2 Pet2
1w emmax i yeffeγ qebel g ecceεb n Yisryil lenbye δ ikeδδaben, zade δefγen δiywem imuεelmen δ ikeδδaben δ esufγen elmδaheb n elhlax usinc enekren erreb elli yefδeθen, usinc eddaγen y imenensen elhlax fiyseε.2w δ eθebεen egget δ leεbaδ elfseδensen w δekuwnen δ esbeb n esubbi n elHeq.3w nihnin s eTmeεensen δezeyfen edwi erbeHen essiywem. yemenni eHkem fellasen seg qebl yetmenkisc w ehlexensen esetγemmeDc TiT.4w erreb w elyesxifc f elmleyxaθ elli γleĎen, yemenni ylewweHθen g tesellesθ n jhennem w nihnin δ imketfen δiyn el was n elHsab,5w elyesxifc f elεalem eqδim, yemenni yuγeδ eTTuwfan y imuHacen, kan θmenye δ leεbaδ imenneεθen menbinhum nuwH elli ynabe y elxiyr.6yeqDe erreb f eθmuwre n seduwm d eεmuwre yxerrebθent yHewweltent y iγeδ δ edders y elli δedyes beεεeδ ennesnes seg imuHacen,7yemenni imenneε luwT ebbehhay elli yeθgessec f ebriδ n elfsaδ elli eθbεenti elfujjar,8w eryaze ebehhay ikan yeεmer jerasen w ysel s elfseδensen w izer δiys s θiTTewines as beεεeδ as, usinc eθiγeD elHal.9w erreb yessen eymenneε ibehhayen seg elmeHentensen yedj imuHacen y was n elHsab,10bexSuwSi elli θebεen g echawi n eTbiεθensen timenzas w ettesθhanen s elquwweθ n erreb. maqel elHucemtensen! ettekkiδenc esubben iyh n elmejδ,11w Hette elmlayxe elli nihnin γersen elquδreθ exθrensen, elγeldenc s elkelmeθ θuHec y erreb.12emme nihnin m elhwayec elli elγersenc elεaqel, etsubben elli eθesinenc w θemmaruneθ y weSθaδi δ enγe. w lazim ehelxen m nihenti.13δeqasen eδδenb f elli egint. etεilaken eγĎes g elleδδaθ jHar δ elHajeθ ettemeqqerθ. yemenni nihnin δ elwsex δ elεib. ettesθeHlen g enzaseθ w exennexδεen, usinc exencarxen g elwlayemensen.14γersen tiTTawin εebbaneθ s ezna, elčebbeεc seg eδnuwb xlaS, xedεen g lenfuws uDεiyfen, ulewnensen mesθensin s eTmeε. w nihnin δ idrari n elleεneθ.15djyin ebriδ ebehhay raHen εlexaTer eTfen ebriδ n belεam n beεuwr elli yexs eyawi lefluws f eδδembes,16yemenni yemwebbex f elmeεSyeθe elli yegit, max e yuθley eγyul δ ebekkuc s eSSuθ n bnaδem yesbed elhbal θixerxes n enbiδin.17imeεelmene ikδaben δ iseqqen iddisenc amen w δ esHab yθawi δiys aDu yeqwe, erreb iHeDrasen elεδab δ emeqqar.18eqqaren g edwi δ emmeqqar δ elfareγ xedεen f elXaDren echawi n eTebiεθensen d elfsaδ g elli kanen bδan δ beεδen f elfusseδ.19w εδen δisen s eHurriyyeθ emme nihnin biδhum δ ixδiymen n elfsaδ, εlexaTer elli eyeγleb bnaδem eθyesθeεbeδ.20w elli emneεen seg elfsaδ n eddunyeθ, beεεeδ isnen seyyedne yesuwε elmesiyH, iδakan εewδen HSalen δiys, ellexerθensen δeθkuwn exyeb n elbδunsen.21lukan ellessinenc ebriδ ebehhay xiyr n elli eθesnen, w elbeεεeδ ebeεδen felles etwen elwSayeθ timqeddesθ elli iwyenteθ.22w sahen eyeSδeq δiysen elmθel elli yeqqar, "yerjeε eyδi f iθqeyyenes w θexenzirθ elli θessireδ θerjeε fiyseε etteθmerreγ g elwsex".
Chutney Media Agency Limited