Hebrews5
1Mvăc ăp gru sipăm măq, lăm gĕh săch sŏq lŭh sŭng văl ganơ, gĕh iơq hao ala an văl ganơ sŭng khây vrŭq gĕh ratênh tât Siđăch Trôq, chĕq pađăc păch pađăc bây con pađăc trŏh dôih bưn bap;2lăm gĕh prơn sinđach bây khây nĕh cồ gala galâp bây tih chroc, mvăc nơm nĕh khoi vlam sinlơ la-ui nhŭp phlâq vôq.3Payh canŏq, nĕh nŏq phải pađăc con pađăc trŏh dôih bưn bap, dân ca an văl ganơ canŏq, en an nơm khoi dân canŏq.4Đăng gĕh du mvu lây wŏq vrŭq sipăm măq heq an nơm, en ayh gĕh Siđăch Trôq cuôl panh, khoi dân ca A-rôn.5Khoi canŏq, Siđăch Yơt Dưnya khoi đăng pành vaih iơq nơm hao chĕq ôp sipăm măq. Ala lăp nŏq cồ Candranh gĕh nhai bây Siđăch:“Con cồ Con Ănh;Năr heq Ănh cồ panjêng Con.”6Dân ca Candranh nŏq khoi gĕh nhai u du gatŭq ndây:“Con cồ gru sipăm an tât wân lawânbây njang Mên-chi-sê-đec.”7Diêt sŭng khây năr rĭh sŭng săq swan nơm, Siđăch pađăc hao lawân camvŭm vơu ngwân nggâm côt wĭnh, nggâm bây camvŭm cuôl nhim lĕq nuih bây daq măt hao an Candranh gĕh prơn gŭn yơt nơm ntrăch chưt, bây Siđăch nhâng gĕh iêt chăng mvăc sinlơ hôm mrĭh phŭng candŭh nơm de.8Cồ pành Con, en Siđăch gĕh đom gưt sinlơ tôq rĭh bây a khây vrŭq cồ Siđăch wŏq vadâng.9En lăm gĕh jêng vênh lôch, Siđăch jêng vôl têch yơt wân lawân an lĕq săq vu lây tôq bây Siđăch,10alưr lăm gĕh Siđăch Trôq pân pađau ôp gru sipăm măq bây njang Mên-chi-sê-đec,11en cồ sĭq tamun heq nŏq camvŭm gŭn an vơn cồ gŏq lŭng, bây đăng plôq sơr lŭh lĕq gĕh, payh ơ pôp ŏh pôq vaih jêng lŭh ranĭq ranưng sŭng sinlơ iêt chăng.12Mvăc tât daq di tât avrêq heq, pành lĕq jêng gayh khây gru pađau, pôp ŏh lŭh pành saq wŏng vu lây nŏq chĕq pađau nơm khây sinwơi dêh thơl sŭng camvŭm Siđăch Trôq de, bây pôp ŏh jêng lŭh khây con paho cơnh daq tŏh, dŏh gal cồ păch sa kranh.13Mvăc cồ vu lây ayh huch daq tŏh nŏq pŏh pât sinlơ dân gưt sĭq camvŭm gŭn sinlơ sŏng yăh de, mvăc tamun nŏq hôm cồ con se.14Cồ canŏq, păch sa kranh chĕq an tamun jêng măq, nŏq cồ khây vu lây don vrŭq uĕh ôp bây prơn nhwa dân gưt sĭq vrŭq gưt singgal vrŭq yăh ha vrŭq tih viêm.
FAR EAST BROADCASTING COMPANY