2 Pet1
1seg semεan buTrus, elεebδ n yesuwε elmesiyH d umerseles y elli iwiyen seg errebbenne d elli imenεane yesuwε elmesiyH s eSlaH eliman δemeqqar m elimenenne.2fellawem eslam δemeqqar d enneεmeθ f wessenewwem erreb d seyyedne yesuwε.3tuceyane elquδerθ n erreb θemeqqarθ elli eθnesθHeq elkul bac enedder s elteqwe max i xeniεerref s elmesiyH elli yiwyane y elmejδes d elfeDles,4yuceyane essis erreb elberxeθes θimeqqarin d luεeδes elli yuεδane essisneθ, bac e θebeεδem f elfsaδ n elcehweθ elli g eddunyeθe usinc eθeδewlem δicriyxen g eTTebε n erreb.5f elxaĎer n wah egeθ ejjehδewwem bac e θernim elfeDiyleθ y elimenewwem w elmeεrfeθ y elfeDiltewwem,6w eθθiyqeθ y elmeεrefθewwem, w eSSebr y elθiqθewwem w elteqwe yeSSebrewwem,7w exse n ewmeθen y elteqwewwem, w exse y elkul.8w iδekan eθwefferneθ δiywem elfDeyele belgde, exennerneθ meθemriyn exθer f elmeεrfeθ n seyyedne yesuwε elmesiyH.9w elli eθenqezneθ elfDeyele, eyeδwel ules δileεmi, yettu elli erreb yerri δ eTTaher seg leδnuwb iqδiymen.10heδake εlac, ey ewmaθen, yelzemkum eθkunem δ ijeddiyyen g edderewwem f deεweθ n erreb δ wexθeris y xenyum. w iδekan θegiym weδin eltweTTamec xlaS.11iδekan tegem sahen exenimir elbab n waδef y elmelx n seyyedne yesuwε elmesiyH elli eyeqqim dime.12heδake εlac δ exennesfekre dime g elHweyeje, Hette iδekankum tesnemtent w ettegem disneθ s elHeq elli θewiyemt.13w meδemni eddere yelzemni exennesfekre essisneθ dime bac eθerrem elbelewwem.14w neč essene elli δ efarqe eddunyeθe εle qriyb, emmax i yesxen seyyedne yesuwε elmesiyH.15w δ age elmejhuδiyw bac e θesfekrem elHweyeje θiyh diyme beεεeδ emreqiw.16enneθbiεc θixurrafin mleffeqneθ max i xenxebber f seyyedne yesuwε elmesiyH d weseδes s elquδreθ, εlexaTer s θiTTawinenne nezre geddac nette δ emeqqer.17w nette yiwi seg erreb elmejδ d elquδreθ max i sedyuwse eSSuwθ seg elmejδ n erreb yeqqar: "wah eyendeγ memmi emeHbuwb elli essis erDiγ egget.".18nesle nečin eSSuwθe yuseδ seg esme, w enkan iyδes g eddehreθ timqeddesθ.19w εlexaTer edwi n lenbye elli γenne δ SaHiyH, w xenyum eθegem elHajeθ tebhe max esθenzim ekeyenni δ elgaz yetDewwe g elblaseθ etsellesθ, elmeyali as θeqqes θefuθ g ulewnewwem.20w esneθ qebl kul ciy elli Hette Hed welyetged eyfesser seg γers Hette ennubuwweθ g elxθabaθ imqedsen,21εlexaTer eHebbe Hette ennubuwweθ θuseδ s elquδreθ n bnaδem, yemenni erruwH n elquδs θedje lebHaD n leεbaδ eδuθlayen s edwi seg erreb.
Chutney Media Agency Limited