Bahebeleho1
Nzambi miiyambila huli bisu mu munywa a Mwana a nde
1Hu tsikulu, Nzambi ayambili huli bakaaha ba bisu mu mana ma malahi na mu biyambilili bya pila mu pila, mu minywa mi mimbihuli.2Ka mu mataangu ma tsyelele maniima, Nzambi li mu uyambila huli bisu mu munywa a Mwana a nde. Ni mu nde Nzambi haavaangi tsi yoosi, na amiisoolo nde mubyalili a mukobe woosi.3Mwana mo li mu umwedeme mu muyusu a Nzambi. Nde li ifwaani hi hili mu umweese bu Nzambi ali. Nde li mu usika bisiha byosi bi Nzambi haavaanga mu mambu ma munywa a nde, ma maaluula mu matwala. Hu mbisa a hu nde haatsyemisi masumu ma baatu, Mwana mo amiiyatsahala hu mayulu, ŋa mbahala a Nzambi, Nga matwala moosi.Mwana a Nzambi akulala bapofi
4Mwana na biita li laalutahala li bapofi. Mu tooni a biita mo liina, Nzambi haava nde nduhi yi yaalutahala biita na yi bapofi.5Mu mbuli, huli ki pofi Nzambi haaleele ti:«We ni Mwana a me,me miimbyalisa we lolo yiniiyi?»Na huli ki pofi Nzambi haaleele ti:«Me umba huli nde, Taata,na nde uba huli me, Mwana?»6Ka mu taangu yi Nzambi ali mu utsindaha Mwana a nde watsomi ŋa toto, nde aleeli:«Bapofi ba Nzambi boosi,baafwana ukongemene mu ukuunda nde.»7Mu li litali bapofi, Nzambi aleeli:«Me ndi mu utsalila bapofi ba me,we bu me ndi mu utsalila mavupu,na basalili ba me, we maludi ma mbaahu.»8Ka mu li litali Mwana, nde li mu uleele:«Kiti-ipfumu hya we, Nzambi,yaamiivangama mu bilima na bilima.Likaanda la we li utuma,lili likaanda li butsiitsa.9We atondo butsiitsa, na we abelele bubi,ni mu buuna, Nzambi wu li Nzambi a we,miibyalisa we mu isalu hya nde,mu uyitala we maadi ma musaangu ŋa yulu mutswe,na miisoolo ndulu we, ka a batsyengi ba we ve.»10Nde li mu uleele kaka ti:«Ni we, Pfumu, wu avaangi toto ŋa mbaandu,mayulu mali mavaanga ma myoho mya we.11Biina byosi byudimbala, ka we, we li mu ukwilala.Toto na yulu byusyehe we bikutu bi bikulu;12we upoto byo we iyunga,na buusobo byo we bu bubaasobo bikutu.Ka we, we ukwilala wu avelesobo,na idiingu hya we a hili na tsukusu ve!»13Nzambi a haabila uleele huli mumosi mu bapofi ba nde ve ti:«Tsahala ŋa mbahala a me,natee bu me ukitusa baboho ba we,isuusili hya miilu mya we.»14Mu mbuli, bapofi bali ndulu mavupu ma mali mu usalila Nzambi: Nde li mu utsindaha bo mu uyakumbasa ba buuyaka mukobe liyobolo.Wycliffe Bible Translators, Inc.