মথি22
1আসা ইশুহা ন্যাসারাং দোসরা মিংচি ল্যামসা জাংয়ে,2“সেংজাকো রাজ্যহা ইচো জাইপুকো চেংওয়াকো বিয়ৌতা চাকো আংকো পিচাকো তৈয়ার জোমি ত্যাবাপাগা।3আকু জাইপুহা বিয়ৌতা নিমতো পিচাওয়াবিহিং মোউয়াকো আপনিকো ডেইয়াবিহিং নিংপুয়ে। আদো আকু দিংঙাবিহা ওয়াংকো মেকেংতো।4“ন্যাসারাং দোসরা ডেইয়াবিহিং এপা জাংমসা নিংপুয়ে, ‘হ্যামসা আকু নিমতো মুংচাওয়াবিহিং জাংয়াতু, চাকো-আংকো তৈয়ার জিংতেনা, পিকাবি, আসা বুচুই-বাচাওয়া সেংচেংবি স্যাওয়া নিও, আসা তাংসা সোংসাবি তৈয়ার জিংতেয়ো। নেহা বিয়ৌতা লেই।’”5“আদো আবিহা মাহিংরেপা জোমসা আপনি আপনিকো কামতা হোপুয়ে। লেরাহা আপনিকো লুংনিংবিতা হ্যাপুয়ে আসা লেরাবিহা আপনিকো ব্যাপারকো কামবিতা হ্যাপুয়ে।6লেরাহা জাইপুকো ডেইয়াবিহিংনাং লেফেপায়ে আসা ডুমসা স্যাপুয়ে।7আকু জাইপুহা সিওপারাং সেদ্রাংপুমসা আপনিকো সিপাইবিহিং নিংপুমসা আকু স্যামবিহিংয়া দাংপাপুয়ে আসা আবিকো শহরতা মেহ চুংপুয়ে।”8“আত্রংহা জাইপুহা আকো ডেইয়াবিহিং জাংয়ে, ‘বিয়ৌহা তৈয়ার জিংপুনতেও, আদো নিমতো মুংচাওয়াবিহা ওয়াংকো য়োগ্য়্য মোতো।9আকো সোতা শহরকো ন্যাতাবিতা নাবিহা হোমসা তাংসা দিংঙাবিহিং বিয়ৌতা ওয়াংকো মোউয়াতু।’10আকো সোতা ডেইয়াবিহা শহরতা হোমসা ন্যাতা-ন্যাতাতা দোসুওয়া এনতাওয়া মেংতাওয়া তাংসা দিংঙাবিহিং মোউয়ামসা জমা জোয়ে আসা বিয়ৌকো সিরিহিংয়া দিংঙাবিসো মেইপাপুয়ে।”11“আদো হাত্রং জাইপু দিংঙাবিহিং নাপোতা হোমসা কাং, আত্রংহা বিয়ৌকো আংদুং মোলুওয়া ইচো দিংঙাহিং তিংয়ে,12আসা উইয়ে, ‘ও ব্যারো, হেপা নাতিহা বিয়ৌকো আংদুং মালুউপা ইতা ওয়াংগা?’ আকু দিংঙাহা হাইরে জাংকো মোচুতো।”13“আত্রংহা জাইপুহা ডেইয়াবিহিং জাংয়ে, আকুহিং খুই কোকোই তাইমসা বাইরে নাটুংওয়াতা বাডোইপুই। আউতা কাইরোওয়া আসা সেতাং কিট্টিপা মাংরোওয়া।”14হাংপাতানাহা মোউওয়াবিহা উইসে নিও, আদো জেংচপুওয়াবিহা আস্যই মেংচে নিও।15আসা ফরিসিবিহা হোমসা চিত্তা জোংসুয়ে, আসা ইশুহিংয়া আকো নুওয়াংতা হেপা ফাসাইকোমে তামসা খুইসুয়ে।16ফরিসিবিহা আবিকো য়োংতোংবিহিং হেরোদ জাইপুকো দিংঙাবিহিংপা ইশুকোতা নিংপুয়ে।
আবিহা ইশুহিংয়া উইয়ে, “উটকেওয়া, নাতিহা আজিপ্পা নুওয়াং মেংচে জাংমগা তামসা কাবিহা গেমগা। আসা সেংজাকো ন্যাতাকো তোইতা আজিপ্পা ঝিপামগা। নাতিহা দিংঙাবিকো নুওয়াংতা মাতেইমগা।, আসা দিংঙাবিকো য়ুওয়াই কাংমসারে কাম মোজোমগা।17আকো সোতা কাবিহিং জাং, রোমিকো মাটা সিজারহিং তোংক্যা তাওয়াহা এনতাওয়াগা না মেংতাওয়াগা?”18আদো ইশুহা আবিকো মেংতাওয়া নোচেংবি সিদা চ্যইমসা জাংয়ে, “ও তেপিবাই, হাংপা নাবিহা কাহিং ফাসাইকো কেংমগা?19তোংক্যা তাওয়া টাংকাহা কাহিং তিংপাকে।” আবিহা রোমিকো টাংকা আকোতা পায়ে।20ইশুহা আবিহিং উইয়ে, “ইতাহা হাংসুকো ছাপ আসা হাংসুকো মিং নিংগা?”21আবিহা জাংয়ে, “সিজারকো ছাপ নিনা।”
আত্রংহা ইশুহা আবিহিংয়া জাংয়ে, “সিজারকো কাটুহা সিজারহিং পিচা, আসা সেংজাকো কাটুহা সেংজাহিং পিচা।”22ইশুকো জাংওয়া নুওয়াং হিংমসা আবিহা আআংপেপেপা জিংপুয়ে। আসা আবিহা ইশুহিংয়া আউতারাং হুইতেমসা হোপুয়ে।23আত্রংকো দিনতাহা লেরা সদুকিবিহা ইশুকোতা লেহে। (সদুকিবি তাওয়া তাংজিকো পারাকো দিংঙাবিহা দিংঙা সিপুনুকো নোইতাহা ন্যাসারাং ঙারোমি তাওয়া নুওয়াংতা মাদেংমি।) আসা আবিহা ইশুহিং উইয়ে,24“উটকেওয়া, মোসাহা এপা লামি নিও, ‘হাংসু দিংঙাকো চেংচুং মাজিংপা সিপু, আকো এহা ডুওয়াকো মেহিং বিয়ৌ জোনেরোওয়া। আসা আকো ডুওয়াকো সোতা চেংচুং চেংপানেরোওয়া।’25কাবিকো প্যাকোতাহা নীচো ডুওয়া এবি নিও। ডেসোইওয়া চেংওয়াহা বিয়ৌ জোমসা চেংচুং মাজিংপা সিপুয়ে। আসা আকো মেহা আকো মাইলা এরোংওয়াহিংপা বিয়ৌ জোয়ে।26এপারাং মাইলা চেংওয়াসোহা চিংস্যওয়া চেংওয়া চোইপা মুরিংমু লুংঙাহিং বিয়ৌ জোমসা সিপুয়ে।27আসা নোইস্যাতাহা আকু মেমেরে সিপুয়ে।28নেহা সিওয়াসো ঙারোনুওয়া আকু মেমেহা হাংসুকো মে জিংকোগা? হাংপাতানাহা আকু মেমেহিংপাহা তাংসা ডুওয়া এবিরাং বিয়ৌ জোমি নিও।”29ইশুহা আবিহিং জাংয়ে, “নাবিহা ভুলতা পরেমি নিও, হাংপাতানাহা নাবিহা তাংজিকো হিগাতা আসা সেংজাকো সেকো তোইতা মোকোইয়াংতো।30হাংপাতানাহা সিপুমসা ঙারোনুওয়া দিংঙাবিহা বিয়ৌ মোজোমগা, আদো আবিহা লোডিংবাকো পোইংবি বেপা জিংপুমগা।”31“আদো সিওয়াসো ঙারোরো তাওয়াকো বিষয়তাহা সেংজাহা নাবিহিংয়া হাং জাংমি নিমমে, আকুহা নাবিহা মাপাড়াইয়াংগা?32‘কা অব্রাহামকো সেংজা, ইসহাককো সেংজা আসা য়াকুবকো সেংজাগা।’ আকুহা সিপুমবিকো মোকো, আদো ঙাজ্যইংবিকো সেংজাগা।”33এপারাং ইশুকো ঝিপাওয়া হিংমসা দিংঙাবিহা তাংসা আআংপেপেপা জিংপুয়ে।34ইশুহা সদুকিবিহিংয়া য়্যইমক্যইপা জোপুয়ে তাওয়া নুওয়াংহা ফরিসিবিহা হিংমসা আবিহা চাংসুমসা ইশুকোতা লেহে।35আবিকো প্যাকোতা ইচো তাংজিকো উটকেওয়াহা ইশুহিং এপা জাঁচ জোমসা উইয়ে,36“উটকেওয়া, লিংপাংকো হানিরোমা টেবো আজ্ঞাহা হানিগা?”37ইশুহা আবিহিং জাংয়ে, “প্রভু নাকো সেংজাহিং তাংসা তুংসিংসো, তাংসা সাদিসো, তাংসা নোচেংসো জেজেংপা জো।”38হানিরোমা নাগাই আসা টেবো আজ্ঞাহা ইরাংগা।39এপারাং দোসরা আজ্ঞাহা ইগা, আপনিহিং জেজেংপা জোমি ত্যাবাপা নাকো সাবেইবিহিংনে জেজেংপা জো।40তাংসা লিংপাং আসা অগমবক্তাবিকো ঝিপাওয়াহা ই আজ্ঞাসোরাং লেমগা।41হাত্রং ফরিসিবি ইচো জায়গাতা তাংসা চিত্তা গাসুদিং, আত্রংহা ইশুহা আবিহিং উইয়ে,42“খ্রীষ্টকো বিষয়তা নাবিহা হাং নোমগা? আকুহা হাংসুকো চেংওয়াগা?”
আবিহা জাংয়ে, “আকুহা দাউদকো চেংওয়াগে।”43ইশুহা আবিহিংয়া জাংয়ে, “এপা বেনাহা হাংপা দাউদহিংয়া সেংজাকো লাংবেহা ‘প্রভু’ তাকো জাংপাংগা? হাংপাতানাহা দাউদ জাইপুহা এপা জাংমি নিও,44প্রভুসেংজাহা কুং প্রভুহিংয়া এপা জাংয়ে,‘নাতিহা কুং দাংক্রে কাটুতা গা,হাত্রং চোইপা কা নাকো দুসমনবিহিং নাকো কোকোইকো তাংবাতা মোনোংপা।’45“দাউদ জাইপুরাং আকুহিং প্রভুসেংজা তামসা জাংনাহা, হেপা খ্রীষ্টহা দাউদকো চেংওয়া জিংকোগা?46হাংসুরে আকুহিংয়া হাইরে জাংমক্যইতো, আসা আকু দিনসোহা হাংসুরে আকোতাহা হাইরে উইকো সাহস জোমক্যইতো।”
আবিহা ইশুহিংয়া উইয়ে, “উটকেওয়া, নাতিহা আজিপ্পা নুওয়াং মেংচে জাংমগা তামসা কাবিহা গেমগা। আসা সেংজাকো ন্যাতাকো তোইতা আজিপ্পা ঝিপামগা। নাতিহা দিংঙাবিকো নুওয়াংতা মাতেইমগা।, আসা দিংঙাবিকো য়ুওয়াই কাংমসারে কাম মোজোমগা।17আকো সোতা কাবিহিং জাং, রোমিকো মাটা সিজারহিং তোংক্যা তাওয়াহা এনতাওয়াগা না মেংতাওয়াগা?”18আদো ইশুহা আবিকো মেংতাওয়া নোচেংবি সিদা চ্যইমসা জাংয়ে, “ও তেপিবাই, হাংপা নাবিহা কাহিং ফাসাইকো কেংমগা?19তোংক্যা তাওয়া টাংকাহা কাহিং তিংপাকে।” আবিহা রোমিকো টাংকা আকোতা পায়ে।20ইশুহা আবিহিং উইয়ে, “ইতাহা হাংসুকো ছাপ আসা হাংসুকো মিং নিংগা?”21আবিহা জাংয়ে, “সিজারকো ছাপ নিনা।”
আত্রংহা ইশুহা আবিহিংয়া জাংয়ে, “সিজারকো কাটুহা সিজারহিং পিচা, আসা সেংজাকো কাটুহা সেংজাহিং পিচা।”22ইশুকো জাংওয়া নুওয়াং হিংমসা আবিহা আআংপেপেপা জিংপুয়ে। আসা আবিহা ইশুহিংয়া আউতারাং হুইতেমসা হোপুয়ে।23আত্রংকো দিনতাহা লেরা সদুকিবিহা ইশুকোতা লেহে। (সদুকিবি তাওয়া তাংজিকো পারাকো দিংঙাবিহা দিংঙা সিপুনুকো নোইতাহা ন্যাসারাং ঙারোমি তাওয়া নুওয়াংতা মাদেংমি।) আসা আবিহা ইশুহিং উইয়ে,24“উটকেওয়া, মোসাহা এপা লামি নিও, ‘হাংসু দিংঙাকো চেংচুং মাজিংপা সিপু, আকো এহা ডুওয়াকো মেহিং বিয়ৌ জোনেরোওয়া। আসা আকো ডুওয়াকো সোতা চেংচুং চেংপানেরোওয়া।’25কাবিকো প্যাকোতাহা নীচো ডুওয়া এবি নিও। ডেসোইওয়া চেংওয়াহা বিয়ৌ জোমসা চেংচুং মাজিংপা সিপুয়ে। আসা আকো মেহা আকো মাইলা এরোংওয়াহিংপা বিয়ৌ জোয়ে।26এপারাং মাইলা চেংওয়াসোহা চিংস্যওয়া চেংওয়া চোইপা মুরিংমু লুংঙাহিং বিয়ৌ জোমসা সিপুয়ে।27আসা নোইস্যাতাহা আকু মেমেরে সিপুয়ে।28নেহা সিওয়াসো ঙারোনুওয়া আকু মেমেহা হাংসুকো মে জিংকোগা? হাংপাতানাহা আকু মেমেহিংপাহা তাংসা ডুওয়া এবিরাং বিয়ৌ জোমি নিও।”29ইশুহা আবিহিং জাংয়ে, “নাবিহা ভুলতা পরেমি নিও, হাংপাতানাহা নাবিহা তাংজিকো হিগাতা আসা সেংজাকো সেকো তোইতা মোকোইয়াংতো।30হাংপাতানাহা সিপুমসা ঙারোনুওয়া দিংঙাবিহা বিয়ৌ মোজোমগা, আদো আবিহা লোডিংবাকো পোইংবি বেপা জিংপুমগা।”31“আদো সিওয়াসো ঙারোরো তাওয়াকো বিষয়তাহা সেংজাহা নাবিহিংয়া হাং জাংমি নিমমে, আকুহা নাবিহা মাপাড়াইয়াংগা?32‘কা অব্রাহামকো সেংজা, ইসহাককো সেংজা আসা য়াকুবকো সেংজাগা।’ আকুহা সিপুমবিকো মোকো, আদো ঙাজ্যইংবিকো সেংজাগা।”33এপারাং ইশুকো ঝিপাওয়া হিংমসা দিংঙাবিহা তাংসা আআংপেপেপা জিংপুয়ে।34ইশুহা সদুকিবিহিংয়া য়্যইমক্যইপা জোপুয়ে তাওয়া নুওয়াংহা ফরিসিবিহা হিংমসা আবিহা চাংসুমসা ইশুকোতা লেহে।35আবিকো প্যাকোতা ইচো তাংজিকো উটকেওয়াহা ইশুহিং এপা জাঁচ জোমসা উইয়ে,36“উটকেওয়া, লিংপাংকো হানিরোমা টেবো আজ্ঞাহা হানিগা?”37ইশুহা আবিহিং জাংয়ে, “প্রভু নাকো সেংজাহিং তাংসা তুংসিংসো, তাংসা সাদিসো, তাংসা নোচেংসো জেজেংপা জো।”38হানিরোমা নাগাই আসা টেবো আজ্ঞাহা ইরাংগা।39এপারাং দোসরা আজ্ঞাহা ইগা, আপনিহিং জেজেংপা জোমি ত্যাবাপা নাকো সাবেইবিহিংনে জেজেংপা জো।40তাংসা লিংপাং আসা অগমবক্তাবিকো ঝিপাওয়াহা ই আজ্ঞাসোরাং লেমগা।41হাত্রং ফরিসিবি ইচো জায়গাতা তাংসা চিত্তা গাসুদিং, আত্রংহা ইশুহা আবিহিং উইয়ে,42“খ্রীষ্টকো বিষয়তা নাবিহা হাং নোমগা? আকুহা হাংসুকো চেংওয়াগা?”
আবিহা জাংয়ে, “আকুহা দাউদকো চেংওয়াগে।”43ইশুহা আবিহিংয়া জাংয়ে, “এপা বেনাহা হাংপা দাউদহিংয়া সেংজাকো লাংবেহা ‘প্রভু’ তাকো জাংপাংগা? হাংপাতানাহা দাউদ জাইপুহা এপা জাংমি নিও,44প্রভুসেংজাহা কুং প্রভুহিংয়া এপা জাংয়ে,‘নাতিহা কুং দাংক্রে কাটুতা গা,হাত্রং চোইপা কা নাকো দুসমনবিহিং নাকো কোকোইকো তাংবাতা মোনোংপা।’45“দাউদ জাইপুরাং আকুহিং প্রভুসেংজা তামসা জাংনাহা, হেপা খ্রীষ্টহা দাউদকো চেংওয়া জিংকোগা?46হাংসুরে আকুহিংয়া হাইরে জাংমক্যইতো, আসা আকু দিনসোহা হাংসুরে আকোতাহা হাইরে উইকো সাহস জোমক্যইতো।”
The Seed Company