মথি13
1আকু দিনতারাং ইশুহা সাসো নোমসা গালীল ঝাহাদিকো আরিতা গায়ে।2উইসে দিংঙাবিহা আকো আবেইতা দেরেয়ে, আকো সোতা আকুহা নোওয়াইতা গায়ে। উইসে দিংঙাবিহা ঝাহাদিকো আরিতারাং জায়ে।3ইশুহা আকু দিংঙাবিহিংয়া মিংচি ল্যামসা উইসে নুওয়াংবি জাংয়ে।
“ইচো দিংঙাহা অংটি মিকো হোয়ে।4আসা অংটি মিনুওয়া লেরা অংটিবিহা ন্যাতাতা হুইয়ে, আসা জিয়া-জিপেইবি লেমসা আকু অংটিবিহা চাপুয়ে।5লেরা অংটিবিহা মোংটো মাতাওয়া লুংটুইবিরিতা হুইয়ে, আসা উইসে মোংটো মাতামকো সোতা অংটিহা সেন্নেপা নিংয়ে।6আদো হাত্রং সানি বো, আত্রংহা আকুহা য়োংপুয়ে আসা ডেবে উইদাং মাতামকো সোতা সেংপুয়ে।7লেরা অংটিবিহা সোসাবিরিতা হুইয়ে, আসা সোসাবিহা দেপুমসা আকুহিংয়া মেরোংপুয়ে।8আদো লেরা অংটিবিহা পোপফ্যইওয়া মোংটোতা হুইয়ে, আসা লেরাহা তিশ, লেরাহা সাঠি, আসা লেরাহা একশো গুনরোমা সিওপা শেয়ে।”9হাংসুকো হিংওয়া নানুং নি, আকুহা হিংকো।10আসা য়োংতোংবিহা লেমসা আকুহিং জাংয়ে, “নাতিহা আবিহিংপা হাংপাসা মিংচিতা য়্যইচাংমগা?”11ইশুহা আবিহিংয়া জাংয়ে, নাবিহিংয়া সেংজাকো রাজ্যকো দুংজি পিচামি নিও, আদো আবিহিংয়া মিচায়াংতো।12হাংপতানাহা হাংসুকোতা কোইওয়া তুংসিংনি, আকুহিংয়া ন্যাসা পিচারোওয়া, আসা আকোহা উইসে জিংরোওয়া। আদো হাংসুকো মোতো, আকুহিংপা নিওয়ারে আকোসো গিংচাপুরোওয়া।13আকো সোতা কাহা আবিহিং ঝিপানুওয়া মিংচিতা য়্যইচাংমি, হাংপাতানাহা আবিহা ন্যইকোহা ন্যইমগা, আদো মাতিংমগা, হিংকোহা হিংমগা, আদো মোকোইমগা।14এশাইয়া অগমবক্তাকো জাংওয়াহা আবিকোতা তাংসা জিংয়ো:“হিংকোহা হিংমগা, আদো হাত্রংরে মোকোইমগা,কাংকোহা কাংমগা, আদো হাত্রংরে মাতিংমগা।15হাংপাতানাহা আবিকো তুংসিংরাং বাংদাইপা জিংপুনতেয়ো,আবিকো নানুংহা মাহিংপা জিংপুনতেয়ো,আবিকো মিচোহা মেইচপুনতেমি নিও,মোকোনাহা আবিহা মিচোসো তিংকোগা,নানুংসো হিংকোগা,তুংসিংসো কোইকোগা,আসা কুংতা লায়োংকোগা,আসা কা আবিহিংয়া সাংপাকোগা।”16“আদো নাবিহা আশিষিত নিও, হাংপাতানাহা নাবিকো মিচোসো তিংয়ো আসা নানুংসো হিংয়ো।17আজিপ্পারাং কা নাবিহিং জাংরোওয়া, নাবিকো তিংওয়াহা উইসে অগমবক্তাবি আসা তাংজি নিওয়া দিংঙাবিহা ন্যইকো কেংদিংমগা, আদো মাতিংতো, আসা নাবিকো হিংওয়া নুওয়াংবিরে হিংকো কেংদিংমগা, আদো হিংচা মামুংতো।18“নেহা অংটি মিওয়া মিংচিকো নুওয়াং হিং,19ন্যাতাবিরিতা মিওয়া অংটিবিহা ইরাংগা। দিংঙাবিহা সেংজাকো রাজ্যকো য়্যইদিবিহা হিংকোহা হিংমগা, আদো মোকোইমগা। আত্রংহা জেসাং লেমসা আকো তুংসিংতা হানি অংটি মি-মিইনি, আকুহা গিংচামসা পুচামগা।20লুংটুইবিরিতা মিওয়া অংটিহা ইরাংগা, লেরা দিংঙাবিহা য়্যইদি হিংতানি য়াংতামসা দেংমগা আসা আপনিকো তুংসিংতা এমগা।21আদো আকুহা আপনিকো দেবে মাতাওয়াকো সোতা আম্যই চোইপা মেংচে য়ুংমগা, আসা য়্যইদিতা দেংওয়াকো সোতা দিংঙাবিকোসো দুঃখ আসা সতাওয়াট ওয়াংতানি আকুহা নুনুই ওয়েংপুমগা।22সোসাবিরিতা হুইওয়া অংটিহা ইরাংগা, হাংসু য়্যইদি হিং, আদো ই বাসিমতিতা নিওয়া উইসে সোংসাবিকো সিংদুওয়া আসা পুংজিবিকো জেজেংওয়াসো য়্যইদিহিং য়োইমগা, আসা আকুহা অংসে শেমক্যইমগা।23আদো এনতাওয়া মোংটোতা হুইওয়া অংটিহা ইরাংগা, হাংসু এনতাপা য়্যইদি হিং, আসা কোই, আবিহা আজিপ্পা অংসে শেপামগা, আকো মিওয়া অংটিহা তিশ গুনা, সাঠি গুনা একশো গুনারোমা সিওপা সেপামগা।”24ইশুহা আবিহিংয়া ন্যাসারাং দোসরা মিংচি হিংপায়ে, “সেংজাকো রাজ্যহা এপা নিও, ইচো দিংঙাহা আপনিকো লুংনিংতা এনতাওয়া অংটি মিয়ে।25আদো দিংঙাবি জিংদিংনুওয়া আবিহিং মেংতাপা জোওয়া দিংঙা ওয়াংমসা গেহুংকো প্যাকো-প্যাকোতা সাম্যাকো অংটি মিমসা হোপুয়ে।26নেহা গেহুং ডেমসা মোইপ্যা প্যাকো তোংপানুওয়া আউতা সাম্যারে তিংয়ে।”27সাকো গিরিওয়াকোতা ডেইয়াবি ওয়াংমসা জাংয়ে, “উটকেওয়া, নাতিহা আপনিকো লুংনিংতাহা এনতাওয়া অংটি মিমকোতা? আউতাহা সাম্যাহা হানিসো ওয়াংগা?”28গিরিহা আবিহিংয়া জাংয়ে, “হাংসু দুসমনবিমে এপা জোমকোগা।”
ডেইয়াবিহা আকুহিংয়া জাংয়ে, “মেনা কাবিহা হোমসা আকু সাম্যাহিংয়া ওইয়াপুকোগা?”29আদো গিরিওয়াহা জাংয়ে, “এপা মোজোগে, নাবিমি সাম্যা ওইপুনাহা গেহুংরে ওইচপুগে।30মোইপ্যা চ্যাকো মোতোংচেহা নিদ্যাহিংসা চিত্তা দেকো পিচা, আসা মোইপ্যা চ্যাকো তোংপানুওয়া কা কাংপামবিহিং ‘নাগাইহা সাম্যাহিং চ্যামসা মেহতা চুংকো জমা জো আসা গেহুংহা য়োমসা তোপাতা এনতাপা এহে’ তামসা জাংরোওয়া।”31ইশুহা আবিহিংয়া দোসরা মিংচি ল্যায়ে, “সেংজাকো রাজ্যহা তৌরিকো অংটি ত্যাবাপাগা। ইচো দিংঙাহা আকু অংটি পুমসা আপনিকো লুংনিংতা মিয়ে।32আকুহা তাংসা অংটিবিরোমা আত্যইচিংপা জিংমগা, আদো হাত্রং ডেপু, আত্রংহা আকুহা তাংসা সাকবিরোমা টেবো ডেপুমসা আকুহা সিংতেংরাং জিংপুমগা। ডিংবাকো জিয়া-জিপেইবি লেমসা আকো গেইবেবিতা বাসা বানাইমগা।”33আকুহা আবিহিংয়া দোসরা মিংচিরে হিংপায়ে, “সেংজাকো রাজ্যহা বুইপাওয়া সোঁরা ত্যাবাপাগা। ইচো মেমেহা উইসে পিটোতা বুইপাওয়া সোঁরা আস্যস্যই লাসিয়ে, আসা আকু পিতো মাবুইনু চোইপা আকুহিংয়া ইচো জায়গাতারাং এহে।”34ইশুহা ই তাংসা নুওয়াংহা দিংঙাবিহিং মিংচিতা হিংপায়ে, মিংচি ল্যামসা আকুহা আবিহিংয়া হাইরে মাহিংপাতো।35এপারাং অগমবক্তাকো জাংওয়া য়্যইদিহা তাংসা জিংয়ো,“কা নাবিহিংপা মিংচিতা য়্যইরোওয়া,আসা বাসিমতি দিংনুসোহা মেগেয়াংওয়া নুওয়াংবি জাংরোওয়া।”36আকো নোইতাহা আকুহা উইসে দিংঙাহিং হুইতেমসা সাতা হোপুয়ে, আসা আকো য়োংতোংবিহা আকোতা ওয়াংমসা জাংয়ে, “লুংনিংকো সাম্যাকো মিংচি ল্যাওয়াহা হাংমে কাবিহিং জাংপি।”37আকুহা আবিহিংয়া জাংয়ে, “এনতাওয়া অংটি মিওয়াহা দিংঙাকো চেংওয়াগা।38লুংনিংহা বাসিমতিগা। এনতাওয়া অংটিহা সেংজাকো রাজ্যকো দিংঙাবিগা, আসা সাম্যাহা শয়তানকো সন্তানবিগা।39সাম্যাকো অংটি মিওয়াহা শয়তানগা। মোইপ্যা চ্যাকো তোংপাওয়াহা বাসিমতিকো ন্যইস্যাকো দিনগা। কাম জোমবিহা লোডিংবাকো পোইংবিগা।”40“হেপা সাম্যা ওইমসা মেহতা চুংপুমে, বাসিমতিকো নোইস্যাকো দিনবিতারে এপারাং জিংরোওয়া।41কা দিংঙাকো চেংওয়াহা আপনিকো পোইংবি নিংপুরোওয়া, আসা তাংসা পাপ জোপাওয়াবি আসা মেংতাপা কাম জোমবি কুং রাজ্যসো জমা জোরোওয়া।42আসা আবিহিংয়া হাত্রংরে মিসিওয়া মেহতা বাডোইপুরোওয়া। আউতাহা দিংঙাবিহা কাইরোওয়া আসা সেতাং কিট্টিরোওয়া।43আত্রংহা তাংজি নিওয়াবিহা আপাকো রাজ্যতা সিনি ত্যাবাপা চাইচাইপা জিংরোওয়া। হাংসুকো হিংওয়া নানুং নি, আকুহা হিংকো।44“সেংজাকো রাজ্যহা লুংনিংতা ম্যইমসা এওয়া উইসে পুংজি ত্যাবাপাগা। ইচো দিংঙাহা আকু পুংজি দোচামসা গাগ্রুপা জিংমসা হোয়ে, আসা আপনিকোতা নিওয়া তাংসা পিচামসা আকু লুংনিং চোইয়ে।45“ন্যাসারাং সেংজাকো রাজ্যহা মোতিবি মোমসা চোইওয়া ইচো বেপার জোওয়া দিংঙা ত্যাবাপাগা।46আকুহা ইচো পাংক্যইওয়া মোতি দোনুকো নোইতাহা আপনিকোতা নিওয়া তাংসা পিচামসা আকু মোতি চোইয়ে।47“ন্যাসারাং সেংজাকো রাজ্যহা ঝাহাদিতা তিওয়া ইচো জেরে ত্যাবাপারেগা। ইতাহা তাংসা জ্যাকো নায়া ওয়াংয়ে।48আসা জেরে মেইনুওয়া দিংঙাবিহা আকুহিংয়া আরিতা দেইমসা নোপায়ে, আসা গামসা এনতা-এনতাওয়াবিহিংয়া য়োটিতা দুংপায়ে, আসা মেংতাওয়াবিহিংয়া বাইরেতা বাডোইপুয়ে।49বাসিমতিকো ন্যইস্যাকো দিনতারে এপারাং জিংরোওয়া। লোডিংবাকো পোইংবিহা লেমসা মেংতাওয়াবিহিংয়া তাংজিবিকো প্যাকোসো ওয়েংপাপুরোওয়া,50আসা আবিহিংয়া হাত্রংরে মিসিওয়া মেহতা বাডোইপুরোওয়া। আউতাহা দিংঙাবিহা কাইরোওয়া আসা সেতাং কিট্টিরোওয়া।”51ইশুহা আবিহিং উইয়ে, “নাবিহা ই তাংসা নুওয়াংবি কোইংগা?”
আবিহা জাংয়ে, “কোইনা উটকেওয়া।”52আসা ইশুহা আবিহিং জাংয়ে, “আকো সোতা সেংজাকো রাজ্যকো য়োংতোং জিংকো মুংওয়া তাংসা তাংজিকো উটকেওয়াহা সাকো গিরি ত্যাবাপা জিংমগা। সাকো গিরিহা আপনিকো সোংসা এওয়া জায়গাসো চুবে আসা জেবে পাংক্যইওয়া সোংসাবি বাইরে নোপামগা।”53ই মিংচিবি ল্যাপুনতেনুকো নোইতাহা ইশুহা আউসো হোপুইয়ে।54আসা আপনিকো শহরতা ওয়াংমসা আকুহা আবিকো জোংসুওয়া সাতা আবিহিং ঝিপায়ে। আকো ঝিপাওয়া হিংমবিহা আআংপেপেপা জিংপুমসা জাংয়ে, “ইহিংয়া আআংপেপেচপুক্যইওয়া দুংজি আসা সেকো কামহা হানিসো ওয়াংয়ুং?55ইহা কেংপ্রাকো কাম জোওয়াকো চেংওয়া মোকোমগা? ইকো আয়ুকো মিংহা মরিয়োম আসা ইকো এবিহা য়াকুব, য়োসেফ, সিমোন, আসা য়হুদা মোকোমগা?56ইকো হুম্রিবিহা য়াংবিহিংপা মাতাংগা? মেনা ইহিংয়া এপা জিংওয়া নুওয়াংবিহা হানিসো ওয়াংগাসা?”57এপা জাংমসা আবিহা ইশুহিংপা সেদ্রাংপুয়ে।
আদো ইশুহা আবিহিংয়া জাংয়ে, “অগমবক্তাহিংয়া আপনিকো লোইতা আসা আপনিকো সাতা ল্যামসা ইদ্যাতাহা আদর মুংমগা।”58আবিকো মাদেংওয়াকো সোতা আকুহা আউতাহা সেকো উইসে কামবিহা মোজোতো।
“ইচো দিংঙাহা অংটি মিকো হোয়ে।4আসা অংটি মিনুওয়া লেরা অংটিবিহা ন্যাতাতা হুইয়ে, আসা জিয়া-জিপেইবি লেমসা আকু অংটিবিহা চাপুয়ে।5লেরা অংটিবিহা মোংটো মাতাওয়া লুংটুইবিরিতা হুইয়ে, আসা উইসে মোংটো মাতামকো সোতা অংটিহা সেন্নেপা নিংয়ে।6আদো হাত্রং সানি বো, আত্রংহা আকুহা য়োংপুয়ে আসা ডেবে উইদাং মাতামকো সোতা সেংপুয়ে।7লেরা অংটিবিহা সোসাবিরিতা হুইয়ে, আসা সোসাবিহা দেপুমসা আকুহিংয়া মেরোংপুয়ে।8আদো লেরা অংটিবিহা পোপফ্যইওয়া মোংটোতা হুইয়ে, আসা লেরাহা তিশ, লেরাহা সাঠি, আসা লেরাহা একশো গুনরোমা সিওপা শেয়ে।”9হাংসুকো হিংওয়া নানুং নি, আকুহা হিংকো।10আসা য়োংতোংবিহা লেমসা আকুহিং জাংয়ে, “নাতিহা আবিহিংপা হাংপাসা মিংচিতা য়্যইচাংমগা?”11ইশুহা আবিহিংয়া জাংয়ে, নাবিহিংয়া সেংজাকো রাজ্যকো দুংজি পিচামি নিও, আদো আবিহিংয়া মিচায়াংতো।12হাংপতানাহা হাংসুকোতা কোইওয়া তুংসিংনি, আকুহিংয়া ন্যাসা পিচারোওয়া, আসা আকোহা উইসে জিংরোওয়া। আদো হাংসুকো মোতো, আকুহিংপা নিওয়ারে আকোসো গিংচাপুরোওয়া।13আকো সোতা কাহা আবিহিং ঝিপানুওয়া মিংচিতা য়্যইচাংমি, হাংপাতানাহা আবিহা ন্যইকোহা ন্যইমগা, আদো মাতিংমগা, হিংকোহা হিংমগা, আদো মোকোইমগা।14এশাইয়া অগমবক্তাকো জাংওয়াহা আবিকোতা তাংসা জিংয়ো:“হিংকোহা হিংমগা, আদো হাত্রংরে মোকোইমগা,কাংকোহা কাংমগা, আদো হাত্রংরে মাতিংমগা।15হাংপাতানাহা আবিকো তুংসিংরাং বাংদাইপা জিংপুনতেয়ো,আবিকো নানুংহা মাহিংপা জিংপুনতেয়ো,আবিকো মিচোহা মেইচপুনতেমি নিও,মোকোনাহা আবিহা মিচোসো তিংকোগা,নানুংসো হিংকোগা,তুংসিংসো কোইকোগা,আসা কুংতা লায়োংকোগা,আসা কা আবিহিংয়া সাংপাকোগা।”16“আদো নাবিহা আশিষিত নিও, হাংপাতানাহা নাবিকো মিচোসো তিংয়ো আসা নানুংসো হিংয়ো।17আজিপ্পারাং কা নাবিহিং জাংরোওয়া, নাবিকো তিংওয়াহা উইসে অগমবক্তাবি আসা তাংজি নিওয়া দিংঙাবিহা ন্যইকো কেংদিংমগা, আদো মাতিংতো, আসা নাবিকো হিংওয়া নুওয়াংবিরে হিংকো কেংদিংমগা, আদো হিংচা মামুংতো।18“নেহা অংটি মিওয়া মিংচিকো নুওয়াং হিং,19ন্যাতাবিরিতা মিওয়া অংটিবিহা ইরাংগা। দিংঙাবিহা সেংজাকো রাজ্যকো য়্যইদিবিহা হিংকোহা হিংমগা, আদো মোকোইমগা। আত্রংহা জেসাং লেমসা আকো তুংসিংতা হানি অংটি মি-মিইনি, আকুহা গিংচামসা পুচামগা।20লুংটুইবিরিতা মিওয়া অংটিহা ইরাংগা, লেরা দিংঙাবিহা য়্যইদি হিংতানি য়াংতামসা দেংমগা আসা আপনিকো তুংসিংতা এমগা।21আদো আকুহা আপনিকো দেবে মাতাওয়াকো সোতা আম্যই চোইপা মেংচে য়ুংমগা, আসা য়্যইদিতা দেংওয়াকো সোতা দিংঙাবিকোসো দুঃখ আসা সতাওয়াট ওয়াংতানি আকুহা নুনুই ওয়েংপুমগা।22সোসাবিরিতা হুইওয়া অংটিহা ইরাংগা, হাংসু য়্যইদি হিং, আদো ই বাসিমতিতা নিওয়া উইসে সোংসাবিকো সিংদুওয়া আসা পুংজিবিকো জেজেংওয়াসো য়্যইদিহিং য়োইমগা, আসা আকুহা অংসে শেমক্যইমগা।23আদো এনতাওয়া মোংটোতা হুইওয়া অংটিহা ইরাংগা, হাংসু এনতাপা য়্যইদি হিং, আসা কোই, আবিহা আজিপ্পা অংসে শেপামগা, আকো মিওয়া অংটিহা তিশ গুনা, সাঠি গুনা একশো গুনারোমা সিওপা সেপামগা।”24ইশুহা আবিহিংয়া ন্যাসারাং দোসরা মিংচি হিংপায়ে, “সেংজাকো রাজ্যহা এপা নিও, ইচো দিংঙাহা আপনিকো লুংনিংতা এনতাওয়া অংটি মিয়ে।25আদো দিংঙাবি জিংদিংনুওয়া আবিহিং মেংতাপা জোওয়া দিংঙা ওয়াংমসা গেহুংকো প্যাকো-প্যাকোতা সাম্যাকো অংটি মিমসা হোপুয়ে।26নেহা গেহুং ডেমসা মোইপ্যা প্যাকো তোংপানুওয়া আউতা সাম্যারে তিংয়ে।”27সাকো গিরিওয়াকোতা ডেইয়াবি ওয়াংমসা জাংয়ে, “উটকেওয়া, নাতিহা আপনিকো লুংনিংতাহা এনতাওয়া অংটি মিমকোতা? আউতাহা সাম্যাহা হানিসো ওয়াংগা?”28গিরিহা আবিহিংয়া জাংয়ে, “হাংসু দুসমনবিমে এপা জোমকোগা।”
ডেইয়াবিহা আকুহিংয়া জাংয়ে, “মেনা কাবিহা হোমসা আকু সাম্যাহিংয়া ওইয়াপুকোগা?”29আদো গিরিওয়াহা জাংয়ে, “এপা মোজোগে, নাবিমি সাম্যা ওইপুনাহা গেহুংরে ওইচপুগে।30মোইপ্যা চ্যাকো মোতোংচেহা নিদ্যাহিংসা চিত্তা দেকো পিচা, আসা মোইপ্যা চ্যাকো তোংপানুওয়া কা কাংপামবিহিং ‘নাগাইহা সাম্যাহিং চ্যামসা মেহতা চুংকো জমা জো আসা গেহুংহা য়োমসা তোপাতা এনতাপা এহে’ তামসা জাংরোওয়া।”31ইশুহা আবিহিংয়া দোসরা মিংচি ল্যায়ে, “সেংজাকো রাজ্যহা তৌরিকো অংটি ত্যাবাপাগা। ইচো দিংঙাহা আকু অংটি পুমসা আপনিকো লুংনিংতা মিয়ে।32আকুহা তাংসা অংটিবিরোমা আত্যইচিংপা জিংমগা, আদো হাত্রং ডেপু, আত্রংহা আকুহা তাংসা সাকবিরোমা টেবো ডেপুমসা আকুহা সিংতেংরাং জিংপুমগা। ডিংবাকো জিয়া-জিপেইবি লেমসা আকো গেইবেবিতা বাসা বানাইমগা।”33আকুহা আবিহিংয়া দোসরা মিংচিরে হিংপায়ে, “সেংজাকো রাজ্যহা বুইপাওয়া সোঁরা ত্যাবাপাগা। ইচো মেমেহা উইসে পিটোতা বুইপাওয়া সোঁরা আস্যস্যই লাসিয়ে, আসা আকু পিতো মাবুইনু চোইপা আকুহিংয়া ইচো জায়গাতারাং এহে।”34ইশুহা ই তাংসা নুওয়াংহা দিংঙাবিহিং মিংচিতা হিংপায়ে, মিংচি ল্যামসা আকুহা আবিহিংয়া হাইরে মাহিংপাতো।35এপারাং অগমবক্তাকো জাংওয়া য়্যইদিহা তাংসা জিংয়ো,“কা নাবিহিংপা মিংচিতা য়্যইরোওয়া,আসা বাসিমতি দিংনুসোহা মেগেয়াংওয়া নুওয়াংবি জাংরোওয়া।”36আকো নোইতাহা আকুহা উইসে দিংঙাহিং হুইতেমসা সাতা হোপুয়ে, আসা আকো য়োংতোংবিহা আকোতা ওয়াংমসা জাংয়ে, “লুংনিংকো সাম্যাকো মিংচি ল্যাওয়াহা হাংমে কাবিহিং জাংপি।”37আকুহা আবিহিংয়া জাংয়ে, “এনতাওয়া অংটি মিওয়াহা দিংঙাকো চেংওয়াগা।38লুংনিংহা বাসিমতিগা। এনতাওয়া অংটিহা সেংজাকো রাজ্যকো দিংঙাবিগা, আসা সাম্যাহা শয়তানকো সন্তানবিগা।39সাম্যাকো অংটি মিওয়াহা শয়তানগা। মোইপ্যা চ্যাকো তোংপাওয়াহা বাসিমতিকো ন্যইস্যাকো দিনগা। কাম জোমবিহা লোডিংবাকো পোইংবিগা।”40“হেপা সাম্যা ওইমসা মেহতা চুংপুমে, বাসিমতিকো নোইস্যাকো দিনবিতারে এপারাং জিংরোওয়া।41কা দিংঙাকো চেংওয়াহা আপনিকো পোইংবি নিংপুরোওয়া, আসা তাংসা পাপ জোপাওয়াবি আসা মেংতাপা কাম জোমবি কুং রাজ্যসো জমা জোরোওয়া।42আসা আবিহিংয়া হাত্রংরে মিসিওয়া মেহতা বাডোইপুরোওয়া। আউতাহা দিংঙাবিহা কাইরোওয়া আসা সেতাং কিট্টিরোওয়া।43আত্রংহা তাংজি নিওয়াবিহা আপাকো রাজ্যতা সিনি ত্যাবাপা চাইচাইপা জিংরোওয়া। হাংসুকো হিংওয়া নানুং নি, আকুহা হিংকো।44“সেংজাকো রাজ্যহা লুংনিংতা ম্যইমসা এওয়া উইসে পুংজি ত্যাবাপাগা। ইচো দিংঙাহা আকু পুংজি দোচামসা গাগ্রুপা জিংমসা হোয়ে, আসা আপনিকোতা নিওয়া তাংসা পিচামসা আকু লুংনিং চোইয়ে।45“ন্যাসারাং সেংজাকো রাজ্যহা মোতিবি মোমসা চোইওয়া ইচো বেপার জোওয়া দিংঙা ত্যাবাপাগা।46আকুহা ইচো পাংক্যইওয়া মোতি দোনুকো নোইতাহা আপনিকোতা নিওয়া তাংসা পিচামসা আকু মোতি চোইয়ে।47“ন্যাসারাং সেংজাকো রাজ্যহা ঝাহাদিতা তিওয়া ইচো জেরে ত্যাবাপারেগা। ইতাহা তাংসা জ্যাকো নায়া ওয়াংয়ে।48আসা জেরে মেইনুওয়া দিংঙাবিহা আকুহিংয়া আরিতা দেইমসা নোপায়ে, আসা গামসা এনতা-এনতাওয়াবিহিংয়া য়োটিতা দুংপায়ে, আসা মেংতাওয়াবিহিংয়া বাইরেতা বাডোইপুয়ে।49বাসিমতিকো ন্যইস্যাকো দিনতারে এপারাং জিংরোওয়া। লোডিংবাকো পোইংবিহা লেমসা মেংতাওয়াবিহিংয়া তাংজিবিকো প্যাকোসো ওয়েংপাপুরোওয়া,50আসা আবিহিংয়া হাত্রংরে মিসিওয়া মেহতা বাডোইপুরোওয়া। আউতাহা দিংঙাবিহা কাইরোওয়া আসা সেতাং কিট্টিরোওয়া।”51ইশুহা আবিহিং উইয়ে, “নাবিহা ই তাংসা নুওয়াংবি কোইংগা?”
আবিহা জাংয়ে, “কোইনা উটকেওয়া।”52আসা ইশুহা আবিহিং জাংয়ে, “আকো সোতা সেংজাকো রাজ্যকো য়োংতোং জিংকো মুংওয়া তাংসা তাংজিকো উটকেওয়াহা সাকো গিরি ত্যাবাপা জিংমগা। সাকো গিরিহা আপনিকো সোংসা এওয়া জায়গাসো চুবে আসা জেবে পাংক্যইওয়া সোংসাবি বাইরে নোপামগা।”53ই মিংচিবি ল্যাপুনতেনুকো নোইতাহা ইশুহা আউসো হোপুইয়ে।54আসা আপনিকো শহরতা ওয়াংমসা আকুহা আবিকো জোংসুওয়া সাতা আবিহিং ঝিপায়ে। আকো ঝিপাওয়া হিংমবিহা আআংপেপেপা জিংপুমসা জাংয়ে, “ইহিংয়া আআংপেপেচপুক্যইওয়া দুংজি আসা সেকো কামহা হানিসো ওয়াংয়ুং?55ইহা কেংপ্রাকো কাম জোওয়াকো চেংওয়া মোকোমগা? ইকো আয়ুকো মিংহা মরিয়োম আসা ইকো এবিহা য়াকুব, য়োসেফ, সিমোন, আসা য়হুদা মোকোমগা?56ইকো হুম্রিবিহা য়াংবিহিংপা মাতাংগা? মেনা ইহিংয়া এপা জিংওয়া নুওয়াংবিহা হানিসো ওয়াংগাসা?”57এপা জাংমসা আবিহা ইশুহিংপা সেদ্রাংপুয়ে।
আদো ইশুহা আবিহিংয়া জাংয়ে, “অগমবক্তাহিংয়া আপনিকো লোইতা আসা আপনিকো সাতা ল্যামসা ইদ্যাতাহা আদর মুংমগা।”58আবিকো মাদেংওয়াকো সোতা আকুহা আউতাহা সেকো উইসে কামবিহা মোজোতো।
The Seed Company