লুক9
1সাইয়ু ইশুহা বার্চো য়োংতোংবিহিং আকো আবেইতা মোউয়ে, আসা আবিহিংয়া তাংসা জেসাংবিহিং নোপাওয়া আসা হাইমবিহিং সাংপাকো চুওয়া সে আসা অধিকার পিচায়ে।2আকুহা আবিহিংয়া সেংজাকো রাজ্যকো এনতাওয়া দেরেং হিংপাকো আসা হাইমবিহিং সাংপাকো নিংপুয়ে।3আকুহা য়োংতোংবিহিংয়া জাংয়ে, “নাবিহা আপনিকো হোদাংওয়াতা জুচোইকো দোরেং, সিপি, নিচাওয়া আংদুং, ন্যাস্যা, চাওয়া আংওয়া হাইরে মোপুগে।4হানি সাতা দিংঙাবি নাবিহিং লেইতা, আকু লোইসো মোনোনু চোইপা আকু সাতারাং য়ুং,5আদো হাংতা দিংঙাবি নাবিহিং লেই তামসা মাজাং, নাবিহা আকু লোইসো নোপানুওয়া দিংঙাবিহিং সেংজাকো জোওয়া ন্যায়কো চেতাউনি পিচাকো সোতা নাবিকো কোকোইকো ধুনা ত্যাতেমসা আকু লোইহিংয়া হুইতে।”6য়োংতোংবিহা লোই-লোইতা হোমসা এনতাওয়া দেরেং হিংপামসা হাইমবিহিং সাংপায়ে।7এপাজিংওয়া নুওয়াংবি হিংমসা গালীল জায়গাহিং কাংওয়া টেবো কাইজি হেরোদ অ্যান্টিপাসহা আআংপেপেচপা জিংপুয়ে, হাংপাতানাহা লেরাবিহা “বাপ্তিস্মা পিচাওয়া য়হুন্নাহা সিওয়াসো ঙারোয়ে” তামসা জাংসুচাংমি।8লেরাবিহা জাংসুচাংমি, “এলিয়া তিংরেয়ে।” লেরাহা “নাগাইকো অগমবক্তাবিতা ইচো ঙারোমকোগুং” তামসা জাংসুচাংমি।9আত্রংহা হেরোদহা জাংয়ে, “য়হুন্নাকো পোরোহা কারাং ঠেমগা। আদো ই দিংঙাহা হাংসুমে, ইকো তোইতা কা আআংপেচপুক্যইওয়া নুওয়াংবি হিংদিংয়ো।” আসা আকুহা ইশুহিং দোসপাকো কেংয়ে।10ইশুকো নিংপুওয়া বার্চো জেংওয়া পোইংবিহা এনতাওয়া দেরেং হিংপামসা লারেনুওয়া আবিহা আপনি আপনিকো জোওয়া তাংসা কামবিহা ইশুহিং হিংপায়ে। ইশুহা আবিহিং মেংচে চেকেপা বেথসেদা শহরতা পুরামসা হোরায়ে।11আদো ই নুওয়াং সিদা চ্যইমসা উইসে দিংঙাবিহা ইশুহিংপা নুনুই হুইপুয়ে। আকুহা আবিহিংয়া লেইতায়ে, আসা সেংজাকো রাজ্যকো নুওয়াংবি হিংপায়ে, আসা হাইমবিহিং সাংপায়ে।12আসা সানি হুইপুদাংনুওয়া আকু বার্চো জেংওয়া পোইংবিহা আকোতা ওয়ামসা জাংয়ে, “ইতা হাইরে মোতো, ইহা চিচ্চোওয়া জায়গাগা। ই দিংঙাবিহিং নিংপি, আবিহা ইকো হুরাপা নিওয়া লোইবিতা চাকো আংকো আসা জিংকো তাইবিরাং মোচোইপুকো।”13ইশুহা আবিহিংয়া জাংয়ে, “নাবিরাং ইবিহিংয়া চাকো পিচা।”
আত্রংহা আবিহা জাংয়ে, “প্রভু, কাবিহিংপা হাং নিংগা? কাবিহিংপাহা ঙাচো কোব্রেংসো নিহপু নায়া মেংচে নিনা। কাবিহা এসে দিংঙাবিকো সোতা চাওয়া আংওয়াবি চোইয়াকো চুকোগা?”14আউতাহা পোজা দিংঙাবিদাং পাঁচ হাজার নিমি।
ইশুহা আপনিকো য়োংতোংবিহিং জাংয়ে, “দিংঙাবিহিং নিহকাইসো ত্যাচো নিহকাইসো ত্যাচো জোমসা গাপা।”15আবিহা ইশুকো জাংমবেপারাং গাপায়ে।16আকো নোইতা ইশুহা ঙাচো কোব্রেং আসা নিহপু নায়া চুংমসা লোডিংবাতা ন্যইমসা সেংজাকোতা আশিষ য়ায়ে। আসা আকু ছিমসা য়োংতোংবিহিং চোওকো তামসা পিচায়ে।17তাংসা দিংঙাবিহা গাইপা চায়ে। লাওয়া কোব্রেংসো নায়াবি য়োনুওয়া বার্চো ডেংগে মেইপুয়ে।18ইশু ইকোই ইচোদাং পাচাইদিংনুওয়া য়োংতোংবিহা আকো আবেইতা নিমি। আকুহা আবিহিংয়া উইয়ে, “দিংঙাবিহা কাহিংয়া কা হাংসুগা তামসা জাংমগা?”19আবিহা জাংয়ে, “লেরাহা বাপ্তিস্মা পিচাওয়া য়হুন্না, লেরাহা এলিয়া, আসা লেরাবিহা নাগাইকো অগমবক্তাবিতাহা ইচো ঙারোমকোগুং তামসা জাংসুচাংমি।”20ইশুহা আবিহিংয়া উইয়ে, “নাবিহা কাহিংয়া হাংসুগা তামসা জাংকোগা?”
পত্রসহা জাংয়ে, “নাতিহা সেংজাকো জেংওয়া জাইপু খ্রীষ্ট।”21আদো ইশুহা “ই নুওয়াংহা হাংসুহিংনে মাজাংকো” তামসা জাংয়ে।22আসা আকুহা আবিহিংয়া জাংয়ে, “দিংঙাকো চেংওয়াহা উইসে কোইচ্যানেরোওয়া, য়হুদি মাটা ওয়ারাংপাবি, মাটা পাউবি, আসা তাংজিকো উটকেওয়াবিহা আকুহিংয়া আচকাপা জোরোওয়া। আসা দিংঙাবিহা আকুহিংয়া স্যাপুরোওয়া, আদো আকুহা সাসুংয়ুকো নোইতাহা ন্যাসারাং ঙারোরোওয়া।”23ইশুহা তাংসাহিং জাংয়ে, “কাং, হাংসু কুং নুনুই হুইকো কেং, আকুহা আপনিকো ইচ্ছাহিং স্যানেরোওয়া, আসা সদাইবিরি আপনিকো ক্রুস হাত্রংদো পুমসা কুং নুনুই হুইনেরোওয়া।24হাংপাতানাহা হাংসু আপনিকো সাদিহিং য়োইমসা একো কেং, আকুহা আপনিকো সাদি য়াংপারোওয়া, আদো হাংসু আপনিকো সাদি কুং সোতা য়াংপা, আকুহা সাদি মুংচারোওয়া।25দিংঙাহা বাসিমতিতা নিওয়া তাংসা মুংচামসারে আপনিকো সাদিমি য়াংপাপুনাহা আকুহিংয়া হাং ত্যইংদা জিংকোগা?26হাংসু দিংঙা কুং মিং আসা কুং ঝিপাওয়াসো লেফে, কা দিংঙাকো চেংওয়ারে কুং মহিমাতা, সেংজা আপাকো, আসা পবিত্র লোডিংবাকো পোইংবিকো মহিমাতা লেনুওয়া আকুহিংয়া কুং তামসা জাংকোরে লেফেরোওয়া।27আদো কা আজিপ্পারাং নাবিহিংয়া জাংরোওয়া, সেংজাকো রাজ্যহিং মাতিংনু চোইপা ইতা নিমবিতাহা লেরাহা মিসিরোওয়া।”28ই নুওয়াং জাংওয়াকো সা-য়্যায়ুকো নোইতাহা পত্রস, য়হুন্না আসা য়াকুবহিং পুরামসা ইশুহা য়্যাগ্যইতা পাচাইয়াকো হোয়ে।29আকু পাচাইদিংনুওয়া আকো য়ুওয়াইহা দোসরা জিংপুয়ে, আসা আকো আংদুংবিরে তাত্রাইমি ত্যাবাপা চাইচাইপা জিংপুয়ে।30আসা একবিরি নিহসো দিংঙা আউতা ইশুহিংপা য়্যইসুদিংমি নিমি। আবিহা মোসাসো এলিয়া নিমি।31আবিরে লোডিংবাকো হাহাইওয়া বেপা চাইচাইপা নিমি আসা য়রুশালেমতা ইশুকো সিনেরোওয়া তাওয়া নুওয়াং য়্যইসুদিংমি।32পত্রস আসা আকো ব্যারোবিহা জিংজুওয়া নিমি। আদো আবি হেরোনুওয়া আবিহা ইশুহিংয়া আকো মহিমাতা আকুহিংপা জামসা দোসরা নিহসো দিংঙাহিং য়্যইসুদিংওয়া তিংয়ে।33আকু নিহসো দিংঙাবি ইশুহিংপা ওয়েংসুদাংনুওয়া পত্রসহা ইশুহিংয়া জাংয়ে, “উটকেওয়া, কাবিরে ইতা নিমসা এনতাপা জিংয়ে। য়াংবিহা ইতা সুংচো গ্যই লোপাকো তে, ই সাহা নাতিহিং, ই সাহা মোসাহিং, ই সাহা এলিয়াহিং!” আদো আকুহা আপনিকো য়্যইওয়াহা হাং য়্যইসুমে হাইরে সিদা মোচ্যইতো।34পত্রস য়্যইওয়া কোকোইত্তা আবিহিংয়া গুইংতুরেপুয়ে আসা য়োংতোংবিহা চুসুংপুয়ে।35আত্রংরাং গুইংতুওয়াসো ইচো নুওয়াং জাংওয়া হিংয়ে, “ইহা কুং জেজেংওয়া চেংওয়াগা, ইহিংয়া কা জেংমি নিও। নাবিহা ইকো নুওয়াং হিং।”36আকু য়্যইওয়া ত্যইনুওয়া য়োংতোংবিহা ইশুহিং মেংচে তিংয়ে। আবিহা আপনিকো তিংওয়া নুওয়াংবিহা আপনিকো তুংসিংতা এমসা হাংসুহিংনে মাল্যাতো।37আকো সাইয়ু নোইতা ইশুহা য়োংতোংবিহিংপা য়্যাগ্যইসো লেপানুওয়া উইসে দিংঙাবিহা আকুহিং দোসপাকো ওয়াংয়ে।38আবিকো প্যাকোসোহা ইচো দিংঙাহা চিলিংমসা জাংয়ে, “উটকেওয়া কুং চেংওয়াহিং কাংপি, হাংপাতানা ইহা কুং ইচোচিংওয়া চেংওয়াগা।39ইচো সিংঙোহা ইহিংয়া প্যইচাংমি, আত্রংহা ইহা একবিরি চিলিংচাংমি আসা কেটোউপা নামুসো তোতি নোপাচাংমি। হাত্রং চোইপা জুপাতা মান্যাইচা, আত্রং চোইপা সিংঙোহা ইহিংয়া মাল্যামি।40কা নাকো য়োংতোংবিহিং ‘ই সিংঙোহিং নোপাপি’ তামসা জাংচায়ে, আদো আবিহা মাচুতো।”41ইশুহা জাংয়ে, “ও দেংকো মোচুওয়া দিংঙাবাই, আসা তুংসিং মেংতাওয়াবাই, হাত্রং চোইপা কা নাবিহিংপা য়ুংকোগা? নাকো চেংওয়াহিং ইতা পারা।”42আকু চেংওয়া ওয়াংপাওয়া কোকোইত্তা সিংঙোহা আকুহিংয়া ইপামসা কেটোউপা জোপুয়ে, আদো ইশুহা সিংঙোহিংয়া য়েংয়ে, আসা পোজাহিং সাংপামসা আপাকোতা স্যইপুয়ে।43সেংজাকো টেবো সে তিংমসা তাংসা দিংঙাবিহা আআংপেপেচপুয়ে। ইশুহা আপনিকো সিরকো নুওয়াং ন্যাসারাং ল্যাওয়া (মথি ১৭:২২-২৩; মর্কুস ৯:৩০-৩২)
দিংঙাবিহা আকো জোওয়া কাম তিংমসা আআংপেপেচপুওয়াকো সোতা ইশুহা আপনিকো য়োংতোংবিহিং জাংয়ে,44“কাহা হাং জাংদাংমে আকু নুওয়াং নাবিহা মালারিং, হাংপাতানাহা দিংঙাকো চেংওয়াহিংয়া প্যইমসা দিংঙাবিকো খুইতা স্যইপুরোওয়া।”45আদো য়োংতোংবিহা ই নুওয়াং মোকোইতো, হাংপাতানাহা ই নুওয়াং কোইকো চুওয়া দুংজি মোমুংওয়াকো সোতা ইশুহা হাং জাংমে তামসা আবিহা কোইমক্যইতো। আদো আবিহা ইকো বিষয়তা উইকো চুসুংয়ে।46আত্রংহা য়োংতোংবিকো প্যাকোতা হাংসু টেবোমে তাওয়া নুওয়াং জিংসুয়ে।47আদো ইশুহা আবিকো নোওয়া কোইমসা ইচো আপেহিং আপনিকো আবেইতা মোউমসা জাপায়ে।48আসা আবিহিং জাংয়ে, “হাংসু কুং মিংতা আপেহিং লেইতা, আকুহা কাহিং লেইতাওয়াগা। আসা হাংসু কাহিং লেইতা আকুহা কাহিং নিংপুওয়া আপাহিংনে লেইতাওয়াগা। নাবিকো প্যাকোতা হাংসু আপেচিংপানি, আকুরাং তাংসারোমা টেবো জিংরোওয়া।”49য়হুন্নাহা জাংয়ে, “উটকেওয়া, কাবিহা ইচো দিংঙাহিংয়া নাকো মিংতা সিংঙো ঘিদিংওয়া তিংয়ো আসা কাবিহা আকুহিংয়া মিঘিকো তামসা জাংতেয়ে, হাংপাতানাহা আকুহা য়োংকো প্যাকোতা নিওয়া দিংঙা মোকোমি।”50ইশুহা আবিহিংয়া এপা জাংয়ে, “আকুহিং মোয়োই, নাবিহিং মোসোংপা মোজোওয়াবিহা নাবিকো কাটুতা নিও।”51লোডিংবাতা হোকো সময় জিংতেমকো সোতা ইশুহা য়রুশালেমতা হোকো কেংয়ে।52ইশুহা নাগাইসোরাং ইচো নিহসো দিংঙাবিহিং সামরিয়াকো ইচো লোইতা চাওয়া আংওয়া তৈয়ার জোয়েকো তামসা নিংপুয়ে।53আদো আকুহা য়রুশালেম হোদাংয়ে তাওয়া সিদা চ্যইমসা সামরিয়াকো দিংঙাবিহা আকুহিংয়া লেই মাতাতো।54ই তিংমসা য়াকুব আসা য়হুন্নাহা ইশুহিং জাংয়ে, “প্রভু, লোডিংবাসো মেহ হুইপামসা কাবিহা আবিহিং দাংপাকো তাওয়া নাতিহা ইচ্ছা জোমগা?”55আদো ইশুহা তাত্রিংপা হুরামসা আবিহিংয়া য়েংয়ে।56আকো নোইতা ইশুসো আকো য়োংতোংবিহা দোসরা লোইতা হোপুয়ে।57ইশু আসা আকো য়োংতোংবি হ্যাদাংনুওয়া ইচো দিংঙাহা ওয়াংমসা ইশুহিং জাংয়ে, “নাতি হাংতা হ্যাবা কারে নাকো নুনুই হ্যারো।”58ইশুহা আকুহিংয়া জাংয়ে, “কাং, মাংস্রিবিকো গুংওয়া হোরোংবা নিও, জিয়া-জিপেইবিকোরে বাসা নিও, আদো দিংঙাকো চেংওয়াকোহা সাওয়া জায়গারে মোতো।”59আসা ইচো দোসরা দিংঙাহিং ইশুহা জাংয়ে, “কুং নুনুই হুইপা।”
আদো আকুহা জাংয়ে, “উটকেওয়া, নাগাইহা হোমসা কুং আপাহিং লিকাকো পিচা।”60আকুহিংয়া ইশুহা জাংয়ে, “জুপাতা সিপুমবিহা আপনিকো জুপাহা আপনিরাং তোম্যইতা লিইকো। আদো নাতিহা সেংজাকো লোইকো নুওয়াংবি হিংপাতু।”61ন্যাসারাং ইচো দিংঙাহা ইশুহিং জাংয়ে, “উটকেওয়া, কা নাকো নুনুই হুইরো, আদো কাহিং নাগাইহা কুং সাকো দিংঙাবিহিংপা কা হ্যাপুরো তামসা দেরেং জাংয়াকো পিচা।”62ইশুহা আকুহিংয়া জাংয়ে, “নিয়াং ছ্যইনুওয়া চুতা খুই এমসা নোইতা ন্যইওয়া দিংঙাহা সেংজাকো রাজ্যতা কাম মোতো।”
আত্রংহা আবিহা জাংয়ে, “প্রভু, কাবিহিংপা হাং নিংগা? কাবিহিংপাহা ঙাচো কোব্রেংসো নিহপু নায়া মেংচে নিনা। কাবিহা এসে দিংঙাবিকো সোতা চাওয়া আংওয়াবি চোইয়াকো চুকোগা?”14আউতাহা পোজা দিংঙাবিদাং পাঁচ হাজার নিমি।
ইশুহা আপনিকো য়োংতোংবিহিং জাংয়ে, “দিংঙাবিহিং নিহকাইসো ত্যাচো নিহকাইসো ত্যাচো জোমসা গাপা।”15আবিহা ইশুকো জাংমবেপারাং গাপায়ে।16আকো নোইতা ইশুহা ঙাচো কোব্রেং আসা নিহপু নায়া চুংমসা লোডিংবাতা ন্যইমসা সেংজাকোতা আশিষ য়ায়ে। আসা আকু ছিমসা য়োংতোংবিহিং চোওকো তামসা পিচায়ে।17তাংসা দিংঙাবিহা গাইপা চায়ে। লাওয়া কোব্রেংসো নায়াবি য়োনুওয়া বার্চো ডেংগে মেইপুয়ে।18ইশু ইকোই ইচোদাং পাচাইদিংনুওয়া য়োংতোংবিহা আকো আবেইতা নিমি। আকুহা আবিহিংয়া উইয়ে, “দিংঙাবিহা কাহিংয়া কা হাংসুগা তামসা জাংমগা?”19আবিহা জাংয়ে, “লেরাহা বাপ্তিস্মা পিচাওয়া য়হুন্না, লেরাহা এলিয়া, আসা লেরাবিহা নাগাইকো অগমবক্তাবিতাহা ইচো ঙারোমকোগুং তামসা জাংসুচাংমি।”20ইশুহা আবিহিংয়া উইয়ে, “নাবিহা কাহিংয়া হাংসুগা তামসা জাংকোগা?”
পত্রসহা জাংয়ে, “নাতিহা সেংজাকো জেংওয়া জাইপু খ্রীষ্ট।”21আদো ইশুহা “ই নুওয়াংহা হাংসুহিংনে মাজাংকো” তামসা জাংয়ে।22আসা আকুহা আবিহিংয়া জাংয়ে, “দিংঙাকো চেংওয়াহা উইসে কোইচ্যানেরোওয়া, য়হুদি মাটা ওয়ারাংপাবি, মাটা পাউবি, আসা তাংজিকো উটকেওয়াবিহা আকুহিংয়া আচকাপা জোরোওয়া। আসা দিংঙাবিহা আকুহিংয়া স্যাপুরোওয়া, আদো আকুহা সাসুংয়ুকো নোইতাহা ন্যাসারাং ঙারোরোওয়া।”23ইশুহা তাংসাহিং জাংয়ে, “কাং, হাংসু কুং নুনুই হুইকো কেং, আকুহা আপনিকো ইচ্ছাহিং স্যানেরোওয়া, আসা সদাইবিরি আপনিকো ক্রুস হাত্রংদো পুমসা কুং নুনুই হুইনেরোওয়া।24হাংপাতানাহা হাংসু আপনিকো সাদিহিং য়োইমসা একো কেং, আকুহা আপনিকো সাদি য়াংপারোওয়া, আদো হাংসু আপনিকো সাদি কুং সোতা য়াংপা, আকুহা সাদি মুংচারোওয়া।25দিংঙাহা বাসিমতিতা নিওয়া তাংসা মুংচামসারে আপনিকো সাদিমি য়াংপাপুনাহা আকুহিংয়া হাং ত্যইংদা জিংকোগা?26হাংসু দিংঙা কুং মিং আসা কুং ঝিপাওয়াসো লেফে, কা দিংঙাকো চেংওয়ারে কুং মহিমাতা, সেংজা আপাকো, আসা পবিত্র লোডিংবাকো পোইংবিকো মহিমাতা লেনুওয়া আকুহিংয়া কুং তামসা জাংকোরে লেফেরোওয়া।27আদো কা আজিপ্পারাং নাবিহিংয়া জাংরোওয়া, সেংজাকো রাজ্যহিং মাতিংনু চোইপা ইতা নিমবিতাহা লেরাহা মিসিরোওয়া।”28ই নুওয়াং জাংওয়াকো সা-য়্যায়ুকো নোইতাহা পত্রস, য়হুন্না আসা য়াকুবহিং পুরামসা ইশুহা য়্যাগ্যইতা পাচাইয়াকো হোয়ে।29আকু পাচাইদিংনুওয়া আকো য়ুওয়াইহা দোসরা জিংপুয়ে, আসা আকো আংদুংবিরে তাত্রাইমি ত্যাবাপা চাইচাইপা জিংপুয়ে।30আসা একবিরি নিহসো দিংঙা আউতা ইশুহিংপা য়্যইসুদিংমি নিমি। আবিহা মোসাসো এলিয়া নিমি।31আবিরে লোডিংবাকো হাহাইওয়া বেপা চাইচাইপা নিমি আসা য়রুশালেমতা ইশুকো সিনেরোওয়া তাওয়া নুওয়াং য়্যইসুদিংমি।32পত্রস আসা আকো ব্যারোবিহা জিংজুওয়া নিমি। আদো আবি হেরোনুওয়া আবিহা ইশুহিংয়া আকো মহিমাতা আকুহিংপা জামসা দোসরা নিহসো দিংঙাহিং য়্যইসুদিংওয়া তিংয়ে।33আকু নিহসো দিংঙাবি ইশুহিংপা ওয়েংসুদাংনুওয়া পত্রসহা ইশুহিংয়া জাংয়ে, “উটকেওয়া, কাবিরে ইতা নিমসা এনতাপা জিংয়ে। য়াংবিহা ইতা সুংচো গ্যই লোপাকো তে, ই সাহা নাতিহিং, ই সাহা মোসাহিং, ই সাহা এলিয়াহিং!” আদো আকুহা আপনিকো য়্যইওয়াহা হাং য়্যইসুমে হাইরে সিদা মোচ্যইতো।34পত্রস য়্যইওয়া কোকোইত্তা আবিহিংয়া গুইংতুরেপুয়ে আসা য়োংতোংবিহা চুসুংপুয়ে।35আত্রংরাং গুইংতুওয়াসো ইচো নুওয়াং জাংওয়া হিংয়ে, “ইহা কুং জেজেংওয়া চেংওয়াগা, ইহিংয়া কা জেংমি নিও। নাবিহা ইকো নুওয়াং হিং।”36আকু য়্যইওয়া ত্যইনুওয়া য়োংতোংবিহা ইশুহিং মেংচে তিংয়ে। আবিহা আপনিকো তিংওয়া নুওয়াংবিহা আপনিকো তুংসিংতা এমসা হাংসুহিংনে মাল্যাতো।37আকো সাইয়ু নোইতা ইশুহা য়োংতোংবিহিংপা য়্যাগ্যইসো লেপানুওয়া উইসে দিংঙাবিহা আকুহিং দোসপাকো ওয়াংয়ে।38আবিকো প্যাকোসোহা ইচো দিংঙাহা চিলিংমসা জাংয়ে, “উটকেওয়া কুং চেংওয়াহিং কাংপি, হাংপাতানা ইহা কুং ইচোচিংওয়া চেংওয়াগা।39ইচো সিংঙোহা ইহিংয়া প্যইচাংমি, আত্রংহা ইহা একবিরি চিলিংচাংমি আসা কেটোউপা নামুসো তোতি নোপাচাংমি। হাত্রং চোইপা জুপাতা মান্যাইচা, আত্রং চোইপা সিংঙোহা ইহিংয়া মাল্যামি।40কা নাকো য়োংতোংবিহিং ‘ই সিংঙোহিং নোপাপি’ তামসা জাংচায়ে, আদো আবিহা মাচুতো।”41ইশুহা জাংয়ে, “ও দেংকো মোচুওয়া দিংঙাবাই, আসা তুংসিং মেংতাওয়াবাই, হাত্রং চোইপা কা নাবিহিংপা য়ুংকোগা? নাকো চেংওয়াহিং ইতা পারা।”42আকু চেংওয়া ওয়াংপাওয়া কোকোইত্তা সিংঙোহা আকুহিংয়া ইপামসা কেটোউপা জোপুয়ে, আদো ইশুহা সিংঙোহিংয়া য়েংয়ে, আসা পোজাহিং সাংপামসা আপাকোতা স্যইপুয়ে।43সেংজাকো টেবো সে তিংমসা তাংসা দিংঙাবিহা আআংপেপেচপুয়ে। ইশুহা আপনিকো সিরকো নুওয়াং ন্যাসারাং ল্যাওয়া (মথি ১৭:২২-২৩; মর্কুস ৯:৩০-৩২)
দিংঙাবিহা আকো জোওয়া কাম তিংমসা আআংপেপেচপুওয়াকো সোতা ইশুহা আপনিকো য়োংতোংবিহিং জাংয়ে,44“কাহা হাং জাংদাংমে আকু নুওয়াং নাবিহা মালারিং, হাংপাতানাহা দিংঙাকো চেংওয়াহিংয়া প্যইমসা দিংঙাবিকো খুইতা স্যইপুরোওয়া।”45আদো য়োংতোংবিহা ই নুওয়াং মোকোইতো, হাংপাতানাহা ই নুওয়াং কোইকো চুওয়া দুংজি মোমুংওয়াকো সোতা ইশুহা হাং জাংমে তামসা আবিহা কোইমক্যইতো। আদো আবিহা ইকো বিষয়তা উইকো চুসুংয়ে।46আত্রংহা য়োংতোংবিকো প্যাকোতা হাংসু টেবোমে তাওয়া নুওয়াং জিংসুয়ে।47আদো ইশুহা আবিকো নোওয়া কোইমসা ইচো আপেহিং আপনিকো আবেইতা মোউমসা জাপায়ে।48আসা আবিহিং জাংয়ে, “হাংসু কুং মিংতা আপেহিং লেইতা, আকুহা কাহিং লেইতাওয়াগা। আসা হাংসু কাহিং লেইতা আকুহা কাহিং নিংপুওয়া আপাহিংনে লেইতাওয়াগা। নাবিকো প্যাকোতা হাংসু আপেচিংপানি, আকুরাং তাংসারোমা টেবো জিংরোওয়া।”49য়হুন্নাহা জাংয়ে, “উটকেওয়া, কাবিহা ইচো দিংঙাহিংয়া নাকো মিংতা সিংঙো ঘিদিংওয়া তিংয়ো আসা কাবিহা আকুহিংয়া মিঘিকো তামসা জাংতেয়ে, হাংপাতানাহা আকুহা য়োংকো প্যাকোতা নিওয়া দিংঙা মোকোমি।”50ইশুহা আবিহিংয়া এপা জাংয়ে, “আকুহিং মোয়োই, নাবিহিং মোসোংপা মোজোওয়াবিহা নাবিকো কাটুতা নিও।”51লোডিংবাতা হোকো সময় জিংতেমকো সোতা ইশুহা য়রুশালেমতা হোকো কেংয়ে।52ইশুহা নাগাইসোরাং ইচো নিহসো দিংঙাবিহিং সামরিয়াকো ইচো লোইতা চাওয়া আংওয়া তৈয়ার জোয়েকো তামসা নিংপুয়ে।53আদো আকুহা য়রুশালেম হোদাংয়ে তাওয়া সিদা চ্যইমসা সামরিয়াকো দিংঙাবিহা আকুহিংয়া লেই মাতাতো।54ই তিংমসা য়াকুব আসা য়হুন্নাহা ইশুহিং জাংয়ে, “প্রভু, লোডিংবাসো মেহ হুইপামসা কাবিহা আবিহিং দাংপাকো তাওয়া নাতিহা ইচ্ছা জোমগা?”55আদো ইশুহা তাত্রিংপা হুরামসা আবিহিংয়া য়েংয়ে।56আকো নোইতা ইশুসো আকো য়োংতোংবিহা দোসরা লোইতা হোপুয়ে।57ইশু আসা আকো য়োংতোংবি হ্যাদাংনুওয়া ইচো দিংঙাহা ওয়াংমসা ইশুহিং জাংয়ে, “নাতি হাংতা হ্যাবা কারে নাকো নুনুই হ্যারো।”58ইশুহা আকুহিংয়া জাংয়ে, “কাং, মাংস্রিবিকো গুংওয়া হোরোংবা নিও, জিয়া-জিপেইবিকোরে বাসা নিও, আদো দিংঙাকো চেংওয়াকোহা সাওয়া জায়গারে মোতো।”59আসা ইচো দোসরা দিংঙাহিং ইশুহা জাংয়ে, “কুং নুনুই হুইপা।”
আদো আকুহা জাংয়ে, “উটকেওয়া, নাগাইহা হোমসা কুং আপাহিং লিকাকো পিচা।”60আকুহিংয়া ইশুহা জাংয়ে, “জুপাতা সিপুমবিহা আপনিকো জুপাহা আপনিরাং তোম্যইতা লিইকো। আদো নাতিহা সেংজাকো লোইকো নুওয়াংবি হিংপাতু।”61ন্যাসারাং ইচো দিংঙাহা ইশুহিং জাংয়ে, “উটকেওয়া, কা নাকো নুনুই হুইরো, আদো কাহিং নাগাইহা কুং সাকো দিংঙাবিহিংপা কা হ্যাপুরো তামসা দেরেং জাংয়াকো পিচা।”62ইশুহা আকুহিংয়া জাংয়ে, “নিয়াং ছ্যইনুওয়া চুতা খুই এমসা নোইতা ন্যইওয়া দিংঙাহা সেংজাকো রাজ্যতা কাম মোতো।”
The Seed Company