প্রেরিত10
1কইসোরিয়া শহরকো কোর্নোলিয়োস মিংকো ইচো দিংঙা।কইসোরিয়া শহরতা কোর্নোলিয়োস মিংকো ইচো দিংঙা য়ুংমি নিমি, আকুহা রোমি সিপাই ইতালি তাওয়া পোল্টনকো ক্যাপ্টেইন নিমি।2আকুহা সেংজাহিং তাচাওয়া দিংঙা নিমি, আসা আকুসো আকো তাংসা প্যাপ্যাম্যাম্যাবিরে সেংজাসো চুসুংওয়া নিমি। আকুহা দিংঙাবিহিংয়া হাইক্রি ঘ্যইনুওয়া হাইরে মোনোপা পিচাপুচাংমি আসা সেংজাহিং হাত্রংদো পাচাইচাংমি।3সাইয়ুহা কোর্নোলিয়োসহা জেইসুংকো ৩ বাজি দর্শনতা সেংজাকো ইচো লোডিংবাকো পোইংহিং আপনিকোতা লেপাওয়া তিংয়ে আসা এপা জাংওয়া হিংয়ে, “ও কোর্নোলিয়োস!”4আকুহা চুসুংপুমসা লোডিংবাকো পোইংহিংয়া ন্যইওয়া-ন্যইওয়া জিংপে আসা জাংয়ে, “প্রভু, জাং!” আসা পোইংহা আকুহিংয়া জাংয়ে, “নাকো পাচাইওয়া আসা জোরোংবিহিং পিচাওয়া দানহা সেংজাকো নাগাইতা দেকামি নিও। ই তাংসাকো আকুহা প্যারাপামি নিও।5নেহা নাতিহা দিংঙাবিহিংয়া জোপ্পাতা নিওয়া পত্রস তাওয়া সিমোনহিং মোউপাকো নিংপু।6আকুহা বেকোংকো কাম জোওয়া সিমোনকোতা য়ুংমি নিও। আকো সাহা ঝাহাদিকো আরিতা নিও।”7এসে জাংতেমসা আকুহিংপা য়্যইদিংওয়া লোডিংবাকো পোইংহা হোপুইয়ে। আকো নোইতাহা কোর্নোলিয়োনহা আপনিকো নিহসো ডেইয়াবিহিং আসা সেংজাহিং তাচাওয়া ইচো সিপাইহিং মোউয়ে। আকু সিপাইহা হাত্রংদো কোর্নোলিয়োসকো জাংওয়া নুওয়াংবি হিংমি8আসা আকুহা আপনিকো দর্শনতা তিংওয়া তাংসা নুওয়াং ল্যামসা আবিহিংয়া জোপ্পা শহরতা নিংপুয়ে।9আকো জুকুংহা আবিহা জেইসুংকো বারো বাজি জোপ্পা শহরকো আবেইতা দেয়োংয়ে। আত্রং পত্রসহা সাকো তোইকো দাইসিতা পাচাইয়াকো হোয়ে।10পাচাইদিংনুওয়া আকুহিংয়া আমা পাংপুয়ে, আসা হাইক্রি চাওয়া আংওয়া তৈয়ার জিংদিংনুওয়া আকুহা দর্শনতা ইচো আআংপেপেচপুক্যইওয়া তিংয়ে।11আকুহা লোডিংবা ওয়েওয়া আসা দিদ্যাই সিংদিসো জিংওয়া চাদ্রি ত্যাবাপা বাসিমতিতা হুইপাদাংওয়া তিংয়ে।12আকু চাদ্রিতাহা তাংসা জ্যাকো দিকো কোকোই নিওয়া সেংচেং-পাচেংবি আসা মোংটোতা বাদাংমসা য়োইংওয়া সেংচেংবি আসা ডিংবাকো জিয়া-জিপেইবি নিমি।13আত্রংহা আকুহা ইচো আওয়াজ হিংয়ে, “ও পত্রস লো, আসা ইবিহিং স্যামসা চা।”14আদো পত্রসহা জাংয়ে, “মোকোমি প্রভু! এপাজিংওয়া হেপা চাকোগা! এপা চামতুওয়া মেংতাওয়া কাহা হাত্রংরে মাচায়াংনা।”15আদো ন্যাসারাং ক্যাহা আকুহিংয়া জাংয়ে, “সেংজাহা হানিহিং চাতুমি তামসা জাংমিনি! আকুহিংয়া নাতিহা হাংপা চামতুওয়া নোমগা।”16সুংকোই চোইপা এপা জিংপুয়ে। আকো নোইতাহা আকু চাদ্রিহা লোডিংবাতা লোচাপুয়ে।17হাত্রং পত্রস ই তিংওয়া দর্শনহা হাংমে তামসা তুংসিংতা আআংপেপেপা জিংমসা নোদিং, আত্রংহা কোর্নোলিয়োসকো নিংপুওয়া দিংঙাবিহা সিমোনকো সা মোমসা লাপুংকো নাগাইতা জায়োংয়ে,18আসা আবিহা, “পত্রস তাওয়া সিমোন ইতা য়ুংদিংগা?” তামসা সিদিংপা উইয়ে।19আত্রং পত্রসহা আপনিকো তিংওয়া দর্শনহিং কোইকো কেংদিংমি। পবিত্র লাংবেহা আকুহিংয়া জাংয়ে, “হিং, লিতা সুংচো দিংঙাহা নাতিহিং মোওদিংয়ো।20লো, আসা লিতা হাতু, আসা হাইরে মোনোপা আবিহিংপা হোতু, হাংপাতানাহা আবিহিংয়া কারাং নিংপুমগা।”21আত্রংহা পত্রসহা লিতা ঊইয়ে, আসা আকু দিংঙাবিহিং জাংয়ে, “নাবিকো মোদিংওয়া দিংঙাহা কারাংগা। হাংকো সোতা নাবিহা ইতা ওয়াংমগা?”22আবিহা জাংয়ে, “ইচো দিংঙা ক্যাপ্টেইন কোর্নোলিয়োসহা কাবিহিং নিংপুমগা। আকুহা চোসোওয়া আসা সেংজাসো চুসুংওয়া দিংঙাগা আসা আকুহিংয়া য়হুদি জ্যাবিরে মান জোমগা। ইচো পবিত্র লোডিংবাকো পোইং আকোতা তিংরেয়ে আসা নাতিহিংয়া আকো সাতা মোউমসা নাকোসো দেরেং হিংকো তামসা লাদিংবাকো পোইংহা কাহিং জাংমি নিও।”23ই হিংমসা পত্রসহা আবিহিং নাপোতা মোউমসা গাপায়ে। আত্রংকো লিসুংহা আবিহা আউতারাং য়ুংপুয়ে।
আকো জুকুং পত্রসহা লোপুমসা আবিহিংপা চিত্তা হোয়ে, আসা জোপ্পাতা নিওয়া প্রভুহিং দেংওয়া ইচো নিহসো এবিরে আকুহিংপা হোয়ে।24সানিহয়ুকো নোইতাহা আবিহা কইসোরিয়াতা দেকায়ে। আপনিকো পামিবি আসা আপনিকো ব্যারোবিহিং মোউমসা কোর্নোলিয়োসহা পত্রস লেরোওয়া তামসা খুইদিংমি।25পত্রস ওয়াংমসা নাপোতা হোদাংনুওয়া কোর্নোলিয়োসহা আকো কোকোইতা নোংয়ে।26আদো পত্রসহা আকুহিং এপা জাংমসা লোপায়ে, “লো, কা আপনিরে ইচো দিংঙারাংগা।”27আত্রংহা পত্রসহা আবিহিংপা য়্যইসুমসা সাকো নাপোতা হোয়ে। আসা আউতাহা আকুহা উইসে দিংঙাবিহিং নাপোতা গাদিংওয়া তিংয়ে।28আত্রং পত্রসহা আবিহিং জাংয়ে, “কাবি য়হুদি জ্যাবিহিংয়া দোসরা জ্যাবিহিংপা চিত্তা য়ুংকো আসা দোসপাকো কাবিকো তাংজিহা কাবিহিংয়া মিচামগা তাওয়া নুওয়াং নাবি তাংসা গেমি নিও। আদো সেংজাহা কাহিং হাংসু দিংঙাহিংনে মেংতাপা মোনোকো তামসা তিংপামি নিও।29আকো সোতা নাতি মোউনতানি হাইরে মোনোপা কা ওয়াংয়ে। নাবিহা কাহিংয়া হাংপা মোউমগা? নেহা জাং।”30আত্রংহা কোর্নোলিয়োসহা জাংয়ে, “সাডিয়ু নাগাই তিন বাজি কাচিতা কা সাতা পাচাইদিংমি, আত্রংহা ইচো দিংঙা চাইচাইওয়া আংদুং লুওয়া কুং আবেইতা জায়োংয়ে,31আসা কাহিংয়া জাংয়ে, ‘ও কোর্নোলিয়োস, সেংজাহা নাকো পাচাইওয়া হিংমি নিও, আসা নাকো জোরোংবিহিং পিচাওয়া দানহিংয়া সেংজাহা প্যারাপামি নিও।32আকো সোতা জোপ্পা শহরতা দিংঙা নিংপুমসা পত্রস তাওয়া সিমোনহিং ইতা মোউ। আকুহা ঝাহাদিকো আরিতা বেকোংকো কাম জোওয়া সিমোনকো সাতা য়ুংমি নিও।’33আকো নোইতা কাহা তাত্রিংপা নাতিহিং মোউয়াকো দিংঙাবিহিং নিংপুয়ে, আসা নাতিহা ইতা চোইপা ওয়াংপিয়ে। নেহা প্রভুহা নাতিহিং জাংওয়া তাংসা নুওয়াংবি হিংকো কাবি সেংজাকো নাগাইতা গামি নিও।”34পত্রসহা জাংয়ে, “আজিপ্পারাং সেংজাহা তাংসাহিং ইচোগা তামসা নোমগা। ই নুওয়াং কা নেহা সিদা চ্যইয়ে।35আদো তাংসা জ্যাতা হাংসু আকুহিংপা চুসুং, আসা এনতাওয়া কাম জো, আকুহা সেংজাকো নাগাইতাহা চোসোপা জিংমগা।36ইশুরাং তাংসাকো প্রভুগা। সেংজাহা আকোসো তিমেওয়া পিচাওয়া দেরেংহা ইস্রাইলিবিকোতা নিংপুমি নিও তামসা নাবিহা গেমিরাং নিও।37য়হুন্নাহা বাপ্তিস্মাকো দেরেং জাংপুনতেনুকো নোইতাহা গালীলসো তেংপুমসা তাংসা য়হুদিয়াকো হুরাপা জিংওয়া কামবিকো বিষয়তাহা নাবিরাং গেমি নিও,38হাংপাতানাহা সেংজাহা নাসরতকো ইশুহিংয়া পবিত্র লাংবে আসা সে আকো তোইতা পিচামি নিও। সেংজা আকুহিংপা নিমকো সোতা আকুহা এনতাওয়া কাম জোমসা তাংসা জায়গাবিতা জেসাং দোইংচাপুওয়াবিহিং সাংপামসা তেইয়ে।39আসা আকুহা য়হুদিবিকো তাংসা লোইবি আসা য়রুশালেমতা জোওয়া কাম কাবি জেংওয়া পোইংবি তিংমি নিও। আকুহিংয়া য়হুদিবিহা ক্রুসতা থ্যইমসা স্যাপে।40আকুহিংনাং সেংজাহা সাসুংয়ুংতা সিপুওয়াসো ঙাপামসা লোপামি নিও, আসা দিংঙাবিহা আকুহিং তিংমি নিও,41তাংসা দিংঙাবিকোতাহা মিতিংয়াতো, আদো আকুহা সিওয়াসো ঙারোনতেনুকো নোইতাহা কাবিহিংপা তিংরেহে। কাবিহা আকুহিংপা গামসা চায়ো, আংয়ো, হাংপাতানাহা তাংসা তিংওয়া নুওয়াংবি জাংকো তামসা কাবিহিংয়া সেংজাহা নাগাইসোরাং জেংপুনতেমি নিমগা।42আকুহা দিংঙাবিকোতা দেরেং হিংপাকো, আসা সেংজাহা ইশুহিংয়া সিপুওয়া আসা মিসিয়াংওয়াবিকো ন্যায় জোকো নিংপুমগা তামসা জাংকো কাবিহিং খুইতেমি নিও।43তাংসা অগমবক্তাবিহা আকো তোইতা জাংতেমি নিও, আকো তোইতা দেংবিহা তাংসা আকো মিংকো সেকো সোতা আপনিকো পাপবি ছমা মুংচাকো তামসা আবিহা নাগাইসোরাং জাংতেমি নিমগা।”44পত্রসহা ই নুওয়াং য়্যইদিংওয়া কোকোইত্তা য়্যইদি হিংবি তাংসা দিংঙাবিকো তোইতা পবিত্র লাংবে উইয়ে।45দোসরা জ্যাবিকো তোইতারে পবিত্র লাংবেকো ঙেরোং হুইওয়া তিংমসা পত্রসহিংপা চিত্তা ওয়াংওয়া য়হুদি প্রভুহিং দেংওয়াবিরে আআংপেপেচপুয়ে।46হাংপাতানাহা আবিহা মোকোইওয়া ক্যাসো য়্যইমসা সেংজাহিং তাচাদিংওয়া আবিহা হিংয়ে।
আত্রংহা পত্রসহা জাংয়ে,47“য়াংবি ত্যাবাপা ইবিরে পবিত্র লাংবে মুংচাওয়া নিও! নেহা ই দিংঙাবিহিংয়া তিকো বাপ্তিস্মা লাংকোওয়া হাংসু য়োইকো চুকোগা?”48আকো সোতা আবিহিংয়া ইশু খ্রীষ্টকো মিংতা বাপ্তিস্মা লাংকো তামসা খুইয়ে। আকো নোইতাহা আবিহা পত্রসহিংয়া সাইয়ু নিহয়ু চোইপা আপনিবিহিংপা য়ুংপুই তামসা জাংচায়ে।
আকো জুকুং পত্রসহা লোপুমসা আবিহিংপা চিত্তা হোয়ে, আসা জোপ্পাতা নিওয়া প্রভুহিং দেংওয়া ইচো নিহসো এবিরে আকুহিংপা হোয়ে।24সানিহয়ুকো নোইতাহা আবিহা কইসোরিয়াতা দেকায়ে। আপনিকো পামিবি আসা আপনিকো ব্যারোবিহিং মোউমসা কোর্নোলিয়োসহা পত্রস লেরোওয়া তামসা খুইদিংমি।25পত্রস ওয়াংমসা নাপোতা হোদাংনুওয়া কোর্নোলিয়োসহা আকো কোকোইতা নোংয়ে।26আদো পত্রসহা আকুহিং এপা জাংমসা লোপায়ে, “লো, কা আপনিরে ইচো দিংঙারাংগা।”27আত্রংহা পত্রসহা আবিহিংপা য়্যইসুমসা সাকো নাপোতা হোয়ে। আসা আউতাহা আকুহা উইসে দিংঙাবিহিং নাপোতা গাদিংওয়া তিংয়ে।28আত্রং পত্রসহা আবিহিং জাংয়ে, “কাবি য়হুদি জ্যাবিহিংয়া দোসরা জ্যাবিহিংপা চিত্তা য়ুংকো আসা দোসপাকো কাবিকো তাংজিহা কাবিহিংয়া মিচামগা তাওয়া নুওয়াং নাবি তাংসা গেমি নিও। আদো সেংজাহা কাহিং হাংসু দিংঙাহিংনে মেংতাপা মোনোকো তামসা তিংপামি নিও।29আকো সোতা নাতি মোউনতানি হাইরে মোনোপা কা ওয়াংয়ে। নাবিহা কাহিংয়া হাংপা মোউমগা? নেহা জাং।”30আত্রংহা কোর্নোলিয়োসহা জাংয়ে, “সাডিয়ু নাগাই তিন বাজি কাচিতা কা সাতা পাচাইদিংমি, আত্রংহা ইচো দিংঙা চাইচাইওয়া আংদুং লুওয়া কুং আবেইতা জায়োংয়ে,31আসা কাহিংয়া জাংয়ে, ‘ও কোর্নোলিয়োস, সেংজাহা নাকো পাচাইওয়া হিংমি নিও, আসা নাকো জোরোংবিহিং পিচাওয়া দানহিংয়া সেংজাহা প্যারাপামি নিও।32আকো সোতা জোপ্পা শহরতা দিংঙা নিংপুমসা পত্রস তাওয়া সিমোনহিং ইতা মোউ। আকুহা ঝাহাদিকো আরিতা বেকোংকো কাম জোওয়া সিমোনকো সাতা য়ুংমি নিও।’33আকো নোইতা কাহা তাত্রিংপা নাতিহিং মোউয়াকো দিংঙাবিহিং নিংপুয়ে, আসা নাতিহা ইতা চোইপা ওয়াংপিয়ে। নেহা প্রভুহা নাতিহিং জাংওয়া তাংসা নুওয়াংবি হিংকো কাবি সেংজাকো নাগাইতা গামি নিও।”34পত্রসহা জাংয়ে, “আজিপ্পারাং সেংজাহা তাংসাহিং ইচোগা তামসা নোমগা। ই নুওয়াং কা নেহা সিদা চ্যইয়ে।35আদো তাংসা জ্যাতা হাংসু আকুহিংপা চুসুং, আসা এনতাওয়া কাম জো, আকুহা সেংজাকো নাগাইতাহা চোসোপা জিংমগা।36ইশুরাং তাংসাকো প্রভুগা। সেংজাহা আকোসো তিমেওয়া পিচাওয়া দেরেংহা ইস্রাইলিবিকোতা নিংপুমি নিও তামসা নাবিহা গেমিরাং নিও।37য়হুন্নাহা বাপ্তিস্মাকো দেরেং জাংপুনতেনুকো নোইতাহা গালীলসো তেংপুমসা তাংসা য়হুদিয়াকো হুরাপা জিংওয়া কামবিকো বিষয়তাহা নাবিরাং গেমি নিও,38হাংপাতানাহা সেংজাহা নাসরতকো ইশুহিংয়া পবিত্র লাংবে আসা সে আকো তোইতা পিচামি নিও। সেংজা আকুহিংপা নিমকো সোতা আকুহা এনতাওয়া কাম জোমসা তাংসা জায়গাবিতা জেসাং দোইংচাপুওয়াবিহিং সাংপামসা তেইয়ে।39আসা আকুহা য়হুদিবিকো তাংসা লোইবি আসা য়রুশালেমতা জোওয়া কাম কাবি জেংওয়া পোইংবি তিংমি নিও। আকুহিংয়া য়হুদিবিহা ক্রুসতা থ্যইমসা স্যাপে।40আকুহিংনাং সেংজাহা সাসুংয়ুংতা সিপুওয়াসো ঙাপামসা লোপামি নিও, আসা দিংঙাবিহা আকুহিং তিংমি নিও,41তাংসা দিংঙাবিকোতাহা মিতিংয়াতো, আদো আকুহা সিওয়াসো ঙারোনতেনুকো নোইতাহা কাবিহিংপা তিংরেহে। কাবিহা আকুহিংপা গামসা চায়ো, আংয়ো, হাংপাতানাহা তাংসা তিংওয়া নুওয়াংবি জাংকো তামসা কাবিহিংয়া সেংজাহা নাগাইসোরাং জেংপুনতেমি নিমগা।42আকুহা দিংঙাবিকোতা দেরেং হিংপাকো, আসা সেংজাহা ইশুহিংয়া সিপুওয়া আসা মিসিয়াংওয়াবিকো ন্যায় জোকো নিংপুমগা তামসা জাংকো কাবিহিং খুইতেমি নিও।43তাংসা অগমবক্তাবিহা আকো তোইতা জাংতেমি নিও, আকো তোইতা দেংবিহা তাংসা আকো মিংকো সেকো সোতা আপনিকো পাপবি ছমা মুংচাকো তামসা আবিহা নাগাইসোরাং জাংতেমি নিমগা।”44পত্রসহা ই নুওয়াং য়্যইদিংওয়া কোকোইত্তা য়্যইদি হিংবি তাংসা দিংঙাবিকো তোইতা পবিত্র লাংবে উইয়ে।45দোসরা জ্যাবিকো তোইতারে পবিত্র লাংবেকো ঙেরোং হুইওয়া তিংমসা পত্রসহিংপা চিত্তা ওয়াংওয়া য়হুদি প্রভুহিং দেংওয়াবিরে আআংপেপেচপুয়ে।46হাংপাতানাহা আবিহা মোকোইওয়া ক্যাসো য়্যইমসা সেংজাহিং তাচাদিংওয়া আবিহা হিংয়ে।
আত্রংহা পত্রসহা জাংয়ে,47“য়াংবি ত্যাবাপা ইবিরে পবিত্র লাংবে মুংচাওয়া নিও! নেহা ই দিংঙাবিহিংয়া তিকো বাপ্তিস্মা লাংকোওয়া হাংসু য়োইকো চুকোগা?”48আকো সোতা আবিহিংয়া ইশু খ্রীষ্টকো মিংতা বাপ্তিস্মা লাংকো তামসা খুইয়ে। আকো নোইতাহা আবিহা পত্রসহিংয়া সাইয়ু নিহয়ু চোইপা আপনিবিহিংপা য়ুংপুই তামসা জাংচায়ে।
The Seed Company