احبار7
1"یہِ شرع چُھ تِمن قربٲنین متلق یِمن ہنٛدِ خٲطرٕ لوٗکھ یہُوواہسؔ تِم چیز نہٕ دِنکؠ قصوروار چھِ یِم تمس دِنچؠ ضرورت چھِ۔ تِم چھِ سؠٹھاہ مقدس قۅربٲنیہِ۔2اکِس کاہنس چُھ سُہ پریتھ کانٛہہ جانور تتھ جایہِ پؠٹھ ذبح کرُن یتین سُہ ییہِ پوٚرٕ پٲٹھؠ زالنہٕ یُس لوٗکھ تمہِ مقصدٕ خٲطرٕ پیش کرن۔ کاہنس چُھ جانور سُنٛد خوٗن قربان گاہس تمام ژورن طرفن چھکُن۔3تِہنٛد سورےٕ چرب، لچہِ ہنٛد چرب یوس ریکہٕ أڈجہ نکھٕ ژٔٹنُ پییہِ، تہٕ انٛدرِمیٚن تانن ولتھ یُس چرب چُھ یا تِمن سٟتؠ لٔگتھ چُھ، سُہ سورےٕ پزِ قربان گاہس پؠٹھ زالُن۔4اتھ منٛز چُھ تِہنٛد سُہ چرب تہِ شٲمل یُس بوٚقوچین پؠٹھ شانن نکھٕ چُھ بیٚیہِ سُہ چرب یُس جگرس ولتھ چُھ۔ کاہنس پزن تِم چربہٕ وٲلؠ سٲری تان نیٚبر کٔڈین۔5کاہن پزن قربانکؠ تِم تان قربان گاہس پؠٹھ مےٚ یہُوواہسؔ کُن زالنؠ۔ یہِ قۅربٲنی چھِ تِمن لوٗکن ہنٛدِ خٲطرٕ تتھ بخشنہٕ خٲطرٕ یہِ نہٕ تِمو کوٚر یہِ مےٚ ضرورت چُھ۔6کاہن سنٛدین گرکؠن سٲری مرد بٲژن چُھ یہِ ماز کھؠنکُ اجازت، مگر یہِ گژھِ تتھ اکِس جایہِ کھؠنہٕ یُن یۅسہ میانہٕ باپتھ الگ کٔریتھ چھِ، تکیازِ یہِ چُھ میانہِ خٲطرٕ سؠٹھاہ خاص۔7نذرانن ہُنٛدِ ہدیُک قانون چھِ ہیوی یُتھ لوٗکھ دبارٕ مےٚ قٲبلِ قبول بنن تہٕ ییٚلہِ تِم مےٚ سُہ چیز نہٕ دِنکؠ قصوروار آسن یوس مےٚ تِہنٛدِ طرفہٕ ضرورت چُھ۔ تِمن نذرانن ہُنٛدِ مازکُ مٲلکھ چُھ کاہن یُس تِمن پیش کرن چُھ۔8ییٚلہِ اکھ کاہن اکِس جانورس خش کرِ یُس سُہ قربان گاہس پؠٹھ پوٚرٕ پٲٹھؠ زالہِ، سُہ ہیٚکہ جانور سُنٛد مُسلہٕ پننہٕ خٲطرٕ تھاوتھ۔9تِمن چیزن ہُنٛد نذرانہٕ یمہٕ ٲٹِس بناونہٕ چھِ یوان چاہے تِم آسن تندرس منٛز بناونہٕ آیہِ یا اکِس لیٚجہ منٛز رننہٕ آیہِ یا اکِس کڑایہِ پؠٹھ تیار کرنہٕ آیہِ، تِم سٲری چھِ کاہن سٕنٛدؠ یُس تِمن چیزن بییٚس نفرٕ سٕنٛدِ باپتھ نذرانہٕ پیش کران چُھ۔10تہٕ ٲٹِس بناونہٕ آمٕتؠ نذرانکؠ چیز، چاہے تِمن اوسا زیتون تیٖل رلٲویتھ یا نہٕ، تِمن ہنٛدؠ مٲلکھ تہِ چھِ ہارونؔ سٕنٛدؠ نیٚچوؠ۔11یِم قانون چھِ تِمن نذرانن ہنٛدِ باپتھ یِم لوٗکھ یہُوواہؔ سنٛزِ سلامتی باپتھ دِوان چھِ۔12ہرگاہ کانٛہہ یہُوواہسؔ شکرانہٕ باپتھ اکھ نذرانہٕ أنہِ، تمس چُھ سُہ جانور مارُن بیٚیہِ گژھِ تمس سٟتؠ خمیرِ ورٲے ٲٹِس سٟتؠ زیتون تیٖل رلٲویتھ ژوٚٹ آسٕنؠ تہٕ خمیرِ ورٲے کلچہ یِمن پؠٹھٕ زیتون تیٖل مٔتتھ آسہ، تہٕ ژوٚٹ گژھِ مٲدٕ ٲٹِس سٟتؠ زیتون تیٖل اصل پٲٹھؠ رلٲویتھ بناونؠ۔13یہُوواہؔ سٕنٛدِس شکرانہٕ کس نذرانس سٟتؠ پزِ تمس اکھ نذرانہٕ خمیٖرِ سٟتؠ بناویتھ ژوٚٹ أننُؠ۔14تمس پزِ یہُوواہسؔ پریتھ کُنہِ قسمہٕ منٛزٕ اکھ نذرانہٕ پیش کرُن، مگر تِمن سارنےٕ ہُنٛد مٲلکھ چُھ کاہن یُس خش کٔرؠ مِتس جانور سُنٛد خوٗن قربان گاہس چھکہِ یُس یہُوواہؔ سنٛزِ سلامتی ہنٛدِ خٲطرٕ نذرانہٕ چُھ۔15تمس قربان سُنٛد ماز پزِ تمی دوٚہہ کھیوٗن یمہِ دوٚہہ سُہ پیش کرنہٕ آو۔ تمہِ منٛز گژھِ نہٕ کینٛہہ تہٕ تراون یہِ دوٚیمہِ دوٚہہ کھؠنہٕ ییہِ۔16بہرحال، ہرگاہ قربٲنی یہُوواہسؔ وعدہ دِیتمتس صورتس منٛز آسہ یا یہِ قۅربٲنی چُھو پانے پیش کران، امہِ منٛز ہیکیو کینٛہہ ماز تمی دوٚہہ کھیٚتھ یمہِ دوٚہہ سُہ پیش کرنہٕ آو تہٕ یوس کینٛہہ بچت روزِ تہِ ہیکیو دوٚیمہِ دوٚہہ کھیٚتھ۔17مگر یہِ ماز تریٚمس دوٚہس تام روزِ سُہ گژھِ تمی دوٚہہ پوٚرٕ پٲٹھؠ زالُن۔18یہُوواہؔ سنٛزِ سلامتی باپتھ کٔرؠ متہِ قربانہٕ منٛز ہرگاہ سُہ ماز تریمہِ دوٚہہ ییہِ کھیٚنہٕ، یہُوواہؔ کٔرنہٕ تتھ تسلیٖم۔ یہِ نیاز آسہ بے کار تکیازِ یہُوواہؔ مانہِ تتھ مکروہ۔ یُس اکھ تہِ تمہِ منٛز کینٛہہ کھیٚیہِ تمس آسہ یہُوواہسؔ کُن اکھ ہرجانہٕ برُن۔19یوس ماز کُنہِ تِتھؠس چیزس کُن لگہ یوس خدا نِشہ ناپاک چُھ سُہ پزِ نہٕ کھیٚون بلکہ گژھِ پوٚرٕ پٲٹھؠ زالنہٕ یُن۔ یوٚت تام زن باقی مازُک تٲلق چُھ، یُس اکھ تہِ سۅ رسم خدایس قٲبلِ قبول بناونہٕ خٲطرٕ انجام دِیہ، تمس چُھ یہِ کھؠنُک اجازت۔20ہرگاہ کٲنسہِ یہُوواہؔ سنٛزِ سلامتی خٲطرٕ دِنہٕ آمژِ قۅربٲنی ہُنٛد کینٛہہ ماز کھیو یوس یہُوواہؔ سُنٛد چُھ، یمؠ تمہٕ رسمہٕ انجام دِژمژٕ چھنہٕ، تمس گژھِنہٕ خدایہِ سنٛدین لوٗکن سٟتؠ شٲمل سپدنُک اجازت دِنہٕ یُن۔21ہرگاہ کانٛہہ کُنہِ تِتھس چیزس اتھٕ لاگہِ یوس خدایس نِشہ ناپاک تہٕ ناپسند چُھ، چاہے سُہ انسان سُنٛد یا جانور سُنٛد آسہ پتہٕ کھیٚیہ سُہ یہُوواہؔ سنٛزِ سلامتی خٲطرٕ قربان منٛز کینٛہہ ماز یوس یہُوواہؔ سُنٛد چُھ، تمس گژھِ نہٕ پتہٕ خدایہِ سنٛدین لوٗکن سٟتؠ شٲمل سپدنُک اجازت دِنہٕ یُن۔22یہُوواہنؔ ووٚن موسیٰؔ ہس بیٚیہِ:23"یہِ ووٚن اسرائیل کٮ۪ن لوٗکن، چارواین، تیٖرن تہٕ ژھاولین ہُنٛدِ چربہٕ منٛز گژھِ نہٕ کینٛہہ تہِ کھیوٗن۔24اکِس مودمتِس جانور یا یُس وحشی جانور سٕنٛدؠ دسؠ مارنہٕ آسہ آمُت تمؠ سُنٛد چرب ہیٚکہ باقی کامین منٛز استعمال سپدیتھ، مگر توٚہہِ چُھ نہٕ یہِ کھیوٗن۔25یہُوواہسؔ قربان کرنہٕ آمتہِ جانور سُنٛد چرب یُس اکھ تہِ کھؠیہِ تمس گژھِ نہٕ پتہٕ خدایہِ سنٛدین لوٗکن سٟتؠ شٲمل سپدنُک اجازت دنہٕ یُن۔26یتھ جایہِ تہِ توٚہؠ زندگی بسر کریو توٚہہِ مہَ کھییٚو کٲنسہِ تہِ جاناوار سُنٛد یا چارووے سُنٛد خوٗن۔27ہرگاہ کانٛہہ خوٗن کھییٚہِ، تمس گژھِ نہٕ خدایہِ سنٛدین لوٗکن سٟتؠ شٲمل سپدنُک اجازت دِنہٕ یُن۔"28یہُوواہنؔ ووٚن بیٚیہِ موسیٰؔ ہس،29"یہِ ون اسرائیل کٮ۪ن لوٗکن: یُس تہِ یہُوواہؔ سنٛزِ سلامتی باپتھ اکھ نذرانہٕ أنہِ تمس چُھ تتھ سٟتؠ یہُوواہسؔ سٕنٛدِ خٲطرٕ اکھ قۅربٲنی تہِ تمیٛک حصہٕ اننُ۔30تمس چُھ پانے سُہ نذرانہٕ أننُ یوس نارس منٛز زالنہٕ ییہِ۔ تمس چُھ جانور سُنٛد چرب سینہٕ ہٮ۪تھ أننُ تہٕ تتھ کھالہِ یہُوواہسؔ برونٛہہ کنہِ تمس اکہِ نذرانہٕ کس صورتس منٛز پیش کرنہٕ باپتھ ہیٚور کنُ۔31کاہن زالہِ چرب قربان گاہس پؠٹھ، مگر سینکؠ مٲلکھ چھِ ہارونؔ تہٕ تسنٛدؠ نیٚچوؠ۔32توٚہؠ دِیو پننہِ یہُوواہؔ سنٛزِ سلامتی ہنٛدِ نذرانہٕ منٛزٕ جانور سنٛز دٔچِھنؠ ران کاہنس۔33ہارونؔ سُنٛد یُس نیٚچو قۅربٲنی ہُنٛد چرب تہٕ خوٗن پیش کرِ دٔچِھنؠ ران آسہ تمؠ سُنٛد اکہِ حصہٕ کس صورتس منٛز۔34تِمو قۅربٲنیو منٛزٕ یِم تہِ اسرائیلٕکؠ لوٗکھ یہُوواہسؔ سلامتی خٲطرٕ پیش کرن، تمؠ چُھ اعلان کوٚرمُت زِ تمؠ چُھ ہارونؔ بیٚیہِ تمؠ سنٛدین نیٚچوٮ۪ن سینہٕ یوس تھوٗد چُھ یون تُلنہٕ بیٚیہِ دٔچِھنؠ ران یوس پیش چھِ یوان کرنہٕ، یِم حصہٕ روزن ہمیشہ اسرائیل کٮ۪ن لوٗکن ہنٛدِ طرفہِ تِہُنٛد حصہٕ۔35یِم چھِ قۅربٲنی ہنٛدؠ تِم حصہٕ یِم یہُوواہسؔ نِشہ أننہٕ آیہِ تہٕ نارس منٛز آیہِ زالنہٕ یِم ہارونسؔ بیٚیہِ تسنٛدین نیٚچوٮ۪ن تمہِ دوٚہہ دِنہٕ آیہِ ییٚلہِ توٚہہِ موسیٰؔ یہُوواہؔ سٕنٛدؠ کاہن بنہٕ خٲطرٕ الگ پٲٹھؠ ژارِ۔36یہُوواہؔ چُھ حکم دِوان زِ یمہِ دوٚہہ کاہن مقرر کرنہٕ یِن اسرائیل کٮ۪ن لوٗکن چھِ تِم حصہٕ کاہنن ہمیشہ دِین۔"37لہٰذا یِم چھِ تِم قانون تِمن نذرانن ہنٛدِ خٲطرٕ یِم پوٚرٕ پٲٹھؠ زالنہٕ چھِ یوان، ٲٹِس بناونہٕ آمٕتؠ نذرانہٕ، تِم نذرانہٕ یِمو سٟتؠ لوٗکھ دُبارٕ پننُ پان خدایس قٲبلِ قبول بناون، تِم نذرانہٕ ییٚلہِ لوٗکھ یہُوواہسؔ تِم چیز نہٕ دِنکؠ قصوروار آسن چھِ یِم تمس ضرورت ٲسؠ، تِم نذرانہٕ ییٚلہِ کاہن چھِ مقرر کرنہٕ یوان، تِم نذرانہٕ یِم یہُوواہؔ سنٛزِ سلامتی خٲطرٕ دِنہٕ یوان چھِ۔38یِم چھِ تِم قانون یِم یہُوواہنؔ موسیٰؔ ہس سینا بالس پؠٹھ دِیت، تمہِ دوٚہہ سینا کِس وجارس أنٛدؠ پکؠ دِیُت تمؠ اسرائیل کٮ۪ن لوٗکن حکم زِ تِمن چھِ مےٚ کُن پننٕؠ نیاز أننٕؠ شروع کرِن۔
Bridge Connectivity Solutions Pvt. Ltd.