbu ki Mpeve Yilongo yi kasila nsilulu.14Mpeve Yilongo ni fwa dintete mu bima bi tukubikila Nzambi. Mbo tutambula byo bu twaabaka nkudulu yilunga. Ni hahoho, tumukembileeno.Pawuli wusambidila bisi Efeso
15Ni hahoho, bu nayuwa nsangu zi kiminu kyeno mu dyambu di Mfumu Yesu na luzolo lweno ku bantu bamvimba bavwihulu ku Nzambi,16nina tatamana mu vutula matondo ku Nzambi mu dyambu dyeno. Bu nakwe sambilanga, nakwe lubambukilanga moyo,17mpe nakwe lombanga ku Nzambi yi Mfumu eto Yesu-Klisto, Tata di nkembo, ka luhaana Mpeve yi ndwenga ya luzabikisa bonso bu kadi, mwanki lutoma mu zaba.18Bika kakyenzola mitima myeno, mwanki lubakula kivuvu kyandi ki kalukubikila mu mbokolo eno. Mpe lubakula kimvwama kinkembo mu difwa di kakubika ha kati di bantu bavwihulu ku Nzambi,19mpe lubakula lulendo lungitukulu luu nandi mu yeto tukwe kwikilanga. Lulendo na ngolo zandi,20za kalonka mu mfulukulu yi Klisto mu bafwa, mpe wumuzakisa ku Yulu, ku kooko kwandi ku lubakala.21Klisto bamuhaana luyaalu lu zintinu zimvimba, lu zimfumu zimvimba, lu bamvimba baa na lulendo, lu bamvimba bakwe yaalanga nza mpe lu konso nkumbu yi balendi zonzila mu ntangu beyiyi na yina kwiza.22Nzambi wutuula bima bimvimba ku nsye lutambi lu Klisto mpe wumuhaana ku dibundu mu ba mutu wu dibundu.23Dibundu ni nitu yi Klisto, Klisto wuu nkatika mu dibundu, mpe Nzambi wuu nkatika mu Klisto.Wycliffe Bible Translators, Inc.