ন্যায়কর্তা6
1ন্যাসারাং ইস্রাইলকো দিংঙাবিহা প্রভুসেংজাকো বিরুদ্ধতা পাপ জোয়ে আসা আকুহা লো নীনিং আবিহিংয়া মিদ্দানকো অধীনতা স্যইপুয়ে।2মিদ্দানীবিহা ইস্রাইলিবিরোমা সিওপা সে নিওয়া নিমি আসা ইস্রাইলিবিহা য়্যাগ্যইকো হোরোংবা আসা দোসরা এনতাওয়া জায়গাবিতা আবিকোসো গুংমসা য়ুংসুচাংমগা।3হাত্রংদো ইস্রাইলিবিকো অন্ন তিংদাংনুকো সময়তাহা অমালেকীবি, মিদ্দানীবি আসা নুব্যাকো দোসরা জ্যাবিহা ওয়াংচাংমগা আসা আবিকো তোইতা আক্রমন জোচাংমগা।4আবিহা আকু জায়গাতা তাম্বু বানাইমসা য়ুংচাংমগা আসা ম্যাব্যাচেকো গাজা চোইপা অন্নবিহিংয়া দাংপাপুচাংমগা। আবিকো তাংসা লুকা, এতা, সেংচেং-পাচেং আসা গধাবি পুরাচাচাংমগা। ইস্রাইলিবিহিংয়া জীবিকাকো সোতাহা হাইরে মেয়েতেপিচাংমগা।5আবিহা আপনিকো পিকা, এতাবি আসা তাম্বুবি পামসা দিংজ্রাকো পারা ত্যাবাপা লেচাংমগা। আবি আসা আবিকো ত্যাইরমাবিহা চেংমক্যইপা নিচাংমগা। আবিহা লেমসা দেশহিংয়া দাংপাপুচাংমগা।6এপা জোমসারাং মিদ্দানীবিহা ইস্রাইলিবিহিংয়া হাইরে মাতাক্যইপা জোপুচাংমগা, আসা সহায়তাকো সোতা আবিহা প্রভুসেংজাহিং মোউচায়ে।7আসা ইস্রাইলিবিহা মিদ্দানীবিকো বিরুদ্ধতা সহায়তাকো সোতা প্রভুসেংজাহিং মোউয়ে।8সেংজাহা আবিকো প্যাকোতা ইচো আগমবক্তাহিং নিংপুয়ে, হাংসু ইস্রাইলকো পরমপ্রভু সেংজাকোসো এপা জিংওয়া দেরেং পামমে, “মিশ্রবিকো ডেইয়া জোদিংনুওয়া কা নাবিহিংয়া নোপামসা পারায়ে।9মিশ্রীবি আসা ই দেশতা নাবিহিংপা লুইসুওয়াবিহিংপা কাহা নাবিহিংয়া বাচাইমি নিও। নাবি নাগাই গ্যইপুমসা হোনুওয়া কা নাবিহিংয়া ই দেশসো বাইরে নিংপুয়ে আসা আবিকো দেশ নাবিহিং পিচায়ে।10কাহা নাবিহিংয়া জাংয়ে, কি কাহা নাবিকো প্রভুসেংজা সেংজাগা আসা নাবিহা এমোরিবি, হাংসুকো দেশতা নাবি য়ুংদিংমমে, আবিকো চোইসুংবিহিং মামানেকো। আদো নাবিহা কুং জাংওয়া নুওয়াং মাহিংতো।”11আত্রংহা অৗপ্রাকো লোইতা লেমসা ইচো ফলাটকো সিংতেংকো লিতা প্রভুসেংজাকো পোইং গায়ে। আকু ফলাটকো সিংতেংহা অবীজেরীকো জিরিকো য়োওয়াস মিং নিওয়া দিংঙাকো নিমি। মিদ্দানীবিহা সিদা মোচ্যইকো তামসা আংগুর ছুইওয়া জাকাতা আকো চেংওয়া গিদোনহা গেহুং হুইদিংওয়া নিমি।12প্রভুসেংজাকো পোইংহা আউতা লেমসা আকুহিংয়া জাংয়ে, “ও সাহসী আসা বীর পোজা! প্রভুসেংজাহা নাতিহিংপা নিও।”13গিদোনহা জাংয়ে, “উটকেওয়া, য়দি প্রভুসেংজাহা কাবিহিংপা নিদানাহা ই তাংসা হাংপাসা কাবিকো তোইতা এপা জিংপুংগাসা? ইহা কা উইকো ছুকোগা? আকু তাংসা আআংপেপেচপুক্যইওয়া নুওয়াংবি, হানি প্রভুসেংজাহা জোমমে তামসা য়োংকো আটা আজাবি জাংচাংমে- হেপা আকুহা য়াংবিহিংয়া মিশ্রসো নোপামসা পারামি নিমমে: আকু তাংসা হাং জিংপুংগাসা? প্রভুসেংজাহা য়াংবিহিংয়া পেইপুনতেমি নিও আসা য়াংবিহিংয়া মিদ্দানীবিকো খুইতা স্যইপুমি নিও।”14আত্রংহা প্রভুসেংজাহা আকুহিংয়া আজ্ঞা জোয়ে, “আপনিকো পুরা সেসো হোমসা মিদ্দানীবিকোসো ইস্রাইলিবিহিং বাচাইওয়া কাম জো। কা আপনিরাং নাতিহিংয়া ই কামতা নিংপুদাংমি নিও।”15গিদোনহা জাংয়ে, “প্রভুসেংজা, আদো হেপা কা ইস্রাইলিবিহিং বাচাইকো ছুকোগা? মনশ্শেকো জিরিতা হাংসুরোমা কমজোরহা কুং চিমা নিও আসা কাবিকো প্যাপ্যাম্যাম্যাতাহা কাহা হাংসুরোমা চিয়োপা নিও।”16প্রভুসেংজাহা জাংয়ে, “কা নাতিহিংপা নিরোওয়া আসা নাতিহা ই কামহা জোকো ছুরোওয়া। ইচো দিংঙাহিং ত্যাবাপা নাতিহা তাংসা মিদ্দানীবিহিংয়া জাংতোংপা দাংপাকো ছুরোওয়া।”17গিদোনহা জাংয়ে, “য়দি নাতিমি কাহিংপা গাগ্রুপা নিনাহা নাতিহা আজিপ্পারাং প্রভুসেংজারাংগা তাওয়া কাহিং হাইক্রি প্রমাণ পিচা।18নাতিহিং হাইক্রি চাওয়া-আংওয়াবি লামসা কা লেরোওয়া, আত্রং চোইপা নাতিহা ইসোহা ম্যাহ্যায়ে।”
আকুহা জাংয়ে, “নাতি মেলেনু চোইপা কা খুইয়েরোওয়া।”19আত্রং গিদোনহা সাতা হোমসা ইপু এচেংকো বিয়া আসা দশ কিলো পিঠোকো সোরা মালুওয়া কোব্রেং বানাইয়ে। আকো নোইতাহা বিয়াহা বোদ্যইংতা এহে আসা চোপোইতা সাইতি এয়ে। আকু তাংসা চাওয়া আংওয়াবিহা আকুহা ফলাটকো সিংতেংকো লিতা পামসা লেয়ে আসা প্রভুসেংজাকো পোইংকো নাগাইতা লেংপারেয়ে।20আকু পোইংহা জাংয়ে, “সোঁরা মালাসিওয়া কোব্রেং আসা বিয়া ইতা প্যাটারুংকো তোইতা এহ আসা সাইতি আকো তোইতা লুপুই।” গিদোনহা এপারাং জোয়ে।21আত্রংহা পোইংহা খুই লামসা খুইতা নিওয়া দ্যইকো পোরো কাটুসো সোঁরা মালাসিওয়া কোব্রেং আসা বিয়াহিং সুয়ে। প্যাটারুংসো মেহকো মিজাই নোমসা কোব্রেংসো বিয়াহিংয়া অংপাপুয়ে। আত্রংহা আকু পোইংহা আউতারাং য়াংপুয়ে।22কুং তিংওয়াহা প্রভুসেংজাকো পোইংরাংগুং তাওয়া সিদা চ্যইমসা গিদোনহা চুসুংপুমসা জাংয়ে, “হাংসুরোমা সে নিওয়া প্রভুসেংজা, কাহা নাকো পোইংহিংরাং দোংনাংতা তিংমকোগুং।”23আদো প্রভুসেংজাহা জাংয়ে, “মাছুংগে! নাতিহা মাসিরোওয়া, তিমেপা য়ুং।”24সেংজাকো সোতা গিদোনহা আউতা ইচো বেদী বানাইয়ে আসা আকো মিংহা “প্রভুসেংজাহা তিমেওয়াগা” তামসা এহে। (আকু বেদী হিনি চোইপা অবীএজের জিরিকো অৗপ্রা লোইতা নিকোরে নিদিংয়ো।)25আত্রংকো লিশুংহা প্রভুসেংজাহা গিদোনহিংয়া জাংয়ে, “নাকো আপাকো সাঁর পিকা আসা দোসরা লো নীনিংকো সাঁর পিকারে পারা। নাকো আপাকো বাল চোইসুংহিং বানাইওয়া বেদি হ্যাপাপুই আসা আকো আবেইতা নিওয়া অসেরা-দেবীকো মুর্তিহিং ইপাপুই।26আকু য়্যাগ্যইকো তোইতা নাকো পরমপ্রভু নাকো সেংজাকো সোতা ইচো বেদী এনতাপা বানাই। আকো নোইতাহা আশোরা-দেবীকো মুর্তিকো সেঙেসো মেহ লারাইপামসা দোসরা সাঁর পিকাবিহিং হোমবলি চড়াই।”27আত্রং গিদোনহা ত্যাচো ডেইয়াবিহিং পুরামসা পরমপ্রভুকো জাংওয়া সেইরাং জোয়ে। জেইসুংহা আপনিকো প্যাপ্যাম্যাম্যা আসা শহরকো দিংঙাবিকো নাগাই এপা জোকো আকুহা চুসুংয়ে আসা আকু কামহা আকুহা লিশুংতারাং জোয়ে।28জুকুংকো হাপকোং শহরকো দিংঙাবিহা লোয়ে। আবিহা বাল চোইসুংকো বেদী আসা অশেরা দেবীকো মুর্তি ঠেমসা ইপাপুওয়া আসা আউতা বনেওয়া বেদীকো দোসরা সাঁর পিকা হোমবলি জিংপুওয়া তিংয়ে।29আবিহা তাইবিলারাই উইসুয়ে, “ইহা হাংসু জোমমে?” আবিহা সিদা চ্যইয়ে আসা আকু কামহা য়োআসকো চেংওয়া গিদোনরাং জোমগুং তামসা সিদা চ্যইয়ে।30আত্রংহা আবিহা য়োআশহিং জাংয়ে, “নাকো চেংওয়াহিং ইতা বাইরে পারা। য়াংবিহা আকুহিং স্যাপুসি। আকুহা বাল চোইসুংকো বেদী য়্যামসা, আবেইকো অশেরাকো দেবীকো মুর্তি ইপাপুমকোগুং।”31আদো আপনিকো আবেইতা ওয়াংওয়া তাংসাহিং য়োআশহা জাংয়ে, “নাবিহা বাল চোইসুংকো কাটুসো য়্যইদিংগা? নাবিহা আকুহিংয়া বাচাইকো কেংদিংগা? আকো কাটুতা য়্যইওয়াবিহা হিনি হাপকোং চোইপাহা সিনেরোওয়া। য়দি বালমি চোইসুংরাং বেনাহা আপনিকো রক্ছাহা আকু আপনিরাং জোচাকো। ই হ্যাপামসা বাডোইওয়া বেদীহা আকোরাংগা।”32আকু দিনসোহা গিদোনকো মিংহা য়রুব-বাল জিংপুয়ে, হাংপাতানাহা য়োআসহা জাংওয়া নিমগা, “বালহা আপনিকো রক্ছাহা আপনিরাং জোচপুকো, হ্যাপামসা বাদোইপুওয়া বেদীহা আকোরাংগা।”33আকো নোইতা তাংসা মিদ্দানী, অমালিকি আসা নুব্যাকো জ্যাবি জমা জিংসুমসা য়র্দন জোরা পেংসুয়ে আসা য়িজরেলকো ওয়াংবোইতা তাম্বু বানাইমসা য়ুংসুয়ে।34প্রভুসেংজাকো লাংবেহা গিদোনকো তোইতা লেয়ে। পেপনে মুইমসা অবীএজেরি জিরিকো দিংঙাবিহিংয়া আপনিকো নুনুই লেকো তামসা গিদোনহা মোউয়ে।35মনশ্শে জায়গাকো নিহদ্যা ভাগকো দিংঙবিহিং দিংঙাবি নিংপুমসা আবিহিংনে আবিকো নুনুই লেকো তামসা দেরেং কাইপুয়ে। আকুহা আবিহিংনে আশের, জবুলুন আসা নপ্তালি জিরিকো দিংঙাবিহিংপা লেকো তামসা দেরেং কাইপুয়ে। আবিরে লেমসা আকুহিংপা জমা জিংয়ে।36আত্রংহা গিদোনহা সেংজাহিংয়া জাংয়ে, “নাতিহা জাংমি নিও কি নাতিহা ইস্রাইলিবিহিংয়া কুংসো বাচাইরোওয়া।37নেহা গেহুং পোওয়া জায়গাতা কাহা আইসি লুকাকো মুসাবি লিতা এতেরোওয়া। জুকুং হাপকোংহা মুসাকো তোইতাবেমি চুতিই হুইমি নিনাহা আসা মোংটোমি পোল্যহইপা নিনাহা কা গেরোওয়া কি নাতিহা ইস্রাইলিবিহিং বাচাইকো সোতা কাহিং কামতা লাগাইরোওয়া।”38আসা ওইপারাং জিংপুয়ে। জুকুং হাপকোং লোমসা গিদোনহা লুকাকো মুসাহিং মেরোইয়ে আসা চোপোই ইপোই কাচি চুতিইহা নোয়ে।39আত্রং গিদোনহা সেংজাহিং জাংয়ে, “কাহিংপা মেসেদ্রাংপাপি, ন্যাসারাং কা ইকোই য়্যইচা মুংকো। ন্যাসারাং কাহিং ইকোই পরিক্ছা লাংকো পিচা। নেকো সময়তাহা মুসাহা প্যহল্যহপা নিকো আসা চুতিইহা মোংটোতা হুইওয়া নিকো।”40আকু লিশুংহা সেংজাহা ওইপারাং জোয়ে। জুকুং হাপকোংহা লুকাকো মুসাহা প্যহল্যহপা নিমি, আদো হুরাপা নিওয়া মোংটোহা চুতিইসো জাপুওয়া নিমি।
আকুহা জাংয়ে, “নাতি মেলেনু চোইপা কা খুইয়েরোওয়া।”19আত্রং গিদোনহা সাতা হোমসা ইপু এচেংকো বিয়া আসা দশ কিলো পিঠোকো সোরা মালুওয়া কোব্রেং বানাইয়ে। আকো নোইতাহা বিয়াহা বোদ্যইংতা এহে আসা চোপোইতা সাইতি এয়ে। আকু তাংসা চাওয়া আংওয়াবিহা আকুহা ফলাটকো সিংতেংকো লিতা পামসা লেয়ে আসা প্রভুসেংজাকো পোইংকো নাগাইতা লেংপারেয়ে।20আকু পোইংহা জাংয়ে, “সোঁরা মালাসিওয়া কোব্রেং আসা বিয়া ইতা প্যাটারুংকো তোইতা এহ আসা সাইতি আকো তোইতা লুপুই।” গিদোনহা এপারাং জোয়ে।21আত্রংহা পোইংহা খুই লামসা খুইতা নিওয়া দ্যইকো পোরো কাটুসো সোঁরা মালাসিওয়া কোব্রেং আসা বিয়াহিং সুয়ে। প্যাটারুংসো মেহকো মিজাই নোমসা কোব্রেংসো বিয়াহিংয়া অংপাপুয়ে। আত্রংহা আকু পোইংহা আউতারাং য়াংপুয়ে।22কুং তিংওয়াহা প্রভুসেংজাকো পোইংরাংগুং তাওয়া সিদা চ্যইমসা গিদোনহা চুসুংপুমসা জাংয়ে, “হাংসুরোমা সে নিওয়া প্রভুসেংজা, কাহা নাকো পোইংহিংরাং দোংনাংতা তিংমকোগুং।”23আদো প্রভুসেংজাহা জাংয়ে, “মাছুংগে! নাতিহা মাসিরোওয়া, তিমেপা য়ুং।”24সেংজাকো সোতা গিদোনহা আউতা ইচো বেদী বানাইয়ে আসা আকো মিংহা “প্রভুসেংজাহা তিমেওয়াগা” তামসা এহে। (আকু বেদী হিনি চোইপা অবীএজের জিরিকো অৗপ্রা লোইতা নিকোরে নিদিংয়ো।)25আত্রংকো লিশুংহা প্রভুসেংজাহা গিদোনহিংয়া জাংয়ে, “নাকো আপাকো সাঁর পিকা আসা দোসরা লো নীনিংকো সাঁর পিকারে পারা। নাকো আপাকো বাল চোইসুংহিং বানাইওয়া বেদি হ্যাপাপুই আসা আকো আবেইতা নিওয়া অসেরা-দেবীকো মুর্তিহিং ইপাপুই।26আকু য়্যাগ্যইকো তোইতা নাকো পরমপ্রভু নাকো সেংজাকো সোতা ইচো বেদী এনতাপা বানাই। আকো নোইতাহা আশোরা-দেবীকো মুর্তিকো সেঙেসো মেহ লারাইপামসা দোসরা সাঁর পিকাবিহিং হোমবলি চড়াই।”27আত্রং গিদোনহা ত্যাচো ডেইয়াবিহিং পুরামসা পরমপ্রভুকো জাংওয়া সেইরাং জোয়ে। জেইসুংহা আপনিকো প্যাপ্যাম্যাম্যা আসা শহরকো দিংঙাবিকো নাগাই এপা জোকো আকুহা চুসুংয়ে আসা আকু কামহা আকুহা লিশুংতারাং জোয়ে।28জুকুংকো হাপকোং শহরকো দিংঙাবিহা লোয়ে। আবিহা বাল চোইসুংকো বেদী আসা অশেরা দেবীকো মুর্তি ঠেমসা ইপাপুওয়া আসা আউতা বনেওয়া বেদীকো দোসরা সাঁর পিকা হোমবলি জিংপুওয়া তিংয়ে।29আবিহা তাইবিলারাই উইসুয়ে, “ইহা হাংসু জোমমে?” আবিহা সিদা চ্যইয়ে আসা আকু কামহা য়োআসকো চেংওয়া গিদোনরাং জোমগুং তামসা সিদা চ্যইয়ে।30আত্রংহা আবিহা য়োআশহিং জাংয়ে, “নাকো চেংওয়াহিং ইতা বাইরে পারা। য়াংবিহা আকুহিং স্যাপুসি। আকুহা বাল চোইসুংকো বেদী য়্যামসা, আবেইকো অশেরাকো দেবীকো মুর্তি ইপাপুমকোগুং।”31আদো আপনিকো আবেইতা ওয়াংওয়া তাংসাহিং য়োআশহা জাংয়ে, “নাবিহা বাল চোইসুংকো কাটুসো য়্যইদিংগা? নাবিহা আকুহিংয়া বাচাইকো কেংদিংগা? আকো কাটুতা য়্যইওয়াবিহা হিনি হাপকোং চোইপাহা সিনেরোওয়া। য়দি বালমি চোইসুংরাং বেনাহা আপনিকো রক্ছাহা আকু আপনিরাং জোচাকো। ই হ্যাপামসা বাডোইওয়া বেদীহা আকোরাংগা।”32আকু দিনসোহা গিদোনকো মিংহা য়রুব-বাল জিংপুয়ে, হাংপাতানাহা য়োআসহা জাংওয়া নিমগা, “বালহা আপনিকো রক্ছাহা আপনিরাং জোচপুকো, হ্যাপামসা বাদোইপুওয়া বেদীহা আকোরাংগা।”33আকো নোইতা তাংসা মিদ্দানী, অমালিকি আসা নুব্যাকো জ্যাবি জমা জিংসুমসা য়র্দন জোরা পেংসুয়ে আসা য়িজরেলকো ওয়াংবোইতা তাম্বু বানাইমসা য়ুংসুয়ে।34প্রভুসেংজাকো লাংবেহা গিদোনকো তোইতা লেয়ে। পেপনে মুইমসা অবীএজেরি জিরিকো দিংঙাবিহিংয়া আপনিকো নুনুই লেকো তামসা গিদোনহা মোউয়ে।35মনশ্শে জায়গাকো নিহদ্যা ভাগকো দিংঙবিহিং দিংঙাবি নিংপুমসা আবিহিংনে আবিকো নুনুই লেকো তামসা দেরেং কাইপুয়ে। আকুহা আবিহিংনে আশের, জবুলুন আসা নপ্তালি জিরিকো দিংঙাবিহিংপা লেকো তামসা দেরেং কাইপুয়ে। আবিরে লেমসা আকুহিংপা জমা জিংয়ে।36আত্রংহা গিদোনহা সেংজাহিংয়া জাংয়ে, “নাতিহা জাংমি নিও কি নাতিহা ইস্রাইলিবিহিংয়া কুংসো বাচাইরোওয়া।37নেহা গেহুং পোওয়া জায়গাতা কাহা আইসি লুকাকো মুসাবি লিতা এতেরোওয়া। জুকুং হাপকোংহা মুসাকো তোইতাবেমি চুতিই হুইমি নিনাহা আসা মোংটোমি পোল্যহইপা নিনাহা কা গেরোওয়া কি নাতিহা ইস্রাইলিবিহিং বাচাইকো সোতা কাহিং কামতা লাগাইরোওয়া।”38আসা ওইপারাং জিংপুয়ে। জুকুং হাপকোং লোমসা গিদোনহা লুকাকো মুসাহিং মেরোইয়ে আসা চোপোই ইপোই কাচি চুতিইহা নোয়ে।39আত্রং গিদোনহা সেংজাহিং জাংয়ে, “কাহিংপা মেসেদ্রাংপাপি, ন্যাসারাং কা ইকোই য়্যইচা মুংকো। ন্যাসারাং কাহিং ইকোই পরিক্ছা লাংকো পিচা। নেকো সময়তাহা মুসাহা প্যহল্যহপা নিকো আসা চুতিইহা মোংটোতা হুইওয়া নিকো।”40আকু লিশুংহা সেংজাহা ওইপারাং জোয়ে। জুকুং হাপকোংহা লুকাকো মুসাহা প্যহল্যহপা নিমি, আদো হুরাপা নিওয়া মোংটোহা চুতিইসো জাপুওয়া নিমি।
The Seed Company