মথি27
1হাপকুং হোহোইনুসো তাংসা মাটা পাউবি আসা দোসরা য়হুদি মাটা ওয়ারাংপাবিহা ইশুকো তোইতা বিরোধ জোসুমসা আকুহিংয়া স্যানেরোওয়া তামসা হুইসুয়ে।2আসা আবিহা আকুহিংয়া তাইপুমসা পুরায়ে, আসা টেবো কাইজি পিলাতসকোতা সায়ে।3আত্রংহা ইশুহিং প্যইপাওয়া য়হুদাহা আকুহিংয়া স্যাপুরোওয়া তাওয়া নুওয়াং হিংনুওয়া পশ্চতাপ জোয়ে, আসা মাটা পাউবি আসা দোসরা য়হুদি মাটা ওয়ারাংপাবিহিং জাতাংকো ইকাইসো ত্যাচো টাংকা লাপপিয়ে,4আসা জাংয়ে, “কাহা ইচো দোষ মাতাওয়া দিংঙাহিং প্যইপামসা পাপ জোমি নিও।”
আদো আবিহা জাংয়ে, “আকুহা কাবিহা মেগেরো! নাতি আপনিরাং গেচা।”5আত্রংহা য়হুদা ইস্কোরোতিহা আকু জাতাংকো টাংকাবিহা দেমসাতা বাডোইতেমসা হোপুয়ে, আসা আকুহা থ্যইচামসা সিপুয়ে।6আদো মাটা পাউবিহা আকু টাংকাবি য়োমসা জাংয়ে, “ই টাংকাহা দেমসাকো ন্যাস্যা এওয়াতা একোহা তাংজিকো লিংপাংহা মিচারোওয়া, হাংপাতানাহা ইহা দিংঙাহিং স্যাকো পিচাওয়া ন্যাস্যাগা।”7আবিহা আপনি লারাই হুইসুমসা আকু ন্যাস্যাসোহা কোইয়োংকো ওয়াংওয়াবি সিপুনু লিওয়া কুমালেকোতা মোংটো চোইয়ে।8আকো সোতা আকু মোংটোহিংয়া নেচোইপা য়ুতিকো মোংটো তামসা জাংমগা।9আত্রংহা অগমবক্তা য়র্মিয়াকো জাংওয়া নুওয়াংহা এপারাং তাংসা পুরা জিংয়ো, “ইস্রাইলকো দিংঙাবিহা আকু জায়গাহিং দাম জোওয়াহা জাতাংকো ইকাইসো ত্যাচো টাংকাসোগা, আকুহা আবিরাং পুচায়ো।10আসা সেংজাহা কাহিং খুইমি ত্যাবাপারাং কুমালেকো মোংটোকো সোতা আবিহা পিচায়ে।”11ইশুহা রোমি টেবো কাইজি পিলাতসকো নাগাইতা জায়ে, আসা কাইজিহা ইশুহিংয়া উইয়ে, “নাতিহা য়হুদিবিকো জাইপুগা?”
ইশুহা জাংয়ে, “নাতিরাং এপা জাংদিংয়ো।”12আত্রংহা মাটা পাউবি আসা লেরা য়হুদি মাটা ওয়ারাংপাবিহা আকো তোইতা দোষি তিংপায়ে, আদো আকুহা হাইরে মোয়্যইতো।13আত্রং পিলাতোসহা আকুহিংয়া জাংয়ে, “নাকো তোইতাহা আবিহা উইসে দোষ তিংপাদিংয়ো, নাতিহা হিংদিংগা?”14আদো ইশুহা আকুহিংয়া ইচো নুওয়াংকোরে জবাব মিচাতো। ই তিংমসা টেবো কাইজিহা সিওপারাং আআংপেপেচপুয়ে।15য়হুদিবিহিং ল্যাপিওয়া মানক্যাতাহা উইসে দিংঙাবিকো ইচ্ছা জোওয়া সেই কাইজিহা ইচো কৈদিহিং ল্যাপি চাংওয়া লিংপাং নিমি।16আত্রংকো সময়তাহা বারাব্বা মিং নিওয়া ইচো চুসুং-মাইসুংক্যইওয়া কৈদি নিমি।17আকো সোতা দিংঙাবিহা আউতা জমা জিংয়ে, পিলাতসহা আবিহিং উইয়ে, “নাবিহা হাং ঘ্যইকোগা? কা নাবিকো সোতা হাংসুহিং ল্যাপিকোগা? বারাব্বাহিংগা না খ্রীষ্ট তাওয়া ইশুহিংগা?”18হাংপাতানাহা আবিহা ইশুহিং মিচিমসারাং স্যইপুমগা তামসা পিলাতোসহা গেমি নিমি।19ন্যায় জোওয়া গাদিংতা গাদিংনুরাং আকো মেহা এপা জাংমসা দেরেং কাইপুয়ে, “আকু দোষ মাতাওয়া দিংঙাহিংয়া হাইরে মোজোগ্যই, হাংপাতানাহা হিনি লিসুং মাংবুইওয়াতাহা আকো সোতা কা সিওপারাং দুঃখ মুংমি নিও।”20আদো মাটা পাউবি আসা দোসরা য়হুদি মাটা ওয়ারাংপাবিহা “বারব্বাহিং ল্যামসা ইশুহিং স্যাকো” তামসা দিংঙাবিহিং দুদুইপায়ে।21পিলাতসহা ন্যাসারাং আবিহিং উইয়ে, “ই নিহসোতাহা হানিহিং কা নাবিকো সোতা ল্যাপিকোগা তামসা নাবিহা ইচ্ছা জোদিংগা?”
আবিহা “বারব্বাহিং ল্যাপি” তামসা জাংসুয়ে।22পিলাতোসহা আবিহিংয়া জাংয়ে, “এপা বেনাহা খ্রীষ্ট তাওয়া ইশুহিংয়া কা হাং জোকোগা?”
আবি তাংসা জাংসুয়ে, “আকুহিংয়া ক্রুসতা টাপুই।”23পিলাতসহা জাংয়ে, “হাংপাসাহা? আকুহা হাং মাতুপা জোপুমি নিংগা?”
আদো আবিহা ন্যাসারাং সিওপা ঙাসুমসা জাংসুয়ে, “আকুহিংয়া ক্রুসতা টাপুই।”24আদো হাই জোদো মাতুমসা ন্যাসারাং সিওপা চেচোওয়াইপা জিংপুকোদোওয়া তাওয়া নোমসা পিলাতসহা উইসে দিংঙাবিকো নাগাইতা আপনিকো খুই দুমসা জাংয়ে, “নাবি আপনিবিরাং গেচা, ই দিংঙাহিং স্যাওয়াতাহা কাহিং পাপ মাজিংকো।”25তাংসা দিংঙাবিহা জাংসুয়ে, “আকো পাপহা কাবি আসা কাবিকো চেংচুংবিকো তোইতা হুইকো।”26আত্রংহা পিলাতসহা আবিকো সোতা বারব্বাহিং ল্যাপিয়ে, আদো ইশুহিংয়া সাটাসো ডুমসা ক্রুসতা স্যাকো তামসা রোমি সিপাইবিকোতা স্যইপুয়ে।27আকো নোইতাহা কাইজি পিলাতসকো সিপাইবিহা ইশুহিংয়া টেবো সাকো নাপোতা পুরায়ে, আসা তাংসা সিপাইবিহিং আউতা জমা জোয়ে।28আবিহা ইশুকো আংদুং জুপাসো লুমসা আকুহিংয়া জাইপুকো লুওয়া বেওয়া অ্যালুইওয়া আংদুং লুপায়ে।29আবিহা সোসাকো ফেটা ফিমসা আকো পোরোতা লুপায়ে, আসা আকো দাংক্রেং খুইতা দ্যই পিচায়ে, আসা আকো নাগাইতা চুনুইমসা আকুহিংয়া এপা জাংমসা ল্যইস্যইপায়ে, “য়হুদিবিকো জাইপুকো মিং টেবো জিংকো।”30আকো নোইতাহা আবিহা আকুহিংয়া তোতি তোতোয়ে, আসা দ্যই গিংমসা আকো পোরোতা পোউয়ে।31আবিহা আকুহিংয়া লেফেপাপুনতেনুকো নোইতাহা আকুহিং লুপাওয়া অ্যালুইওয়া আংদুংহা লুউসুয়ে, আসা আকো আপনিকো আংদুং লুউপামসা আকুহিংয়া ক্রুসতা স্যাকো পুরায়ে।32ন্যাতাসো হ্যাদিংনুওয়া আবিহা সিমোন মিং নিওয়া কুরেনি শহরকো ইচো দিংঙাহিং দোসুয়ে, আসা আবিহা আকুহিংয়া তোতোউসি ইশুকো ক্রুস পুউপায়ে।33আসা হাত্রং আবি গলগাথা তাওয়া জায়গাতা দেকা, (গলগাথা তাওয়াহা পোরোকো লুইটো জায়গা তামগা)।34আসা আবিহা আকুহিংয়া চিইনি লাসিওয়া কাক্যইওয়া আংগুরকো য়ু পেয়াংয়ে, আদো আকুহা অ্যাইসি আংমসা আংকো মেকেংতো।35আবিহা আকুহিংয়া ক্রুসতা টাপুনতেনুওয়া, আবিহা আকো আংদুংহা পোসুকো সোতা চিঠা বাডোইসুয়ে।36আসা আবিহা আউতারাং য়ুংসুমসা ইশুহিং খুইসুয়ে।37আসা আবিহা “ই ইশুহা য়হুদিবিকো জাইপুগা” তামসা লাওয়া দোষহা আকো পোরোকো তোইতা তেপায়ে।38আকুহিংপাহা নিহসো কুইমবিহিংনে ক্রুসতা থ্যইওয়া নিমি, ইচোহিংয়া কেকেরেং কাটুতা আসা ইচোহিংয়া দাংক্রেং কাটুতা।39আউসো হ্যাওয়া ওয়াংওয়াবিরে আপনি আপনিকো পোরো য়াপামসা আকুহিং ল্যইস্যইপামসা জাংয়ে,40“ও দেমসা য়্যাপুওয়া আসা সাসুংয়ুতা লোপাপুওয়া, আপনিহিং বাচাই, আসা সেংজাকো চেংওয়া বেনাহা, ক্রুসসো উইপামসা লেই।”41মাটা পাউবি, তাংজিকো উটকেওয়াবি আসা দোসরা য়হুদি মাটা ওয়ারাংপাবিরে ইশুহিং ল্যইস্যইপামসা জাংয়ে,42“ইহা দোসরাহিংয়া বাচাইয়ে, আদো আপনিহিংয়া বাচাইক্যইতো। ইহা ইস্রাইলকো জাইপু বেনাহা নেহা ক্রুসসো লিতা ঊইপামসা লেকো, আসা কাবি ইহিংয়া দেংরোওয়া।43ইহা সেংজাহিংয়া দেংমগা, আসা ‘কাহা সেংজাকো চেংওয়াগা’ তামসা জাংমগা। সেংজামি ইহিং বাচাইকো কেংনাহা আকুরাং ইহিংহা বাচাইপিকো।”44এপা জোমসারাং আকুহিংপা থ্যইপুওয়া কুইমবিরে আকুহিংয়া ল্যইস্যইপায়ে।45জেইসুং বারো বাজিসোহা তিন বাজি চোইপা তাংসা লোইবিতা নাটুংপা জিংপুয়ে।46তিন বোজেগাংনুওয়া ইশুহা সাডিংপা এপা জাংমসা ঙায়ে, “ইলোই, ইলোই, লামা সবখথানি?” ই জাংওয়াহা, “ও কুং সেংজা, ও কুং সেংজা, নাতিহা কাহিয়া হাংপা পেইপুমগা?”47আউতা জাসুংদিংবিতাহা লেরাহা ই হিংমসা জাংয়ে, “ই দিংঙাহা এলিয়াহিং মোউদিংয়ো।”48আবিকো প্যাকোসো ইচো দিংঙাহা তাত্রিংপা ঠুইপুমসা য়্যাক্যইওয়া য়ুতা গ্যরোই ভুয়ায়ে, আসা দ্যইতা কেপামসা ইশুহিং পেয়োংকো পিচায়ে।49আদো লেরাহা জাংসুয়ে, “কাংরো, মেনা এলিয়া ইহিং বাচাইকো ওয়াংকোমে?”50আত্রংহা ইশুহা ন্যাসারাং সিদিংপা ঙায়ে আসা আপনিকো সাদি ল্যাপুয়ে।51আত্রংরাং দেমসাকো নাপোকো পর্দাহা তোইসোহা লিতা চোইপা নুইওয়্যা জিংপুমসা ছিচপুয়ে, আসা নিংঙা হ্যায়ে, আসা টেরবো পাত্যারুংবিরে ওয়্যাপুয়ে।52তোম্যইবি ওয়েচপুয়ে, আসা সিপুনতেওয়া উইসে সেংজাকো পবিত্র দিংঙাবিকো সিপুওয়া জুপাবিহা ঙারোয়ে।53ইশু সিওয়াসো ঙারোনতেনুকো নোইতা আবিহা আপনি আপনিকো তোম্যইসো নোসুয়ে, আসা আবিহা পবিত্র শহরতা হোয়ে আসা উইসে দিংঙাবিকোতা তিংয়ায়ে।54হাত্রং কেপ্টেইন আসা আকুহিংপা ইশুহিং খুইদিংওয়াবি নিংঙা হ্যাওয়া আসা আউতা হাই জিংপুওয়াবি তিং, আত্রংহা আবিহা চুসুংপুমসা এপা জাংয়ে, “আজিপ্পারাং, ইহা সেংজাকো চেংওয়ারাং গুং।”55উইসে মেমে দিংঙাবিরে তানাংসো জামসা ন্যইসুদিংওয়া নিমি। আবিহা গালীলসোরাং ইশুহিং য়ুজ্রুমসা আকো নুনুই হুইপাওয়া নিমি।56আবিকো প্যাকোতা মরিয়োম মগ্দলিনি, য়াকুব আসা য়োসেপকো আয়ু মরিয়োম, আসা জোব্দিকো নিহসো চেংওয়াবিকো আয়ু নিমি।57জিরোং জিংপুনুওয়া আরিমাথিয়া শহরকো য়োসেব মিং নিওয়া ইচো পুপুউ দিংঙা লেয়ে। আকুহা আপনিরে ইশুকো য়োংতোং নিমি।58আকুহা পিলাতসকোতা হোমসা ইশুকো সিপুওয়া জুপা য়াকায়ে, আসা পিলাতসহা ইশুকো জুপাহা আকুহিং পিচাকো তামসা আজ্ঞা জোয়ে।59য়োসেবহা ইশুকো সিপুওয়া জুপা পুমসা এনতাওয়া সুতিকো আংদুংসো লোইংয়ে,60আসা আকুহা টেবো পাত্যারুংহিং হোংপামসা বানাইওয়া চুবে তোম্যইতা ইশুকো সিপুওয়া জুপা এহে, আসা তোম্যইকো হোংরোংবাহিংয়া টেবো লুংটুইসো মেইপুইয়ে, আসা আকুহা হোপুইয়ে।61তোম্যইকো আবেইতাহা মরিয়োম মগ্দলিনি আসা দোসরা মরিয়োমরে গাদিংওয়া নিমি।62আকো জুকুংহা সানুকো দিনতা মাটা পাউবি আসা ফরিসিবিহা পিলাতসকোতা জমা জিংমসা জাংয়ে,63“উটকেওয়া কাবিহা গেদিংমি নিয়ো, আকু ল্যহইপেহা মাসিয়াংনুহা ‘কা সিমসা ন্যাসারাং সাসুংয়ুতা ঙারোরোওয়া’ তামসা জাংচাংমগা।64আকো সোতা সাসুংয়ু চোইপা তাম্যইহিং খুইকো তামসা আজ্ঞা জোপি, মোকোনাহা আকো য়োংতোংবিহা লেমসা আকো জুপাহা কুমসা পুচারোওয়া, আসা ‘আকুহা সিপুওয়াসো ঙারোয়ে’ তামসা দিংঙাবিহিং জাংরোওয়া, আসা আকু ল্যইপাওয়াহা নোইকো ধোকাহা নাগাইকোরোমা মেংতাপা জিংরোওয়া।”65এপা জিংনুওয়া পিলাতসহা আবিহিংয়া জাংয়ে, “নাবিহা আপনিবিরাং সিপাইবিহিং পুরামসা ছুওয়া সেই তাম্যইহিং খুইপা।”66আত্রংহা আবিহা হোমসা তাম্যইহিং জগায়মসা একো তাম্যইকো হোংরোংবাহিং মেইওয়া লুংটুইতা নাইরেপাতেয়ে আসা সিপাইবিহিং খুইপায়ে।
আদো আবিহা জাংয়ে, “আকুহা কাবিহা মেগেরো! নাতি আপনিরাং গেচা।”5আত্রংহা য়হুদা ইস্কোরোতিহা আকু জাতাংকো টাংকাবিহা দেমসাতা বাডোইতেমসা হোপুয়ে, আসা আকুহা থ্যইচামসা সিপুয়ে।6আদো মাটা পাউবিহা আকু টাংকাবি য়োমসা জাংয়ে, “ই টাংকাহা দেমসাকো ন্যাস্যা এওয়াতা একোহা তাংজিকো লিংপাংহা মিচারোওয়া, হাংপাতানাহা ইহা দিংঙাহিং স্যাকো পিচাওয়া ন্যাস্যাগা।”7আবিহা আপনি লারাই হুইসুমসা আকু ন্যাস্যাসোহা কোইয়োংকো ওয়াংওয়াবি সিপুনু লিওয়া কুমালেকোতা মোংটো চোইয়ে।8আকো সোতা আকু মোংটোহিংয়া নেচোইপা য়ুতিকো মোংটো তামসা জাংমগা।9আত্রংহা অগমবক্তা য়র্মিয়াকো জাংওয়া নুওয়াংহা এপারাং তাংসা পুরা জিংয়ো, “ইস্রাইলকো দিংঙাবিহা আকু জায়গাহিং দাম জোওয়াহা জাতাংকো ইকাইসো ত্যাচো টাংকাসোগা, আকুহা আবিরাং পুচায়ো।10আসা সেংজাহা কাহিং খুইমি ত্যাবাপারাং কুমালেকো মোংটোকো সোতা আবিহা পিচায়ে।”11ইশুহা রোমি টেবো কাইজি পিলাতসকো নাগাইতা জায়ে, আসা কাইজিহা ইশুহিংয়া উইয়ে, “নাতিহা য়হুদিবিকো জাইপুগা?”
ইশুহা জাংয়ে, “নাতিরাং এপা জাংদিংয়ো।”12আত্রংহা মাটা পাউবি আসা লেরা য়হুদি মাটা ওয়ারাংপাবিহা আকো তোইতা দোষি তিংপায়ে, আদো আকুহা হাইরে মোয়্যইতো।13আত্রং পিলাতোসহা আকুহিংয়া জাংয়ে, “নাকো তোইতাহা আবিহা উইসে দোষ তিংপাদিংয়ো, নাতিহা হিংদিংগা?”14আদো ইশুহা আকুহিংয়া ইচো নুওয়াংকোরে জবাব মিচাতো। ই তিংমসা টেবো কাইজিহা সিওপারাং আআংপেপেচপুয়ে।15য়হুদিবিহিং ল্যাপিওয়া মানক্যাতাহা উইসে দিংঙাবিকো ইচ্ছা জোওয়া সেই কাইজিহা ইচো কৈদিহিং ল্যাপি চাংওয়া লিংপাং নিমি।16আত্রংকো সময়তাহা বারাব্বা মিং নিওয়া ইচো চুসুং-মাইসুংক্যইওয়া কৈদি নিমি।17আকো সোতা দিংঙাবিহা আউতা জমা জিংয়ে, পিলাতসহা আবিহিং উইয়ে, “নাবিহা হাং ঘ্যইকোগা? কা নাবিকো সোতা হাংসুহিং ল্যাপিকোগা? বারাব্বাহিংগা না খ্রীষ্ট তাওয়া ইশুহিংগা?”18হাংপাতানাহা আবিহা ইশুহিং মিচিমসারাং স্যইপুমগা তামসা পিলাতোসহা গেমি নিমি।19ন্যায় জোওয়া গাদিংতা গাদিংনুরাং আকো মেহা এপা জাংমসা দেরেং কাইপুয়ে, “আকু দোষ মাতাওয়া দিংঙাহিংয়া হাইরে মোজোগ্যই, হাংপাতানাহা হিনি লিসুং মাংবুইওয়াতাহা আকো সোতা কা সিওপারাং দুঃখ মুংমি নিও।”20আদো মাটা পাউবি আসা দোসরা য়হুদি মাটা ওয়ারাংপাবিহা “বারব্বাহিং ল্যামসা ইশুহিং স্যাকো” তামসা দিংঙাবিহিং দুদুইপায়ে।21পিলাতসহা ন্যাসারাং আবিহিং উইয়ে, “ই নিহসোতাহা হানিহিং কা নাবিকো সোতা ল্যাপিকোগা তামসা নাবিহা ইচ্ছা জোদিংগা?”
আবিহা “বারব্বাহিং ল্যাপি” তামসা জাংসুয়ে।22পিলাতোসহা আবিহিংয়া জাংয়ে, “এপা বেনাহা খ্রীষ্ট তাওয়া ইশুহিংয়া কা হাং জোকোগা?”
আবি তাংসা জাংসুয়ে, “আকুহিংয়া ক্রুসতা টাপুই।”23পিলাতসহা জাংয়ে, “হাংপাসাহা? আকুহা হাং মাতুপা জোপুমি নিংগা?”
আদো আবিহা ন্যাসারাং সিওপা ঙাসুমসা জাংসুয়ে, “আকুহিংয়া ক্রুসতা টাপুই।”24আদো হাই জোদো মাতুমসা ন্যাসারাং সিওপা চেচোওয়াইপা জিংপুকোদোওয়া তাওয়া নোমসা পিলাতসহা উইসে দিংঙাবিকো নাগাইতা আপনিকো খুই দুমসা জাংয়ে, “নাবি আপনিবিরাং গেচা, ই দিংঙাহিং স্যাওয়াতাহা কাহিং পাপ মাজিংকো।”25তাংসা দিংঙাবিহা জাংসুয়ে, “আকো পাপহা কাবি আসা কাবিকো চেংচুংবিকো তোইতা হুইকো।”26আত্রংহা পিলাতসহা আবিকো সোতা বারব্বাহিং ল্যাপিয়ে, আদো ইশুহিংয়া সাটাসো ডুমসা ক্রুসতা স্যাকো তামসা রোমি সিপাইবিকোতা স্যইপুয়ে।27আকো নোইতাহা কাইজি পিলাতসকো সিপাইবিহা ইশুহিংয়া টেবো সাকো নাপোতা পুরায়ে, আসা তাংসা সিপাইবিহিং আউতা জমা জোয়ে।28আবিহা ইশুকো আংদুং জুপাসো লুমসা আকুহিংয়া জাইপুকো লুওয়া বেওয়া অ্যালুইওয়া আংদুং লুপায়ে।29আবিহা সোসাকো ফেটা ফিমসা আকো পোরোতা লুপায়ে, আসা আকো দাংক্রেং খুইতা দ্যই পিচায়ে, আসা আকো নাগাইতা চুনুইমসা আকুহিংয়া এপা জাংমসা ল্যইস্যইপায়ে, “য়হুদিবিকো জাইপুকো মিং টেবো জিংকো।”30আকো নোইতাহা আবিহা আকুহিংয়া তোতি তোতোয়ে, আসা দ্যই গিংমসা আকো পোরোতা পোউয়ে।31আবিহা আকুহিংয়া লেফেপাপুনতেনুকো নোইতাহা আকুহিং লুপাওয়া অ্যালুইওয়া আংদুংহা লুউসুয়ে, আসা আকো আপনিকো আংদুং লুউপামসা আকুহিংয়া ক্রুসতা স্যাকো পুরায়ে।32ন্যাতাসো হ্যাদিংনুওয়া আবিহা সিমোন মিং নিওয়া কুরেনি শহরকো ইচো দিংঙাহিং দোসুয়ে, আসা আবিহা আকুহিংয়া তোতোউসি ইশুকো ক্রুস পুউপায়ে।33আসা হাত্রং আবি গলগাথা তাওয়া জায়গাতা দেকা, (গলগাথা তাওয়াহা পোরোকো লুইটো জায়গা তামগা)।34আসা আবিহা আকুহিংয়া চিইনি লাসিওয়া কাক্যইওয়া আংগুরকো য়ু পেয়াংয়ে, আদো আকুহা অ্যাইসি আংমসা আংকো মেকেংতো।35আবিহা আকুহিংয়া ক্রুসতা টাপুনতেনুওয়া, আবিহা আকো আংদুংহা পোসুকো সোতা চিঠা বাডোইসুয়ে।36আসা আবিহা আউতারাং য়ুংসুমসা ইশুহিং খুইসুয়ে।37আসা আবিহা “ই ইশুহা য়হুদিবিকো জাইপুগা” তামসা লাওয়া দোষহা আকো পোরোকো তোইতা তেপায়ে।38আকুহিংপাহা নিহসো কুইমবিহিংনে ক্রুসতা থ্যইওয়া নিমি, ইচোহিংয়া কেকেরেং কাটুতা আসা ইচোহিংয়া দাংক্রেং কাটুতা।39আউসো হ্যাওয়া ওয়াংওয়াবিরে আপনি আপনিকো পোরো য়াপামসা আকুহিং ল্যইস্যইপামসা জাংয়ে,40“ও দেমসা য়্যাপুওয়া আসা সাসুংয়ুতা লোপাপুওয়া, আপনিহিং বাচাই, আসা সেংজাকো চেংওয়া বেনাহা, ক্রুসসো উইপামসা লেই।”41মাটা পাউবি, তাংজিকো উটকেওয়াবি আসা দোসরা য়হুদি মাটা ওয়ারাংপাবিরে ইশুহিং ল্যইস্যইপামসা জাংয়ে,42“ইহা দোসরাহিংয়া বাচাইয়ে, আদো আপনিহিংয়া বাচাইক্যইতো। ইহা ইস্রাইলকো জাইপু বেনাহা নেহা ক্রুসসো লিতা ঊইপামসা লেকো, আসা কাবি ইহিংয়া দেংরোওয়া।43ইহা সেংজাহিংয়া দেংমগা, আসা ‘কাহা সেংজাকো চেংওয়াগা’ তামসা জাংমগা। সেংজামি ইহিং বাচাইকো কেংনাহা আকুরাং ইহিংহা বাচাইপিকো।”44এপা জোমসারাং আকুহিংপা থ্যইপুওয়া কুইমবিরে আকুহিংয়া ল্যইস্যইপায়ে।45জেইসুং বারো বাজিসোহা তিন বাজি চোইপা তাংসা লোইবিতা নাটুংপা জিংপুয়ে।46তিন বোজেগাংনুওয়া ইশুহা সাডিংপা এপা জাংমসা ঙায়ে, “ইলোই, ইলোই, লামা সবখথানি?” ই জাংওয়াহা, “ও কুং সেংজা, ও কুং সেংজা, নাতিহা কাহিয়া হাংপা পেইপুমগা?”47আউতা জাসুংদিংবিতাহা লেরাহা ই হিংমসা জাংয়ে, “ই দিংঙাহা এলিয়াহিং মোউদিংয়ো।”48আবিকো প্যাকোসো ইচো দিংঙাহা তাত্রিংপা ঠুইপুমসা য়্যাক্যইওয়া য়ুতা গ্যরোই ভুয়ায়ে, আসা দ্যইতা কেপামসা ইশুহিং পেয়োংকো পিচায়ে।49আদো লেরাহা জাংসুয়ে, “কাংরো, মেনা এলিয়া ইহিং বাচাইকো ওয়াংকোমে?”50আত্রংহা ইশুহা ন্যাসারাং সিদিংপা ঙায়ে আসা আপনিকো সাদি ল্যাপুয়ে।51আত্রংরাং দেমসাকো নাপোকো পর্দাহা তোইসোহা লিতা চোইপা নুইওয়্যা জিংপুমসা ছিচপুয়ে, আসা নিংঙা হ্যায়ে, আসা টেরবো পাত্যারুংবিরে ওয়্যাপুয়ে।52তোম্যইবি ওয়েচপুয়ে, আসা সিপুনতেওয়া উইসে সেংজাকো পবিত্র দিংঙাবিকো সিপুওয়া জুপাবিহা ঙারোয়ে।53ইশু সিওয়াসো ঙারোনতেনুকো নোইতা আবিহা আপনি আপনিকো তোম্যইসো নোসুয়ে, আসা আবিহা পবিত্র শহরতা হোয়ে আসা উইসে দিংঙাবিকোতা তিংয়ায়ে।54হাত্রং কেপ্টেইন আসা আকুহিংপা ইশুহিং খুইদিংওয়াবি নিংঙা হ্যাওয়া আসা আউতা হাই জিংপুওয়াবি তিং, আত্রংহা আবিহা চুসুংপুমসা এপা জাংয়ে, “আজিপ্পারাং, ইহা সেংজাকো চেংওয়ারাং গুং।”55উইসে মেমে দিংঙাবিরে তানাংসো জামসা ন্যইসুদিংওয়া নিমি। আবিহা গালীলসোরাং ইশুহিং য়ুজ্রুমসা আকো নুনুই হুইপাওয়া নিমি।56আবিকো প্যাকোতা মরিয়োম মগ্দলিনি, য়াকুব আসা য়োসেপকো আয়ু মরিয়োম, আসা জোব্দিকো নিহসো চেংওয়াবিকো আয়ু নিমি।57জিরোং জিংপুনুওয়া আরিমাথিয়া শহরকো য়োসেব মিং নিওয়া ইচো পুপুউ দিংঙা লেয়ে। আকুহা আপনিরে ইশুকো য়োংতোং নিমি।58আকুহা পিলাতসকোতা হোমসা ইশুকো সিপুওয়া জুপা য়াকায়ে, আসা পিলাতসহা ইশুকো জুপাহা আকুহিং পিচাকো তামসা আজ্ঞা জোয়ে।59য়োসেবহা ইশুকো সিপুওয়া জুপা পুমসা এনতাওয়া সুতিকো আংদুংসো লোইংয়ে,60আসা আকুহা টেবো পাত্যারুংহিং হোংপামসা বানাইওয়া চুবে তোম্যইতা ইশুকো সিপুওয়া জুপা এহে, আসা তোম্যইকো হোংরোংবাহিংয়া টেবো লুংটুইসো মেইপুইয়ে, আসা আকুহা হোপুইয়ে।61তোম্যইকো আবেইতাহা মরিয়োম মগ্দলিনি আসা দোসরা মরিয়োমরে গাদিংওয়া নিমি।62আকো জুকুংহা সানুকো দিনতা মাটা পাউবি আসা ফরিসিবিহা পিলাতসকোতা জমা জিংমসা জাংয়ে,63“উটকেওয়া কাবিহা গেদিংমি নিয়ো, আকু ল্যহইপেহা মাসিয়াংনুহা ‘কা সিমসা ন্যাসারাং সাসুংয়ুতা ঙারোরোওয়া’ তামসা জাংচাংমগা।64আকো সোতা সাসুংয়ু চোইপা তাম্যইহিং খুইকো তামসা আজ্ঞা জোপি, মোকোনাহা আকো য়োংতোংবিহা লেমসা আকো জুপাহা কুমসা পুচারোওয়া, আসা ‘আকুহা সিপুওয়াসো ঙারোয়ে’ তামসা দিংঙাবিহিং জাংরোওয়া, আসা আকু ল্যইপাওয়াহা নোইকো ধোকাহা নাগাইকোরোমা মেংতাপা জিংরোওয়া।”65এপা জিংনুওয়া পিলাতসহা আবিহিংয়া জাংয়ে, “নাবিহা আপনিবিরাং সিপাইবিহিং পুরামসা ছুওয়া সেই তাম্যইহিং খুইপা।”66আত্রংহা আবিহা হোমসা তাম্যইহিং জগায়মসা একো তাম্যইকো হোংরোংবাহিং মেইওয়া লুংটুইতা নাইরেপাতেয়ে আসা সিপাইবিহিং খুইপায়ে।
The Seed Company