এস্টার2
18[ আকো নোইতা আপনিকো সেদ্রাংওয়া ঙানতেনুরে জাইপুহা বশ্তী জাইমুহিং আসা আকু হাং জোমমে আসা তোইতা নোপাওয়া আদেশবিকো বিষয়বিকো তোইতারে নোয়ে।2আকো সোতা জাইপুকো আবেইতা নিওয়া সল্লাহকারবিহা এপা জাংমসা সুজাও পিচায়ে, “জাইপুকো সোতা জেজেংক্যইওয়া নামেরি মেমেবি মোওকো জো।3আসা আপনিকো রাজ্যকো তাংসা জায়গাবিতা জাইপুহা অধিকারিবিহিং জেংয়ে। আসা আবি তাংসাহা এনতাওয়া এনতাওয়া মেমেবিহিং মোমসা পারাকো তামসা আজ্ঞা জোয়ে, আবিহিংয়া জাইপুকো মেবিকো অধিকারি নোপুংসোক হেগেইকো জিম্মাতা ল্যাপুইকো আসা আবিহিংয়া পোতা-জাইতাপা তিংপাকো সিংঙ্গারকো সোংসাবিরে পিচাকো।4আকো নোইতা জাইপুকো জেজেংওয়া মেমেহিং বস্তী জাইমুকো জায়গাতা জাইমু বানাইপি।”
ই সল্লাহা জাইপুহিংয়া এনতাচপুয়ে আসা আকুহা এপারাং জোয়ে।5রাজধানী শুশনতাহা ইচো মোর্দকৈ মিং নিওয়া য়হুদি দিংঙা য়ুংমি নিমি। আকুহা বেন্জামিন জিরিকো য়াইরকো চেংওয়া আসা কিশ আসা শিমীকো জিরিকো নিমি।6বেবিলোনকো জাইপু নবুকদোনেসোরহা য়হুদাকো জাইপু য়হোয়াকিনহিংয়া কৈদ জোমসা য়রুশালেমসো পুরাদাংনুওয়া আকু কৈদ জিংমসা পুরাদাংওয়াবিতাহা মোর্দকৈরে নিমি।7আকো পাংকো চেমে এস্তররে আকুহিংপারাং নিমি। এস্তরকো হিব্রু মিংহা হদস্সা নিমি। আকুহা ইচো জেজেংক্যইরি মেমে নিমি। আকো আয়ু-আপা সিপুনুওয়া মোর্দকৈহা আকুহিংয়া আপনিকো চেমে ত্যাবাপা বানাইমসা তুইচাওয়া নিমি।8জাইপুহা আপনিকো নোপাওয়া লিংপাং ঘোষনা জোপুনতেনুওয়া রাজধানী শুশানতা হেগেইকো জিম্মাতা উইসে মেমেবিহিংয়া পারায়ে। আসা এস্তরহিংনে মেমেবিহিংপা হেগেকোতা জিম্মা পিচাকো তামসা রাজমহলতা পুরায়ে।9হেগেহা এস্তরহিং জেজেংপুয়ে আসা আকুহা আকোসো কৃপা মুংচায়ে। আসা আকুহা এস্তরহিং মেকাপ জোওয়া আংটি আসা সোংসাবি, চাওয়া আংওয়াবিকো ভাগ তৈয়ার জোমসা এপিয়ে। আকুহা আকুহিংয়া মেমেবিকো য়ুংওয়া মহলকো নাপোকো হানিরোমা এনতাওয়া জায়গা পিচায়ে আসা আকুহিং সেওয়া জোকো রাজমোহলকো নীচো ডেইয়ামুবিহিং খুইয়ে।10মোর্দকৈইকো সল্লাহতা এস্তরহা কা হানি দেশকোমমে আসা হাং জ্যামমে তাওয়া নুওয়াং ম্যইমসা এওয়া নিমগা।11এস্তরহা হাং জোদিংমে তামসা গেকো সোতা মোর্দকৈহা সদাইবিরি মেমেবি যুংওয়া সাকো লাংঙাংসো হোচাং-লেচাংমগা।12তারি তুরিহা পাংক্যইওয়া মুর্রকো কাটিসো নোওয়া চুতি ন্যামসা আসা তারি তুরিহা অত্তর আসা সিংঙ্গারকো সোংসাসো পোতা-জাইতাপা জোমসা মেমেবিহিং তৈয়ারি জিংওয়া সময়রে পুরা তারি বার্রি নিমি। সময় জিংতেনুওয়া অহাসুরস জাইপুকোতা হোওয়া তাংসা নামেরিবিকো পালো ওয়াংচাংমি।13হাংসু জিংদো মেমেবি সাসো জাইপুকো মোহলতা হোদাংনুওয়া আকো য়াওয়া সেই হাই জিংদো আকুহিংয়া পুচাকো পিচামগা।14জিরুং আকুহা জাইপুকো মহলতা হোচাংমি, আকো সাইয়ুকো নোইতা হাপকোংসো আকুহিংয়া দোসরা মহলকো নাপোতা পুরাচাংমি আসা শাশ্গজকো অধিনতা য়ুংচাংমি। শাশ্গজহা জাইপুকো মহলতা য়ুংওয়া মেমেবিহিং কাংওয়া ইচো দিংঙা নিমি। হাত্রং চোইপা আকু মিং চুউমসা মোমোউ, আত্রং চোইপা আকুহা জাইপুকোতা হোচা মোমুংমি।15হাত্রং মোর্দকৈকো তুইচাওয়া আকো পাং অবিহেলকো চেমে এস্তরকো জাইপুকোতা হোওয়া পালো ওয়াং, আত্রংহা আকুহা মেমেবিহিং কাংওয়া জিম্মাবার জাইপুকো নোপুংসোক হেগেইকো পিচাওয়া সল্লাহ ল্যামসা দোসরা হাইরে মোপুতো। আকুহিং ন্যইওয়াবিহিংয়া এস্তরহা আকরষীত জোপুয়ে।16এপারাং অহাসুরস জাইপু জিংওয়া লো নীনিংকো তেবেত তাওয়া তারি ত্যারিতাহা এস্তরহিংয়া অহাসুরস জাইপুকো য়ুংওয়া রাজমহলতা পুরায়ে।17জাইপুহা আকুহিংয়া দোসরা মেমেবিহিংরোমা সিওপারাং জেজেংপুয়ে। এস্তরহা দোসরা মেমেবিরোমা সিওপা জেজেংওয়াসো লামতুওয়া মুংচায়ে। জাইপুহা আকুহিংয়া জাইপুকো রাজ মুকুট লুপায়ে আসা বশ্তি জাইমুকো জায়গাতা আপনিকো জাইমু বানাইয়ে।18আকো নোইতা জাইপুহা এস্তরহিং সম্মান জোওয়াতা ইচো টেবো ভোজ পিচায়ে আসা আপনিকো তাংসা ডেইয়া আসা অধিকারিবিহিং ভোজ চাওয়াতা মোউচায়ে। আকুহা আপনি রাজ্যতা ছুট্টিকো ঘোষনা জোয়ে আসা জাইপুকো পিচাকো ছুওয়া সেই উপহারবি পিচায়ে।19ন্যাসারাং ইকোই মেমেবিহিং সানুওয়া মোর্দকেইহা রাজমহলকো মাটা লাপুংতা গাদিংওয়া নিমি।20এস্তরহা আত্রং চোইপা কা হানি দেশকোমে আসা হাং জ্যাকোমে তামসা হাংসুহিংনে মাজাংয়াংমি। ই নুওয়াংহা হাংসুহিংনে মাজাংকো তামসা মোর্দকেইহা জাংমি নিমি। আসা আকু জাংওয়া নুওয়াংহা আপেচিনু মোর্দোকৈকো আদেশ হিংমি ত্যাবাপা পালন জোয়ে।21মোর্দোকৈহা জাইপুকো রাজ দরবারতা নিনুওয়া জাইপুকো সিরিকো লাপুংতা খুইমসা য়ুংওয়া নিহসো নোপুংসোকবি বিগ্থানা আসা তেরেশ জাইপুকো বিরোধী জিংপুয়ে আসা আকুহিংয়া স্যাকো তামসা নিয়ুং মোসোইয়ে।22আকু নুওয়াং মোর্দকৈহা সিদা চ্যইয়ে আসা এস্তর জাইমুহিংয়া জাংয়ে। মোর্দোকৈরাং কাহিংয়া ই নুওয়াং জাংমগা তামসা জাইমুহা জাইপুহিং হিংপায়ে।23আকু নুওয়োংকোহা জাঁচ-বুজ জিংয়ে আসা আকুহা আজিপ্পারাংগুং তাওয়া নুওয়াংহা সিদা চ্যইয়ে, আসা জাইপুহা আকু নিহসো দিংঙাবিহিংয়া ফাসিকো সজায় পিচামসা কেংপ্রাতা থ্যইপুয়ে। ই তাংসা নুওয়াং জাইপুকো দোংনাংতারাং ইতিহাসতা লায়ে।
ই সল্লাহা জাইপুহিংয়া এনতাচপুয়ে আসা আকুহা এপারাং জোয়ে।5রাজধানী শুশনতাহা ইচো মোর্দকৈ মিং নিওয়া য়হুদি দিংঙা য়ুংমি নিমি। আকুহা বেন্জামিন জিরিকো য়াইরকো চেংওয়া আসা কিশ আসা শিমীকো জিরিকো নিমি।6বেবিলোনকো জাইপু নবুকদোনেসোরহা য়হুদাকো জাইপু য়হোয়াকিনহিংয়া কৈদ জোমসা য়রুশালেমসো পুরাদাংনুওয়া আকু কৈদ জিংমসা পুরাদাংওয়াবিতাহা মোর্দকৈরে নিমি।7আকো পাংকো চেমে এস্তররে আকুহিংপারাং নিমি। এস্তরকো হিব্রু মিংহা হদস্সা নিমি। আকুহা ইচো জেজেংক্যইরি মেমে নিমি। আকো আয়ু-আপা সিপুনুওয়া মোর্দকৈহা আকুহিংয়া আপনিকো চেমে ত্যাবাপা বানাইমসা তুইচাওয়া নিমি।8জাইপুহা আপনিকো নোপাওয়া লিংপাং ঘোষনা জোপুনতেনুওয়া রাজধানী শুশানতা হেগেইকো জিম্মাতা উইসে মেমেবিহিংয়া পারায়ে। আসা এস্তরহিংনে মেমেবিহিংপা হেগেকোতা জিম্মা পিচাকো তামসা রাজমহলতা পুরায়ে।9হেগেহা এস্তরহিং জেজেংপুয়ে আসা আকুহা আকোসো কৃপা মুংচায়ে। আসা আকুহা এস্তরহিং মেকাপ জোওয়া আংটি আসা সোংসাবি, চাওয়া আংওয়াবিকো ভাগ তৈয়ার জোমসা এপিয়ে। আকুহা আকুহিংয়া মেমেবিকো য়ুংওয়া মহলকো নাপোকো হানিরোমা এনতাওয়া জায়গা পিচায়ে আসা আকুহিং সেওয়া জোকো রাজমোহলকো নীচো ডেইয়ামুবিহিং খুইয়ে।10মোর্দকৈইকো সল্লাহতা এস্তরহা কা হানি দেশকোমমে আসা হাং জ্যামমে তাওয়া নুওয়াং ম্যইমসা এওয়া নিমগা।11এস্তরহা হাং জোদিংমে তামসা গেকো সোতা মোর্দকৈহা সদাইবিরি মেমেবি যুংওয়া সাকো লাংঙাংসো হোচাং-লেচাংমগা।12তারি তুরিহা পাংক্যইওয়া মুর্রকো কাটিসো নোওয়া চুতি ন্যামসা আসা তারি তুরিহা অত্তর আসা সিংঙ্গারকো সোংসাসো পোতা-জাইতাপা জোমসা মেমেবিহিং তৈয়ারি জিংওয়া সময়রে পুরা তারি বার্রি নিমি। সময় জিংতেনুওয়া অহাসুরস জাইপুকোতা হোওয়া তাংসা নামেরিবিকো পালো ওয়াংচাংমি।13হাংসু জিংদো মেমেবি সাসো জাইপুকো মোহলতা হোদাংনুওয়া আকো য়াওয়া সেই হাই জিংদো আকুহিংয়া পুচাকো পিচামগা।14জিরুং আকুহা জাইপুকো মহলতা হোচাংমি, আকো সাইয়ুকো নোইতা হাপকোংসো আকুহিংয়া দোসরা মহলকো নাপোতা পুরাচাংমি আসা শাশ্গজকো অধিনতা য়ুংচাংমি। শাশ্গজহা জাইপুকো মহলতা য়ুংওয়া মেমেবিহিং কাংওয়া ইচো দিংঙা নিমি। হাত্রং চোইপা আকু মিং চুউমসা মোমোউ, আত্রং চোইপা আকুহা জাইপুকোতা হোচা মোমুংমি।15হাত্রং মোর্দকৈকো তুইচাওয়া আকো পাং অবিহেলকো চেমে এস্তরকো জাইপুকোতা হোওয়া পালো ওয়াং, আত্রংহা আকুহা মেমেবিহিং কাংওয়া জিম্মাবার জাইপুকো নোপুংসোক হেগেইকো পিচাওয়া সল্লাহ ল্যামসা দোসরা হাইরে মোপুতো। আকুহিং ন্যইওয়াবিহিংয়া এস্তরহা আকরষীত জোপুয়ে।16এপারাং অহাসুরস জাইপু জিংওয়া লো নীনিংকো তেবেত তাওয়া তারি ত্যারিতাহা এস্তরহিংয়া অহাসুরস জাইপুকো য়ুংওয়া রাজমহলতা পুরায়ে।17জাইপুহা আকুহিংয়া দোসরা মেমেবিহিংরোমা সিওপারাং জেজেংপুয়ে। এস্তরহা দোসরা মেমেবিরোমা সিওপা জেজেংওয়াসো লামতুওয়া মুংচায়ে। জাইপুহা আকুহিংয়া জাইপুকো রাজ মুকুট লুপায়ে আসা বশ্তি জাইমুকো জায়গাতা আপনিকো জাইমু বানাইয়ে।18আকো নোইতা জাইপুহা এস্তরহিং সম্মান জোওয়াতা ইচো টেবো ভোজ পিচায়ে আসা আপনিকো তাংসা ডেইয়া আসা অধিকারিবিহিং ভোজ চাওয়াতা মোউচায়ে। আকুহা আপনি রাজ্যতা ছুট্টিকো ঘোষনা জোয়ে আসা জাইপুকো পিচাকো ছুওয়া সেই উপহারবি পিচায়ে।19ন্যাসারাং ইকোই মেমেবিহিং সানুওয়া মোর্দকেইহা রাজমহলকো মাটা লাপুংতা গাদিংওয়া নিমি।20এস্তরহা আত্রং চোইপা কা হানি দেশকোমে আসা হাং জ্যাকোমে তামসা হাংসুহিংনে মাজাংয়াংমি। ই নুওয়াংহা হাংসুহিংনে মাজাংকো তামসা মোর্দকেইহা জাংমি নিমি। আসা আকু জাংওয়া নুওয়াংহা আপেচিনু মোর্দোকৈকো আদেশ হিংমি ত্যাবাপা পালন জোয়ে।21মোর্দোকৈহা জাইপুকো রাজ দরবারতা নিনুওয়া জাইপুকো সিরিকো লাপুংতা খুইমসা য়ুংওয়া নিহসো নোপুংসোকবি বিগ্থানা আসা তেরেশ জাইপুকো বিরোধী জিংপুয়ে আসা আকুহিংয়া স্যাকো তামসা নিয়ুং মোসোইয়ে।22আকু নুওয়াং মোর্দকৈহা সিদা চ্যইয়ে আসা এস্তর জাইমুহিংয়া জাংয়ে। মোর্দোকৈরাং কাহিংয়া ই নুওয়াং জাংমগা তামসা জাইমুহা জাইপুহিং হিংপায়ে।23আকু নুওয়োংকোহা জাঁচ-বুজ জিংয়ে আসা আকুহা আজিপ্পারাংগুং তাওয়া নুওয়াংহা সিদা চ্যইয়ে, আসা জাইপুহা আকু নিহসো দিংঙাবিহিংয়া ফাসিকো সজায় পিচামসা কেংপ্রাতা থ্যইপুয়ে। ই তাংসা নুওয়াং জাইপুকো দোংনাংতারাং ইতিহাসতা লায়ে।
The Seed Company