Hosea2
1CHAKRAMANG tek ang mih, “En kowh tainau-uüa kowi dow, ‘Ammi’ pahai en nahawah kown. (Ammi pami dow ‘Ang kowh maru-uüa’ pami chekhai). Now en kowh tuamowuüa kowi dow, ‘Ruhama’ pahai en nahawah kown. (Ruhama pami dow ‘Ang sakrauah miuüa’ pami chekhai),” pakhai.2Maiawngün dow Israeluüa vüi CHAKRAMANG tekah mih laiklow chekhai:
“Enni kowh u kowi nangah büa diah.Aia dow ang kowh masi nadowi bowt,now ang paw aia kowh hua nadowi bowt.Aia kowi dow hangah dit;aia kowh chawkkrawma lup pacham towta bowt lah,aia kowh iang chang lup mih pacham churta bowt lah.3Naiawng nadowi hanow tengiow tengklaima aia kowi ang natowah kown;aia uang dia khe kowh iawng tengiow tengklaima ang nachangah kown.Aia kowi dow süngrüp süngkangma iawng ang nachangah kown;now asi uowi dowi mih krawng iawng aia kowi ang nachangah kown.Aia kowi dow tui sakkrai hown ang nape kowngah kown.4Aia kowh chauüa dow iang chah chekhai;naiawng rakowi ang nasanaah kown nadowi.5Amatni kowh u dow chang iang khai;amatni kowi kowh kumah miia dow rukraira lup chang khai.Aia tek mih, ‘Ang kowh manau-uüa kung ang tawi kown;amatni dow nape ang tui hai chakkham kown,kanrawn sau hai la paw nape ang büah kown.Nami klen kowi ruapur pawi hai adipükchow mih la paw nape ang kown,’ pakhai.6“Naiawng rakowi chuh mung hown ang napitta pe tiama kown;nakhila tiama dowi bowt kownkow aia tavir lut ang nathawp pe tap kown.7Aia dow amanau-uüa kung nakawikrawi kown.Nachenganchepaw nakrawi ia um kown nadowi.Nakhowk khe aia tek kown mih, ‘Ang kowh huachük tut-e ang naplan kown taih,nakowi dow kawmat kowh lak-e ang lang iung,’ napa kown.8Luprak, grep tui sar hai sau aia kowi peah mih dow ang taih diah.Nachenganchepaw aia dow tuk mat ang dowi chekhai,Kuh hai tai paw ahuma ang peah chowdiah.Tawkchedow naiawngün mih Baal vüi kowi aia tawngah khai.9Naiawng rakowi cha min hai grep tui sar phaw khowk now ang napawta pe kown,phumla siri kownkow ang peah mih ruapur pawi hai adipükchow mih la dow ang plan pawta pe kown.10Aia kowh manau-uüa pur kowi aia kowh rukraira lup dow ang natüng pe kown,ang rut hownia aia kowi dow miapaw uang nowng lawngah kown nadowi.11Aia kowh piawra khin maten ang narimta pe kown,Lasi Pawi, Tanai Ni hai pawi ni maten ang narimta pe kown.12“Aia tek mih, ‘Grep ruih hai uidut singh dow ang manau-uüa pe ang mih chekhai,naiawngün dow taphua taiua sung pe ang büah mih chekhai,’ pakhai.Naiawngün maten dow ang napiakta pe bowk kown;naiawngün dow ang pe chowngah kaurawng uanh hanow kaurawng uaramchak hawmh nachata bowk kown.13Aia tamata ang mih rakowi aia kowi dow ang naripah kown;Baal thurai kowi cham chup cham iia mih rakowi ang naripah kown,rutbüt hai kuaiseh hown tatawng hanow amanau-uüa kung kawikrawi mih rakowi ang naripah kown.Ang CHAKRAMANG mami laiklow ang tek khowk.14“Nami kung kowi dow aia kowi naka iawk kownkow ang natek pe lai ding lai sau kown,aia kowi dow süngrüp süngkangma kowi ang napawla hanow sakraura laiklow ang natek pe kown.15Nakowi dow aia kowh grep krum ang naplan peah iawk kown,Pusara Lawngrawi dow sakowmra kimplawt ang nathawp pe kown.Nakowi dow aia malauüa khe kowh iawng natek meng bowt kown,Aigupta pren hownia uang lawt khe kowh iawng natek meng bowt kown.16“Nami ni khe dow aia mih, ‘Ang hua’ padow nahaw ang bowt kown,‘Ang kowh kim iah’ padow nahaw ang kown nadowi bowt.17Aia nawr hownia dow Baal thurai ming ang namata pe bowt kown.Aia dow Baal thurai kowi katpaw nahaw kown nadowi bowt.18Nami ni khe dow tawncher, asadua hai kaurawng uaramchak hawmh hown ang nathawp en sangbowk laitawm kown;nahanow amatni dow nachang en naklak kown nadowi bowt.Pren kowi mih leba hai saidawng hown tasenra ang nachurta pe bowt kown,nahanow thaulangma hown enni nanowng müi bowt kown.19“Aw Israel, chowngchowng saksakma vüi masi pahai ang nakham en kown;lainowm hai tara nowm hown ang namü en kown,now achur uowi dowi mih sakraura hai sanara ang natüng en kown.20Kaah sakowmma hown nami dow ang nachangah kown.Nakhowk khe dow CHAKRAMANG kowi achi anawmma en natuk bowt kown.21“Ang CHAKRAMANG tek khowk;nami ni khe dow ang naklang enni kown.Mukuang kowi ang napeah ana kown,mukuang dow krawng luk kowi napeah uang kown.22Krawng dow luprak, grep tui sar hai sau nape enni bowt kown,naiawng hown Jezrel kowi dow ang namingkhetah kown.23Israel kowi dow aliu iawng pren kowi ang nasawtah kown.‘Sakrau dowi’ pahai ang tekah mih kowi ang nasakrauah kown.‘Ang kowh maru nadowi’ pahai ang tekah mih kowi,‘Ang kowh maru’ pahai ang nakhamah kown.Nahanow amatni dow ‘En chowtaih anging kowh Thurai’ pahai natek ang büah kown,” pakhai.
“Enni kowh u kowi nangah büa diah.Aia dow ang kowh masi nadowi bowt,now ang paw aia kowh hua nadowi bowt.Aia kowi dow hangah dit;aia kowh chawkkrawma lup pacham towta bowt lah,aia kowh iang chang lup mih pacham churta bowt lah.3Naiawng nadowi hanow tengiow tengklaima aia kowi ang natowah kown;aia uang dia khe kowh iawng tengiow tengklaima ang nachangah kown.Aia kowi dow süngrüp süngkangma iawng ang nachangah kown;now asi uowi dowi mih krawng iawng aia kowi ang nachangah kown.Aia kowi dow tui sakkrai hown ang nape kowngah kown.4Aia kowh chauüa dow iang chah chekhai;naiawng rakowi ang nasanaah kown nadowi.5Amatni kowh u dow chang iang khai;amatni kowi kowh kumah miia dow rukraira lup chang khai.Aia tek mih, ‘Ang kowh manau-uüa kung ang tawi kown;amatni dow nape ang tui hai chakkham kown,kanrawn sau hai la paw nape ang büah kown.Nami klen kowi ruapur pawi hai adipükchow mih la paw nape ang kown,’ pakhai.6“Naiawng rakowi chuh mung hown ang napitta pe tiama kown;nakhila tiama dowi bowt kownkow aia tavir lut ang nathawp pe tap kown.7Aia dow amanau-uüa kung nakawikrawi kown.Nachenganchepaw nakrawi ia um kown nadowi.Nakhowk khe aia tek kown mih, ‘Ang kowh huachük tut-e ang naplan kown taih,nakowi dow kawmat kowh lak-e ang lang iung,’ napa kown.8Luprak, grep tui sar hai sau aia kowi peah mih dow ang taih diah.Nachenganchepaw aia dow tuk mat ang dowi chekhai,Kuh hai tai paw ahuma ang peah chowdiah.Tawkchedow naiawngün mih Baal vüi kowi aia tawngah khai.9Naiawng rakowi cha min hai grep tui sar phaw khowk now ang napawta pe kown,phumla siri kownkow ang peah mih ruapur pawi hai adipükchow mih la dow ang plan pawta pe kown.10Aia kowh manau-uüa pur kowi aia kowh rukraira lup dow ang natüng pe kown,ang rut hownia aia kowi dow miapaw uang nowng lawngah kown nadowi.11Aia kowh piawra khin maten ang narimta pe kown,Lasi Pawi, Tanai Ni hai pawi ni maten ang narimta pe kown.12“Aia tek mih, ‘Grep ruih hai uidut singh dow ang manau-uüa pe ang mih chekhai,naiawngün dow taphua taiua sung pe ang büah mih chekhai,’ pakhai.Naiawngün maten dow ang napiakta pe bowk kown;naiawngün dow ang pe chowngah kaurawng uanh hanow kaurawng uaramchak hawmh nachata bowk kown.13Aia tamata ang mih rakowi aia kowi dow ang naripah kown;Baal thurai kowi cham chup cham iia mih rakowi ang naripah kown,rutbüt hai kuaiseh hown tatawng hanow amanau-uüa kung kawikrawi mih rakowi ang naripah kown.Ang CHAKRAMANG mami laiklow ang tek khowk.14“Nami kung kowi dow aia kowi naka iawk kownkow ang natek pe lai ding lai sau kown,aia kowi dow süngrüp süngkangma kowi ang napawla hanow sakraura laiklow ang natek pe kown.15Nakowi dow aia kowh grep krum ang naplan peah iawk kown,Pusara Lawngrawi dow sakowmra kimplawt ang nathawp pe kown.Nakowi dow aia malauüa khe kowh iawng natek meng bowt kown,Aigupta pren hownia uang lawt khe kowh iawng natek meng bowt kown.16“Nami ni khe dow aia mih, ‘Ang hua’ padow nahaw ang bowt kown,‘Ang kowh kim iah’ padow nahaw ang kown nadowi bowt.17Aia nawr hownia dow Baal thurai ming ang namata pe bowt kown.Aia dow Baal thurai kowi katpaw nahaw kown nadowi bowt.18Nami ni khe dow tawncher, asadua hai kaurawng uaramchak hawmh hown ang nathawp en sangbowk laitawm kown;nahanow amatni dow nachang en naklak kown nadowi bowt.Pren kowi mih leba hai saidawng hown tasenra ang nachurta pe bowt kown,nahanow thaulangma hown enni nanowng müi bowt kown.19“Aw Israel, chowngchowng saksakma vüi masi pahai ang nakham en kown;lainowm hai tara nowm hown ang namü en kown,now achur uowi dowi mih sakraura hai sanara ang natüng en kown.20Kaah sakowmma hown nami dow ang nachangah kown.Nakhowk khe dow CHAKRAMANG kowi achi anawmma en natuk bowt kown.21“Ang CHAKRAMANG tek khowk;nami ni khe dow ang naklang enni kown.Mukuang kowi ang napeah ana kown,mukuang dow krawng luk kowi napeah uang kown.22Krawng dow luprak, grep tui sar hai sau nape enni bowt kown,naiawng hown Jezrel kowi dow ang namingkhetah kown.23Israel kowi dow aliu iawng pren kowi ang nasawtah kown.‘Sakrau dowi’ pahai ang tekah mih kowi ang nasakrauah kown.‘Ang kowh maru nadowi’ pahai ang tekah mih kowi,‘Ang kowh maru’ pahai ang nakhamah kown.Nahanow amatni dow ‘En chowtaih anging kowh Thurai’ pahai natek ang büah kown,” pakhai.
The Seed Company