اعمال24
1پانٛژِ دوٚہؠ پتہٕ ؤتھؠ سردار کاہن حننیاہؔ یروشلمہٕؔ پیٚٹھٕ باقی کینٛہہ یہُودؠ بُزرگ تہٕ اکھ تقریر کرن وول ہیٚتھ یمِس تِرطلُسؔ ناو اوس۔ تتہِ ووٚن تِمو گورنرس زِ پولُسنؔ کیا کیا کوٚر یُس تِہنٛدِ حسابہٕ غلط اوس۔2گورنرن دیُت پولُسؔ اندر اننُک حکم، یتُھےٕ پولُسؔ ووت تہٕ تِرطلُسؔ لوٚگ تمِس اِلزام دِنہ۔ تٔمؠ ووٚن گورنرس، "محترم گورنر فیلِکسؔ، ییتہِ ہن ورؠ ین توٚہہ اسہِ پیٚٹھ حکومت کٔرو، اسہِ گُزار اصٕل زندگی امنہٕ سان۔ دٲنشمنٛدی تہٕ منصوبہ بنٛدی کٔرِتھ کریٚو توٚہہ یمہِ صوبٕکؠ واریاہ چیز بہتر۔3لہٰذا اے گورنر فیلِکسؔ، چھِ أسؠ تُہنٛد شُکرانہٕ ادا کران یہ توٚہہ اسہِ سارنی باپتھ کوٚرو۔ یتہِ تہِ توٚہہ کانٛہہ کٲم کٔرو۔4مگر، امہِ موٚکھٕ زِ أسؠ نِمو نہٕ تُہنٛد زیادٕ وقت، بہٕ چُھس توٚہہ عرضی کران زِ مہربٲنی کرِتھ بوزیٚو میانؠ کتھ۔5اسہِ وُچھ زِ یہ نفر یتھ جایہِ تہِ گژھان چُھ تتہِ چُھ یہُودینؔ پریشانی تُلان۔ سُہ چُہ تمہ سارے جمٲژ ہنٛز قیادت کران یتھ لوٗکھ ناصری سنٛز پیروکار ونان چھِ۔6یوٚت تام تہِ زِ أمؠ کٔر یروشلم کِس ہیکلس منٛز تِژھ کٲم کرنٕچ کوشش یۅسہ تتھ ناپاک کرِہے، امہِ کِنؠ کوٚر یہ اسہِ گرفتار۔ أسؠ چھِ پننہ شریعتہٕ مطابق امسُنٛد فٲصلہ کرُن یژھان۔7مگر رومی قلعُک کمانڈر آو پنٕنؠ سِپاہ ہیٚتھ تہٕ نیوکھ یہ اسہِ نِش وُلوِتھ۔8تہٕ سوزِن أسؠ توٚہہِ نِش۔ اگر توٚہؠ پانہٕ أمِس سوال کٔریٚو تہٕ توٚہہ تریو پانے فِکرِ زِ یمہ سارے کتھٕ یِمن متعلق أسؠ أمِس الزام لاگان چھِ چھےٚ پزٕ۔9پتہٕ ووٚن تتہِ کیٚو یہُودؠ رہنماہو گورنرس زِ یہ کینٛژھا ترِطاس ونان چُھ تہِ چُھ پوٚز۔10پتہٕ کوٚر گورنرن پولُسسؔ کُن اشارٕ زِ ژٕ ون پنٕنؠ کتھ۔ تہٕ پولُسنؔ دیُت جواب، "گورنر فیلِکسؔ، بہٕ چُھس زانان زِ توٚہہ چھِ واریہس وقتس یہُودؠ صوبٕکؠ فٲصلہٕ کٔرؠ مٕتؠ۔ اوٕ کِنؠ چُھس بہٕ خۅشی سان پنُن دِفاع کران۔ مےٚ چُھ یقین زِ توٚہؠ بوزیٚو میانؠ کتھ تہٕ مےٚ سٟتؠ کٔریٚو انصاف۔11توٚہؠ چُھو زانان زِ مےٚ گےَ نہٕ خدا سنٛز عبادت کرنہٕ باپتھ یروشلم گٔمتِس باہ دوٚہہ زیادٕ۔12کانٛہہ ہیٚکہ نہٕ ونِتھ زِ یمو کیاہ آسہٕ بہ ہیکل کٮ۪ن دربارن منٛز کانٛسہِ سٟتؠ بحث کران وُچھمُت تکیازِ مےٚ کوٚر نہٕ تہِ۔ کانٛہہ ہیٚکہ نہٕ یہ ونِتھ زِ یمو کیاہ آسہٕ بہٕ کُنہ یہُودؠ عبادت گاہس منٛز لوٗکن اتھِ بوال کران یا یروشلمس منٛز کُنہ تہِ جایہ مصیبتس منٛز کانٛسہ مبتلا کران وُچھمُت۔ تکیازِ مےٚ کوٚر نہٕ تہِ۔13لہٰذا ہیٚکن نہٕ یِم توٚہہ نِش تمہ کتھٕ ثٲبت کرِتھ یِمن متعلق یِم وُنہ کٮ۪ن مےٚ پیٚٹھ الزام لاگان چھِ۔14مگر بہٕ چُھس توٚہہ برُونٛہہ کنہِ تسلیم کران زِ یہ چُھ پوٚز زِ بہٕ چُھس تتھ طریقس پیٚٹھ خدایہ سنٛز عبادت کران یتہ طریقس پیٚٹھ میانؠ جدٕاجداد عبادت کران ٲسؠ۔ یہ چُھ پوٚز زِ بہٕ چُھس تتھ طریقس پیٚٹھ عمل کران یُس یسوعؔ ہن أسؠ ہیٚچھنٲوؠ مٕتؠ چھِ۔ بہٕ چُھس پرٛتھ تتھ چیزس پیٚٹھ یقین تھاوان یمہ موسیٰؔ ہن تِمن ضٲبطن منٛز لیکھمٕتؠ چھِ یمہٕ خداین تس دِتمٕتؠ چھِ تہٕ سُہ پرٛتھ اکھ چیٖز یُس باقی نبیو پننٮ۪ن کتابن منٛز لیٚوکھمُت چُھ۔15مےٚ چھےٚ پژھ، یتھ کنؠ زن یِم نفر تہِ پژھ تھاوان چھِ، زِ اکہ دوٚہہ کرِ خدا تس پرٛتھ اکِس زنٛدٕ یُس گُذریومُت آسہ، دوٚنوے سُتہ یُس رُت آسہ تہٕ سُتہ یُس بدکار آسہ۔16تکیازِ مےٚ چھےٚ پژھ زِ سُہ دوٚہہ ییہِ، بہٕ چُھس ہمیشہ تہِ کرنٕچ کوشش کران یہ خدایس پسنٛد چُھ تہٕ یتھ باقی لوٗکھ صحیی زانان چھِ۔17واریہن ورین دویمیٚن جاین روزنہٕ پتہٕ آس بہٕ یروشلم واپس تاکہ پننٮ۪ن یہُودؠ سٲتھیٚن باپتھ انہٕ کینٛہہ پونٛسہٕ یمہ غریب چھِ۔18آسیہؔ کیٚو کینٛژو یہُودیٚو وچُھس بہٕ ہیکل کِس صحنس منٛز یہ رسٕم ادا کرنہٕ پتہٕ یۅسہ کانٛسہ خدایس عبادت کرنُک اِجازت دوان چُھ۔ مےٚ سٟتؠ ٲس نہٕ کانٛہہ تہِ جماتھ، تہٕ نہ اوسسکھ بہٕ لوٗکھ ہنگامہٕ کرناوان۔19مگر تِمے چھِ آسیہ صوبٕکؠ تِم یہُودؠ یمو لوٗکن منٛز فساد تُل۔ تِم گٔژھؠ تیٚلہ یتی توٚہہ برُونٛہہ کنہ آسٕنؠ مےٚ الزام دِنہٕ خٲطرٕ اگر تِم زانان چھِ زِ مےٚ چُھ کینٛہہ غلط کوٚرمُت۔20ووٚنؠ یودوے تِم یہ چھنہٕ کرُن یژھان تہٕ یِم یہُودؠ نفر یمہٕ یتہِ چھِ ؤنِن توٚہہِ زِ تِم کیاہ چھِ سمجھان زِ مےٚ کیاہ غلط کوٚر ییٚلہ مےٚ تہنٛزِ مجلسہِ منٛز پننہِ پانُک بچاو کوٚر۔21تِم ہیٚکن ونِتھ زِ مےٚ کوٚر کہتام غلط ییٚلہ بہٕ نالان اوسُس، "از چُھو توٚہؠ مےٚ پیٚٹھ انصاف کران تکیازِ مےٚ چھےٚ پژھ زِ خدا کرِ تِمن تمام لوٗکن دوبارٕ زنٛدٕ یمہ گُذریمٕتؠ چھِ"22فیلِکسؔ اوس گۅڈے تتھ متعلق واریاہ کینٛہہ زانان یتھ لوٗکھ "وتھ" ٲسؠ ونان۔ لہٰذا رُکٲو تٔمؠ کاروٲیی۔ تٔمؠ ووٚن تِمن، "ییٚلہ پتہٕ کمانڈر لوسیاسؔ یور واتہِ تہٕ پتہٕ دمہٕ بہٕ یمہِ مقدِمُک فٲصلہٕ"23پتہٕ ووٚن تٔمؠ پولُسؔ سنٛز پہرٕدٲری کرن وٲلِس افسرس پولُسؔ نِن واپس قٲد خانس منٛز تہٕ یہ کتھ بناو یقینی زِ پولُسؔ چُھ پرٛتھ وزِ پہرٕدٲری منٛز۔ مگر تٔمؠ ووٚن تمِس یتہِ زِ پولُسؔ چُھنہٕ زنجیرن گنڈِتھ تھاوُن، تہٕ اگر امسنٛدؠ دوس أمِس ملاقاتس یِن تہٕ افسر گژھِ تِمن ملاقات دیُن زِ تمہٕ کرن پولُسسؔ پرٛتھ رنگہٕ مدد یہ تِم یژھان چھِ۔24کینٛژِ دوٚہؠ پتہٕ آو فیلِکسؔ پنٕنؠ خاندارِنؠ دروسِلؔہ ہس سٟتؠ واپس یۅسہ اکھ یہُودیہ ٲس تہٕ پولُسؔ انُکھ تس سٟتؠ کتھ کرنہٕ باپتھ۔ فیلِکسنؔ ؔ بوز سۅ کتھ یۅسہ پولُسنؔ تمِس یسوع مسیحؔ ہس پیٚٹھ بھروسہٕ کرنس متعلق ؤنؠ۔25پولُسنؔ کٔر أمِس سٟتؠ تمِس متعلق کتھ یۅسہ خدا یژھان چُھ زِ لوٗکھ گژھن تمِس خۅش کرنہٕ باپتھ کرٕنؠ۔ تٔمؠ کٔر یمہِ کتھ، ہنحز تہِ وضاحت زِ لوٗکھ کِتھٕ کنؠ گژھن قوبو یِنؠ کرنہٕ زِ تِم کِتھٕ کنؠ کرن کٲم تہٕ اکھ وقت واتہِ ییٚلہ خدا تمام لوٗکن سٟتؠ انصاف کرِ۔ فیلِکسؔ کھۅژ یہ بوزِتھ، اوٕ موٚکھ ووٚن تٔمؠ پولُسسؔ، "ووٚنؠ چُھس بہٕ بس یُتےٕ بوزُن یژھان۔ ییٚلہ مےٚ بیٚیہِ وقت میلہ بہٕ ونے ژےٚ وۅلہٕ مےٚ نِش یہ دوبارٕ۔26فیلِکسسؔ ٲس امید زِ پولُسؔ دییہِ تس کینٛہہ پونٛسہٕ، لہٰذا اوس سُہ بار بار پولُسسؔ پانس نِشہٕ بُلاوان۔ پولُسنؔ کٔر کٔژِ پھرِ فیلِکسس سٟتؠ کتھ، مگر تٔمؠ دِیُت نہٕ فیلِکسؔ کانٛہہ تہِ پونٛسہٕ، تہٕ فیلِکسنؔ ووٚن نہٕ پننٮ۪ن سِپہَن پولُسؔ قٲدٕ منٛزٕ یلہٕ تراونہٕ باپتھ۔27ییٚلہ زٕ وری پتھ کُن گےَ تہٕ پُرکِیس فیستسؔ سپُد فیلِکسؔ سنٛز جایہ گورنر مقرر۔ فیلِکسنؔ تھوو پولُسؔ قٲدسےٕ منٛز تکیازِ سُہ اوس یہُودؠ زِٹھیٚن خۅش تھاون یژھان۔
Bridge Connectivity Solutions Pvt. Ltd.