มาระโก /12
1พระองค์เลยอู้แก่เขาเป่นคำเปบว่า “ยังมีจายคนนึงได้ทำสวนองุ่น แล้วล้อมฮั้วไว้รอบ เขาได้สกัดบ่อเก็บน้ำองุ่น และแป๋งหอเฝ้าหือชาวสวนเจ่า แล้วก่ไปต่างประเทศเสีย2เม่อถึงฤดูผลองุ่น เขาจึงใช้บ่าวคนหนึ่งไปหาคนเจ่าสวนหั้น เปื่อจะได้ฮับส่วนผลองุ่นจากสวนของเขา3ตางคนหมู่หั้นก่จับบ่าวนั้นตีแล้วไล่หือปิกไปบะดาย4แหม่กำนึงเจ้าของสวนใช้บ่าวแหม่คนนึงไปหาคนเจ่าสวน คนเจ่าสวนหั้นก่ตั้งใจ๋เยะทำหือหัวบ่าวหั้นแตก แล้วเยะการน่าอัปยศต่างๆ5กำลุนเจ้าของใช้บ่าวไปแหม่กำนึง เขาก่ฆ่าบ่าวหั้นเหีย แล้วยังใช้บ่าวไปแหม่หลายคน เขาก่เฆี่ยนตีผ่อง ฆ่าเหียผ่อง6เจ้าของสวนยังมีแหม่คนนึงเป่นลูกจายตี้ฮัก เลยใชจ้ลูกคนหั้นไปเป่นครั้งตี้สุด อู้ว่า ‘เขาท่าจะเคารพลุกของเฮา’7แต่คนเจ่าสวนอู้กันว่า ‘คนนี้แหละเป่นทายาท ฆ่าเหียเตอะ แล้วมรดกหั้นจะตกอยู่กับเฮา’8เขาเลยปากันยับลูกคนหั้นฆ่าเหีย และเอาศพขว้างไว้นอกสวน9เจ้าของสวนจะเยะอะหยัง ท่านก่จะมาฆ่าคนเจ่าสวนหมู่หั้นเหีย แล้วจะเอาสวนองุ่นหั้นหือคนอื่นเจ่า10ท่านตึงหลายอ่านพระคัมภีร์ตอนนี้แล้วบะใช่หรือซึ่งว่า ‘ศิลาซึ่งช่างก่อได้ละเหีย ยังได้เป็นศิลามุมเอกแล้ว11การนี้เป่นมาจากพระเจ้า เป็นการเหลือเจื่อตี้หันกับตาเฮา’ ”12ตางเขาเลยไคจะยับพระองค์ แต่ว่าเขาโก๋ประชาชน ด้วยเขาหู้อยู่ว่าพระองค์ได้อู้กำเปบนี้กระทบหมู่เขาเอง แล้วเขาก่ไปจากพระองค์13เขาเลยใช้บางคนในหมุ่ฟาริสีและหมู่เฮโรดไปหาพระองค์ เพื่อจะคอยจับผิดในกำของพระองค์14ครั้นมาถึงแล้วก่อู้พระองค์ว่า “อาจารย์เจ้าข้า ข้าพเจ้าทั้งหลายหู้อยู่ว่า ท่านเป่นคนสัตย์ซื่อและบะได้เอาใจไผ เพราะท่านบะได้หันแก่หน้าคนใด แต่สั่งสอนทางของพระเจ้าแต้ๆ การตี้จะส่งส่วยหือแก่ซีซาร์นั้นเปิงก่อ15เฮาจะส่งดีหรือบะส่งดี” แต่พระองค์หู้อุบายของเขาเลยอู้ว่า “ท่านทั้งหลายมาจับผิดเฮายะหือ จงเอาเดนาริอันเหรียญนึงมาหือเฮาผ่อ”16เขาก่เอามาหือ พระองค์เลยอู้ถามเขาว่า “ฮูปและกำจารึกนี้ปิ๋นของไผ” เขาอู้ตอบพระองค์ว่า “ของซีซาร์”17พระเยซูเลยอู้กับเขาว่า “ของของซีซาร์จงหือแก่ซีซาร์ และของของพระเจ้าจงหือแด่พระเจ้า”ตางเขาก่แปลกใจในพระองค์ยิ่งนัก18มีหมู่สะดูสีบางคนมาหาพระองค์ หมู่นี้เป่นคนสอนว่าการปิ๋นขึ้นมาจากความตายหั้นบะมี เขาอู้ถามพระองค์ว่า19“อาจารย์เจ้าข้า โมเสสได้เขียนสั่งข้าพเจ้าตึงหลายไว้ว่า ถ้าจายคนใดตายและเมียยังอยู่ แต่บะมีลูก ก่หือน้องจายฮับปี้ไป้หั้นไว้เป่นเมียของโต๋เก่า เพื่อสืบเผ่าพันธุ์ของปี้จายไว้20ยังมีจายพี่น้องเจ็ดคน พี่คนเก๊ามีเมียแล้วตาย บะมีลูก21น้องตี้หนึ่งก่อฮับแม่ยิงหั้นมาเป่นเมีย แล้วก่ตายยังบะมีลุก และน้องตี้สองก่ฮับไว้เหมือนกัน แต่ก่ตายบะมีลูก22พี่น้องตึงเจ็ดคนนี้ก่ได้รับแม่ยิงหั้นไว้เป่นเมียและบะมีลูก ที่สุดผู้หญิงนั้นก็ตายตวย23เพราะจะอั้นในวันตี้จะปิ๋นขึ้นมาจากความตาย หญิงหั้นจะปิ๋นเมียของไผ ด้วยนางได้เป่นเมียของจายตึงเจ็ดแล้ว”24พระเยซูเลยอู้แก่เขาว่า “เพราะข้อต่อไปนี้หมู่ท่านผิดแล้วบะใช่ก่า คือท่านตึงหลายบะหู้พระคัมภีร์หรือฤทธิ์เดชของพระเจ้า25เพราะเมื่อมนุษย์จะปิ๋นขึ้นมาจากความตายนั้น จะไม่มีก๋านแต่งงานหรือยกให้ปิ๋นโผปิ๋นเมกันแหม แต่จะปิ๋นเหมือนทูตในฟ้าสวรรค์26แต่เรื่องคนตี้ตายแล้วตี้เขาจะถูกชุบหือเป็นขึ้นแหมหั้น ท่านตึงหลายยังบะได้อ่านคัมภีร์ของโมเสสตอนเรื่องพุ่มไม้กา ซึ่งพระเจ้าได้อู้ไว้กับโมเสสว่า เฮาปิ๋นพระเจ้าของอับราฮัม พระเจ้าของอิสอัค และพระเจ้าของยาโคบ27พระองค์บะได้ปิ๋นพระเจ้าของคนตาย แต่ปิ๋นพระเจ้าของคนปิ๋น ท่านทั้งหลายผิดนักขนาด”28มีธรรมาจารย์คนนึง เมื่อมาถึงได้ยินเขาอู้จ๋ากัน และหันว่าพระองค์ตอบเขาได้ดีเลยอู้ถามพระองค์ว่า “ธรรมบัญญัติข้อใดปิ๋นเอกปิ๋นใหญ่กว่าธรรมบัญญัติตึงหมด”29พระเยซูเลยอู้ตอบคนหั้นว่า “ธรรมบัญญัติเอกหั้นคือว่า โอ ชนอิสราเอลจงฟังเตอะ พระเจ้าของเฮาตึงหลายปิ๋นพระเจ้าเดียว30และหมู่ท่านหื้อฮักพระเจ้าด้วยสุดจิตสุดใจของท่าน ด้วยสุดความคิดและด้วยสิ้นสุดกำลังของท่าน31และธรรมบัญญัติตี้สองหั้นคือ หื้อฮักเปื่อนบ้านเหมือนฮักตั๋วเก่า ธรรมบัญญัติอื่นตี้ใหญ่กว่าธรรมบัญญัติตึงสองนี้บะมี”32ตางธรรมาจารย์คนหั้นอู้ว่า “ดีแล้วอาจารย์เจ้าข้า ท่านอู้ถูกแต้ ว่าพระเจ้ามีแต่พระองค์เดียว และนอกจากพระองค์แล้วพระเจ้าอื่นบะมีเลย33และซึ่งจะฮักพระองค์ด้วยสุดจิตใจ สุดความเข้าใจและสิ้นสุดกำลัง และฮักเปื่อนบ้านเหมือนฮักตั๋วเก่า ก่ประเสริฐกว่าเครื่องเผาบูชาและของถวายตึงหมด”34เมื่อพระเยซูหันแล้วว่าคนหั้นอู้โดยใจ้กำกึด เลยอู้กัเขาว่า “ท่านบะไกลจากแผ่นดินของพระเจ้า” ตั้งแต่นั้นไปบะมีไผอาจถามพระองค์ต่อไปแหมต่อไป35เมื่อพระเยซูสอนอยู่ในต๋ามหมู่พระวิหารได้อู้ถามว่า “ตี้หมู่ธรรมาจารย์ว่าพระคริสต์ปิ๋นเชื้อสายของดาวิดหั้นเป๋นได้จะใด36ด้วยว่ากษัตริย์ดาวิดเองอู้โดยเดชพระวิญญาณบริสุทธิ์ว่า พระเจ้าอู้กับองค์พระผู้เป๋นเจ้าของข้าพเจ้าว่า ‘หื้อนั่งตี้ขวามือของเฮา จุ๋นกว่าเฮาจะปราบศัตรูของท่านหืออยู่ปื้นตี๋นท่าน’37กษัตริย์ดาวิดยังได้ฮ้องท่านว่า เป๋นองค์พระผู้เป๋นเจ้า ท่านจะเป๋นเพงเจื้อสายของดาวิดได้จะใด” ตางประชาชนฟังพระองค์ด้วยความยินดี38พระเยซูอู้สอนเขาว่า “จงระวังหมู่ธรรมาจารย์หือดี คนตี้ชอบใส่เสื้อยาวเตวไปมา ชอบหือคนคำนับกลางกาด39ชอบนั่งตางหน้าในธรรมศาลาและในการเลี้ยง40เขาหุมเอาเฮือนของหญิงม่าย และแกล้งอธิษฐานเหยาวเหยด เขาตึงหลายจะต้องมีโทษหนักยิ่งขึ้น”41พระเยซูได้อยู่ตั๊ดหน้าตู้เก็บตังถวาย สังเกตประชาชนเอาตังมาใส่ไว้ในตู้หั้น และคนรวยหลายคนเอาตังนักมาใส่ในตี้หั้น42มีหญิงม่ายคนนึงเป่นคนตุกเอาเหรียญทองแดงสองอัน มีก้าประมาณสลึงนึงมาใส่ไว้43พระองค์เลยฮ้องหมู่ลูกศิษย์มาอู้กับเขาว่า “เฮาบอกเรื่องแต้กับท่านตึงหลายว่า หญิงม่ายตุกคนนี้ได่ใส่ไว้ในตู้เก็บเงินถวายนักเหลือคนตึงหมดตี้ใส่ไว้หั้น44เพราะว่าคนตึงหมดหั้นได้เอาตังเหลือใช้ของเขามาใส่ไว้ แต่แม่ยิงนี้บะมีตี้สุด ยังได้เอาตังตี้มีอยู่สำหรับเลี้ยงจีวิตของตนมาใส่จุ๋นหมด”
Empower Asia Bible Translation Movement