য়হুন্না21
1আকো নোইতা ইশুহা ন্যাসারাং গালীল লুংবিকো তিবেরিয়াস দাব্রিতা য়োংতোংবিকোতা তিংয়ায়ে।2সিমোন পত্রস, জুমলেহা তাওয়া থোমা, গালীলকো কানাতা য়ুংওয়া নাতানেল, জোব্দিয়াকো চেংওয়াবি আসা লেরা নিহসো ইশুকো য়োংতোংবি আউতাহা এপা তিংয়ায়ে।3আসা সিমোন পত্রসহা ব্যারোবিহিং জাংয়ে, “কাহা নায়া স্যাকাকো হোরো।”
আবিরে জাংয়ে, “কাবিরে নাতিহিংপারাং হোরো।” আসা আবিহা হোমসা নোওয়াইতা বাইয়ে। আদো আবিহা হিপপিরি জেরে তিদো ইপু নায়ারে প্যইমক্যইতো।4হাপকুং হোহোইদাংনুওয়া ইশুহা জোরা আরিতা জাদিংওয়া নিমি। আদো য়োংতোংবিহা ইশুরাংগা তামসা নাইমক্যইতো।5ইশুহা আবিহিংয়া জাংয়ে, “ব্যারোবাই, নাবিহা ইপু নিপু নায়াবি স্যামি নিংগা?”
আবিহা জাংয়ে, “স্যাইমকোইয়াংনা!”6ইশুহা আবিহিংয়া জাংয়ে, “নোওয়াইকো দাংক্রেং কাটুতা জেরে তি, আসা নাবিহা নায়া মুংরোওয়া।” ইশুকো জাংওয়া সেইরাং আবিহা জেরে তিয়ে। আত্রংহা নায়াহা উইসে জেরেতা ওয়াংয়ে। আকো সোতা আবিহা জেরে দেইমক্যইতো।7ই তিংমসা ইশুকো জেজেংপা জোওয়া য়োংতোংহা পত্রসহিং জাংয়ে, “আকুহা প্রভুগুং!” “আকুহা প্রভুগা” তাওয়া হিংতানি পত্রসহা আপনিকো লুউমসা এওয়া আংদুং মেরোইমসা তিতা তোইংয়ে।8লেরা য়োংতোংবিহা নোওয়াইতা ল্যইমসা নায়াসো মেইপুওয়া জেরে দেইমসা আরিতা ওয়াংয়ে। আবিহা আরিসোহা তানাং মোতোমি, একশো মিটার কাচি মেংচে বারগাং নিমি।9আরিতা দেয়োংনুওয়া আবিহা মেকো মেসেকো তোইতা নায়া আসা কোব্রেং তিংয়ে।10ইশুহা আবিহিং জাংয়ে, “নাবিকো নেকো প্যইওয়া নায়া এংসি ইতা পা!”11আত্রংহা সিমোন পত্রসহা নোওয়াইতা ল্যইমসা একশো তিপ্পান্ননোরা টেরবো টেরবো নায়াসো মেইওয়া জেরে দেইপামসা আরিতা চোইপা পারায়ে। আদো এসে উইসে নায়া জেরেতা পোরেমসারে জেরেহা মায়াইতো।12ইশুহা আবিহিংয়া “চাকো লেই!” তামসা মোউয়ে। আত্রংহা য়োংতোংবিহা চুসুংপুমসা “নাতিহা হাংসুগা?” তামসা উইকো মেকেংতো। আবিহা আকুহিংয়া “প্রভুরাংগা” তামসা নাইনতেমি নিমি।13ইশুহা কোব্রেং চুংমসা আবিহিং পিচায়ে, এপারাং নায়ারে পিচায়ে।14ইশুহা সিমসা ঙারোনতেনুকো নোইতাহা য়োংতোংবিকোতা তিংয়াওয়াহা ইহা সুংকোইগা।15আবি চাপুনতেনুকো নোইতাহা ইশুহা সিমোন পত্রসহিং জাংয়ে, “ও য়হুন্নাকো চেংওয়া সিমোন, নাতিহা কাহিংয়া দোসরারোমা সিওপা জেজেংপা জোমগা?”
পত্রসহা জাংয়ে, “ওই প্রভু, কা নাতিহিংয়া জেজেংপা জোমি তাওয়া নুওয়াংহা নাতিরাং গেমগা।”
ইশুহা আকুহিংয়া জাংয়ে, “এপা বেনাহা কুং এচেংবিহিং ল্যাচোই।”16আসা ইশুহা পত্রসহিং নিহকোই উইয়ে, “ও য়হুন্নাকো চেংওয়া সিমোন, নাতিহা কাহিংয়া আজিপ্পারাং জেজেংপা জোমগা?”
পত্রসহা জাংয়ে, “ওই প্রভু, কা নাতিহিংয়া জেজেংপা জোমগা তাওয়া নুওয়াংহা নাতিরাং গেমি নিও।”
ইশুহা জাংয়ে, “এপা বেনাহা কুং লুকাবিহিং কাংপি।”17আসা ইশুহা পত্রসহিং সুংকোই চোইপা উইয়ে, “ও য়হুন্নাকো চেংওয়া সিমোন, নাতিহা কাহিং জেজেংপা জোমগা?” ইশুহা আকুহিংয়া সুংকোই চোইপা নাতিহা কাহিং জেজেংপা জোমগা তামসা উইমকো সোতা পত্রসহা তুংসিং চিচাপুয়ে।
আকুহা জাংয়ে, “প্রভু, নাতিহা তাংসা নুওয়াং গেমগা, কা নাতিহিং জেজেংপা জোমি তাওয়া নুওয়াংরে নাতি আপনিরাং গেমি নিও।”
ইশুহা পত্রসহিংয়া জাংয়ে, “এপা বেনাহা কুং লুকাবিহিং এনতাপা ল্যাচোই।”18কা নাতিহিং জাংরোওয়া, নাতি ওয়াংটেংটেংগেংপা নিনুওয়া আপনিকো বুজিংওয়াহা আপনিরাং জিংচামগা আসা হাংতা হাদাংপা জিং আউতা হামগা, আদো ওয়ারাংপুনুওয়াহা নাতিহা আপনিকো খুই লাপুরোওয়া আসা দোসরা ইচো নাকো বুজিংওয়া জিংপিরোওয়া আসা নাকো মেজেজেংওয়া জায়গাতা পুরারোওয়া।19(ই নুওয়াং ইশু জাংনুওয়া পত্রসহা সেংজাকো আদর আসা মহিমা জোকোহা হেপা সিনেকোমে তামসা জাংদিংমি।) আকো নোইতা ইশুহা পত্রসহিং জাংয়ে, “নাতিহা কুং নুনুই হুই।”20পত্রস নোই ল্যামসা কাংনুওয়া প্রভুকো জেজেংওয়া য়োংতোং নুনুই নুনুই হুইদিংমি। (প্রভু ভোজতাহা আকুহা ইশুকো তুংসিংতা ব্যামসা “প্রভু, নাতিহিংয়া হাংসু প্যইপাপুকোগা?” তামসা উইমি নিমি।)21পত্রসহা আকুহিংয়া ওয়াংপাওয়া তিংমসা ইশুহিং উইয়ে, “প্রভু, ইকোহা হাং জিংকোগা?”22ইশুহা পত্রসহিং জাংয়ে, “কা মেলেনু চোইপা আকুহা মিসিয়েকো তাওয়া কা ইচ্ছা জোদো নাতিহিংয়া হাংজিংপুংগাসা? নাতিহা কুং নুনুই হুই।”23ইশুকো ই জাংওয়া হিংমকো সোতা আকু য়োংতোংহা সিমগ্যইরোওয়া তাওয়া নুওয়াং ইশুকো দোসরা য়োংতোংবিকোতারে বেইপুয়ে। আদো ইশুহা এপা মাজাংয়াংমগা। আদো আকুহা “কা মেলেনু চোইপা মিসিয়েকো তাওয়া ইচ্ছা জোদো নাতিহিংয়া হাংজিংপুমগাসা?” তামসা জাংওয়া নিমগা।24ই য়োংতোংরাং ই তাংসা নুওয়াংবি তিংমসা ইতা আজিপ্পারাং জাংদিংয়ো, আকুরাং ই নুওয়াংবিরে ল্যায়ে আসা আকো জাংওয়াহা আজিপ্পারাংগা তামসা কাবিরে গেদিংয়ো।25নেহা ইশুহা দোসরারে উইসে কামবি জোমি নিও। আকু তাংসা ইচো ইচো জোমসা হিগাতা লানাহা লাওয়া হিগাবিহা তাংসা বাসিমতিতা মেইপুমসা মুসুপুকোগা।
আবিরে জাংয়ে, “কাবিরে নাতিহিংপারাং হোরো।” আসা আবিহা হোমসা নোওয়াইতা বাইয়ে। আদো আবিহা হিপপিরি জেরে তিদো ইপু নায়ারে প্যইমক্যইতো।4হাপকুং হোহোইদাংনুওয়া ইশুহা জোরা আরিতা জাদিংওয়া নিমি। আদো য়োংতোংবিহা ইশুরাংগা তামসা নাইমক্যইতো।5ইশুহা আবিহিংয়া জাংয়ে, “ব্যারোবাই, নাবিহা ইপু নিপু নায়াবি স্যামি নিংগা?”
আবিহা জাংয়ে, “স্যাইমকোইয়াংনা!”6ইশুহা আবিহিংয়া জাংয়ে, “নোওয়াইকো দাংক্রেং কাটুতা জেরে তি, আসা নাবিহা নায়া মুংরোওয়া।” ইশুকো জাংওয়া সেইরাং আবিহা জেরে তিয়ে। আত্রংহা নায়াহা উইসে জেরেতা ওয়াংয়ে। আকো সোতা আবিহা জেরে দেইমক্যইতো।7ই তিংমসা ইশুকো জেজেংপা জোওয়া য়োংতোংহা পত্রসহিং জাংয়ে, “আকুহা প্রভুগুং!” “আকুহা প্রভুগা” তাওয়া হিংতানি পত্রসহা আপনিকো লুউমসা এওয়া আংদুং মেরোইমসা তিতা তোইংয়ে।8লেরা য়োংতোংবিহা নোওয়াইতা ল্যইমসা নায়াসো মেইপুওয়া জেরে দেইমসা আরিতা ওয়াংয়ে। আবিহা আরিসোহা তানাং মোতোমি, একশো মিটার কাচি মেংচে বারগাং নিমি।9আরিতা দেয়োংনুওয়া আবিহা মেকো মেসেকো তোইতা নায়া আসা কোব্রেং তিংয়ে।10ইশুহা আবিহিং জাংয়ে, “নাবিকো নেকো প্যইওয়া নায়া এংসি ইতা পা!”11আত্রংহা সিমোন পত্রসহা নোওয়াইতা ল্যইমসা একশো তিপ্পান্ননোরা টেরবো টেরবো নায়াসো মেইওয়া জেরে দেইপামসা আরিতা চোইপা পারায়ে। আদো এসে উইসে নায়া জেরেতা পোরেমসারে জেরেহা মায়াইতো।12ইশুহা আবিহিংয়া “চাকো লেই!” তামসা মোউয়ে। আত্রংহা য়োংতোংবিহা চুসুংপুমসা “নাতিহা হাংসুগা?” তামসা উইকো মেকেংতো। আবিহা আকুহিংয়া “প্রভুরাংগা” তামসা নাইনতেমি নিমি।13ইশুহা কোব্রেং চুংমসা আবিহিং পিচায়ে, এপারাং নায়ারে পিচায়ে।14ইশুহা সিমসা ঙারোনতেনুকো নোইতাহা য়োংতোংবিকোতা তিংয়াওয়াহা ইহা সুংকোইগা।15আবি চাপুনতেনুকো নোইতাহা ইশুহা সিমোন পত্রসহিং জাংয়ে, “ও য়হুন্নাকো চেংওয়া সিমোন, নাতিহা কাহিংয়া দোসরারোমা সিওপা জেজেংপা জোমগা?”
পত্রসহা জাংয়ে, “ওই প্রভু, কা নাতিহিংয়া জেজেংপা জোমি তাওয়া নুওয়াংহা নাতিরাং গেমগা।”
ইশুহা আকুহিংয়া জাংয়ে, “এপা বেনাহা কুং এচেংবিহিং ল্যাচোই।”16আসা ইশুহা পত্রসহিং নিহকোই উইয়ে, “ও য়হুন্নাকো চেংওয়া সিমোন, নাতিহা কাহিংয়া আজিপ্পারাং জেজেংপা জোমগা?”
পত্রসহা জাংয়ে, “ওই প্রভু, কা নাতিহিংয়া জেজেংপা জোমগা তাওয়া নুওয়াংহা নাতিরাং গেমি নিও।”
ইশুহা জাংয়ে, “এপা বেনাহা কুং লুকাবিহিং কাংপি।”17আসা ইশুহা পত্রসহিং সুংকোই চোইপা উইয়ে, “ও য়হুন্নাকো চেংওয়া সিমোন, নাতিহা কাহিং জেজেংপা জোমগা?” ইশুহা আকুহিংয়া সুংকোই চোইপা নাতিহা কাহিং জেজেংপা জোমগা তামসা উইমকো সোতা পত্রসহা তুংসিং চিচাপুয়ে।
আকুহা জাংয়ে, “প্রভু, নাতিহা তাংসা নুওয়াং গেমগা, কা নাতিহিং জেজেংপা জোমি তাওয়া নুওয়াংরে নাতি আপনিরাং গেমি নিও।”
ইশুহা পত্রসহিংয়া জাংয়ে, “এপা বেনাহা কুং লুকাবিহিং এনতাপা ল্যাচোই।”18কা নাতিহিং জাংরোওয়া, নাতি ওয়াংটেংটেংগেংপা নিনুওয়া আপনিকো বুজিংওয়াহা আপনিরাং জিংচামগা আসা হাংতা হাদাংপা জিং আউতা হামগা, আদো ওয়ারাংপুনুওয়াহা নাতিহা আপনিকো খুই লাপুরোওয়া আসা দোসরা ইচো নাকো বুজিংওয়া জিংপিরোওয়া আসা নাকো মেজেজেংওয়া জায়গাতা পুরারোওয়া।19(ই নুওয়াং ইশু জাংনুওয়া পত্রসহা সেংজাকো আদর আসা মহিমা জোকোহা হেপা সিনেকোমে তামসা জাংদিংমি।) আকো নোইতা ইশুহা পত্রসহিং জাংয়ে, “নাতিহা কুং নুনুই হুই।”20পত্রস নোই ল্যামসা কাংনুওয়া প্রভুকো জেজেংওয়া য়োংতোং নুনুই নুনুই হুইদিংমি। (প্রভু ভোজতাহা আকুহা ইশুকো তুংসিংতা ব্যামসা “প্রভু, নাতিহিংয়া হাংসু প্যইপাপুকোগা?” তামসা উইমি নিমি।)21পত্রসহা আকুহিংয়া ওয়াংপাওয়া তিংমসা ইশুহিং উইয়ে, “প্রভু, ইকোহা হাং জিংকোগা?”22ইশুহা পত্রসহিং জাংয়ে, “কা মেলেনু চোইপা আকুহা মিসিয়েকো তাওয়া কা ইচ্ছা জোদো নাতিহিংয়া হাংজিংপুংগাসা? নাতিহা কুং নুনুই হুই।”23ইশুকো ই জাংওয়া হিংমকো সোতা আকু য়োংতোংহা সিমগ্যইরোওয়া তাওয়া নুওয়াং ইশুকো দোসরা য়োংতোংবিকোতারে বেইপুয়ে। আদো ইশুহা এপা মাজাংয়াংমগা। আদো আকুহা “কা মেলেনু চোইপা মিসিয়েকো তাওয়া ইচ্ছা জোদো নাতিহিংয়া হাংজিংপুমগাসা?” তামসা জাংওয়া নিমগা।24ই য়োংতোংরাং ই তাংসা নুওয়াংবি তিংমসা ইতা আজিপ্পারাং জাংদিংয়ো, আকুরাং ই নুওয়াংবিরে ল্যায়ে আসা আকো জাংওয়াহা আজিপ্পারাংগা তামসা কাবিরে গেদিংয়ো।25নেহা ইশুহা দোসরারে উইসে কামবি জোমি নিও। আকু তাংসা ইচো ইচো জোমসা হিগাতা লানাহা লাওয়া হিগাবিহা তাংসা বাসিমতিতা মেইপুমসা মুসুপুকোগা।
The Seed Company