Тун.кал31
1Лемуил кугыжан каласыме шомакше-влак. Юмын пуымо нине шомаклан тудым аваже туныктен:2«Мо, эргым? Мо, мӱшкырыштем нумалме падырашем?Мо, сӧрымӧ мутемын эргыже?3Ит пытаре шке виетым ӱдырамаш-влаклан,ӱнаретым – кугыжа-шамычым пытарыше ӱдырамаш-влаклан.4Келшен ок тол кугыжа-влаклан, Лемуил,келшен ок тол кугыжа-влаклан йошкар аракам,вуйлатыше-шамычлан пӱрым йӱаш.5Руштмеке, нуно законым мондатда йорло-влакым чын суд деч посна кодат.6Пуыза пӱрым колаш тӱҥалше еҥлан,йошкар аракам – ойганыше чонанлан.7Тек тудо йӱэш да незерлыкшым монда,шке орлыкшым ок шарналте тетла.8Поч умшатым шкешт верч шоген кертдыме-влак верч,чыла вийдыме-влакым нал арален.9Поч умшатым чын судитлаш,йорло да незерын пашаштым арален налаш».10Кӧ сай ватым муын кертеш?Тудо шергакан кӱ деч шергырак.11Марийжын шӱмжӧ тудлан ӱшана,огеш код тудо парыш дечын посна.12Илыме чыла кечылаштыже тудо марийжыланосал дене огыл, а порылык дене пӧртылта.13Уло тудын межат, йытынат,уло кумылын шке кидше дене тырша.14Тудо купеч корабль семынумбачын кочкышым конда.15Волгыжмо деч ончыч кынелешда мӧҥгысыжӧ-влаклан кочкышым ямдыла,тарзе ӱдырамашыже-влаклан пашам пуа.16Ончен лектеш пасум да тӱлен налеш,ыштен налме парышыж дене виноград аҥам шында.17Куат дене тудо пашалан пижеш,чыла сомыллан кидше кожмак.18Тудо пала: торгайыме пашаже парышым конда,тудын лампыже йӱдымат йӱла.19Кидшым кӱнчылавондо дек шуя,парняже шӱдырым ӱшанлын куча.20Йорлылан тудо кидкопажым почеш,незерлан полыш кидшым шуялта.21Лум толмо деч ок лӱд тудын ешыже,вет кажныжлан шокшо вургемым чикта.22Шкаланже тудо леведышым ышта,вургемже улыт чапле йытын гыч ыштыме, шемалге-йошкар.23Марийже – ола капка воктене пагалыме еҥ,шке элжын кугуракше-влак коклаште шинча.24Йытын вургемым тудо ужалаш ышта,ханаан купеч-влаклан ӱштым ямдыла.25Вий-куат ден моторлык – тудын вургемже,у кечылан тудо куана.26Умшаштыже – мунло шомак,йылмыштыже – тыматле туныктымаш.27Суртышто кузе паша кая – эскерен шога,яра киндым тудо ок коч.28Кынелыт йочаж-влак да тудым чаплат,тыгак марийже тудым мокта:29«Шукын улыт сай ӱдырамаш-влак,но тый чылаштым эртенат!»30Сӧраллык ондала, моторлык йомеш,но Господь деч лӱдшӧ вате моктымашым сулен налеш.31Пӧртылтыза тудлан пашаже почеш,тек тудо ола капка воктене пашаж дене чаплана!
Institute for Bible Translation, Finland