Maliko16
1Pekichumbile Kigono kya Kutulula, Malia yula va kuhuma Magidala, Salome na Malia maye vake Yakobo vakagulile manung'ililo neke vakaubake muvili va Yesu.2Mbungamiye lya kigono kya kwansa lya juma, vakafikile kukabuli lya Yesu, lichuwa pelivangile kuhuma.3Pevagehe mung'asi vakali vihuchana, “Ani yeakutuhechela lila liganga likomi pamlyangilo mwa likabuli?”4Ila pevalolile, vawonile liganga likomi lihechilwe.5Peviingie mulikabuli, vamuwene mdimi yumwi afwalile lihingila livalafu, ekalile lubali lya kuliya navo vakadudwive mno.6Yula mndumindumi va Nguluvi yeawonikile ngita mdimi akamlongie, “Mbiile kududwivala mkumsaka Yesu Munasaleti yekong'oliwe pakipindilihicho. Achulubwike! Kwihela ipa. Mlole pono peavamvasile.7Ila muhelele mukavalongile vachulila vake pamwi na Peteli kuva, ‘Yesu akuvalongola kuhelela ku Galilaya, ukoya dakumlola ngita pevalongiye.’”8Suwe vanyilile kuhuma kumgunda va Nguluvi, kwa kuva vatetime kwa wogofi na kududwiva. Sevakamlongie munu yoyonda kinu, kwa kuva vakaongwipe mno.9Yesu peachulubuke mbungamie kigono kya kwansa kya juma ewonise tandi kwa Maliya munu va kuhuma Magidala ambaye Yesu akali amuhechile mihoka saba.10Maliya akahelele kuvalongela, vala vevakali vikwilongocha na Yesu, ambavo vakali kukivilicha na kuvemba.11Ila pevapulike kuva Yesu yu uwumi na Maliya munu va Magidala akali amwene, sevaidikie.12Pambele Yesu akavahumie vavili pagati lya vachulila vake pevali vehelele kwivala lya kumwani akiva na lisula lingi.13Navo vakawuyile na kuvalongela vayawo, ila sevaidikie vawo piya.14Pambele Yesu akavahumie vala vachulila vake kumi na yumwi pevakali vekuliya kyakuliya. Akavalakila kwa kuva sevaidikie na ukangafu va numbula chawo kwa kuwa sevakuvaidikie vala vevamuwene baada lya kuchulubuka.15Akavalongie, “Muhelele inyi chonda, mkadalike Njowo Nofu kwa vanu vonda.16Yeyonda yeikwidikila na kubatiswa iwokoka. Ila mwene yeseikwidikie ikuhingwa.17Na kimanyilo hiki chivesa pamwi na vala yevikwidikila, kwa litawa lyangu vihecha mihoka, na vilonga kwa luga miya.18Vakikolela lyoka na hata vakinyua kinu kyokyonda kya kuvalemacha, sekikuvalemacha haa, vatavavikila mawoko gyawo pakyanya lya vatamwa navo vepona.”19Peamalile Yesu kulonga navo, akanyamuliwa kuluhano kwa Nguluvi na kwikala liwoko lya kulia lya Nguluvi.20Baho vachulila vake vakahelela kudalika kila pono, Mtwa akagitile kasi pamwinga navo na kwiwonesa kuva lichwi lyake kwa kimanyilo chechilongochwe navo.
The Word for the World International