احبار8
1یہُوواہنؔ ووٚن بیٚیہِ موسیٰؔ ہس،2"ہارونؔ بیٚیہِ تمؠ سٕنٛدؠ نیٚچوؠ أنُکھ، بیٚیہِ انَ تِہنٛد لباس، تِمن مٲلش کرنہٕ باپتھ تیٖل، دانٛد یوس تِم خدایس قٲبلِ قبول بناونہٕ خٲطرٕ ییہِ قربان کرنہٕ، خش کرنہٕ باپتھ زٕ کٹھ، ٹوٗکرؠ یتھ منٛز خمیٖرِ ورٲے ژوچہِ آسن۔3پتہٕ کرُکھ سٲری لوٗکھ مقدس خٟمہ کس دروازس پؠٹھ جمع۔"4موسیٰؔ ہن کوٚر تہِ یہِ یہُوواہنؔ تمس کرُن وُننہٕ آو، تہٕ سٲری لوٗکھ سپدؠ تتھ جایہِ جمع۔5پتہٕ ووٚن موسیٰؔ ہن لوٗکن، "یہِ چُھ تہِ یہِ یہُوواہنؔ اسہِ حکم دِیتُمُت چُھ۔"6پتہٕ أنی تمؠ ہارونؔ بیٚیہِ تسنٛدؠ نیٚچوؠ برونٛہہ کُن تہٕ دِیتنکھ سران۔7تمؠ تراو ہارونسؔ خاص کُرتہٕ نٲلؠ، تمس گُنڈن کمر بند، تس تراون خاص چوغہٕ نٲلؠ بیٚیہِ لٲجنس مقدس بنیان تتھ پؠٹھ گُنڈنس زٲویل وونمُتہِ کپرُک ہوٚل۔8تمؠ تراو تمس تمؠ سُنٛد سینہٕ بند نٲلؠ بیٚیہِ تراوِنس تِم زٕ کنہِ تمؠ سٕنٛدِ خٲطرٕ تتھ منٛز یِم سُہ استعمال کرِ زِ خدا کیاہ چُھ یژھان۔9پتہٕ گوٚنڈ تمؠ ہارونؔس کٔلس دستار تہٕ تتھ برونٛہہ کنہِ گنڈنس سۅنہٕ سُنٛد اکھ زیور یتھ پؠٹھ ہٲویتھ اوس زِ سُہ اوس خدایس مخصوص، یتھٕ پٲٹھؠ یہُوواہنؔ موسیٰؔ ہس حکم دِیتُمُت اوس۔10موسیٰؔ ہن تُل زیتون تیٖل تہٕ چھکُن مقدس خٟمس بیٚیہِ پریتھ کُنہِ چیزس یوس تتھ منٛز اوس، پتہٕ کوٚرن تہِ سورے یہُوواہؔ سٕنٛدِ ناوٕ مخصوص۔11کینٛہہ تیٖل چھکُن ستہِ لٹہِ قربان گاہس۔ بیٚیہِ تراون تِمن سارنے چیزن یِم قربان گاہس منٛز استعمال سپدان ٲسؠ، تمیٛکس بٔڈس حوضس تہٕ چوکہِ، یُتھ تِم یہُوواہؔ سٕنٛدِ ناوٕ مخصوص سپدن۔12یہُوواہؔ سٕنٛدِ ناوِ مخصوص کرنہٕ خٲطرٕ تراو تمؠ ہارونسؔ کٔلس پؠٹھ تیٖل تہٕ کرنس مٲلش۔13پتہٕ أنی تمؠ ہارونؔنٕؠ نیٚچوؠ برونٛہہ کُن تہٕ تراوؠ نکھ کُرتہٕ نٲلؠ، گنڈؠ نکھ کمر بند بیٚیہِ گنڈؠ نکھ کٔلن دستار یتھٕ پٲٹھؠ موسیٰؔ ہس یہُوواہنؔ حکم دِیتُمُت اوس۔14پتہٕ ان تمؠ نذرانہٕ خٲطرٕ دانٛد یمہِ سٟتؠ تِم لوٗکھ خدایس قٲبلِ قبول سپدن۔ ہاروننؔ تہٕ تسنٛدیو نیٚچیو تھوؠ پننٕؠ اتھٕ تمس دانٛدٕ سٕنٛدِس کٔلس پؠٹھ۔15پتہٕ کوٚر موسیٰؔ ہن دانٛدس خش، کینٛہہ خوٗن رُٹُن اکِس بانس منٛز تہٕ قربان گاہ شوٗژ بناونہٕ باپتھ متُھن پننہِ انگجہِ سٟتؠ تمیٛکؠن کُنن پؠٹھ ہینگن خوٗن۔ تمؠ تراو باقی خوٗن قربان گاہ کؠن پاین تَل۔ یہِ کرنہٕ سٟتؠ بنوٚو تمؠ گناہن ہنٛدؠ قۅربٲنی زالنہٕ خٲطرٕ یہِ اکھ موزوٗن جاے۔16موسیٰؔ ہن تُل سورےٕ چرب یُس جانور سنٛدین انٛدرِمن تانن ؤلتھ اوس، جگر تہٕ بوٚقوچہِ ہٮ۪تھ، تہٕ تِم زٲلؠن قربان گاہس پؠٹھ۔17تمؠ تُل یہُوواہؔ سٕنٛدِ حکمہٕ مطٲبق داندٕ سُنٛد باقی حصہٕ تمؠ سنٛز بستہٕ تہٕ تمؠ سٕنٛدؠ اندرم خٕمس نیٚبرٕ کنہِ۔18پتہٕ ان تمؠ نذرانہٕ خٲطرٕ اکھ کٹھ یُس قربان گاہس پؠٹھ پوٚرٕ پٲٹھؠ زالنہٕ ییہِ ہے، ہاروننؔ تہٕ تسنٛدیو نیٚچیو تھوؠ پننٕؠ اتھٕ تمؠ سنٛدِس کٔلس پؠٹھ۔19موسیٰؔ ہن کوٚر تمس کٹھس خش تہٕ تمؠ سُنٛد خوٗن چھکُن قربان گاہس ژوپٲرؠ۔20تمؠ کٔرؠ کٹھس ٹکرٕ بیٚیہِ چٔھلِن أنٛدرِم تان تہٕ پتمہِ زنٛگہٕ۔ پتہٕ تھو تمؠ کٔلہٕ، چرب بیٚیہِ باقی تان قربان گاہس پؠٹھ۔ دٔزنہٕ وزِ ٲس تتھ خوشبو نیران یوٚسہِ یہُوواہسؔ ٲس پسند یوان۔ یہِ اوس اکھ نذرانہٕ یُس زالنہٕ آو، یتھٕ پٲٹھؠ یہُوواہنؔ موسیٰؔ ہس حکم دِیتُمُت اوس۔22پتہٕ اوٚن تمؠ بیاکھ کٹھ یُس کاہن شوٗژ کرنہٕ باپتھ اوس، ہاروننؔ تہٕ تسنٛدیو تھوؠ تمؠ سٕنٛدِس کٔلس پؠٹھ پننٕؠ اتھٕ۔23موسیٰؔ ہن کوٚر تمس کٹھس خش، رُٹنُ تمؠ سُنٛد کینٛہہ خوٗن أکِس بانس منٛز، کینٛہہ تراون ہاروننؠؔ بیٚیہِ تسنٛدین نیٚچوٮ۪ن ہنٛزن دٔچھنؠن کنہٕ فیژن، دٔچھنہِ اتھٕ کؠن نیٚٹھن بیٚیہِ دٔچھنہِ کھورٕکؠن نیٚٹھن، یہِ ہاونہٕ خٲطرٕ زِ یہِ تِم بوزن، یہِ تِم کرن تہِ یوٚت تِم گژھن، گژھِ یہُوواہؔ سنٛدین حکمن مطٲبق آسُن۔25تمؠ تُل تمس کٹھٕ سُنٛد سورے چرب، تمؠ سنٛزِ لٔچہِ ہُنٛد چرب، أنٛدرِمن تانن یُس چرب ؤلتھ اوس، جگرس تہٕ بوقوچین ؤلتھ چرب ہٮ۪تھ بیٚیہِ کٹھٕ سنٛدِس دٔچھنِس کنگوِس۔26پتہٕ تُجہ تمؠ تمہِ خمیٖرِ ورٲے ژوچہِ ٹوکرِ منٛز اکھ ژوٚٹ زیتون تیٖلِ ورٲے تہٕ بیاکھ یتھ زیتون تیٖل اوس یوس یہُوواہؔ سٕنٛدِ ناوٕ ٲس۔ تِم تراوِن چربس پؠٹھٕ کنہِ تہٕ تھوین ہارونؔ تہٕ تسنٛدین نیٚچوٮ۪ن ہنٛدین اتھن منٛز پتہٕ تُجہ تِمو یہُوواہسؔ برونٛہہ کنہِ ہیٚور کُن یہِ ہاونہٕ خٲطرٕ زِ یہِ نذرانہٕ اوس تمؠ سٕنٛدِ خٲطرٕ۔28پتہٕ تُلؠ تمؠ تِم چیز تِہنٛدیو اتھو منٛزٕ تہٕ زٲلِن قربان گاہس پؠٹھ۔ یہِ نذرانہٕ آو ہارونؔ بیٚیہِ تسنٛدؠ نیٚچوؠ کاہن مقرر کرنہٕ باپتھ زالنہٕ۔ تمیٛک دٔزنُک مُشِک اوس یہُوواہسؔ پسند یوان۔29بیٚیہِ تُل موسیٰؔ ہن دوٚیمس کٹھٕ سُنٛد سینہٕ تہٕ ہیٚور کُن تُلن یہُوواہسؔ پیش کرنہٕ خٲطرٕ یتھٕ پٲٹھؠ یہُوواہنؔ حکم اوسسُ دِیتُمُت۔ تمس کٹھٕ سٕنٛدِ سینہِ اوس موسیٰؔ سُنٛد حصہٕ یوس تمؠ کاہن مخصوص کرنہٕ خٲطرٕ قربان کوٚر۔30پتہٕ تُل موسیٰؔ ہن کینٛہہ زیتون تیٖل ہارونسؔ بیٚیہِ تسنٛدین نیٚچوٮ۪ن مٲلش کرنہٕ خٲطرٕ، بیٚیہِ تُلن قربان گاہ پؠٹھ کینٛہہ خوٗن یُس تمؠ ہارؔونس تہٕ تسنٛدین نیٚچوٮ۪ن ہنٛدین پلون چُھکھ۔ یہِ کرنہٕ سٟتؠ کٔرؠ تمؠ ہارونؔ تمؠ سٕنٛدؠ نیٚچوؠ ہٮ۪تھ بیٚیہِ تِہنٛدؠ پلو کاہن بننہٕ خٲطرٕ شوٗژ۔31پتہٕ ووٚن موسیٰؔ ہن ہارونسؔ تہٕ تمسنٛدین نیٚچوٮ۪ن، "دوٚیمس کٹہٕ سُنٛد ماز رٔنیو مقدس خٟمہ کِس دروازس تَل، سُہ کھیٚیو تِمن ژۅچن سٟتؠ یم ٹوکرِ منٛز چھےٚ، یہ مےٚ توٚہہِ ووٚن تہِ کریو۔32یہِ کینٛژھا مازٕ تہٕ ژۅچو منٛزٕ باقی ہُرِ تہِ زٲلو نارس منٛز۔33توٚہؠ کاہن مقرر سپدن خٲطرٕ چھِ ستھ دوٚہہ، لہٰذا سٔتن دوٚہُن چُھ نہٕ توٚہہِ مقدس خٟمہ کہِ دروازِ نیٚبر نیرُن۔34یہِ از اسہِ کوٚر تہِ چُھ یہُوواہؔ سُنٛد حکم زِ تُہنٛدؠ گناہ یِن معاف کرنہٕ۔35توٚہہِ چُھ سٔتن دوٚہُن تہٕ سٔتن رٲژن مقدس خٟمکس دروازس تل روٗزن تہِ تیٖ کرُن یہِ یہُوواہؔ ضرورت چُھ، نتہٕ تمؠ سنٛز نافرمٲنی کرنہٕ سببہٕ سپدیو مارٕ۔ بہٕ چُھس توٚہہِ تیٖ ونان یہِ مےٚ یہُوواہنؔ توٚہہِ وننُکھ حکم دِیُت۔36لہٰذا ہاروننؔ تہٕ تسنٛدیو نیٚچیو کوٚر تہِ سورے یہِ یہُوواہنؔ موسیٰؔ ہس تِمن وُننُکھ حکم دیتُمُت اوس۔
Bridge Connectivity Solutions Pvt. Ltd.