য়হোশু22
1আকো নোইতাহা রুবেন, গাদ আসা নুব্যাকো মনশ্শে জিরিবিহিং ইচো জায়গাতা জম্মা জোয়ে।2আকুহা আবিহিংয়া জাংয়ে, “প্রভুসেংজাকো ডেইয়া মোসাকো আজ্ঞা জোওয়া তাংসা কামবিহা নাবিহা ত্যইপায়ে আসা কুংরে তাংসা আজ্ঞা জোয়ে।3এসে দিন চোইপা নাবিহা আপনিকো ইস্রাইলি ব্যারোবিহিংয়া হাত্রংরে মাপেইতেতো। নাবিহা হশিয়ার জোমসা পরমপ্রভু আপনিকো সেংজাকো আজ্ঞা পালন জোয়ে।4নেহা পরমপ্রভু নাবিকো সেংজাহা আপনিকো প্রতিজ্ঞা সেই নাবিকো ইস্রাইলি ব্যারোবিহিং তিমেপা পিচামি নিও। আকো সোতা নেহা সাতা লাকামসা নাবিহা আপনিকো অধিনতা নিওয়া জায়গাতা, হানি প্রভুসেংজাকো ডেইয়া মোসাহা নাবিহিংয়া য়র্দনকো নুব্যা কাটু পিচাওয়া নিমমে, আউতা হোতু।5মোসাকো আজ্ঞা জোওয়া লিংপাংবি মানেকো পক্কা চি লাং। পরমপ্রভু আপনিকো সেংজাহিং জেজেংপা জো, আকো দেংকো ছুওয়া প্রজা জিং আসা আপনিকো তাংসা তুংসিং আসা প্রানসো সেওয়া জো।”6য়হোশুহা আবিহিংয়া আশিষ পিচামসা এপা জাংমসা নিংপুয়ে, “নাবিহা সিওপারাং পুপুউ জিংপুমসা উইসে পিকা-এতাবি, জাতাং, সুন, কাঁসা, চা আসা আংদুংবি চিত্তা পুমসা সাতা লাকাদাংয়ো। নাবিকো দুসমানবিসো হাইপামিনি, আকুহা আপনিকো জিরিকো এবিহিংপা পোসু।” আকো নোইতা আবিহা সাতা লাকাপুয়ে।
মনশ্শেকো আদি জিরিহিংয়া য়র্দনকো নুব্যা কাটুকো জায়গা পিচাওয়া নিমগা, আদো দোসরা আদি জিরিহিংয়া য়হোশুহা য়র্দনকো দিব্যা দোসরা জিরিবিহিংপা জায়গা পিচাওয়া নিমগা।9আকো সোতা রুবেন, গাদ আসা নুব্যা মনশ্শে জিরিকো দিংঙাবিহা সাতা লাকাপুয়ে। ইস্রাইলকো লেরা দিংঙাবিহিংয়া কনান দেশকো শিলোতা হুইতেমসা আবিহা আপনিকো দেশ গিলাত কাটুতা হোপুয়ে। পরমপ্রভুহা মোসাকোসো আজ্ঞা পিচাওয়া সেই আবিহা গিলাতকো মোংটোহা আপনিকো অধিনতা এওয়া নিমগা।10হাত্রং রুবেন, গাদ আসা নুব্যা মনশ্শে জিরিবিহা কনান জায়গাকো য়র্দন জোরাকো দিব্যা আরিকো গলিলোততা দেয়োং, আত্রংহা আবিহা জোরাকো আবেইতা ইচো সিওপারাং টেবো বেদি বানাইয়ে।11ইস্রাইলকো লেরা দিংঙাবিহিংয়া এপা জাংয়ে, “হিং, রুবেন, গাদ আসা নুব্যা মনশ্শেকো আদি জিরিকো দিংঙাবিহা কনান দেশকো দিব্যা কাটু য়র্দনকো আবেইকো গলিলোততা ইচো বেদি বানাইমি নিও!”12ই নুওয়াং হিংমসা ইস্রাইলকো তাংসা দিংঙাবিহা নুব্যাকো জিরিবিহিংপা লুইসুকো শিলোতা জম্মা জিংয়ে।13আত্রংহা ইস্রাইলকো দিংঙাবিহা পাউ এলাজারকো চেংওয়া পিনহাসহিং গিলাত জায়গাতা রুবেন, গাদ আসা নুব্যা মনশ্শে জিরিকো দিংঙাবিকোতা নিংপুয়ে।14পিনহাসহিংপাহা তাংসা দিব্যা জিরিকো সোতা ইচো ইচো জোমসা ত্যাচো মাটা দিংঙাবিরে হোয়ে। আবিহা লারাংসা লারাংসা চিমাকো প্যাপ্যাম্যাম্যাকো মাটাবি নিমি।15আবিহা গিলাত দেশতা রুবেন, গাদ আসা নুব্যা মনশ্শেকো দিংঙাবিকোতা ওয়াংয়ে,16আসা প্রভুসেংজাকো তাংসা দিংঙাবিকো কাটুসো আবিহিং জাংয়ে, “হাংপা নাবিহা ইস্রাইলকো সেংজাকো বিরোধতা দুষ্ট কাম জোমগা? আপনিকো সোতা ই বেদি বানাইমসা নাবিহা প্রভুসেংজাকো বিরোধতা বিদ্রোহ জোমি নিও। নাবিহা নেহা আকুহিং মানেকো ল্যাপুনতেয়ুং!17না য়োংকো পোর তাওয়া জায়গাতা পাপ জোওয়াহা নাবিহা লারিংপুংগা? হাত্রং পরমপ্রভুহা য়োংন্যাবি নিংপুমসা আপনিকো দিংঙাবিহিং সজায় পিচামমে। কাবিহা নেচোইপা আকো পির পুদিংয়ো। আকু পাপহা অ্যাত্যইচিংপা নিমগা?18নেহা নাবিহা আকুহিং মানেকো অস্বীকার জোকোগা? হিনিহা নাবিহা প্রভুসেংজাকো বিরোধতা বিদ্রোহমি জোনাহা, জুকুংহা ইস্রাইলকো তাংসা দিংঙাবিহিংপা আকুহা সেদ্রাংপারোওয়া।19আকো সোতা নেহা য়দি নাবিকো জায়গাতা আরাধনা জোকো এনতাপিমি মাজিংনাহা, প্রভুসেংজাকো জায়গাতা আকো পবিত্র তাম্বু নিওয়া জায়গাতা হোতু। কাবিকো প্যাকোসো এংটি মোংটো য়া, আদো পরমপ্রভু য়োংকো সেংজাকো ভেদিকো তোইতা দোসরা ইচো ভেদি বানাইমসা প্রভুসেংজাকো বিরোদ্ধতা বিরোধ মোজো মেংচি কাবিহিং বিরোধি মাবানাই।20জেহরকো চেংওয়া আকানহা স্যইওয়া সোংসাবিতাহা অপরাধ জোওয়া মাতামগা? আসা সেংজাকো সেদ্রাংহা ইস্রাইলকো তাংসা জ্যাবিকো তোইতা হুইওয়া নিমগা। আকু দিংঙা মেংচে আপনিকো অপরাধকো কারণ সিপুওয়া মাতামগা।”21রুবেন, গাদ আসা নুব্যা মনশ্শে জিরিবিকো দিংঙাবিহা দিব্যা জিরিকো প্যাপ্যাম্যাম্যাকো মাটাবিহিংয়া জাংয়ে,22“সেংজাহা হাংসুরোমা সে নিওয়া সেংজাগা! আকুহা পরমপ্রভুগা! সেংজাহা হাংসুরোমা সে নিওয়াগা! আকুহা গেমগা, কি কাবিহা ই কাম জোয়ো আসা কাবিহা ইচ্ছা জোমগা কি আকুহা নাবিরে গেকো! য়দি কাবিমি বিদ্রোহ জোমসা প্রভুসেংজাকোতা দেংওয়া এওয়া নিনাহা কাবিহিংয়া নেহা ঙাজ্যইং য়ুংকো মিচাগ্যই!23য়দি কাবিমি প্রভুসেংজাকো আজ্ঞামি পালন মোজোনাহা আসা হোমবলি জোকো মেংচি অন্নবলি মেংচি মেলবলি চড়াইকো আপনিকো বেদি বানাইমগা তামসা পরমপ্রভু আপনিরাং কাবিহিংয়া দন্ড পিচাকো!24এপা মোকো! দেপাওয়া দিনবিতাহা নাকো সন্তানহা কাবিকো সন্তানহিং এপা জাংরোওয়া তামসা চুসুংনেপা নিও, ‘ইস্রাইলকো সেংজা পরমপ্রভুহিংপাহা আবিকোহা হাং কাম নিংগাসা?25আকুহা য়র্দনহিংয়া কাবি আসা রুবেন আসা গাদকো দিংঙাবিকো প্যাকোতা লুংবি বানাইয়ে। নেহা পরমপ্রভুহিংপাহা নাবিকোহা হাইরে ভাগ মোতো।’ আত্রংকো সময়হা নাবিকো সন্তানহা কাবিকো সন্তানহিংয়া প্রভুসেংজাকো আরাধনা মোজোকো জাংকোদোওয়া। আকো সোতা কাবিহা ই জোমগা।26আকো সোতা কাবিহা ভেদি বানাইয়ে, ওংপাওয়া বলি মেংচি ভেটি চড়াইকো তামসা মোকো;27আদো আকো বদলিহা নাতি আসা নাকো সন্তানকো প্যাকোতা, তুতেংজু চোইপা, কাবিহা আজিপ্পারাং ওংপাওয়া বলি, আসা মেলবলি পুমসা পরমপ্রভুহিংয়া আকো পবিত্র তাম্বুকো নাগাইতা সেওয়া জোদিংয়ো তামসা কোইপাকো সোতা চিহ্নকো রুপতা ইহা কাবি বানাইমগা। নোইতাহা নাকো সন্তানহা কাবিকো সন্তানহিংয়া ‘নাবিকো পরমপ্রভুহিংপাহা হাইরে কাম মোতো’ তামসা জাংচামামুংকো তামসা ই জোমগা।28কাবিকো নোচেংহা ই নিমগা কি দেপাওয়া দিনবিতাহা এপামি জিংপুদানাহা কাবিকো সন্তানহা এপা জাংকো ছুরোওয়া, ‘কাং! কাবিকো আটা আজাবিহা প্রভুসেংজাকো ভেদি ত্যাবাপা ইচো বেদি বানাইয়ে। আকু হোমবলি মেংচি বলিদান চড়াইকো মোকো, আদো নাবিকো আসা কাবিকো দিংঙাবিকো প্যাকোতা ইচো চিহ্নকো রুপতা নিও।’29আজিপ্পারাং কাবিহা প্রভুসেংজাকো বিরোদ্দতা বিদ্রোহ মোজোরোওয়া কিতা হোমবলি জোওয়া মেংচি অন্নবলি কিতা মেলবলি চড়াইকো দোসরা ভেদি বানাইমসা আকুহিং মানেকো ল্যাপুরোওয়া। পরমপ্রভু য়োংকো সেংজাকো ভেদি, হানি আকো পবিত্র পালকো নাগাইতা জাদিংমি নিমমে, আকু ল্যামসা লেরা হানি ভেদিরে কাবিহা মাবানাইরোওয়া।”30পাউ পিনহাস আসা আকুহিংপা নিওয়া দিব্যাকো জিরিকো প্যাপ্যাম্যাম্যাবিকো মাটা, হানি সমাজকো ত্যাচো মাটা দিংঙাবি নিমমে, রুবেন, গাদ, আসা নুব্যা মনশ্শেকো জিরিকো নুওয়াং হিংমসা তিমেপা জিংপুয়ে।31পাউ এলাজারকো চেংওয়া পিনহাসহা আবিহিং জাংয়ে, “পরমপ্রভুহা কাবিহিংপা নিও তামসা নেহা কাবিহা সিদা চ্যইয়ে। নাবিহা আকুহিংপাহা বিদ্রোহ মোজোয়াংতো আসা ইস্রাইলকো দিংঙাবিহিং প্রভুসেংজাকো দন্ডসো বাচাইমকোগুং।”32আকো নোইতাহা পিনহাস আসা আকু অগুওয়াবিহা রুবেন আসা গাদকো দিংঙাবিহিং গিলাত জায়গাতা হুইতেমসা কনানতা ইস্রাইলকো দিংঙাবিকোতা হোয়ে আসা আবিহিংয়া আপনিকো বয়ান পিচায়ে।33ইস্রাইলিবিহা সন্তুষ্ট জিংপুয়ে আসা প্রভুসেংজাকো প্রসংশা জোয়ে। আবিহা ন্যাসারাং লুইসুমসা রুবেন আসা গাদকো দিংঙাবি য়ুংওয়া জায়গাহিং দাংপারো তাওয়া নুওয়াং হাত্রংরে মোজোতো।34রুবেন আসা গাদকো দিংঙাবিহা ভেদিকো মিংহা “সাক্চি” তামসা মিং এহে, হাংপাতানাহা আবিহা জাংয়ে, নিহসো দলকো প্যাকোতাহা আকু ভেদীহা সাক্চি গা “পরমপ্রভু য়োংকো সেংজাগা তামসা।”
মনশ্শেকো আদি জিরিহিংয়া য়র্দনকো নুব্যা কাটুকো জায়গা পিচাওয়া নিমগা, আদো দোসরা আদি জিরিহিংয়া য়হোশুহা য়র্দনকো দিব্যা দোসরা জিরিবিহিংপা জায়গা পিচাওয়া নিমগা।9আকো সোতা রুবেন, গাদ আসা নুব্যা মনশ্শে জিরিকো দিংঙাবিহা সাতা লাকাপুয়ে। ইস্রাইলকো লেরা দিংঙাবিহিংয়া কনান দেশকো শিলোতা হুইতেমসা আবিহা আপনিকো দেশ গিলাত কাটুতা হোপুয়ে। পরমপ্রভুহা মোসাকোসো আজ্ঞা পিচাওয়া সেই আবিহা গিলাতকো মোংটোহা আপনিকো অধিনতা এওয়া নিমগা।10হাত্রং রুবেন, গাদ আসা নুব্যা মনশ্শে জিরিবিহা কনান জায়গাকো য়র্দন জোরাকো দিব্যা আরিকো গলিলোততা দেয়োং, আত্রংহা আবিহা জোরাকো আবেইতা ইচো সিওপারাং টেবো বেদি বানাইয়ে।11ইস্রাইলকো লেরা দিংঙাবিহিংয়া এপা জাংয়ে, “হিং, রুবেন, গাদ আসা নুব্যা মনশ্শেকো আদি জিরিকো দিংঙাবিহা কনান দেশকো দিব্যা কাটু য়র্দনকো আবেইকো গলিলোততা ইচো বেদি বানাইমি নিও!”12ই নুওয়াং হিংমসা ইস্রাইলকো তাংসা দিংঙাবিহা নুব্যাকো জিরিবিহিংপা লুইসুকো শিলোতা জম্মা জিংয়ে।13আত্রংহা ইস্রাইলকো দিংঙাবিহা পাউ এলাজারকো চেংওয়া পিনহাসহিং গিলাত জায়গাতা রুবেন, গাদ আসা নুব্যা মনশ্শে জিরিকো দিংঙাবিকোতা নিংপুয়ে।14পিনহাসহিংপাহা তাংসা দিব্যা জিরিকো সোতা ইচো ইচো জোমসা ত্যাচো মাটা দিংঙাবিরে হোয়ে। আবিহা লারাংসা লারাংসা চিমাকো প্যাপ্যাম্যাম্যাকো মাটাবি নিমি।15আবিহা গিলাত দেশতা রুবেন, গাদ আসা নুব্যা মনশ্শেকো দিংঙাবিকোতা ওয়াংয়ে,16আসা প্রভুসেংজাকো তাংসা দিংঙাবিকো কাটুসো আবিহিং জাংয়ে, “হাংপা নাবিহা ইস্রাইলকো সেংজাকো বিরোধতা দুষ্ট কাম জোমগা? আপনিকো সোতা ই বেদি বানাইমসা নাবিহা প্রভুসেংজাকো বিরোধতা বিদ্রোহ জোমি নিও। নাবিহা নেহা আকুহিং মানেকো ল্যাপুনতেয়ুং!17না য়োংকো পোর তাওয়া জায়গাতা পাপ জোওয়াহা নাবিহা লারিংপুংগা? হাত্রং পরমপ্রভুহা য়োংন্যাবি নিংপুমসা আপনিকো দিংঙাবিহিং সজায় পিচামমে। কাবিহা নেচোইপা আকো পির পুদিংয়ো। আকু পাপহা অ্যাত্যইচিংপা নিমগা?18নেহা নাবিহা আকুহিং মানেকো অস্বীকার জোকোগা? হিনিহা নাবিহা প্রভুসেংজাকো বিরোধতা বিদ্রোহমি জোনাহা, জুকুংহা ইস্রাইলকো তাংসা দিংঙাবিহিংপা আকুহা সেদ্রাংপারোওয়া।19আকো সোতা নেহা য়দি নাবিকো জায়গাতা আরাধনা জোকো এনতাপিমি মাজিংনাহা, প্রভুসেংজাকো জায়গাতা আকো পবিত্র তাম্বু নিওয়া জায়গাতা হোতু। কাবিকো প্যাকোসো এংটি মোংটো য়া, আদো পরমপ্রভু য়োংকো সেংজাকো ভেদিকো তোইতা দোসরা ইচো ভেদি বানাইমসা প্রভুসেংজাকো বিরোদ্ধতা বিরোধ মোজো মেংচি কাবিহিং বিরোধি মাবানাই।20জেহরকো চেংওয়া আকানহা স্যইওয়া সোংসাবিতাহা অপরাধ জোওয়া মাতামগা? আসা সেংজাকো সেদ্রাংহা ইস্রাইলকো তাংসা জ্যাবিকো তোইতা হুইওয়া নিমগা। আকু দিংঙা মেংচে আপনিকো অপরাধকো কারণ সিপুওয়া মাতামগা।”21রুবেন, গাদ আসা নুব্যা মনশ্শে জিরিবিকো দিংঙাবিহা দিব্যা জিরিকো প্যাপ্যাম্যাম্যাকো মাটাবিহিংয়া জাংয়ে,22“সেংজাহা হাংসুরোমা সে নিওয়া সেংজাগা! আকুহা পরমপ্রভুগা! সেংজাহা হাংসুরোমা সে নিওয়াগা! আকুহা গেমগা, কি কাবিহা ই কাম জোয়ো আসা কাবিহা ইচ্ছা জোমগা কি আকুহা নাবিরে গেকো! য়দি কাবিমি বিদ্রোহ জোমসা প্রভুসেংজাকোতা দেংওয়া এওয়া নিনাহা কাবিহিংয়া নেহা ঙাজ্যইং য়ুংকো মিচাগ্যই!23য়দি কাবিমি প্রভুসেংজাকো আজ্ঞামি পালন মোজোনাহা আসা হোমবলি জোকো মেংচি অন্নবলি মেংচি মেলবলি চড়াইকো আপনিকো বেদি বানাইমগা তামসা পরমপ্রভু আপনিরাং কাবিহিংয়া দন্ড পিচাকো!24এপা মোকো! দেপাওয়া দিনবিতাহা নাকো সন্তানহা কাবিকো সন্তানহিং এপা জাংরোওয়া তামসা চুসুংনেপা নিও, ‘ইস্রাইলকো সেংজা পরমপ্রভুহিংপাহা আবিকোহা হাং কাম নিংগাসা?25আকুহা য়র্দনহিংয়া কাবি আসা রুবেন আসা গাদকো দিংঙাবিকো প্যাকোতা লুংবি বানাইয়ে। নেহা পরমপ্রভুহিংপাহা নাবিকোহা হাইরে ভাগ মোতো।’ আত্রংকো সময়হা নাবিকো সন্তানহা কাবিকো সন্তানহিংয়া প্রভুসেংজাকো আরাধনা মোজোকো জাংকোদোওয়া। আকো সোতা কাবিহা ই জোমগা।26আকো সোতা কাবিহা ভেদি বানাইয়ে, ওংপাওয়া বলি মেংচি ভেটি চড়াইকো তামসা মোকো;27আদো আকো বদলিহা নাতি আসা নাকো সন্তানকো প্যাকোতা, তুতেংজু চোইপা, কাবিহা আজিপ্পারাং ওংপাওয়া বলি, আসা মেলবলি পুমসা পরমপ্রভুহিংয়া আকো পবিত্র তাম্বুকো নাগাইতা সেওয়া জোদিংয়ো তামসা কোইপাকো সোতা চিহ্নকো রুপতা ইহা কাবি বানাইমগা। নোইতাহা নাকো সন্তানহা কাবিকো সন্তানহিংয়া ‘নাবিকো পরমপ্রভুহিংপাহা হাইরে কাম মোতো’ তামসা জাংচামামুংকো তামসা ই জোমগা।28কাবিকো নোচেংহা ই নিমগা কি দেপাওয়া দিনবিতাহা এপামি জিংপুদানাহা কাবিকো সন্তানহা এপা জাংকো ছুরোওয়া, ‘কাং! কাবিকো আটা আজাবিহা প্রভুসেংজাকো ভেদি ত্যাবাপা ইচো বেদি বানাইয়ে। আকু হোমবলি মেংচি বলিদান চড়াইকো মোকো, আদো নাবিকো আসা কাবিকো দিংঙাবিকো প্যাকোতা ইচো চিহ্নকো রুপতা নিও।’29আজিপ্পারাং কাবিহা প্রভুসেংজাকো বিরোদ্দতা বিদ্রোহ মোজোরোওয়া কিতা হোমবলি জোওয়া মেংচি অন্নবলি কিতা মেলবলি চড়াইকো দোসরা ভেদি বানাইমসা আকুহিং মানেকো ল্যাপুরোওয়া। পরমপ্রভু য়োংকো সেংজাকো ভেদি, হানি আকো পবিত্র পালকো নাগাইতা জাদিংমি নিমমে, আকু ল্যামসা লেরা হানি ভেদিরে কাবিহা মাবানাইরোওয়া।”30পাউ পিনহাস আসা আকুহিংপা নিওয়া দিব্যাকো জিরিকো প্যাপ্যাম্যাম্যাবিকো মাটা, হানি সমাজকো ত্যাচো মাটা দিংঙাবি নিমমে, রুবেন, গাদ, আসা নুব্যা মনশ্শেকো জিরিকো নুওয়াং হিংমসা তিমেপা জিংপুয়ে।31পাউ এলাজারকো চেংওয়া পিনহাসহা আবিহিং জাংয়ে, “পরমপ্রভুহা কাবিহিংপা নিও তামসা নেহা কাবিহা সিদা চ্যইয়ে। নাবিহা আকুহিংপাহা বিদ্রোহ মোজোয়াংতো আসা ইস্রাইলকো দিংঙাবিহিং প্রভুসেংজাকো দন্ডসো বাচাইমকোগুং।”32আকো নোইতাহা পিনহাস আসা আকু অগুওয়াবিহা রুবেন আসা গাদকো দিংঙাবিহিং গিলাত জায়গাতা হুইতেমসা কনানতা ইস্রাইলকো দিংঙাবিকোতা হোয়ে আসা আবিহিংয়া আপনিকো বয়ান পিচায়ে।33ইস্রাইলিবিহা সন্তুষ্ট জিংপুয়ে আসা প্রভুসেংজাকো প্রসংশা জোয়ে। আবিহা ন্যাসারাং লুইসুমসা রুবেন আসা গাদকো দিংঙাবি য়ুংওয়া জায়গাহিং দাংপারো তাওয়া নুওয়াং হাত্রংরে মোজোতো।34রুবেন আসা গাদকো দিংঙাবিহা ভেদিকো মিংহা “সাক্চি” তামসা মিং এহে, হাংপাতানাহা আবিহা জাংয়ে, নিহসো দলকো প্যাকোতাহা আকু ভেদীহা সাক্চি গা “পরমপ্রভু য়োংকো সেংজাগা তামসা।”
The Seed Company