Titus2

Vitɔvɨng Au Shɔ Mati yɛ

1Ama ɔ̃tɛ kaka jazɨng a ɔkɔrɔɔ a mati sho vitɔ̃vɨng au tɔ̃vɨnyɛ.2A mati shɔpɛ̃ni vɔshɔyi i sãi yuutɔ, i ɔ̃ a sẽrẽni, i ɔ̃ shɔ sisɨn ãnɛ tɔ̃vɨn, a ɔrinɛ, a sisɨn mɛnɛni.3Sɔ̃n ji nankɔ a mati supɛ̃niyi vi i ɔ̃ jo ɔ̃nɛ tɔ̃vɨn naa soro gbete i ã yuu a vishonɛ tɔ̃vɨn i ɔ̃yɛ wɔsɔ-wɔsɔ. Ɓa shɔ gbeteyi lɛsi shɔ niiyɛ ɓa, ko ikɔ ã yuunɛ a mii inabini bang. Ɔ̃tɛ kaka jazɨng ɔkɔrɔɔ i mati shɔ vitɔ̃vɨng.4Nɔgbete i mati jasoroyiyɛ, nɛi ɔri ɓɛvɔyitɔ a ɓɛɛjaayini5i ɔ̃ shɔ yuu sãnɛ, shɔ wɔsɔ-wɔsɔ, su tɔ̃vɨn ayi sãyi wɛrɛtɔyɛ, gbeteyi ãyuutɔ a ɓɛvɔyi biini, nɔgbete shɔwɔ yɛ nwaruu kɔ̃linɛ dɔɔɓa a ruu gbete shɛ a Ɗalapa ɗɔbiini ɓa.
6Sɔ̃n ji nyabankɔ ɔ geli jakasayi i sãi yuutɔ.7Ɔ̃tɛ kaka jazɨng a kɔrɔɔ a pɛli vitɔ̃vɨng a vi piti kpai u ɔ̃ vitasinɛ. A vigbete a mati shɔ yɛ a ãyuutɔ a ɔ̃ shɔ ruu tɔ̃vɨn shanɛ.8A pɛlivishonɛ a ruu gbete nya taɓa aɗɔn ɓa, nɔgbete a ã a shɔnɔpɔ̃yi yusẽyɛ, i kpa vikɔ̃linɛ ai sha aa yuuni ɓa.
9A mati fooyitɔ i ã yuu ai shɔwɛrɛyi biini, a vi piti a gakiyitɔ, ɔ̃tɛ kaka jazɨng a kɔrɔɔ i kpeli i shɔwɛrɛyi nyaɓa.10ko viɓɔɔnɛ i ɓɔɔ ɓa, nɔgbeteyi si pɛlinam, ɔ̃tɛ kaka jazɨng a kɔrɔɔ kopiɗaviya i tasinɛi pɛ shɔ tɔ̃vɨn, nɛi shɔ sisɨn ãnɛ, nɔgbete a vi gbete i pɛliyɛ kpai shɔ zɛ vi gbete shɔ mati a nyaba Ɗalapa u shɔ shɔraanɛ kn kiriri.
11Aru Ɗalapa tasiu raantanɛtɛ, a nyaba gbete kã shɔzɛ raanɛ kpai yɛ.12Aru tɔ̃vɨn shonɛ matiu nɛu yaa vishonɛ a Ɗalapa nta tɔ̃vɨn ɓa awuni ɓayɛ, a vigbete shɔgbeteyi ji ãsisɨn ɓa i kasiyɛnitɔ, u ɔ̃ ɔ̃nɛ yuu sãnɛ, u ɔ̃ shɔ tɔ̃vɨn a sisɨn, u tasi ɔ̃nɛ Ɗalapa a kotipimni,13u ɗɔgbete u ga lee Ɗa susãri tasinɛ bi yɛ ayɛ, aɗagbete u basiu Ɗalapa au ɓɛjaa Yesɔ Kirisi shɔ-shɔ raanɛ yɛ a yɛ.14Yesɔ kɔ ãu yuurɛ a vɔrɛ au yuuni, aru u raau a ruuvini ni kpai u pɔ̃urɛ u ɔ̃ u shɔ wɔsɔ-wɔsɔ, badijo shɔ gbeteyi sisɨn vitɔ̃vɨng pɛlinɛ ɗɔnyɛ.15A mati shɔ vim a kakani a masaa shɔ ntanɛyi bitɔ a gɔ̃yi yushotɔ. Mɔkɔ yaa shɔwɔnɛ u kanɔɔnɛrɛ a mɔkɔni.

The Word for the World International

https://app.library.bible/content/6fec21b499f7e625