Nzabisili16
Bikoombe bitsambu bya kesi a Nzambi
1Titswene, me anzuhi ndaha mosi yi mifudi yaakamata hu tsyelo a mbuha a ngidi na yaakaleele huli bapofi batsambu: «Yenaani, yapuhaani bikoombe bitsambu bya kesi a Nzambi hu toto!»2Pofi watsomi ayeni, apuhi ikoombe hya nde mu toto. Buuna, mambaadi ma mabi ma na mibaandu maabwidi ŋa yulu a baatu ba baaba na biliimbu bi Ibulu. Bo baana ba baakakongemene ifwita hya nde.3Pofi waboole apuhi ikoombe hya nde mu mubu. Mamba ma mubu maakituhi makila we makila ma mvumbi, na bivaangu bya moonyi byosi bi byaba mu mubu byakwidi.4Pofi wu mutatu apuhi ikoombe hya nde mu banzali na mitswe mi banzali; na byo byakituhi makila.5Na me anzuhi pofi nga lituma ŋa yulu a mamba mu uleele: «We li wa Ngidi, we wu li na wu aba, we, wa Ngidi, mu tooni ati we miisalila butsiitsa bwa we.6Ka bo baapuhi makila ma baatu ba Nzambi na ma mimbihuli. Na we miiva bo makila ma unywa; buuna byafwana mu bo.»7Titswene, me anzuhi diiku la tsuhili bungodu mu uleele: «Eye, Pfumu Nzambi, Pungu matwala, matsundusu ma we mali ma mbuli na maatsiitsa!»8Pofi wu muna apuhi ikoombe hya nde ŋa yulu a taangu. Baaviidi nde muswa wu utsuha baatu mu mbaahu a yo,9na baatu baanyengi mu ibabudu hi hyafulala. Bo baatuhi nduhi a Nzambi wu li na matwala ŋa yulu mapasi mo maana. Ka bo a baasobi mbiili a bo mu uva nde muyusu ve.10Pofi wu mutaanu apuhi ikoombe hya nde ŋa yulu a kiti-ipfumu hi Ibulu, na ipfumu hya nde hyakoti hutso a piipidi. Baatu baakakaha malimi mu tooni munyongi.11Bo baatuhi Nzambi a hu mayulu mu tooni minyongi mya bo na mambaadi ma bo. Ka bo a baasobi mavaanga ma bo ma mabi ve.12Pofi wu musamunu apuhi ikoombe hya nde mu nzali wu munene nga nduhi Efate. Nzali akanyi mu uvangimasa nzila batumi ba bali mu umata hu tsyelo yi taangu yibaapala.13Titswene, me amoni mavupu ma mabi matatu ma maakafwanina na makoto mu upala mu munywa a Darango, mu munywa Ibulu, na mu munywa a mumbihuli wu mapfuta.14Mo mali mavupu matengo ma mu baasa bipadi. Mo mali mu uyamono batumi baa toto yoosi, mu ukuukaha bo mu tooni mudiingu wu ilumbu hiinene hya Nzambi, Pungu Matwala.15Pfumu ti: «Mono, me ndi mu unza we muyibi! Kinya huli wuuna wu li likanda na wu li mu ukeelese bikutu bya nde, mu uveledyenge pene na mu uvelemono tsonyi.»16Mavupu maakuukihi batumi ŋa mbuha mosi yi bubaateele mu ndaha yi Ibeleho Aramangedo.17Pofi wu mutsambu apuhi ikoombe hya nde ŋa yulu livupu. Ndaha mosi yi mifudi yaayuhini hu mbuha a ngidi. Yo yaakapala hu kiti-ipfumu na yaakaleele: «Bumiivangama!»18Hwamonihili mivedi-a-vedi, kele mandaha, na bidumu bi banzyedi, nyingimini a toto yi mifudi yi yaavelemavangama umata pangili a muutu ŋa toto.19Musyenge wu munene akabuhi mu bitini bitatu, na misyenge mi matsi moosi myatsaamuhi. Na Nzambi ayibwili moonyi mu musyenge wu munene wa Babylooni. Nde aviidi nde ikoombe hya nde hya kesi yinono.20Biliiŋa byosi byadimbili, na bisyelo a byabwemonehele ve.21Mvula mamanya ma manene na ma maaleme, abwidi ŋa yulu a baatu. Baatu baatuhi Nzambi mu pasi a mvula mamanya. Mu tooni ati, aba pasi yinene.Wycliffe Bible Translators, Inc.