ন্যায়কর্তা13
1ইস্রাইলিবিহা ন্যাসা প্রভুসেংজাকো বিরুদ্ধতা পাপ জোয়ে আসা আবিহিংয়া লো নীকাই চোইপা সেংজাহা পলিশ্তিবিকো অধিনতা স্যইপুয়ে।2আত্রংহা সোরা জায়গাসো লেওয়া মোনোহ মিং নিওয়া ইচো দিংঙা নিমি। আকুহা দান জিরিকো নিমি। আকো মেহা বেংদি নিওয়াকো সোতা ইচোরে চেংওয়া চেমে মাতামি।3প্রভুসেংজাকো পোইংহা আকু মেমেকোতা তিংরেমসা জাংয়ে, “নাতিহা চেং চেংপাকো মাছুয়াংতো, আদো নেহা নাতিহা সেন্নেপারাং চেং বুংরোওয়া আসা ইচো চেংওয়া চেংপারোওয়া।4হোশিয়ার জিং, য়ু-পুটকুই মাআং আসা হাইক্রি সিওপা গাইওয়া জিনিসিবি মাআং, আসা অশুদ্ধ হাই জিনিসিবিরে নাতিহা মাচা।5নাকো চেংওয়া কেনতেনুকো নোইতা নাতিহা আকো পুরিং হাত্রংরে ম্যাচ্যা, হাংপাতানাহা কেনুকো দিনসোরাং আকু চেংওয়াহা সেংজাকো সোতা অলগ জোওয়া ইচো ‘নাজিরী’ জিংরোওয়া। আকুহা ইস্রাইলিবিহিংয়া পলিশ্তিবিকো খুইসো ওয়েংপাওয়া কাম শুরু জোরোওয়া।”6আকু মেমেহা হোমসা আপনিকো ওয়াহিং জাংয়ায়ে, “সেংজাকো ইচো দিংঙা কুংতা লেহে। সেংজাকো পোইং ত্যাবাপা আকুহা চুসুং-মাইসুংক্যইপা তিংক্যইমি। আকুহা হানিসো লেমমে, কাহা মাউইতো। আকুরে আপনিকো মিং কাহিং মাজাংতো।7আদো আকুহা জাংয়ে, কি কাহা ‘চেং বুংরোওয়া আসা ইচো চেংওয়া চেংপারোওয়া আসা কাহা য়ু, আসা লেরা হাইক্রি গাইওয়া জিনিসিবি আংমতুরোওয়া আসা মাচা তামসা জাংওয়া হাইরে চামতুরোওয়া, হাংপাতানাহা চেংওয়াহিংয়া সেংজাকো সোতা ওয়েংপামসা লারাংসা একো নিও আসা আপনিকো জীবনতা আকুহা সেংজাকো ‘নাজিরি’ জিংমসা য়ুংরোওয়া।”8আত্রংহা মোনোহহা প্রভুসেংজাহিংয়া পাচাইয়ে, “ও প্রভুসেংজা, কৃপা জোমসা নাতিহা কাবিকোতা নিংপুওয়া সেংজাকো দিংঙাহা ন্যাসারাং কাবিকোতা নিংপি আসা চেংওয়া কেনতেনুওয়া কাবিহা আকুহিংপা হাং হেপা জোনেকোমে, আকুহা কাবিহিং জাংপিকো।9সেংজাহা মোনোহকো জাংওয়া হিংয়ে আসা আকু মেমেহা লুংনিংতা গোইদিংনুওয়া সেংজাকো পোইংহা আকোতা লেয়ে। আকো ওয়া মোনোহহা আউতা মোতোমি।10আকুহা থুইপুমসা আপনিকো ওয়াহিং জাংয়ায়ে, “কাং, কুংতা সাইয়ু নিহয়ু নাগাই লেওয়া দিংঙাহা ন্যাসারাং কুংতা তিংরেনা।”11মোনোহহা লোপুমসা আপনিকো মেকো নুনুই হোপুয়ে। আকু দিংঙাকোতা হোমসা আকুহা জাংয়ে, “কুং মেহিংপা য়্যইসুওয়া দিংঙাহা নাতিরাংগা?” আকুহা জাংয়ে, “ওই,”।12আত্রংহা মোনোহহা জাংয়ে, “এপা বেনাহা নেহা জাং, নাকো য়্যইদি পুরা জিংপুনতেনুওয়া চেংওয়াহা হাং জোনেকোগা? আসা পোজাহা হেপা জিংওয়া সাদি পেংপানেকোগা?”13প্রভুসেংজাকো পোইংহা জাংয়ে, “কুং জাংওয়া তাংসা নুওয়াং নাকো মেহা পালন জোনেরোওয়া।14আগুরকো ফলসো নোওয়া হাইরে আকুহা চামতুরোওয়া। য়ু আসা হাইরে গাইওয়া জিনিসিবি আংমতুরোওয়া। মাচাকো তামসা জাংওয়া চাওয়া-আংওয়াবি চামতুরোওয়া। কুং জাংওয়া তাংসা নুওয়াং আকুহা মানেনেরোওয়া।”15আকু দিংঙাহা প্রভুসেংজাকো পোইংগা তামসা মোনোহহা নাইমক্যইতো আসা জাংয়ে, “কৃপা জোমসা হাংতারে মাহ্যাপি। কাবিহা ইপু এচেং স্যামসা নাকো সোতা চাওয়া-আংওয়া তৈয়ার জোরোওয়া।”
সেংজাকো পোইংহা জাংয়ে, “কা ইতা খুইদো নাকো তৈয়ার জোওয়া হাইরে মাচারোওয়া। আদো নাতিমি আজিপ্পারাং চাওয়া-আংওয়াবি তৈয়ার জোনাহা আকু এচেংহিংয়া প্রভুসেংজাকো নাগাইতা হোমবলি চড়াই।”17মোনোহহা জাংয়ে, “নাকো মিং কাবিহিং জাংপি। নাকো জাংওয়া য়্যইদি পুরা জিংনুওয়া কাবিহা নাতিহিংয়া আদর জোরোওয়া।”18পোইংহা উইয়ে, “হাংপাসা কুং মিং ঘ্যইকোগা? ই মিংহা নোচেংরোমা বাইরে নিও।”19আত্রংহা মোনোহহা ইপু এচেং আসা এনতাওয়া অন্নবলি পুমসা আকু প্যাতারুংকো ভেদিকো তোইতা আআংপেপেপুক্যইপা কাম জোকো ছুওয়া প্রভুসেংজাহিং বলি চড়াইয়ে।20হাত্রং আকু বেদীসো লোদিংবা কাটুতা ইচো মেহ লো, আত্রংহা মেহহিংপা প্রভুসেংজাকো পোইংহা লোদিংবাতা হোপুয়ে। ই তিংমসা মোনোহ আসা আকো মেহা মোংটোতা ইপুয়ে।21আকো নোইতাহা প্রভুসেংজাকো আকু পোইংহা মোনোহ আসা আকো মেকোতা ন্যাসা মিতিংরেতো, আসা মোনোহহা আকুহা প্রভুসেংকো ইচো পোইং গুং তামসা সিদা চ্যইয়ে।22মোনোহহা আপনিকো মেহিংয়া জাংয়ে, “য়াংবিহা সিপুকোদোওয়া, হাংপাতানাহা য়াংবিহা সেংজাহিংনাং তিংমি নিও।”23আদো আকো মেহা জাংয়ে, “য়দি প্রভুসেংজাবেমি য়াংবিহিং স্যাকো কেংদানাহা আকুহা য়োংকো হোমবলি আসা অন্নবলিহা গ্রহন মোজোকোগা। আসা আকু তাংসা নুওয়াংবিহা য়াংবিহিং মাতিংপাকোগা আসা হিংপাকোরে মাহিংপাকোগা।”24আকু মেমেহা ইচো চেংওয়া চেংপায়ে। আকো মিংহা শিমশোন এহে। চেংহা দেপু-দেপুমসা হোপয়ে আসা প্রভুসেংজাহা আকুহিংয়া আশিষ পিচায়ে।25সোরা জায়গা আসা এশ্তোলকো প্যাকোতা দান জিরিকো তাম্বুতা পোজাহা টেবো জিংমসা হোয়ে আসা প্রভুসেংজাকো সেসো আকুহা সাডুংপা জিংপুমসা হোপুয়ে।
সেংজাকো পোইংহা জাংয়ে, “কা ইতা খুইদো নাকো তৈয়ার জোওয়া হাইরে মাচারোওয়া। আদো নাতিমি আজিপ্পারাং চাওয়া-আংওয়াবি তৈয়ার জোনাহা আকু এচেংহিংয়া প্রভুসেংজাকো নাগাইতা হোমবলি চড়াই।”17মোনোহহা জাংয়ে, “নাকো মিং কাবিহিং জাংপি। নাকো জাংওয়া য়্যইদি পুরা জিংনুওয়া কাবিহা নাতিহিংয়া আদর জোরোওয়া।”18পোইংহা উইয়ে, “হাংপাসা কুং মিং ঘ্যইকোগা? ই মিংহা নোচেংরোমা বাইরে নিও।”19আত্রংহা মোনোহহা ইপু এচেং আসা এনতাওয়া অন্নবলি পুমসা আকু প্যাতারুংকো ভেদিকো তোইতা আআংপেপেপুক্যইপা কাম জোকো ছুওয়া প্রভুসেংজাহিং বলি চড়াইয়ে।20হাত্রং আকু বেদীসো লোদিংবা কাটুতা ইচো মেহ লো, আত্রংহা মেহহিংপা প্রভুসেংজাকো পোইংহা লোদিংবাতা হোপুয়ে। ই তিংমসা মোনোহ আসা আকো মেহা মোংটোতা ইপুয়ে।21আকো নোইতাহা প্রভুসেংজাকো আকু পোইংহা মোনোহ আসা আকো মেকোতা ন্যাসা মিতিংরেতো, আসা মোনোহহা আকুহা প্রভুসেংকো ইচো পোইং গুং তামসা সিদা চ্যইয়ে।22মোনোহহা আপনিকো মেহিংয়া জাংয়ে, “য়াংবিহা সিপুকোদোওয়া, হাংপাতানাহা য়াংবিহা সেংজাহিংনাং তিংমি নিও।”23আদো আকো মেহা জাংয়ে, “য়দি প্রভুসেংজাবেমি য়াংবিহিং স্যাকো কেংদানাহা আকুহা য়োংকো হোমবলি আসা অন্নবলিহা গ্রহন মোজোকোগা। আসা আকু তাংসা নুওয়াংবিহা য়াংবিহিং মাতিংপাকোগা আসা হিংপাকোরে মাহিংপাকোগা।”24আকু মেমেহা ইচো চেংওয়া চেংপায়ে। আকো মিংহা শিমশোন এহে। চেংহা দেপু-দেপুমসা হোপয়ে আসা প্রভুসেংজাহা আকুহিংয়া আশিষ পিচায়ে।25সোরা জায়গা আসা এশ্তোলকো প্যাকোতা দান জিরিকো তাম্বুতা পোজাহা টেবো জিংমসা হোয়ে আসা প্রভুসেংজাকো সেসো আকুহা সাডুংপা জিংপুমসা হোপুয়ে।
The Seed Company