LUKA1
1Mʉkengwa Teofili, halɨ bandʉ bangɨ mobayɨrenga ɨshaka ɨkwamana n'ebɨnwa byatsʉkaga mo kathi kethʉ.2Abo bashakaga abo mobaganʉlɨra kundu ng'oko abakoli ba Yesʉ Kirisito bathʉbwɨraga. Abakoli abo nɨ abo bayɨloleraga ko byoshi byo Yesʉ akolaga mo mesho wabo ho bɨkathangɨra. Nɨ ɨbo bo bafʉlaga eNgʉlʉ Mbʉya ya Gongo.3Nangye monyayɨthegeretsye kʉtsɨbʉ ebɨnwa byoshi bya Yesʉ ɨthoka ko byathangaga. Bʉshana n'ebyo, nyamashʉnga mʉkengwa Teofili, nyɨkʉshakɨre ebɨnwa byoshi ebyo mw'ɨthondeka.4Enyɨkʉshakɨra kʉshangwa ʉmɨnye ekwenene y'amakangɨrɨtsya wakangɨrɨtsɨbawa.5Mo mʉgʉlʉ Herote abyaga mwamɨ w'omo kɨhʉgo ky'iYuteya, habyaga mʉndʉ mʉgʉma erɨtsɨna lɨwe nɨ yo Sakarɨa. Sakarɨa oyo abyaga mʉgʉma w'oko baheri w'omo kɨkembe kya Abia. Mʉkatsɨwe Lisabeti abyaga w'oko lʉganda lwa Haruni. 6Sakarɨa na Lisabeti babyaga bathʉnganene embere sa Gongo. Nibakwamire kundu amathegeko wa Nyinya-kowethʉ n'ɨkola nga kw'anegenire.7Hewethuwe babyaga nibathawithe kʉ mwana kʉshangwa Lisabeti abyaga mʉgʉmba. Kandɨ ababɨrɨ boshi nɨbahera bakʉlʉ-kʉlʉ kʉtsɨbʉ.8Kɨro kɨgʉma Sakarɨa agenda akola omʉlɨmo ʉwe w'obuheri mo Nyʉmba ya Gongo, kʉshangwa lwabyaga lʉhɨtsyo lw'omo kɨkembe kyabo ky'ɨkola mʉlɨmo.9Omw'ɨkwamana n'emɨtsyo y'abaheri, Sakarɨa yo washombolawa mʉ bwɨkɨ kʉshangwa ɨngɨre mo Nyʉmba ya Nyinya-kowethʉ oketsyemo obubani. 10Mo ndambi Sakarɨa agenda okya obubani, abandʉ boshi babyaga embʉga nɨabashaba Gongo.11Honyuma kw'aho malaɨka mʉgʉma wa Nyinya-kowethʉ mwabʉthʉkɨra Sakarɨa, mwimana ko malyo w'obʉtara bw'ɨhererako obubani.12Sakarɨa abere amʉlolako mwashalima, mwʉbaha kʉtsɨbʉ.13Hewethuwe malaɨka oyo mwamʉbwɨra athɨ: «Ʉthʉbahaga mbe Sakarɨa kʉshangwa Gongo amonvwa emɨshabe awe. Mʉkatsɨ awe Lisabeti andakʉbʉthɨra mwana wa bʉtsana wandamʉlʉkamo Yoani.14Omwana oyo andaleka niwabya na lʉmogo lʉnene, na bandʉ bangɨ bandamogera erɨbʉthwa lɨwe.15Kʉshangwa andabya mʉkʉlʉ embere sa Nyinya-kowethʉ, athɨndashome tifayi kʉtse wandɨ mafʉ w'ikundya. Andabya akɨnalɨ mo nda ya nyinya ʉwe, andashondolwa n'oMʉthɨma Mwerʉ.16Andaleka Baisiraeli bangɨ nɨbashʉbɨra Nyinya-kowethʉ Gongo wabo. 17Andahika nga mʉthʉmwa wa Gongo, andabya n'omʉthɨma na maka nga Elia mʉmɨnyeretsɨ. Bʉshana n'ɨletha abana bahʉlɨkɨrɨrane n'obwishe. Kandɨ ahɨndʉle abandʉ bobanathɨnda ebɨnwa bya Gongo nɨmo babya n'obwenge ng'abandʉ bathʉnganene embere sa Gongo. Mw'ebyo andathegekanɨtsya Nyinya-kowethʉ yo bandʉ abayithegekenie imukokya.»18Hewethuwe Sakarɨa mwabʉtsya omʉmalaɨka oyo athɨ: «Nyamɨnya nyɨthɨ kw'ebyo nɨ bya kwenene? Kʉshangwa ingye nyahera mʉshyakʉlʉ na mʉkatsɨ aye naye ahera mʉkekʉlʉ.»19Malaɨka mwamʉshʉbɨtsya athɨ: «Ingye ngyo Ngabulieri, n'ingye ngyo nyinimana embere sa Gongo. Ɨye yo wamanyɨthʉma kw'ɨwe nyɨkʉbwɨre n'ɨkʉfʉlɨra engʉlʉ mbʉya eyi.20Onvwa! Ebɨnwa ebyo byandabererera ko ndambi yilayirwe. Kʉshangwa moʉthɨkɨrɨtsye ebɨnwa ebyo, wabya kɨtsɨrʉ. Uthikotsye ɨshʉba negena ihika ekɨro ebɨnwa ebi byandabererera.»21Omo ndambi eyo abandʉ babyaga balindirire Sakarɨa mobashweka kw'amaherera mo Nyʉmba ya Gongo ndambi nyɨre.22Sakarɨa abere athokamo mwathakotsya ɨnegena. Mwagenda anegena nabo mo minwe, kʉshangwa niamabya kɨtsɨrʉ. Aho abandʉ mobamɨnya ko mwashʉnga humanani mo Nyʉmba ya Gongo.23Sakarɨa abere amamala ebɨro bɨwe by'erɨkola mo Nyʉmba ya Gongo, mwashʉba ewe.24Honyuma w'ebɨro ebyo, mʉkatsɨwe Lisabeti mwaheka bʉkʉle. Mwamala myetsɨ ithano bʉthahʉlʉka. Naye agenda anegena athɨ:25«Shʉnga ebɨbʉya Nyinya-kowethʉ amanyɨkolera! Mwanyithokyako esoshoni s'obʉgʉmba embere s'abandʉ.»26Ko mʉgʉlʉ obʉkʉle bwa Lisabeti bwabere bwahika ko mwetsɨ w'endathʉ, Gongo mwathʉma malaɨka Ngabulieri mo muyi w'iNasareti, mo kɨhʉgo ky'iNgalilaya,27ko mʉnyere mʉgʉma agenda ahʉlwamo Marɨa. Marɨa oyo agenda athahibwa na muyira mʉgʉma nɨ yo Yosefʉ, w'omo lʉganda lw'omwamɨ Tawiti.28Malaɨka oyo mwahika ho Marɨa abyaga n'ɨmʉketsya athɨ: «Bwakyere he Marɨa! Moga! Nyinya-kowethʉ mwakʉha lʉkogo kandɨ alɨ hagʉma nawe.»Malaɨka afʉlɨra Marɨa yo mwatsɨ kw'ɨye yo wabʉtha Yesʉ29Marɨa abere onvwa ekɨnwa eki mwahononokala. Mwathanga ɨyɨbʉtsya athɨ: «Engetsyo eyi inegenire yithi ki?»30He malaɨka mwamʉbwɨra athɨ: «Marɨa ʉthʉbahaga kʉshangwa Gongo amakʉha lʉkogo.31Waheka bʉkʉle, wandabʉtha mwana wa bʉtsana, wandamʉlʉkamo Yesʉ.32Andabya mʉkʉlʉ na andahʉlwamo Mʉgala wa Gongo yo ʉlɨ elʉgʉlʉ w'ebyoshi. Na Nyinya-kowethʉ Gongo andamʉha obwamɨ bwa Tawiti ishe-kʉlʉ ʉwe.33Andathegeka aBaisiraeli bo kera na kera, n'obuthegeki bʉwe bʉthɨndahwe.»34Marɨa mwabʉtsya malaɨka athɨ: «Ebi bya thokekana bɨthɨ ingye Nyithetsi nyamɨnya bayira?»35Malaɨka mwamʉshʉbɨtsya athɨ: «oMʉthɨma Mwerʉ andakukimirako, n'akagala ka Gongo w'elʉgʉlʉ w'ebyoshi kandakʉshwɨka ng'ekithuthu. Bʉshana n'eki omwana wandabʉtha andabya mubuyirire kandɨ andahʉlwamo Mʉgala wa Gongo.36Hene, Lisabeti w'omo lʉganda lwawe, na mwanahera mʉkekʉlʉ kandɨ yo wabyaga mʉgʉmba naye nɨ mʉkʉle wa myetsɨ ndathʉ alindire ɨbʉtha mwana wa bʉtsana.37Kʉshangwa hathalɨ kyo kɨnalemana embere sa Gongo.»38Aho, Marɨa mwanegena athɨ: «Ingye nyɨrɨ mukoli wa Nyinya-kowethʉ, binyibyeko nga ko ʉthanegena.» Honyuma kw'aho malaɨka mwayɨgendera.39Mo bɨro ebyo Marɨa mwahuthuka n'ɨya mo kɨhʉgo ky'ebɨthwa mwahika mʉ muyi mʉgʉma w'iYuteya.40Abere ahikayo mwɨngɨra mo nyʉmba ya Sakarɨa n'ɨketsya Lisabeti.41Lisabeti abere onvwa engetsyo ya Marɨa, obʉkʉle bʉwe mobwashatha mo nda yɨwe. Mwashondolwa n'oMʉthɨma Mwerʉ.42Mwahambala n'ɨbwɨra Marɨa athɨ: «Gongo amakʉha lʉkogo kʉlenga abakatsɨ boshi. N'omwana wandabʉtha naye amagashanɨrwa!43Nyɨrɨ ndɨ w'ilungulwa na nyinya wa Nyinya-kowethʉ?44Kʉshangwa mo ndambi nyɨthonvwa engetsyo awe obʉkʉle mobʉshatha n'olʉmogo mo nda aye.45Wamagashanɨrwa kʉshangwa mowɨkɨrɨtsya ebyo wabwɨrawa ɨthoka kʉ Nyinya-kowethʉ ko byandabererera.»46Aho Marɨa mwanegena athɨ:«Omʉthɨma aye asingya Nyinya-kowethʉ yo kʉtsɨbʉ,47kandɨ omʉthɨma aye amogera Gongo yo kʉtsɨbʉ, yo Mushabuli aye;48kʉshangwa mwashʉnga obʉlonvʉ bwaye ingye mʉgombe ʉwe.Ega! Ɨthanga lɨno-lɨno abandʉ boshi bandagenda abanyahʉlamo mʉgashanɨrwa,49kʉshangwa Gongo w'amaka woshi mwanyɨkolera kɨndʉ kɨnene.Erɨtsɨna lɨwe lɨsha lyo libuyirire.50Ko bɨro byoshi andagenda afwɨra shashi bobamukengire.51Mwakola kɨndʉ kɨnene mo maka w'okʉboko kʉwe.Mwapanzire abandʉ bo babyaga n'emɨthɨma y'emɨfʉma.52Mwathoyitsye abamɨ b'oko ndebe sabo,n'abalonvʉ mwirukitsyebo. 53Ababyaga nibawirire mwayirirebo mo bashoki,hewethuwe abashoki mwafulukitsyebo minwe mɨsha.54Mwangirire Isiraeli mʉgombe ʉwe,mwathibirirwe imukangya obʉbʉya bʉwe,55ng'oko alagaga bo thatha-kʉlʉ,Abʉrahamʉ n'olʉbʉtho lʉwe kera na kera.»56Marɨa mwikala hagʉma na Lisabeti hofɨ myetsɨ ishathu. Honyuma kw'aho mwashʉba ewe.57Ebɨro by'erɨbʉtha bya Lisabeti byabere byahika, mwabʉtha mwana wa bʉtsana.58Abahʉwene n'abahimbani bʉwe babere bonvwa ko Nyinya-kowethʉ mwamʉfwɨra shashi nene mobamoga hagʉma naye.59Ekɨro ky'omʉnanɨ enyuma y'erɨbʉthwa lɨwe mobagenda n'omwana ayamonibwe, mobashondya ɨmʉha erɨtsɨna lya Sakarɨa ishe ʉwe.60Hewethuwe nyinya ʉwe mwathɨnda athɨ: «Ɨhɨ, alʉkwamo Yoani.»61Mobamʉbwɨra bathɨ: «Mbeno! Hathalɨ mʉndʉ n'omʉgʉma w'omo lʉganda lwawe yo ʉnahʉlwa mw'ɨtsɨna eryo!»62Aho mobabʉtsya ishe w'omwana y'omo minwe bathɨ: «Omwana wamʉlʉkamo ndɨ?»63Sakarɨa mwashababo kɨshayɨ naye mwashakako athɨ: «Erɨtsɨna lɨwe yo Yoani.» Aboshi mobashweka kʉtsɨbʉ.64Mo kathambi ako obʉnʉ bwa Sakarɨa, n'olʉlɨmɨ lʉwe mobyagobokala mwathanga ɨshʉba negena n'ɨhalamba Gongo kʉtsɨbʉ.65Aho abahimbani bʉwe boshi mobʉbaha kʉtsɨbʉ. Omwatsɨ oyo mwathimba mo bɨthwa byoshi by'ekɨhʉgo ky'iYuteya.66Abandʉ boshi bo bonvwaga omwatsɨ oyo mobathanga ɨyɨbʉtsya mo mɨthɨma yabo bathɨ: «Omwana wamabʉthwa oyu andabya athɨ?» Ega! Kwenene amaka wa Nyinya-kowethʉ abyaga hagʉma naye.67Sakarɨa, ishe w'omwana mwotsutsibwa n'oMʉthɨma Mwerʉ; mwathanga ɨmɨnyerera athɨ:68«Nyinya-kowethʉ Gongo w'ekɨhanda ky'aBaisiraeli asingibwe,kʉshangwa mwawathikya abandʉ bʉwe n'ɨshabʉlabo.69Mwathʉthʉmɨra Mushabuli wa maka,w'omo lʉganda lwa Tawiti mʉgombe ʉwe.70Ebɨnwa ebi bɨrɨngene n'ebyo anegenaga ɨthanga kera ɨtsʉkɨra ko bamɨnyeretsɨ bʉwe babuyirire bathɨ:71andathʉthʉmɨra yo wandathʉshabʉla mo minwe y'esonzigu,na bobathufwire bʉshʉ.72Mwakangania eshashi yɨwe yo bo thatha-kʉlʉ,na kandɨ mwathɨbɨrɨrwa endagane yɨwe nyibuyirire kʉtsɨbʉ.73Akolaga athyo ɨkwamana nga kw'alahɨtsɨraga Abʉrahamʉ thatha-kʉlʉ wethʉ, 74athɨ andathʉshabʉla n'ithuthokya mo minwe y'esonzigukʉshangwa thumuramye bʉtsɨra bʉba,75mo bʉbʉya n'obʉthʉnganene embere sɨwe,bɨro byoshi mw'ibyaho lyethʉ.76Nawe, mwana aye, bandagenda abakwahʉlamo Mʉmɨnyeretsɨ wa Gongo yo ʉlɨ elʉgʉlʉ w'ebyoshi,kʉshangwa n'ɨwe wandahika embere Nyinya-kowethʉ ahike,bʉshana n'ithunganania enzɨra yɨwe.77Nɨ ɨwe wo wandabwɨra abandʉ bʉwe nga kw'ahika bʉshana n'ɨshabʉlabo,mw'ɨganyɨrwa ebɨtsɨbʉ byabo.78Ɨkwamana n'eshashi nene ya Gongo wethʉ,andathʉthʉmɨra ekyakakala ky'elʉgʉlʉ ekyandathʉkoletsya.79Andakoletsya abalɨ mo mwitsimya n'abalɨ mo nzɨra y'olʉholo,bʉshana n'ɨthwangɨrɨra thʉkwame enzɨra y'obʉholo.»80Omwana oyo agenda ɨshʉka, n'omʉthɨma ʉwe mwabya n'akagala. Mwayikala mo mbwarara ihika ko kɨro ashʉngɨkaga embere s'abandʉ b'iIsiraeli.
The Seed Company