1 Krónikasi27
Amu burí úfisigu lani Dawidi
1Anihán hiri Ísüraelina según hábutigu iduheñu, hábutigu súdaragu hama úfisigu ha eseriwidubaña lun urúei lidan sun katei le luáguti asudarahani, ha eseriwidubaña según dan luagu hati lidan sun irumu. Wein-gádürüñanu-milu wügüriña lidan kada sétanu.2Furumiñeti óunigiruti lidan furumiñeti hati: Hasobeámü le liráü Sabüdiéli hábutibei,3ladügawagun Fáresi gumadan houn sun hábutigu súdaragu ha eseriwidubaña lidan furumiñeti hati.4Óunigiruti lidan libiaman hati: Dodái le Aoita hábutibei.5Óunigiruti lidan lǘrüwan hati: Benaíasi le liráü Hoyadá fádiri le íñugutimabei hábutibei,6le meha ábanbei hádangiñe darandi ganigitiña luma hábuti. Gama lumoun Amisabádü le liráü agumadirubalin fánreinguaü ligía.7Óunigiruti lidan ligadürün hati: Asaeli le lamulen Hoabü hábutibei. Sewadíasi le liráü leweñeguabei.8Óunigiruti lidan liseingün hati: Samutu le Ísüraita hábutibei.9Óunigiruti lidan lisisin hati: Irá le liráü Ikesi le Tekoana hábutibei.10Óunigiruti lidan lisedün hati: Elesi le Palütíta, le ladügawagun Éfürain hábutibei.11Óunigiruti lidan liwidün hati: Siwekái le lílana Usá, ladügawagun Sera.12Óunigiruti lidan linefun hati: Ebieserü le Anatótuna, le ladügawagun Benhamín hábutibei.13Óunigiruti lidan lidiisin hati: Maarai le Netofána, le ladügawagun Sera hábutibei.14Óunigiruti lidan liunsun hati: Benaíasi le Piratónna, le ladügawagun Éfürain hábutibei.15Óunigiruti lidan liduusun hati: Elüdái le Netofána, le ladügawagun Otoniéli hábutibei.16Lábutigu lani Ísüraeli türibu: Hábuti lánigu Rubén, Elieserü le liráü Sikürí, hábuti lánigu Simeón, Sefatíasi le liráü Maaká;17hábuti lánigu Lewí, Asawíasi le liráü Kemueli; hábuti ladügawagun Aarón, Sadoku;18hábuti lánigu Hudá, Eliú, aban hádangiñe líbugañanu Dawidi; hábuti lánigu Isakárü, Omurí le liráü Mikaeli;19Hábuti lánigu Sabulón, Isümaíasi le liráü Abüdíasi; hábuti lánigu Nefütalí, Herimótu le liráü Asüriéli;20hábuti lánigu Éfürain, Oseasi le liráü Asasíasi, hábuti hamidan lani Manasési türibu, Hoeli, le liráü Pedaíasi;21hábuti le aban hamidan türibu ha Galaadübaña, Idó le liráü Sakaríasi; hábuti lánigu Benhamín, Haasieli le liráü Ábünerü,22hábuti lánigu Dan, Asaréli le liráü Heroamü. Hagía meha ha hábutigubaña lani Ísüraeli türibu.23Mabahüdün lumutiña Dawidi ha ǘnabugiñabaña luéi wein irumu, ladüga ariñagaali lan meha Bungiu luagu ladügüba lan lun hagibedagun Ísüraelina kei waruguma ha siélubaña.24Gumese lumuti Hoabü habahüdün gürigia gama lumoun magumu lumuti, lugundun barüti katei ligía abeichúni luagun Ísüraeli. Ligía mabürüdǘn lubéi átiriñanu lan tidan líburu to lánina asusereduti luáguti urúei Dawidi.25Asümáweti le liráü Adieli, ligía meha lúniribei lirisin urúei, gama lumoun Yónatan le liráü Usíasi ligía arihubei tau burí lagei éigini to áraabuboun, to uburuguboun, to burí fulasuruguboun tuma to burí lídanboun fadaguaü.26Esürí le liráü Kelubu, ligía arihubei hau nadagimeintiña ha ábunagubaña nadü.27Simí le liráü Ramatü, ligía arihubei tau beibei-agei, Sabüdí le liráü Sefamü, ligía arihubei lau tádarawagun diwéin budigürugun.28Baali-anán, ligía arihubei lau oliwu-agei luma burí dabíara le ñein tubéi igu áraabuna to luáguboun fulasu mawübüriti, Hoasi ariha lau fulasu le ñein lubéi lareidúa garaba.29Sitürái le Saronna, ligía arihubei hau bágasu ha Saronbaña, Safatü le liráü Adülái, ligía ariha hau bágasu ha luágubaña fulasu wayati.30Owili le Ísümaelina, ligía arihubei hau kameyu; Hedíasi le Meronótuna ariha hau burigü;31Hasisü, le tadügawagun Agarü ariha hau mudún. Sun ha, hagía óunigirubalin lumegen urúei Dawidi.32Yónatan le liyaurite Dawidi, wügüri chu tau, ligía eweridihabei, Heieli le liráü Akümoní, ligía éibugubei hama lirahüñü urúei.33Eweridihati meha giñe lani urúei Aitoféli, Usaí le Arükíta, ligía wügüri lemeniginbei urúei.34Hoyadá le liráü Benaíasi luma Abiatárü, hagía leweñeguabaña Aitoféli lidan lubara, Hoabü ligía meha hábutibei súdaragu.Bible Society of Honduras