Mark12
1နောက်လောင်နော့် စောင့်ယေရှုန အောင်းကွန်းလေ တောင်းပွန်ဥပမာလေတောင်း ဝါကော်လ “ကွန်းကော်နိမ်န အောင်းဆွုန်အစ် ပူဆီ တာခေါက်လောင့်မ်ဝိုက်ကော်ဝိုက်။ မွန်းန ဟပေါနယ့်ကို့မတ်အစ်လေ အောင်းခွန်မ်တူးနိမ် ကွန်ဆီ ဟပေါနယ့်ပေါင့်ဝ်အောင်းဆွုန်အစ် အောင်းမျှော်စန် တူးနိမ် တောင့်ကော်ဝိုက်။ နောက်လောင်နော့် အောင်းဆွုန်အစ်ဟောန့် တောင်းကွန်းကျဉ်းငှာလေတောင်း ငှာဆီ ရာတန်းတီ အောက်ပိုင်းတန်းကော်ဝိုက်။2အချီန်ဆိဉ်းမတ်အစ်ထီန်မားကော်လော့် မွန်းန အောင်းခကော်နိမ် ဆီမေဆွုန်အစ်န ဟပေါနယ့်အောင်းဝ်အောင်းမတ်အစ်မောင်းဖောင် ရာကွန်းကျဉ်းငှာလေ ပွယ်ကော်ဝိုက်။3မေနယ့်လော့် ကွန်းကျဉ်းငှာလေန အောင်းခဟောန့် ဝမ့်ဆီ တင်ဆီ အဟောင်းကော့်မဟောင့်ဝ်ဆီ ပွယ်ပေါက်ကော်ဝိုက်။4ကောပ့်နယ့်ညော့ စောင့်ဆွုန်အစ်န အောင်းခတန်းတီကော်နိမ် ပွယ်ဟွန်းကော်ဝိုက်။ တော်နယ်ကော့် ကွန်းစောင့်ကျဉ်းငှာန အောင်းဟိုခဟောန့် တင်ဆီ ဟနွိုက်အောင်းအိုင်းဆီ ပွယ်ပေါက်ဟွန်းကော်ဝိုက်။5စောင့်ဆွုန်န အောင်းခတန်းတီကော်နိမ် ပွယ်ဟွန်းကော်လော့် စောင့်ကျဉ်းငှာလေန အောင်းခဟောန့် အောင်းဝ်သိုင်းဟင်းကော်ဝိုက်။ အောင်းခတန်းတီမကျေးမလေ ပွယ်မေကော့် နောင်နောင့်ကျဉ်းနော့် အောင်းစအောင်းကန့်ဖောင် တင်ဆီ အောင်းစအောင်းကန့်ဖောင်ပေါဝါလော့် အောင်းဝ်သိုင်းဟင်းကော်ဝိုက်။6နောင်နယ့်ဆီ စောင့်ဆွုန်အစ်န အောင်းမွန်းနယ့်ဟောက် အောင်းလုစိုင်းမွန်းကော်နိမ်အင်ဟော် ဟပေါနယ့်ပွယ် ကျန်ဟောဝိုက်။ စောင့်ဆွုန်အစ်န ‘အောင်းလုစိုင်းကောပေါဝါလော့် မနော်တလေးစားဟင်း’ ဆီ ထန်ဆီ အောင်းလုစိုင်းမွန်း ပွယ်ကော်ဝိုက်။7တော်နယ်ကော့် ကွန်းစောင့်ကျဉ်းငှာလေန ‘ကွန်းဟိုက်န ကွန်းတနွိုက်အမွေ။ မားဟင်း၊ အောင်းမွန်း အောင်းဝ်သိုင်းဟင်းစို့။ နောင်နယ့်ဟောင်ဝါမှ အောင်းအမွေမွန်း ဟောတနွိုက်’ ဆီ အချန်းချန်း တန့်ဟင်းကော်ဝိုက်။8ကောပ့်နယ့်ညော့ မနော်လေန အောင်လုစိုင်းစောင့်ဆွုန်အစ် ဝမ့်ဆီ အောင်းဝ်သိုင်းဟင်းကော်ဝိုက်။ နောက်လောင်နော့် တောင်းပါ့ခနောက်ဆွုန်အစ် ဟူအောက်ဟင်းကော်ဝိုက်။9နောင်နယ့်ပေါဝါလော့် စောင့်ဆွုန်အစ်န တဟေနောင်နူး။ မွန်းန မားဆီ အောင်းကွန်းစောင့်ကျဉ်းငှာလေ အောင်းဝ်သိုင်းဆီ အောင်းဆွုန်အစ် တဟောင့်ဝ်အောင်းပွန်ကော်ဝိုက်။10ရာလိကျမ်း ‘ကောင့်ဟဉ်အောင်းကွန်းစောင့်တောင့်ဟုန်းလေဝေဝိုက်နဟောင်ပေါတောင့်ဟုန်းလော့် အောင်းစဟုန်းတောင်းဟွေဟွေ ပေးကောင့်ဟဉ်အရေးရောင်ဝ်မားကော်ဝိုက်။11စောင့်ဖလားန အောင်းဟိုက်လေ ဟပေးဆီ အောင်းစဟောကော့် ခနီးအမ်းဝိုက်’ဆီ အောင်းတင့်မ်ဝိုက် မဆူမဖတ်ကောင်ဝ်လေး”ဆီ ဝါကော်ဝိုက်။12မေနယ့်လော့် ပုရောဟိတ်အောင်းရောင်ဝ်လေ၊ ဆရာကျမ်းစန်လေတောင်း ကွန်းဂျူးအောင်းရောင်ဝ်လေန စောင့်ယေရှုန အောင်းပွန်ဥပမာဟိုက် ခဝါအောင်းစမနော်ဆီ အကြောင်းဝါလ ဟုဟင်းကော်ညော့ အောင်းမွန်းစောင့် ဟပေါနယ့်ဝမ့် ခါတန်းဟင်းကော်ဝိုက်။ တော်နယ်ကော့် မနော်လေန အောင်းကွန်းဖွန် နယ့်နီးကိုးညော့ အောင်းမွန်းစောင့် ဝိုက်ဝိုက်ဆီ အောက်ကွာဟင်းကော်ဝိုက်။13နောက်လောင်နော့် ကွန်းရောင်ဝ်ဂျူးလေန ရာခနောဝ်ခွမ်းစောင့်ယေရှု အောင်းဖစ်ဟောင်ပေါပါလော့် ဟပေါနယ့်ဝမ့် အောင်းဖာရိရှဲကန့်ဖောင်တောင်း အောင်းကွန်းဟေရုဒ်မောင်းဖောင်လေ ရာမွန်းစောင့် ပွယ်ကော်ဝိုက်။14ကွန်းဟောန့်လေန အောင်းမွန်းစောင့် မားဆီ “ဆရာ၊ ဆရာန ပေးကွန်းနီးဆီ ပေးကွန်းမစောင်းမ်နာ့ဝါလ ဟောဟု။ ဆရာန အောင်းနာ့ဖောကော့်မထောက်ဆီ အောင်းတန်းတလားစောင့်ဖလားနဲဟော် တော်ပေါစော် အောင်းစန်ဆောန်န ဟောဟု။ ကောပ့်နယ့်ညော့ အောင်းစောင့်ခွန်ဟော်ဖိုင်ရောမ အောင်းဟောင့်ဝ်ကာန စော်လေး၊ မစော်လေး” ဆီ ထန်မ်ဟင်းကော်ဝိုက်။15မွန်းစောင့်န အောင်းကွန်းဟောန့်လေယောင်ဆောင်ကွန်းနီးန ဟုကော်ညော့ “ဟေဟောင်းဆီ အောင်းစကော ဟပေါနယ့်ဟန့်ရု ကျိုးကျားဟင်းန။ ကောဟပေါနယ့်တွဲ ဖိုင်ငွန်း ချပ်နိမ် အောင်းဝ်ဟင်းမားရာကော” ဆီ ဝါကော်ဝိုက်။16ကောပ့်နယ့်ညော့ မနော်လေန အောင်းဖိုင်ငွန်းချပ်နိမ် အောင်းဝ်ဆီ ဟောင့်ဝ်ဟင်းကော်လော့် မွန်းစောင့်န “ခနေဖိုင်ငွန်းဟိုက် ပုံဖောတောင်းနာမယ်ဖောပါ” ဆီ ထန်မ်ကော်ဝိုက်။
ကွန်းဟောန့်လေကော့် “ပုံစောင့်ခွန်ဟော်ဖိုင်ရောမတောင်း နာမယ်စောင့်ခွန်ဟော်ဖိုင်ရောမ” ဆီ တန်ပြားဟင်းကော်ဝိုက်။17နောက်လောင်နော့် မွန်းစောင့်န အောင်းစမနော် “အောင်းတောင်းစောင့်ခွန်ဟော်ဖိုင်ရောမတောင်းဆိုင်လေပေါဝါလော့် ဟောင့်ဝ်ကော်အောင်းစောင့်ခွန်ဟော်ဖိုင်ရောမ။ အောင်းတောင်းစောင့်ဖလားတောင်းဆိုင်လေပေါဝါလော့် အောင်းစောင့်ဖလား ဟောင့်ဝ်ဟင်းကော်” ဆီ ဝါကော်ဝိုက်။
ကွန်းဟောန့်လေကော့် အောင်းစောင့်ယေရှု အမ်းဟင်းကော်ဝိုက်။18နောက်လောင်နော့် ဆီမေအောင်းသိုင်းန အောင်းခွန်းပေါက်မရောင်းဆီ ကွန်းစောင့်ယွန်မ်ဝိုက်ဟင်း ဇဒ္ဒုကဲမောင်းဖောင်န ရာစောင့်ယေရှု ထီန်ဟင်းမားကော်ဝိုက်။ မနော်လေန19“ဆရာ၊ ရာခနောဝ်ပညတ်ကျမ်းမောရှေ ‘ကော့်စိုင်းအောင်းပရရောင်းကော်နိမ်န လအောင်မနွိုက်ဆီ သိုင်းကော်ဆီ အောင်းပရမွန်း ဟောင်ပေါဝိုက်ဝိုက် အောင်းပေးနောင့်စိုင်းမွန်းန အောင်းမယ်ဟန့်ဟောန့် အောင်းဝ်ဆီ အောင်းစပီစိုင်းမွန်း လအောင်တော်ပေါနွိုက် တနယ့်ဟေ’ ဆီ တင့်မ်ဝိုက်။20မေဟာနိမ်လော့် ပီအိုက်နောင့်စိုင်း စေကော့်ရောင်း။ ပီစိုင်းအောင်းချဉ်းရောင်ဝ်န အောင်းဝ်ပရဆီ လအောင်မနွိုက်ဆီ သိုင်းကော်ဝိုက်။21ဒုတိယအောင်းချဉ်းရောင်ဝ်ကော့် အောင်းမယ်ဟန့်ဟောန့် အောင်းဝ်ဆီ လအောင်မနွိုက်ဆီ သိုင်းဟွန်းကော်ဝိုက်။ နောင့်စိုင်းတတိယကော့် နောင်နောင့်ကျဉ်းနော့် ပေးကော်ဝိုက်။22နောင်နယ့်ဆီ ပီအိုက်နောင့်စိုင်းစေကော့်န တောင်းမယ်ဟန့်ဟောန့်တောင်း အောင်းဝ်ဆီ လအောင်မနွိုက်ဆီ သိုင်းဟင်းကော်ဝိုက်။ နောက်လောင်နော့် မယ်ဟန့်ဟောန့်ကော့် သိုင်းကော်ဝိုက်။23ကော့်ယဉ်းဟောန့်န တောင်းပီအိုက်နောင့်စိုင်းစေကော့်တောင်း လတ်ထတ်မားညော့ မနော်တောင်းလုန်န ဆီမေအောင်းသိုင်း အဆတ်ဟောင်ပေါခွန်းပေါက်မားလော့် ကော့်ယဉ်းဟောန့်န တပေးပရဖော” ဆီ ထန်မ်ဟင်းကော်ဝိုက်။24မေနယ့်လော့် မွန်းစောင့်န အောင်းစမနော် “မဆူလေန အောင်းလိကျမ်းကော့်ခရောင့်ဝ်၊ အောင်းအစွမ်းစောင့်ဖလားကော့်ခရောင့်ဝ် မဟုဟင်းညော့ မဆူလေန နောင်နယ့်ဆီ နယ့်ဖစ်ဟင်းန။25ဟေဟောင်းဆီပေါဝါလော့် ဆီမေအောင်းသိုင်းန အဆတ်ဟောင်ပေါခွန်းပေါက်လော့် ကွန်းသိုင်းရောင့်ဝ်လေန အောင်းလတ်ထတ်တောင်း အောင်းပေါ်မယ်လေ ဟောင့်ဝ်တော်ဟင်းဆီ အောင်းအောင်းဝ်တော်ဟင်းလေ တရောင်းကော့်မစော်။ မနော်လေန အောင်းရောင်းရာမှိန်းခမ်း နောင်ဖီဒေဝါလေညော့ တပေးဟင်း။26အောင်းကွန်းသိုင်းလေအဆတ်ခွန်းပေါက်တောင်းအောင်းဆိုင် ရာလိကျမ်းမောရှေ အကြောင်းဖိုင်းမိုက်ယွန်းမ်တောင်း အောင်းတင့်မ်ဝိုက်န စောင့်ဖလားလ အောင်းမောရှေ ‘ကောန ပေးစောင့်ဖလားအာဗြဟံ ၊ ပေးစောင့်ဖလားဣဇက်၊ ပေးစောင့်ဖလားယာကုပ်ဟော်’ ဆီ အောင်းတင့်မ်ဝိုက်လ မဆူမဖတ်ကောင်ဝ်လေး။27ကောပ့်နယ့်ညော့ စောင့်ဖလားန စောင့်ဖလားကွန်းသိုင်းလေမစော်ဆီ ပေးစောင့်ဖလားကွန်းအဆတ်ရောင်းလေ။ ဟေဟောင်းဆီပေါဝါလော့် မနော်လေန ရာလောကဟိုက် သိုင်းဟင်းရောင့်ဝ်မေကော့် တောင်းစောင့်ဖလားတောင်း အဆတ်နယ့်ခွန်းဟင်း။ ကောပ်နယ့်ညော့ မဆူလေန အိုက်ဖစ်ဟင်းကော်” ဆီ ဝါကော်ဝိုက်။28ဆရာကျမ်းစန်ကော်နိမ်န မားဆီ အောင်းစောင့်ယေရှုတောင်းအောင်းဇဒ္ဒုကဲလေ ထိန်တော်ဟင်းန နယ့်ဟဉ်းကော်ဝိုက်။ စောင့်ယေရှုန အောင်းစမနော် နီးနီးငမ်းငမ်း အောင်းဖြေလေ နယ့်ဟောန်ကော်လော့် မွန်းန ရာမွန်းစောင့် မားဆီ “ရာခနောဝ်ပညတ်တော်လေတောင်းလုန်န ပညတ်တော်အောင်းထောန ချဉ်းအရေးရောင်ဝ်န” ဆီ ထန်မ်ကော်ဝိုက်။29မွန်းစောင့်န “ ‘ကွန်းအမျိုးအစ္စရေးလေ ထောင်မ်ဟင်း။ အောင်းပေးစောင့်ဟော စောင့်ဖလားန ပေးစောင့်ဖလားဆူနိမ်နဲဟော်။30အောင်းစောင့်ဖလား တိုး၊ စောဝ်၊ မတ်စောဝ် တောင်းဆမ်ပါးတောင်း ထုပြားဆီ ကာဉာဏ်မဆူရောင်းတောင်း တနယ့်ဟောက်’ ဝါလ ပညတ်တော်န ချဉ်းအရေးရောင်ဝ်။31ဒုတိယပညတ်တော်အောင်းချဉ်းရောင်ဝ်န ‘အောင်းစောင့်ကောင်ဝ်တောင်းကောင်ဝ် နောင်ဟောက်ညော့ အောင်းဟုန်းကောင့်ဝ်တောင့်ဝ်ဖိုင်လေ တနယ့်ဟောက်’ ဆီ ပေး။ ဆာဆီပညတ်တော်ဟိုက်ဆောင်န်ပါး ပညတ်တော်အောင်းအရေးရောင်ဝ်ဝါလ မရောင်း” ဆီ ဝါပေါက်ကော်ဝိုက်။32ဆရာကျမ်းစန်ဟောန့်ကော့် “စော်ကျဉ်းနော့်ဆရာ။ စောင့်ဖလားန ဆူနိမ်နဲဟော်ရောင်းဆီ စောင့်ဖလားဟောန့်ပါးနိမ်လလွှဲဆီ စောင့်ဖလားအောင်းတန်းတီမရောင်းဆီ အောင်းဆရာဝါန စော်။33ဟောလေန အောင်းစောင့်ဖလား တိုး၊ စောဝ်၊ မတ်စောဝ် တောင်းဆမ်ပါးတောင်း ထုပြားဆီ ကာအောင်းရောင်း တောင်းဉာဏ်တောင်းလုန်တောင်း တနယ့်ဟောက်။ အောင်းစောင့်ကောင်ဝ်တောင်းကောင်ဝ် နောင်ဟောက်ညော့ အောင်းဟုန်းကောင့်ဝ်တောင့်ဝ်ဖိုင်စောင့်ကောင်ဝ်ကော့် တနယ့်ဟောက်ဆီ အောင်းစောင်းမ်ဟေ အောင်းပညတ်တော်လေလ တောင်းတိရိစ္ဆာန်လေတောင်း အောင်းကျန်အောင်းတန်းတီလေ ဆောက်ဖိုင်းဆီ ကပ်အောင်းစောင့်ဖလားတောင်း ခေါင့်ဝ်၊ နမ့်မောန်းတောင်း အောင်းနောင်ဝိုင်လေ အောင်းကျန်အောင်းတန်းတီလေမကား ဆာဆီအရေးရောင်ဝ်” ဆီ ဝါပေါက်ကော်ဝိုက်။34ကွန်းဟောန့်န တောင်းပညာတောင်း အောင်းဖြေပေါက်န စောင့်ယေရှုနယ့်ဟဉ်းကော်လော့် မွန်းစောင့်န အောင်းကွန်းဟောန့် “မောန တောင်းသာသနာတော်စောင့်ဖလားတောင်း မကိုင်းကော့်” ဆီ ဝါကော်ဝိုက်။ နောက်လောင်နော့် အောင်းစောင့်ယေရှု ဖောကော့် နောက်လောင် မေးခွန်းလေ မထန်မ်ပေးဟင်းကော့်ဝိုက်။35စောင့်ယေရှုန ရာခနောဝ်ဝမ်းဗိမာန်တော် တကြားဆောန်ဆီအူလော့် မွန်းစောင့်န “မေရှိယန ပေးလုစိုင်းစောင့်ခွန်ဟော်ခမ်းဒါဝိဒ်ဆီ ဟေဟောင်းဆီ ဆရာကျမ်းစန်လေ ဝါဟင်းန။36စောင့်ခွန်ဟော်ခမ်းဒါဝိဒ်ကိုယ်တိုင် အောင်းဉာဏ်အလင်းတော်‘စောင့်ဖလားန အောင်းစောင့်ကော၊အောင်းရန်ဆူမောလေ ခတောင့်ဝ်ဖာတဉ်းကော တော်အချီန်ဝိုက်ပွန့် တောင်းပါ့ကန့်ခွာကော နှောင်မေ ဆီ ဝါဝိုက်’ဆီ ပေးဝိုက်။37စောင့်ခွန်ဟော်ခမ်းကိုယ်တိုင် အောင်းမေရှိယ ‘စောင့်’ ဆီ ဟောင်ပေါဟောင့်လော့် မေရှိယန လုစိုင်းစောင့်ခွန်ဟော်ခမ်းဒါဝိဒ် နောင်နူးတပေးပဲ့” ဆီ ဝါကော်ဝိုက်။
ကွန်းဖွန်လေန အောင်ခွမ်းစောင့်ယေရှု ဟောမ်ဟောမ်စွုမ်းစွုမ်း ထောင်မ်ဟင်းကော်ဝိုက်။38နောင်နယ့်ဆီ တကြားဟောပြားဆောန်ပြားန စောင့်ယေရှုန “အောင်းဆရာကျမ်းစန်လေ ဟေအလေးဟင်း။ မနော်လေန အောင်းဆေလုန်လေနွန်ဆီ ခကွာခမားဟင်း။ ရာတီဈေး အောင်းကွန်းလေနှုတ်ဆက်ရိုရိုသေသေကော့် ခခမ်ဟင်း။39ရာတလားစလပ်လေကော့် ရာခုံအောင်းချဉ်းအရေးပါတောင်း ရာစပွဲလေကော့် ရာတီအောင်းချဉ်းနီးလေ ခနှောင်ဟင်း။40မနော်လေန အောင်းဟုန်းမယ်ဟန့်လေ မတလားဆိဉ်းဟင်း။ ဟောင်ပေါရောန်းဆုကော့် ဟန်ဆောင်ဆီ ရောင်းဝ်နိန်နိန် စန်ရောင်းဆုဟင်း။ မနော်လေန ဆာဆီအပြစ်ဒဏ်အောင်းရောင်ဝ်လုန် အောင်းဟာင့်ဝ် တနယ့်ခမ်ဟင်း” ဆီ ဝါကော်ဝိုက်။41နောက်လောင်နော့် စောင့်ယေရှုန ရာခန့်ပွန်းအလှူခမ်ဗိမာန်တော် နှောင်ဆီ ကွန်းလေန အောင်းငွန်းအလှူလေ ရာခနောဝ်ပွန်းအလှူခမ်ဟောန့် အောင်းဆောင်ဝ်ဟင်းန တွဲဆီအူဝိုက်။ ကွန်းချမ်းသာလေန ငွန်းလေမကျေးမလေ ဆောင်ဝ်ဟင်းဝိုက်။42နောက်လောင်နော့် မယ်ဟန့်အောင်းဖန်ကော်နိမ်န မားဆီ အောင်းခေါန်ချဉ်းဆေး အောင်းဖိုင်တောင်းနိုင်းအောင်းချဉ်းဆေးဆောင်န်ဖတ် ဆောင်ဝ်အလှူကော်ဝိုက်။43မေနယ့်လော့် မွန်းစောင့်န အောင်းတပဲ့မွန်းစောင့်လေ ဟောင့်ဆီ “အောင်းမဆူ ကောတဝါအောင်းစော်။ မယ်ဟန့်အောင်းဖန်ဟိုက်န ရာခနောဝ်ပွန်းအလှူခမ် ဆာဆီကွန်းတန်းတီလေမကား ဆောင်ဝ်အလှူ။44ဟေဟောင်းဆီပေါဝါလော့် ကွန်းတန်းတီလေန ဆီမေခနောဝ်စည်းစိမ်မနော်လေန အောင်းပိုနဲဟော် လှူဟင်းဟော။ တော်နယ်ကော့် မယ်ဟန့်ဟိုက်ပေါဝါလော့် ပေးကွန်းဖန်မေကော့် မွန်းအဆတ်ခွန်းဆီဟပေါနယ့်အူ အောင်းလို ငွန်းကာအောင်းရောင်းလေ လှူကော်” ဆီ ဝါကော်ဝိုက်။
ကွန်းဟောန့်လေကော့် “ပုံစောင့်ခွန်ဟော်ဖိုင်ရောမတောင်း နာမယ်စောင့်ခွန်ဟော်ဖိုင်ရောမ” ဆီ တန်ပြားဟင်းကော်ဝိုက်။17နောက်လောင်နော့် မွန်းစောင့်န အောင်းစမနော် “အောင်းတောင်းစောင့်ခွန်ဟော်ဖိုင်ရောမတောင်းဆိုင်လေပေါဝါလော့် ဟောင့်ဝ်ကော်အောင်းစောင့်ခွန်ဟော်ဖိုင်ရောမ။ အောင်းတောင်းစောင့်ဖလားတောင်းဆိုင်လေပေါဝါလော့် အောင်းစောင့်ဖလား ဟောင့်ဝ်ဟင်းကော်” ဆီ ဝါကော်ဝိုက်။
ကွန်းဟောန့်လေကော့် အောင်းစောင့်ယေရှု အမ်းဟင်းကော်ဝိုက်။18နောက်လောင်နော့် ဆီမေအောင်းသိုင်းန အောင်းခွန်းပေါက်မရောင်းဆီ ကွန်းစောင့်ယွန်မ်ဝိုက်ဟင်း ဇဒ္ဒုကဲမောင်းဖောင်န ရာစောင့်ယေရှု ထီန်ဟင်းမားကော်ဝိုက်။ မနော်လေန19“ဆရာ၊ ရာခနောဝ်ပညတ်ကျမ်းမောရှေ ‘ကော့်စိုင်းအောင်းပရရောင်းကော်နိမ်န လအောင်မနွိုက်ဆီ သိုင်းကော်ဆီ အောင်းပရမွန်း ဟောင်ပေါဝိုက်ဝိုက် အောင်းပေးနောင့်စိုင်းမွန်းန အောင်းမယ်ဟန့်ဟောန့် အောင်းဝ်ဆီ အောင်းစပီစိုင်းမွန်း လအောင်တော်ပေါနွိုက် တနယ့်ဟေ’ ဆီ တင့်မ်ဝိုက်။20မေဟာနိမ်လော့် ပီအိုက်နောင့်စိုင်း စေကော့်ရောင်း။ ပီစိုင်းအောင်းချဉ်းရောင်ဝ်န အောင်းဝ်ပရဆီ လအောင်မနွိုက်ဆီ သိုင်းကော်ဝိုက်။21ဒုတိယအောင်းချဉ်းရောင်ဝ်ကော့် အောင်းမယ်ဟန့်ဟောန့် အောင်းဝ်ဆီ လအောင်မနွိုက်ဆီ သိုင်းဟွန်းကော်ဝိုက်။ နောင့်စိုင်းတတိယကော့် နောင်နောင့်ကျဉ်းနော့် ပေးကော်ဝိုက်။22နောင်နယ့်ဆီ ပီအိုက်နောင့်စိုင်းစေကော့်န တောင်းမယ်ဟန့်ဟောန့်တောင်း အောင်းဝ်ဆီ လအောင်မနွိုက်ဆီ သိုင်းဟင်းကော်ဝိုက်။ နောက်လောင်နော့် မယ်ဟန့်ဟောန့်ကော့် သိုင်းကော်ဝိုက်။23ကော့်ယဉ်းဟောန့်န တောင်းပီအိုက်နောင့်စိုင်းစေကော့်တောင်း လတ်ထတ်မားညော့ မနော်တောင်းလုန်န ဆီမေအောင်းသိုင်း အဆတ်ဟောင်ပေါခွန်းပေါက်မားလော့် ကော့်ယဉ်းဟောန့်န တပေးပရဖော” ဆီ ထန်မ်ဟင်းကော်ဝိုက်။24မေနယ့်လော့် မွန်းစောင့်န အောင်းစမနော် “မဆူလေန အောင်းလိကျမ်းကော့်ခရောင့်ဝ်၊ အောင်းအစွမ်းစောင့်ဖလားကော့်ခရောင့်ဝ် မဟုဟင်းညော့ မဆူလေန နောင်နယ့်ဆီ နယ့်ဖစ်ဟင်းန။25ဟေဟောင်းဆီပေါဝါလော့် ဆီမေအောင်းသိုင်းန အဆတ်ဟောင်ပေါခွန်းပေါက်လော့် ကွန်းသိုင်းရောင့်ဝ်လေန အောင်းလတ်ထတ်တောင်း အောင်းပေါ်မယ်လေ ဟောင့်ဝ်တော်ဟင်းဆီ အောင်းအောင်းဝ်တော်ဟင်းလေ တရောင်းကော့်မစော်။ မနော်လေန အောင်းရောင်းရာမှိန်းခမ်း နောင်ဖီဒေဝါလေညော့ တပေးဟင်း။26အောင်းကွန်းသိုင်းလေအဆတ်ခွန်းပေါက်တောင်းအောင်းဆိုင် ရာလိကျမ်းမောရှေ အကြောင်းဖိုင်းမိုက်ယွန်းမ်တောင်း အောင်းတင့်မ်ဝိုက်န စောင့်ဖလားလ အောင်းမောရှေ ‘ကောန ပေးစောင့်ဖလားအာဗြဟံ ၊ ပေးစောင့်ဖလားဣဇက်၊ ပေးစောင့်ဖလားယာကုပ်ဟော်’ ဆီ အောင်းတင့်မ်ဝိုက်လ မဆူမဖတ်ကောင်ဝ်လေး။27ကောပ့်နယ့်ညော့ စောင့်ဖလားန စောင့်ဖလားကွန်းသိုင်းလေမစော်ဆီ ပေးစောင့်ဖလားကွန်းအဆတ်ရောင်းလေ။ ဟေဟောင်းဆီပေါဝါလော့် မနော်လေန ရာလောကဟိုက် သိုင်းဟင်းရောင့်ဝ်မေကော့် တောင်းစောင့်ဖလားတောင်း အဆတ်နယ့်ခွန်းဟင်း။ ကောပ်နယ့်ညော့ မဆူလေန အိုက်ဖစ်ဟင်းကော်” ဆီ ဝါကော်ဝိုက်။28ဆရာကျမ်းစန်ကော်နိမ်န မားဆီ အောင်းစောင့်ယေရှုတောင်းအောင်းဇဒ္ဒုကဲလေ ထိန်တော်ဟင်းန နယ့်ဟဉ်းကော်ဝိုက်။ စောင့်ယေရှုန အောင်းစမနော် နီးနီးငမ်းငမ်း အောင်းဖြေလေ နယ့်ဟောန်ကော်လော့် မွန်းန ရာမွန်းစောင့် မားဆီ “ရာခနောဝ်ပညတ်တော်လေတောင်းလုန်န ပညတ်တော်အောင်းထောန ချဉ်းအရေးရောင်ဝ်န” ဆီ ထန်မ်ကော်ဝိုက်။29မွန်းစောင့်န “ ‘ကွန်းအမျိုးအစ္စရေးလေ ထောင်မ်ဟင်း။ အောင်းပေးစောင့်ဟော စောင့်ဖလားန ပေးစောင့်ဖလားဆူနိမ်နဲဟော်။30အောင်းစောင့်ဖလား တိုး၊ စောဝ်၊ မတ်စောဝ် တောင်းဆမ်ပါးတောင်း ထုပြားဆီ ကာဉာဏ်မဆူရောင်းတောင်း တနယ့်ဟောက်’ ဝါလ ပညတ်တော်န ချဉ်းအရေးရောင်ဝ်။31ဒုတိယပညတ်တော်အောင်းချဉ်းရောင်ဝ်န ‘အောင်းစောင့်ကောင်ဝ်တောင်းကောင်ဝ် နောင်ဟောက်ညော့ အောင်းဟုန်းကောင့်ဝ်တောင့်ဝ်ဖိုင်လေ တနယ့်ဟောက်’ ဆီ ပေး။ ဆာဆီပညတ်တော်ဟိုက်ဆောင်န်ပါး ပညတ်တော်အောင်းအရေးရောင်ဝ်ဝါလ မရောင်း” ဆီ ဝါပေါက်ကော်ဝိုက်။32ဆရာကျမ်းစန်ဟောန့်ကော့် “စော်ကျဉ်းနော့်ဆရာ။ စောင့်ဖလားန ဆူနိမ်နဲဟော်ရောင်းဆီ စောင့်ဖလားဟောန့်ပါးနိမ်လလွှဲဆီ စောင့်ဖလားအောင်းတန်းတီမရောင်းဆီ အောင်းဆရာဝါန စော်။33ဟောလေန အောင်းစောင့်ဖလား တိုး၊ စောဝ်၊ မတ်စောဝ် တောင်းဆမ်ပါးတောင်း ထုပြားဆီ ကာအောင်းရောင်း တောင်းဉာဏ်တောင်းလုန်တောင်း တနယ့်ဟောက်။ အောင်းစောင့်ကောင်ဝ်တောင်းကောင်ဝ် နောင်ဟောက်ညော့ အောင်းဟုန်းကောင့်ဝ်တောင့်ဝ်ဖိုင်စောင့်ကောင်ဝ်ကော့် တနယ့်ဟောက်ဆီ အောင်းစောင်းမ်ဟေ အောင်းပညတ်တော်လေလ တောင်းတိရိစ္ဆာန်လေတောင်း အောင်းကျန်အောင်းတန်းတီလေ ဆောက်ဖိုင်းဆီ ကပ်အောင်းစောင့်ဖလားတောင်း ခေါင့်ဝ်၊ နမ့်မောန်းတောင်း အောင်းနောင်ဝိုင်လေ အောင်းကျန်အောင်းတန်းတီလေမကား ဆာဆီအရေးရောင်ဝ်” ဆီ ဝါပေါက်ကော်ဝိုက်။34ကွန်းဟောန့်န တောင်းပညာတောင်း အောင်းဖြေပေါက်န စောင့်ယေရှုနယ့်ဟဉ်းကော်လော့် မွန်းစောင့်န အောင်းကွန်းဟောန့် “မောန တောင်းသာသနာတော်စောင့်ဖလားတောင်း မကိုင်းကော့်” ဆီ ဝါကော်ဝိုက်။ နောက်လောင်နော့် အောင်းစောင့်ယေရှု ဖောကော့် နောက်လောင် မေးခွန်းလေ မထန်မ်ပေးဟင်းကော့်ဝိုက်။35စောင့်ယေရှုန ရာခနောဝ်ဝမ်းဗိမာန်တော် တကြားဆောန်ဆီအူလော့် မွန်းစောင့်န “မေရှိယန ပေးလုစိုင်းစောင့်ခွန်ဟော်ခမ်းဒါဝိဒ်ဆီ ဟေဟောင်းဆီ ဆရာကျမ်းစန်လေ ဝါဟင်းန။36စောင့်ခွန်ဟော်ခမ်းဒါဝိဒ်ကိုယ်တိုင် အောင်းဉာဏ်အလင်းတော်‘စောင့်ဖလားန အောင်းစောင့်ကော၊အောင်းရန်ဆူမောလေ ခတောင့်ဝ်ဖာတဉ်းကော တော်အချီန်ဝိုက်ပွန့် တောင်းပါ့ကန့်ခွာကော နှောင်မေ ဆီ ဝါဝိုက်’ဆီ ပေးဝိုက်။37စောင့်ခွန်ဟော်ခမ်းကိုယ်တိုင် အောင်းမေရှိယ ‘စောင့်’ ဆီ ဟောင်ပေါဟောင့်လော့် မေရှိယန လုစိုင်းစောင့်ခွန်ဟော်ခမ်းဒါဝိဒ် နောင်နူးတပေးပဲ့” ဆီ ဝါကော်ဝိုက်။
ကွန်းဖွန်လေန အောင်ခွမ်းစောင့်ယေရှု ဟောမ်ဟောမ်စွုမ်းစွုမ်း ထောင်မ်ဟင်းကော်ဝိုက်။38နောင်နယ့်ဆီ တကြားဟောပြားဆောန်ပြားန စောင့်ယေရှုန “အောင်းဆရာကျမ်းစန်လေ ဟေအလေးဟင်း။ မနော်လေန အောင်းဆေလုန်လေနွန်ဆီ ခကွာခမားဟင်း။ ရာတီဈေး အောင်းကွန်းလေနှုတ်ဆက်ရိုရိုသေသေကော့် ခခမ်ဟင်း။39ရာတလားစလပ်လေကော့် ရာခုံအောင်းချဉ်းအရေးပါတောင်း ရာစပွဲလေကော့် ရာတီအောင်းချဉ်းနီးလေ ခနှောင်ဟင်း။40မနော်လေန အောင်းဟုန်းမယ်ဟန့်လေ မတလားဆိဉ်းဟင်း။ ဟောင်ပေါရောန်းဆုကော့် ဟန်ဆောင်ဆီ ရောင်းဝ်နိန်နိန် စန်ရောင်းဆုဟင်း။ မနော်လေန ဆာဆီအပြစ်ဒဏ်အောင်းရောင်ဝ်လုန် အောင်းဟာင့်ဝ် တနယ့်ခမ်ဟင်း” ဆီ ဝါကော်ဝိုက်။41နောက်လောင်နော့် စောင့်ယေရှုန ရာခန့်ပွန်းအလှူခမ်ဗိမာန်တော် နှောင်ဆီ ကွန်းလေန အောင်းငွန်းအလှူလေ ရာခနောဝ်ပွန်းအလှူခမ်ဟောန့် အောင်းဆောင်ဝ်ဟင်းန တွဲဆီအူဝိုက်။ ကွန်းချမ်းသာလေန ငွန်းလေမကျေးမလေ ဆောင်ဝ်ဟင်းဝိုက်။42နောက်လောင်နော့် မယ်ဟန့်အောင်းဖန်ကော်နိမ်န မားဆီ အောင်းခေါန်ချဉ်းဆေး အောင်းဖိုင်တောင်းနိုင်းအောင်းချဉ်းဆေးဆောင်န်ဖတ် ဆောင်ဝ်အလှူကော်ဝိုက်။43မေနယ့်လော့် မွန်းစောင့်န အောင်းတပဲ့မွန်းစောင့်လေ ဟောင့်ဆီ “အောင်းမဆူ ကောတဝါအောင်းစော်။ မယ်ဟန့်အောင်းဖန်ဟိုက်န ရာခနောဝ်ပွန်းအလှူခမ် ဆာဆီကွန်းတန်းတီလေမကား ဆောင်ဝ်အလှူ။44ဟေဟောင်းဆီပေါဝါလော့် ကွန်းတန်းတီလေန ဆီမေခနောဝ်စည်းစိမ်မနော်လေန အောင်းပိုနဲဟော် လှူဟင်းဟော။ တော်နယ်ကော့် မယ်ဟန့်ဟိုက်ပေါဝါလော့် ပေးကွန်းဖန်မေကော့် မွန်းအဆတ်ခွန်းဆီဟပေါနယ့်အူ အောင်းလို ငွန်းကာအောင်းရောင်းလေ လှူကော်” ဆီ ဝါကော်ဝိုက်။
Empower Asia Bible Translation Movement